شنو المقصووود بالاشهاااار ؟؟

[أم حورية]

عدل كلامج .. دام تزوجت وانكتب انها اصبحت زوجه جدام الله والشهوود خلاص ريلها له حق عليهاا بأي وقت ..

والشغله موشغله عيب ولا مايصير ولا العادات لا .. الشغله من الناحيه الي تفكر فيها البنت .. حلاته تروح حق ريلها واهيا لابسه

الابيض بيوم عرسهاا .. بس لو من ناحية الريال لووووول الود وده يطلع من المحكمه على اقرب فندق

هههههههه ضحكتيني

منورة حبيبتي:eh_s(7):

 

[om-3azo-83z]

ابيه صح كلامج و انا كنت راده بالموضوع شي يغثثثثث
يعني اللي تصير لها حاله وفاه و تسوي عرس خلاص ما تكون متزوجه !!!
تحللون و تحرمون و تفتون بكيفكم ترا من يملج عليها خلاااااااااااااااص ريلهااااا
لو ياخذها من بيتهم الساعه 12 يوديها البحر محد يقدر يقولها لا تروحين ! محد له كلمه عليها غير ريلها
صج اني مع مبدا الدخله بعد العرس بس ما اقول حرام اقول احسن خوفج يصير حمل و تتعب العروس بعرسها و يبين شكلها مداعبات اوكي بس ما توصل لي الدخله و سامحوني على جراتي بس الموضوع باط جبدي

 

[om-3azo-83z]

صدقون بنات في وحده قالتلي مو زين الزوج يدش على زوجته فبيت اهلها ادري بره الموضوع ولما سالت امي تقول صح ما يصير في بركه

 

[glory]

الاخت جلوري الدخول ما يشترط وجودها ابيت الزوجية عمري ماسمعت هالكلام واذا فعلا صح ابي أدلة

اما بالنسبة النفقة فالزوج ملزم من يوم ما عقد عليها ان ينفق عليها بس هذا هم من العرف انها أبيت اهلها اهم اللي يصرفون عليها مو الزوج يعني بالنهاية العادات حكمت انما ينفق عليها

الدين احيانا يرجع حق العادات مو كل مرة بس بالزواج الملحة كافية للاشهار مو الحفلة

وأتوقع ان مجرد ما تصير خلوة بينهم يكون هذا دليل بالدخول والخلوة مو شرط يكون في بيت الزوجية

أنا مابي أتعمق وايد بالدين أخاف يصير بذمتي عموما اذا في شي اتمنى يكون في دليل عشان نتأكد

اشكرك على ردج اللي يدل على اخلاقج العالية :eh_s(7):

يسلمو
*

أختي العزيزة أنا رديت بكلامي على الأخت التي قالت أنها لو طلب ززوجها معاشرته ورفضت تكون ملعونة
وهنا بينت أن الزوج لا يحق له بالمطالبة بحقه الشرعي إلا بعد توفير المسكن والمأكل والمشرب
يعني لو هي رفضت المعاشرة أثناء الملكة لا تكون ملعونة لأن الشرط الشرعي وهو المسكن غير متوفر فقط هذا ما قصدته في ردي
حتى الزوجة اللي صارلها سنين مع زوجها لو انتفى هذا الشرط وهو المسكن يحق لها أن تمتنع عن معاشرة زوجها ولا تكون ملعونة- هذا ما قصدته في ردي
وبالآخر الموضوع كله يرجع للعادات
نحن من عاداتنا أن لا يحصل شئ إلا بعد الزواج وانتقال الزوجة لبيت زوجها بعرس أو بغيره يعني تكون في بيته وليس في بيت أهلها والعادات يجب أن تراعى بجانب الشرع وخصوصا أنه ممكن أن يترتب على مخالفتها ضرر في حال فسخ العقد، يعني بالنسبة للبنت أفضل بدل أن يقال بعد ذلك أنها ليست عذراء مع أنها لم تتزوج - هذا ما سيقال عنها صح والا لا ولهذا وجب احترام العادات
كما أن الإنسان يجب أن يحترم العقود وأولى العقود احتراما هو عقد الزواج
والخاطب عندما يتقدم لعروسه ويكتب عليها معروف ضمنيا أن الدخول سيتأخر عن العقد إلى ما بعد حفل الزواج
ولكن لو حصل شئ بينهما فهو حلال وليس عليه إثم

 

[ماني من الناس]

بالنسبه لسالفه الاشهار يعني واضح من المعنى ان الناس تدري ان البنت انعقد عليها


يعني بنات انتوا اذا ملجتوا تملجون بسكااات

لا اكيد تشهرون عشان الاهل والاقارب وحتى الجيران يستعدون للحفله


وبالتالي لو صار بين الزوج وزوجته شي في الملجه فهو زوجها شرعا وحلال وما يؤثم عليه

 

[بقايا إحساس]

للأسف بعض البشر صارت العادات والتقاليد عندها قبل الدين والشرع..

