شنو المقصووود بالاشهاااار ؟؟

[Judy . abbot]

بس بعلق على رد الاخت كلي دلع
شنو اتجاهر بالهياته عالبحر
حبيت اقولج كيفهااا وخل تهيت معاه لي لي الفير حلالها
مره وريلها توهم متزوجين وبيستانسون شالمشكله


وانا ردي قبل وبعد
بالشرع حلالهاااا وكيفهااااا ومحد له حق يقول لها مو متربيه
بس يفضل الوحده تنطر العرس بحكم حتي مو عادات وتقاليد لانها مو اهم من الدين
بس لانه ماتدرين تصير مشاكل وينفصلوون او اي شي من هالقبيل
ولانه فتره الملجه فتره التعاااارف كل واحد يعرف الثاني
واهيا صجج احلا ايااااام ونااسه

 

[أم حورية]

كلي دلع انا من البداية قلت مابي تهجم وانا لو ابي الهواش جان ذكرت اسمج بس انا ذكرت الموضوع بشكل عاام لان من زمااان وانا ما ظلمتج لاني ماقلت انج قلتي جذي انا قلت كلام وكنتي انتي جزء منه واهو انج قلتي حق البنت انها مو متربية وفس غيرج قال ان حرام

ومو شرط الوحدة تقول حرام اشكرة لما تقول الاشهار من شروط الزواج واهي ريلها دخل عليخا من غير اشهار كلامها مل يعني ان ارتكبت حرام ؟؟؟


وانا قلت كلام سمعته من كذا بنت كنتي انتي من بينهم يعني انا ما جذبت

انا معاج ان بالعرف ما يصير بس اذا صارت تصير البنت مو متربية ؟؟؟خل نفرض العكس خل نفرض انها رفضت لانها متربية تدرين شتطلع ؟ ؟؟؟؟؟؟؟ تطلع ملعوووونة لام النبي عليه الصلاة والسلام يقول اللي ينام زوجها وهو موراضي عنها تصير ملعووونة ؟؟ مو معقولة هالتناقض ان عشان لاتصير ملعونة تصير مو متربية عمره الدين مايناقض بعضه

*وبعدين شلون الوحدة تبتعد عن الشبهة ؟ عممممره الحلال ماكان شبهة وهذا حلالااااااال

وارد اقول كلامي مايعني ان انا مأيدة بس مايصير نعترض على شرع الله


حضرية واجد

مو معناته لما الريال يدخل على مرته بالملجة انها مشفوحة لان اساسا بالكويت والخليج البنت ماعندها هالجرأة اللي توصل فيها لي مشفوحة لان الحالات اللي تصير اكيد اغلبها تكون غصبا عليها وطلب من الريال نفسه لان تحديد العرس مو بيدها بيد الاهل واهي مو بيدها تجدم العرس ومو بيدها ترد الريال لان يمكن يلجأ للحرام وبجذي اهي راح يكون لها ايد ان يروح للحرام ومرته موجودة

واهي دام مشت بالحلال الله ماراح ينساها سواء مات او طلقها او قطها او او او

يعني اللي بوصله ان حلال ويمكن ماتصير الا مجرد مقدمات وانا معاكم ان الريال ما منه امان بس الواحد مايصير يعمم *

 

[الزيـــــ^^ـــــن]

بالشرع والدين حلاااااااال

لكن بالعادات والتقاليد والعرف عندنا عيب ،،،!

 

[ام يوسف2011]

اي حبيبتي هذي كلي دلع الي قطت هالكلام علي الله يسامحها

عندها ان اي وحده تطلع مع زوجها وتروح وترد معاه بالبحر

والسينمات والمطاعم وان يقعد معاها بروحهم او يدخل عليها

تصير بنت مو متربيه واهلها ماعرفوا يربونها عشان جذي

قتلها تفكيرج متخلف كان المفروض تقول موحلوه او

عن نفسها مستحيل تسوي جذي بس ماتتهمني اني

مو متربيه صح وله لا ؟ هذا زوجي وولد عمي وهو

ماخذاني عشان يخليني والحمدلله والله اني مااتحسف

ان دخل علي بفترت الملجه وهو علي فكره ماتغير

حسيته حبني اكثر وصرنا قراب من بعض حيييل

وعلي فكره مرت ولد عمي كانت حامل بالملجه

وسبحان الله طاح .. وبعدين الاخت كلي دلع تقولي

اني اجهر بطلعاتي مع ريلي وانا ارد عليها ان الجهر

بالمعصيه حرام وهذي مو معصيه هذا زوووجي

علي سنة الله ورسوله اهيا بالنسبه لها ان فترت الملجه

مو زواج ولو شنو حتي يمسك ايدها .. هذا غلط

لان عند الله حلال ولااازم مانفضل العادات والتقاليد

علي الدين مو ؟!!