انا وحدة من الناس زوجي دخل علي بعد ما ملج علي بأسبوعين، وماكنا أصلا متفقين إذا بنسوي عرس ولا لأ، و حتى لو كنا متفقين إنه راح نسوي عرس فما أشوف شي يمنع إنه يدخل علي..
ما أدري شنو الحكمة لازم يدخل علي ليلة العرس وإلا الفرحة ما تكمل؟؟
شنو الفرحة اللي تكون بفض غشاء البكارة للبنت؟؟؟؟
الفرحة في إنج تلاقين واحد قلبه على قلبه، يحبج و يعزج، يخاف الله فيج ويدور رضاج..
العرس مجرد إتمام حق هالفرحة، وفرصة للي يحبونج إنهم يستانسون فيج..
ياريت نرتقي بعقولنا و تفكيرنا شوي، وياريت يصير منظورنا للفرحة أرقى من مجرد فراش و غشاء بكارة!!​

خوش راي تسلمين
بالخصوص فترة الخطوبة احنا عندنا بالبحرين فترة الخطوبة يعني صارت الملجة (بين العقد والزواج هذا خطوبة ) يعني في عقد شرعي حلال
ماادري انتون الكويتيات فترة الخطوبة شنو

 

[بطوووطة$بيضة]

حبيباتي انتوا يابعد قلب قلبي ...كل وحدة يايه من بيئه غير وكل وحدة عندها ظروف بالزواج .....تنفصل عن ريلها سواء عقب الملجة او عقب الزواج تعتبر مطلقه سواء دخل عليها او مادخل.....واللي تقول الريال ماله امان ليش يدخل علي بالملجة ...حبيبتي ياما بنات تطلقوا عقب عرسهم بسبوع وفي ناس عقبه ابيوم ..

 

[ام كوثر2007]

المشكله انه العادااات والتقاليد طغت علي الدين

وقامت الناس تحرم اشياااء حلال بسم الخوف من الاهل او عيب وفشله ..


وانا صراحه ما اشوف فيها شي دامه حلاله ويبيها مافيها شي ..


سواء كانو بدو او حضر كل واحد حسب ظروفه يعني ...

 

[tmtmt]

بيييه من زمان مو راده على موضوع ولا معلقه
بس لفت نظري رد !

تقول اشوف الشي وقاحه !!!!
شي الله محلله تشوفينه وقاحه شلووون
استغفر الله الناس قامت تقط الحجي من غير لا تفكر فيه

شلون شي حلال اشوفه وقاحه !
الله قال اذا هالشي صار لاهو حرام ولا تاخذين اثم فيه ولا عيب !!

ولا تقول تكلمه مشيناها
وسوالف وميانه هم قلنا يالله تمشي

مو انتي الي تمشينه
ربج والشرع قال عادي وحلال
ماقلتي حرام بس تشوفين الحلال وقاحه
!

عيل حتي اذا ملجتوا نطروا لا تقولون حق احد
عيب بعده ماصار ريلج !

 

[UNICORNA]

في ناس استغفر الله مألفتلها دين حقها بروحها و طاقه دين الله بالطوفه!!

اللي تقول احلى ورا العرس اوكي امنا بالله و اللي تقول عادات و تقاليد مشيناها و اللي تقول مو حلوه تحمل بالملجه اوكي هذي شغلات شخصيه كل وحده و رايها و ترا انا مع ان احلى ورا العرس اذا في عرس

بس تيي وحده تقول مجاهره بالمعصيه!!! و تحرضين غيرج عالمعصيه!!!! و حرام و ما يجوز و فتره خطبه تعتبر حتى لو كانت ملجه و الاشهار عندها بالطقطقه و الردح هذي خل تستريح و بدال لا تقعد تألفلها قوانين و احكام شرعيه و تكفر خلق الله خل تحط لسانها بحلجها ابرك

نفس الراى :bbbiu:

كل واحده فاضيه تجلس تحلل وتحرم بكيفها :eh_s(14):

 

[أو عبوش]

الموضوع مامنه فايده


فــــــــــــقــــــــــط لاثاره الفــــــــــــــتــــــــــنــــــــــه



(( الفتنه نائمه لعن الله من ايقضها ))



هني مو مصدر او حق لنا نقول انه حلال او حرام........