اقولج يا كلي دلع تري الله فوقج والكلام الي قلتيه

عني راح تتحاسبين عليه ..

 

[AL-DMERA]

قبل العرس ولا بعد العرس هذي حريه شخصيه ,,
ألاحظ إنكم متنرفزاآت وكل وحده بتفرض رايهاآ غصب ,,
الموضوع هذا حريه شخصيه بين الزوجين كيفهم يدخل عليها قبل العرس ولا بعد العرس شي راااجع لهم ,,
والطلاآق بيصير قبل ولا بعد العرس إذا الله كاتب إنهم مايكملون مع بعض ماآراآح يكملون سواآء دخل عليهاآ قبل العرس ولا بعده ,,
وبعدين الأهل إذا اهم رضوا إنها تطلع معااه قبل العرس فلازم يتحملون اللي بيصير لأن شي بالعقل زوجين واطلعوا وبالحلال أكيد بيصير شي سواء كبير ولا صغير ,,
فحبيبآتي كل وحده تحط راآيهاآ ووجهة نظرهاآ بدون عصبيه ولحد يفرض رايه عالثاني لأن لكل أنسان وجهة نظر ونحترمها لأن الموضوع ماطلع برا الشريعه بالعكس لاهو حراآم ولا شي ,,
ثـ,ـآنكــٍس ,,

 

[دلوعة صلوح]

عارفين انة مو حرام بس الافضل والاحسن ورة العرس منعا للمشاكل.

 

[-فلانة-]

للأسف بعض البشر صارت العادات والتقاليد عندها قبل الدين والشرع..
انا وحدة من الناس زوجي دخل علي بعد ما ملج علي بأسبوعين، وماكنا أصلا متفقين إذا بنسوي عرس ولا لأ، و حتى لو كنا متفقين إنه راح نسوي عرس فما أشوف شي يمنع إنه يدخل علي..
ما أدري شنو الحكمة لازم يدخل علي ليلة العرس وإلا الفرحة ما تكمل؟؟
شنو الفرحة اللي تكون بفض غشاء البكارة للبنت؟؟؟؟
الفرحة في إنج تلاقين واحد قلبه على قلبه، يحبج و يعزج، يخاف الله فيج ويدور رضاج..
العرس مجرد إتمام حق هالفرحة، وفرصة للي يحبونج إنهم يستانسون فيج..
ياريت نرتقي بعقولنا و تفكيرنا شوي، وياريت يصير منظورنا للفرحة أرقى من مجرد فراش و غشاء بكارة!!
​

 

[ام يوسف2011]

في بنات يقولون ان الريال ماله امان وانا اقول كلامكم صحححح

صح الريال ماله امان بس مو كلهم بالنسبه لي ريلي هو ولد عمي

ويبيني مم اسنين وكان واايد محترم حتي ماكلمني قبل الزواج

وبعد الزواج عقب ماطاحت الميانه وعرفت اهو شنو وتعرفنا

علي بعض اكثر حسيت ان يستاهل هالشي وخاصتا ان ملجتنا

طويله تقريبا ٤ او ٥ اشهر لان شقتنا مو زاهبه انا اقول

اذا كان الريال يستاهل وبعد ما عرفتيه عدددل وحسيتيه

ان اذا ماسوا هالشي معاج بيسويه مع غيرج بالحرام

بهالحاله لازم تسمعين كلامه بس حطي شروط ان

لو شنو تحملين يعني يقذف برا والشرط الثاني ان

ماتلبسين ملابس مغريبه مثل قميص النوم .. وهذا

الي صار معاي .. انا كتبت قصة حياتي عشان الاخت

كلي دلع تفهم وياليت مثل ماقالت جدام الكل اني مو متربيه

تعتذر جدام الكل ..

ومشكوووره صاحبة الموضوع .

 

[glory]

السلام عليكم ورحمة الله وبركاته

أنا سأتكلم بالموضوع من ناحية دينية ومن ناحية العرف

أولا الإشهار المتعارف عليه عندنا هو حفلة الزواج لكي يتم به معرفة كل الناس أن الزواج تم
ثانيا الملكة لوحدها لا تعتبر إشهار، حتى ولو كانت حفلة لأن الشرع يحتكم لنصوص الشرع وللعادات والتقاليد مع بعضهما
ثالثا وردا على الأخت التي قالت لو طلبها زوجها بعد الملكة ورفضت تكون ملعونة فهذا كلام مناف للشرع
لأن من شروط تسليم المرأة نفسها لزوجها وجودها في بيت الزوجية والإنفاق عليها وإذا لم يتواجد هذان الشرطان فليس له الحق بالمطالبة بحقوقه الشرعية
رابعا بما أن الإشهار يكون بحفلة الزواج وهو المتعارف عندنا فمن الطبيعي أنه لو تم الطلاق في هذه الفترة ممكن جدا أن الزوج يدعي أنه لم يتم الدخول ولا تستطيع البنت إثبات عكس ذلك
فالأفضل للبنت أن لا تتهاون في هذه الفترة حفاظا على نفسها من أي طارئ يطرأ في العلاقة بين الزوجين بأن لا يتم الاتفاق ويطلقها وأصلا من الأفضل أن لا يتم الدخول إلا بعد ذهابها لبيت الزوجية فالدخول معناها في الشرع وجود الزوجة في بيت الزوجية
ولكن لو حصل بينهما شئ يجب أن تخبر البنت أهلها بذلك ليكونوا على علم بالموضوع
وإذا كانت تستحي تكلمهم فمن الأفضل أن لا تفعل الشئ الذي تستحي منه