هني مجال للتناقش فقط في المواضيع مو تحليلها او تحريمها.........

بعدين في ناس تأيد ...

وناس ترفض ....

والناس تختلف في الرأي بهذا الموضوع .....

وكانت تختلف ......
ومازالت تختلف ....
وراح تختلف لي يووووووم القيامه ..


يعني بموضوعج هذا مراح تصلحين الكون يا اختي...


وكلن له اعتقاده ......

وكلن له عاداته وتقاليده.....


فدعوا الخلق للخالق......




وحتى مسلسلااات سوو لكم ومثلوا على ان البنت لما تملج وتطلع مع ريلها قبل العرس يأثثون شقتهم يدخل عليها من غير علم اهلها ويردها لبيت اهلها ويسوي حادث بالطريج ويمووووت
وعقب تتزوج واحد 2 ويشك فيها لأنها مو بنت........


ما اذكر اسم المسلسل بس اللي دور البنت فاطمه الصفي اتوقع اسمها وزوها مهدي< ما اذكر

محد قال ان مايحل لها عقب الملجه... بس الاشهار في محل اختلاف بالنسبه للناس........ ناس يقولون اشهار بالعرس........... ناس يقولون مجرد نعطي خبر للأقارب بأنه تم زفاف فلان على فلانه.............. وفي ناس جـــك بوووم<< مفاجأه البنت حامل........ وهم كيفهم






وكان بأمكانج تبحثين في قوقل عن اي فتوى ترتاحين لها وتناسب مذهبج وخلاص انتهى الامر..........





وعلى فكره لبعض البنات في فرق بين خطيب........... وزوج



اللي تملج ماتسميه خطيبها تسميه زوجها..........



وبالكويتي ماعندنا كلمه خطيبي .......... لانها دخيله وجديده عالساحه

 

[:حضرية واجد:]

بيييه من زمان مو راده على موضوع ولا معلقه
بس لفت نظري رد !

تقول اشوف الشي وقاحه !!!!
شي الله محلله تشوفينه وقاحه شلووون
استغفر الله الناس قامت تقط الحجي من غير لا تفكر فيه

شلون شي حلال اشوفه وقاحه !
الله قال اذا هالشي صار لاهو حرام ولا تاخذين اثم فيه ولا عيب !!

ولا تقول تكلمه مشيناها
وسوالف وميانه هم قلنا يالله تمشي

مو انتي الي تمشينه
ربج والشرع قال عادي وحلال
ماقلتي حرام بس تشوفين الحلال وقاحه
!

عيل حتي اذا ملجتوا نطروا لا تقولون حق احد
عيب بعده ماصار ريلج !

حبيبتي اظن انتي تقصدين ردي واضح حيل التلميح و القط على اذوني :eh_s(17):

يا قلبي هذي عاداتنا و الوقاحة انا وضحت ليش و قلت اكثر من مرة لان البنت مفروض تستحي على وجهها و انا قلت وقاحة لمن تروح لامها و تقولها يمه ترا ريلي دش علي و انا ببيتكم و عندكم و للحين ما صرت عنده .. مشكلة الناس الي تبي تغير مسار الكلام بكيفها .. رجاءا حبيباتي اقروا ردي عدل مدل قبل لا تطيرونلي تعلقون على كلامي" الواااضح و اكثر من واضح "و هذي اعرافنا الي ربينا عليها و ربو عليها اهلي و انا اتكلم باخلاقياتي و مبادئي و من بيئتي ما غصبتج و لا غصبت اي بنت تقتنع و تطبق الي اقوله او تغير افكارها عشاني و قلت الف مرة ان الريال يدش على مرته قبل عرسهم المحدد ( حلاااااال )
باي لغة فديتج تبين اكتبها ؟ :eh_s(7):

لكن عاداتنا دامها ما تخالف الشرع فما فيها مشاكل اظن بالعكس هذا الصح شدعوة شهالجراة الي على البنت مو قادرة تتحمل هه خلاص تروح بعباتها بيت ريلها و بلا تحديد عرس بلا خرابيط .. و اذا في مواضع و حالات شخصية مثل وحدة تاخذ ولد عمها و لا واحد من اهلها و لا حتى واحد متعرفة عليه و قاضية و تحبه و يحبها و دارسين اخلاق بعض فكيفهم اهني احنا نتكلم عن خصوص مو عموم فلا نعمم على كل البشر و نبي نمشي الحالات الشاذة و دايما ناخذ الشي العام و الشي العام يقول عيب الوحدة تخلي ريلها يدش عليها و اهي مو في بيته و لا عنده ..