وبعدين أصلا الزوج ما دام أخذ اللي بده أياه من الزوجة صارت حفلة الزواج ما الها بهجة وليلة الدخلة بينهم كأنها ليلة عادية وما لها طعم ولا الزواج له طعم

يعني بالعربي كل شي بوقته حلو

 

[Lourdez]

في ناس استغفر الله مألفتلها دين حقها بروحها و طاقه دين الله بالطوفه!!

اللي تقول احلى ورا العرس اوكي امنا بالله و اللي تقول عادات و تقاليد مشيناها و اللي تقول مو حلوه تحمل بالملجه اوكي هذي شغلات شخصيه كل وحده و رايها و ترا انا مع ان احلى ورا العرس اذا في عرس

بس تيي وحده تقول مجاهره بالمعصيه!!! و تحرضين غيرج عالمعصيه!!!! و حرام و ما يجوز و فتره خطبه تعتبر حتى لو كانت ملجه و الاشهار عندها بالطقطقه و الردح هذي خل تستريح و بدال لا تقعد تألفلها قوانين و احكام شرعيه و تكفر خلق الله خل تحط لسانها بحلجها ابرك

اي والله صاجة

 

[صعب اكتم احساسي]

جبتيها عالجرح انا نزلت موضوعي برمضان
وكانت مشكله بيني وبين اهلي على هالموضوع
مع انه مادخل علي ومتفقين مايصير شي الا بعد العرس بس اهلي متوقعين انه دخل علي
وضحت بالموضوع انها فتره ملجه=زوجي على سنه الله ورسوله وقلت انه مادخل علي وانا مو مضطره اجذب لان محد يعرفني بالمنتدى اصلا
وقلت اني مع انه احلي بعد العرس لاننا مجتمع خليجي بس عشان قعدت معاه والباب مقفول والباب انقفل لان كذا مره اهلي يدرعمون بدون استئذان حتى لو ماصار ذاك الشي ناس مخطوبين ياعالم ادرعمون عليهم ردوا علي اني ماراعيت اداب الملجه واني غلطانه واللي قالت حرام يعني ابوي يقولي قعدي معاه والباب مفتوح بالله هذي تعقل مخطوبين والباب مفتوح سمعت كلام مثل السم بس الله كريم الحمدلله على حال

 

[أم ميميتو]

انا احس مافيها شي لان مجرد ما تصير الملجه خلاص صارت حلاله بس اذا الوحده مو حابه يدخل عليها الا بعد العرس عادي بس لو دخل عليها بعد الملجه حلال مو حرام

 

[أم حورية]

ام يوسف & الدميرة& فلانة& دلوعة صلوح & الزين

مشكورين على ردودكم الراقية

وانا مو معصبة عليهم شخصيا وبالعكس احترم عادات كل فئة من بدو وحضر بس ما حبيت كلمة مو متربية نهائيا

ولا سالفة تجاهر بالهياتة و مابي افرض رأيي على احد

وام يوسف عجبتني مع ان ما أأيد هالفكرة بس انتي اول شي كنتي عارفة ريلج وثانيا حطيني شروط تضمن حقج واهي انج ما تحملين*

 

[أم حورية]

الاخت جلوري الدخول ما يشترط وجودها ابيت الزوجية عمري ماسمعت هالكلام واذا فعلا صح ابي أدلة

اما بالنسبة النفقة فالزوج ملزم من يوم ما عقد عليها ان ينفق عليها بس هذا هم من العرف انها أبيت اهلها اهم اللي يصرفون عليها مو الزوج يعني بالنهاية العادات حكمت انما ينفق عليها

الدين احيانا يرجع حق العادات مو كل مرة بس بالزواج الملحة كافية للاشهار مو الحفلة

وأتوقع ان مجرد ما تصير خلوة بينهم يكون هذا دليل بالدخول والخلوة مو شرط يكون في بيت الزوجية

أنا مابي أتعمق وايد بالدين أخاف يصير بذمتي عموما اذا في شي اتمنى يكون في دليل عشان نتأكد

اشكرك على ردج اللي يدل على اخلاقج العالية :eh_s(7):

يسلمو
*

 

[ام يوسف2011]

العفو حبيبتي والشكر لج علي الموضوع ..

وصج يا بوقته لازم الكل يفهم ان مو حرام وان الملجه اشهار

والعرس اهو مجرد حفله .. تدرين عاد مره سالت ريلي قتله

لو بنتك يدش عليها ريلها بالملجه شتسوي تعصب ؟

قالي وانا شكو اعصب انا صج ابوها بس اهو ريلها

وكيفهم هذا قرارهم وانا مو غبي اقط بنتي علي اي ريال

اكيد الريال متفهم وبيصونها واكيد بسال عنه وبقعد معاه

واذا عرفت ان زين ويستاهلها بعطيه بنتي فعشان جذي

عادي هذا ريلها حلالها وهما احرار والي تطيخ مرته

من عينه وله يطلقها بعد هالشغله هذا معناته ان

مو زين وكان لاعب لعب مع البنات قبل الزواج استغفر الله

 

[أم حورية]

العفو حبيبتي:eh_s(17):

 

[سفيره الكويت]

باختصار دام ملج عليها زوجها وحلالها وكلام الناس تخليه ورى ظهرها وتمشي لانها مو قاعده تسوي شي حرام ولا عيب

 

[نور خانوم]

عدل كلامج .. دام تزوجت وانكتب انها اصبحت زوجه جدام الله والشهوود خلاص ريلها له حق عليهاا بأي وقت ..

والشغله موشغله عيب ولا مايصير ولا العادات لا .. الشغله من الناحيه الي تفكر فيها البنت .. حلاته تروح حق ريلها واهيا لابسه

الابيض بيوم عرسهاا .. بس لو من ناحية الريال لووووول الود وده يطلع من المحكمه على اقرب فندق

 

[سفيره الكويت]

اي


يعني انتي حاطه موضووعج.

عشان الحلال والحرام صح!؟


دام كذا عيل حرام عليج

تظلميني

وتبهتيني


لاني انا صاحبه الرد


اللي ماعجبج

واتا ماقلت حرام

اتقي الله في اللي تنقلينه


ترا الجذب حرااااام


انا قلت


غلطط

وموحلووو

ومايصيييرر

واعتقد كلل البنات ردهم مثل ردي


وكا فيه رد فووقي تقولج لا موحلوو

ماا اايد؟!!!


يعني انا كلامي موخطااا


الحمدالله والشكرر متربيه واعرف الزين من الشين



لكن

لكن


لماتدش وحده مايعجبها ردي >بذاك الموضوع


وتقول عني متخلفه

وتحط فيني عيوب لان ردي ماياااز لهاا

وبعدين يقولولها البنات


غلط يدش عليها بالله خلاها وطلعت حامل!


تقول عادي تروح المحكمه ترفع قضيه!!!

وتسوي الدي ان؟!؟!!


وين قااعدين احنااا؟!؟

احنا بالكويت موبمصرر

ندش محاكم ونسوي دي ان!

شنوو هذاا؟!؟

شلي يحدهاع جذي؟!؟


من الاساس لايدخل عليهاا

وتختصر اليمكن والياااليت!!!!


بعدين لما تقول

انتي متخلفه

وحجريه

وغلط

وعاداتكم وتقاليدكم> تطنز ع ابو انكم بدو!!

وتقول واي ياحلاه ايام الملجه كنا ع البحر لي الفجر!!


اتطنز ع عاداتنا وتقاليدناا!

وتجاهرر في الهياته ع البحر؟!؟

اي وانا صاجه

واقولهاافي الفم المليااااااااااااااااااااان


مافي شي اسمه يدش عليج قبل العرس

بلازوجي بلا بطيخ



وع فكررره

صاحبه المووضوووع

اللي حطت الموووضوووووع تسال فيه


ردت وقالت انها قالت لزوجهااا مستحيل تلمسني


وانه استاااانس وقال كبرتي بعيني!!!

اعتقدراايهااا اهو الرد ع اللي ماعجبه رايي

وردي للموضووع وشوفي


وانا مالي حق

احلل واحرم

والحلال بين والحرام بين

والعاقل السوي

يبتعد عن الشبهاااات

عفوا انا عدوي شي اسمه العادات والتقاليد عندي يا حلال ياحرام غيير جذي مافي اما انتي للاسف

ولا مره شفت لج رد ايجابي يا تشتمين ياتحقدين على فلانه وعلانه يا ردودج سلبيه بالموضوع

:eh_s(10):

 

[أم حورية]

باختصار دام ملج عليها زوجها وحلالها وكلام الناس تخليه ورى ظهرها وتمشي لانها مو قاعده تسوي شي حرام ولا عيب

اي والله صاجة

اسعدني مرورج حبووبة

:eh_s(7):