و ما قلنا حرام يا قلبي والله ما قلت حرام و لا قلت وقاحة انه يدش عليها انا قلت شلون لها قلب تقول لامها و لا ابوها يعرف احس وقاحة و فشلة و انعدام حياء ( احيانا ) .. و كل وحدة حرة بروحها و كل ناس لهم اطباعهم .. بس لا تيي وحدة تقول انا ريلي احبه و يحبني و خطبني و متزوجين عن حب و دش علي عادي يا بنات !!! .. طيب شكو يا ماما منزلة الموضوع انتي من الحالات الخاصة الي انا ذكرتهم و ريلج دش عليج عن اقتناع و عارفته و عارفج .. و تبين البنات الي اهم يمثلون شريحة العموم يقولون لج والله صح كلامج عادي و العموم عنده عيب البنت يدش عليها ريلها قبل عرسهم شدعوة مو قادرين يتحملون جم شهر ؟؟ < ما قلت حرام والله :eh_s(11):

و بعدين الي تقول ريلي بيروح الحرام و انا عنده احسلي اعطيه الي يبي حبيبتي عيل شلون قبل كان صابر قبلج ؟ قبل لا يملج عليج شلون كان ماسك روحه ..!! غريب عجيب هالتفكير ..


ومكالمات و شوفات ممنوعة ابعض المجتمعات و بكثرة بعد وبصراحة معني اشوفه مرات تخلف بس الحين غيرت نظرتي 360 درجة بسبة التفكير الي وصلوله بعض البنات .. !!
المكالمات للتعارف و دراسة الاخلاق و الافكار و الطباع مو حق الدشة و الدخلة و الامور الجنسية و خلافه .. الدخلة يوم ياخذج ريلج لبيته مو يوم يملج عليج .. !! يوم تكونين عنده و ينفق عليج و يصير ريلج من صج و هذا رايي و في بنت ربي يجزاها خير حطتلكم شروط الدخلة
ان تكونين ابيت الزوجية و زوجج يكون ينفق عليج .. لان بالعقل انتي سمحتي لريلج يدش عليج من بعد اسبوع و لا اسبوعين من ملجتج و مر شهر و لا شهرين و باقي على عرسج بعد و اكتشفتي انه مو كفوج و انه ما يلائم افكارج و لا اخلاقه مثلج بعرف شنو موقفج ..

و في وحدة من العضوات كاتبة مخلية ريلها يدش عليها من ثاني اسبوع ملجة يا ماماتي كيفج يا قلبي و براحتج بس لفت نظري ردج لانج قلتي اذا يحبني و يعزني ليش ما اعطيه الي يبي و الخ يا حبي انتي شلون عرفتي يحبج و يعزج من ثاني اسبوع من الملجة ؛ تبارك الرحمن لا اصكج عين لوووول .. !!

الا اذا ماخذة ريلج عن حب اهني انا اسحب سؤالي و اسحب كلي من السالفة لانج تنتمين للخصوص حالة خاصة مو عامة .. !!

و رجاءا لا تجيني بنت ماخذة ريلها عن حب و لا يصيرلها و تعرفه و طايحة الميانة و تقولي ريلي دش علي ما فيها شي حبيباتي كل وحدة و ظروفها و لا تطبقها على غيرها .. وحدة عن وحدة تفرق ..

بس العموم شيقول ؟!؟!؟! :rerrerek:


و سلامتكم و هاج tmtm :eh_s(17): بردي على قلبج ​

 

[أم حورية]

مشكورين بنات على ردودكم

جلوري مشكورة على التوضيح و كلام صح بس بالنهاية المبدأ مو حرام

ام عبوش الله يشهد أني لما حطيت الموضع ما حطيته الا عشان أوضح ان موحرام ودام ان حلال عيب ينقال عن البنت مو متربية ولو نقرين باجي ردودي تشوفين ان أنا قايلة ان كل شخص له غاداته وتقاليده وانا ما يبت سيرة بدو او حضر او اي مذهب وهذا يعني اني ما تهجمت على احد وبنات ماشالله ردودهم راقية وما تهجمو مع انهم مختلفين معاي بالراي وفي بنات الله يهدأهم كلوني بقشوري واللي سويته كان لوجه الله لان مايصير أشوف شي غلط وأسكت لأني محاسبة على سكوتي لان وايد سمعت بنات يقولون حرام

وانا ما جبرت الكل ان يأيدني او يسوي اللي ابي كل واحد كيفه بس لحد يتعدى على شرع الله والفتاوي ما تختلف بهالموضوع وانا اعرفه ليش اروح ابحث عنه

والبنت اللي قالت خطيبي ردت وضحت انها بحرينية وانهم يسمون الزوج وقت الملجة خطيبي

*

 

[أم حورية]

حضرية واجد مشكورة عالتوضيح :eh_s(7): ومانبي الموضوع ينقلب هواش واهو للمناقشة

و كلامج عدل بس البنت و ومو شرط البنت تكون وقحة او مشفوحة وايد حالات تصير غصبا عنها او تبي ترضي الريل او جهل منها الأسباب وايدة

منورين :eh_s(17):*

 

[:حضرية واجد:]

حضرية واجد مشكورة عالتوضيح :eh_s(7): ومانبي الموضوع ينقلب هواش واهو للمناقشة

و كلامج عدل بس البنت و ومو شرط البنت تكون وقحة او مشفوحة وايد حالات تصير غصبا عنها او تبي ترضي الريل او جهل منها الأسباب وايدة

منورين :eh_s(17):*

لا فديتج ان شاء الله ما يقلب هواش لان الاختلاف بالراي لا يفسد للود قضية و كل وحدة ووجهة نظرها
و مدري شفيني من اقرا ردودي بنقاش احس روحي معصبة لووول :eh_s(22): ​

 

[mrs.abk]

إحنا عندنا عيب

وبخبرج شيء حبوبة

الزواج شيء والعقد شيء ثاني

الزواج العرفي مثلا زواج شرعي وبدون عقد

بس موب مقبول أبدا أبدا .. لأن فيه ضياع حقوق .. ضياع حق الزوجة والعيال .. وبسبب أضراره وصلت المسألة للنهي عنه برغم إه حلال ..


والعقد في المحكمة في أعرافنا إحنا يالخليجيين .. هو خطبة رسمية .. موب زواج .. والعرف يغلب يا حبيبتي .. العرف هو ما يعترف به المجتمع من أمور .. وينأخذ بحكمه بقوة في الشرع

العرف الاماراتي والخليجي يقول إن الملجة هي فترة خطوبة وليست فترة نكاح ..

لها السبب وبحسب العرف لا يجوز إن يتم فيه نكاح .. خاصة لو تم هالنكاح بدون إستئذان أو معرفة الولي

ليش يا حبوبة ؟؟؟ لأن الولي يعتقد ويجزم وعقد العقد على هذا الاساس ,, إنه ما بيكون فيه دخلة ونكاح قبل موعد الزواج

لكن إن صار هالشيء بدون معرفة الولي بيضيع حق البنت في لحظة طيش من الشاب .. وبيضيع حق الولي في صيانة شرفه اللي بتمرمط في حلوج الناس ولو كانت البنت مالجة لأن العرف اللي سائد في المجتمع يعتبر الملجة مجرد خطوبة وموب مقبول هالتصرف فيها


عرفتي حبوبة القصد .. وفي النهاية رأيج يخصج وحدج .. المجتمع ما يعترف فيه .. والعقل الخليجي ما يتقبله .. تقدرين إنتي تمارسين هذا التصرف في حياتج الشخصية .. وتدافعين عن نفسج لو تعرضتي لمأزق

بس موب مقبول إنج تعتبرينه راي عام وإن البقية متخلفين وما يعرفون يفكرون

شذوذ الرأي عن القاعدة ليس بالضرورة أن يكون زيادة فهم .. من الوارد جدا أن يكون رأي فااااضي


ز\وسلامتج

 

[(( الذهب ))]

والله صاجه ما فيها شي من ناحيه الشرع لانه صار فيه قبول وتسجيل بالمحكمه وبموافقه ابوها واخوها
بس التقاليد اهي اللي تحكم علينا اننا ننطر لين يوم العرس
بعدين ترا تاريخ الزواج يختارونه يعني لو يغيره ياخره او يقدمه نفس الشي معرسين معرسين ^^
يعني العرس تحصيل حاصل ^^

 

[:حضرية واجد:]

إحنا عندنا عيب

وبخبرج شيء حبوبة

الزواج شيء والعقد شيء ثاني

الزواج العرفي مثلا زواج شرعي وبدون عقد

بس موب مقبول أبدا أبدا .. لأن فيه ضياع حقوق .. ضياع حق الزوجة والعيال .. وبسبب أضراره وصلت المسألة للنهي عنه برغم إه حلال ..


والعقد في المحكمة في أعرافنا إحنا يالخليجيين .. هو خطبة رسمية .. موب زواج .. والعرف يغلب يا حبيبتي .. العرف هو ما يعترف به المجتمع من أمور .. وينأخذ بحكمه بقوة في الشرع

العرف الاماراتي والخليجي يقول إن الملجة هي فترة خطوبة وليست فترة نكاح ..

لها السبب وبحسب العرف لا يجوز إن يتم فيه نكاح .. خاصة لو تم هالنكاح بدون إستئذان أو معرفة الولي

ليش يا حبوبة ؟؟؟ لأن الولي يعتقد ويجزم وعقد العقد على هذا الاساس ,, إنه ما بيكون فيه دخلة ونكاح قبل موعد الزواج

لكن إن صار هالشيء بدون معرفة الولي بيضيع حق البنت في لحظة طيش من الشاب .. وبيضيع حق الولي في صيانة شرفه اللي بتمرمط في حلوج الناس ولو كانت البنت مالجة لأن العرف اللي سائد في المجتمع يعتبر الملجة مجرد خطوبة وموب مقبول هالتصرف فيها


عرفتي حبوبة القصد .. وفي النهاية رأيج يخصج وحدج .. المجتمع ما يعترف فيه .. والعقل الخليجي ما يتقبله .. تقدرين إنتي تمارسين هذا التصرف في حياتج الشخصية .. وتدافعين عن نفسج لو تعرضتي لمأزق

بس موب مقبول إنج تعتبرينه راي عام وإن البقية متخلفين وما يعرفون يفكرون

شذوذ الرأي عن القاعدة ليس بالضرورة أن يكون زيادة فهم .. من الوارد جدا أن يكون رأي فااااضي


ز\وسلامتج

:eh_s(15): :eh_s(9): :rerrerek: لووول​

 

[~ كرز ~]

كلي دلع

تجاهر في الهياتة للبحر ؟؟!!!!

يا سلام سلم الحين وحدة تطلع مع زوجها و ولي امرها البحر صار مجاهرة لايكون ذنب و انا مادري
و لا تبينها ماتشوفه و لا تعرفه و لما يتزوجون تنصدم بالشخصية

هذا شرع الله اهم من الاعراف و العادات








يسلمو عالموضوع

 

[أم حورية]

Mrs abk كلامج عالعين والرأس وفعلا مجتمعنا يرفض هالشي بشدة بس أنا تحجيت من ناحية دينية بحتة واهو ان هالشي حلال بغض النظر عن المجتمعات ويمكن هالشي فيه ضياع من وجهة نظرنا إحنا يالبشر بس لازم تعرفون شي مهم واهو ان عمره ما كان الحلال ضياع حقوقنا مستحيل الله يظلم الانسان بشي سواه بالحلال وحتى لو صارت من وراه مشاكل الله ماراح ينساه

وارد أعيد أنا ضد هالفكرة مو معاها بسمايصير احرم او أتهجم على غيري بس لان الفكرة ما تعجبني او لان المجتمع يرفضها

وما أظن لما أوضح الحلال يكون رأيي فاااضي لان أنا وضحت راي الدين مو رايي

وانتي كل اللذكرتيه بالعرف وانا ذكرت وجهة نظر الديييييييين

وانا ما قلت عن احد متخلف ولا قلت ان اللي يسوونه غلط والدليل ان ما ذكرت لافئة ولا مذهب ولا شي بالعكس طلعت وحدة وقالت عن اللي تطلع مع زوجها مو متربية يعني ما تهجمت على احد ولا قلت ان العادات غلط قلت الغلط ان نحرم الشي باسم العادات

*وبغيت اسأل سؤال........ انتي قلتي العرف يغلب ،، هل العرف يغلب على الدين ؟ *