مقابلة ظابطات الامن بالمدارس

[ام ملاك2]

بنات منو دقوا عليها بعد غير الي ساكنين بالجهرا ومنو الشركة الى ماسكة منطقة الفروانية

 

[*sweetgirl*]

اب اب اب

 

[AL-DMERA]

آنا اختي سجلت ودقوا عليهاآ ,,
اللبس قالولهاآ أي شي من عندج بس يكون لونه ازرق بكحلي ,,
بنطرون نفنوف تنوره عادي أي شي ,, نفس مدرساآت الألعاب بس فرق إنهم أبيض بأسود ,,
والخميس قالولهاآ تداوم ,,
اهي بالعارضيه ,,
والحين قاعده تسوي أجرائات الفحص ,,
وكل مدرسه فيهاآ وحده بس ,,
وتداوم من 6ونص ليما نهاية الدواااام اهي آخر وحده تطلع ,,
ووووبس هذا اللي عرفته منهاآ ,,
وعلى فكره اختي معاهأ شهادة متوسطه ,,
موفقين ,,

 

[اسيره.الظلام]

حبايبى وين التقديم وين نروووووووووح وهل مفتوح التسجيل للحين

 

[anjood]

وين صايره الشركة الي توظف في محافظة الفروانيه

 

[التوق]

صح المعاش حلو بس أحس الوظيفة تخوف يبيلها وحدة لها قلب

 

[أحلى عيون]

هلا اخواتي ولله الحمد والمنه اليوم اول يوم لي بالشغل


الي يقول ملابس ومادري شنو انا لبست عباتي وعليها القميص العسكري الازرق الفاتح واذا طلعت شلته وحطيته بالجنطه



مافي شغل الحمدلله وايد بس تتمشين واي طالب يطلع من الحصه تسالينه شعندك يعني بس تخوفين الطلبه انه في مراقبه عليهم


اي سؤال عن هالوظيفه انا بالخدمه والي تقول لبس


اللبس مثل بنات الثانويه بالضبط

 

[أحلى عيون]

آنا اختي سجلت ودقوا عليهاآ ,,
اللبس قالولهاآ أي شي من عندج بس يكون لونه ازرق بكحلي ,,
بنطرون نفنوف تنوره عادي أي شي ,, نفس مدرساآت الألعاب بس فرق إنهم أبيض بأسود ,,
والخميس قالولهاآ تداوم ,,
اهي بالعارضيه ,,
والحين قاعده تسوي أجرائات الفحص ,,
وكل مدرسه فيهاآ وحده بس ,,
وتداوم من 6ونص ليما نهاية الدواااام اهي آخر وحده تطلع ,,
ووووبس هذا اللي عرفته منهاآ ,,
وعلى فكره اختي معاهأ شهادة متوسطه ,,
موفقين ,,

عدل اللبس نفس كلام اختج


بس الدوام الصبح انا اتفقت مع الناطره لاني اودي عيالي علي سبعه ونص

والخروج اطلع وحده وربع لاني اجيب عيالي


واهيا قالت لي يسدون عنج مشرفات الجناح

 

[الجوريات]

الف مبروك يااحلي عيون علي الوظيفه تصدقين انا مع دبلوم وفكرت اشتغل ضابطه امن احس اسمي مطول بالديوان وانا بحاجه الوظيفه اشرايج مع العلم اني من سكان المنطقه العاشره والي فهمته المنطقه العاشره مافيها تسجيل صح*

 

[الشامخة بوطنها]

هلاا اختي شجعتيني ابي اسجل شلوون وين اروووح

 

[الزيـــــ^^ـــــن]

هذي اهيا وظيفه مراقبات الكاميرا ولاغيرهآ،،،؟؟؟

لاني قدمت ع الوظيفه من شهر7اللي فااات بششرق برج المواش

وقالو ندق عليج 12/1 ولا دقوا ا وكل مره يأجلوون مادري ليش .،،؟!!

هل قبلوا بدون ولابس كويتيات

 

[التوق]

في وحده شفتها بالثانوية بلشت لا لبس موحد ولا شي لابسة عباية وميك آب كامل وتفتر بالمدرسة
ومرت خآلي إدارية تقول بمدرستها النآظره حاطة مكتب ظآبطة الأمن جدام الحارس وتقول شغلج وشغله وآحد
والمره منقبة تقول ماأقدر آنا منقبة تقولها مو شرط تقطين نقابج !

 

[الشامخة بوطنها]

هذي اهيا وظيفه مراقبات الكاميرا ولاغيرهآ،،،؟؟؟

لاني قدمت ع الوظيفه من شهر7اللي فااات بششرق برج المواش

وقالو ندق عليج 12/1 ولا دقوا ا وكل مره يأجلوون مادري ليش .،،؟!!

هل قبلوا بدون ولابس كويتيات

اختي جم رقمهم حق مراقبات كاميرات فية تسجيل

 

[*sweetgirl*]

انزين بنات في تسجيل ولا لا

وجم معاش المتوسط ؟؟

ودي اسجل بس احس فكره اني حارسه تفشل خخخ بس ميخالف اذا معاشها يسوى وانا ابي دوام مدارس

 

[ام ملاك2]

انا قدمت بس مادقوا علي ماادري ليش معني كل الشروط تنطبق علي ماعدا اني من سكان منطقة العاشرة ومنطقة العاشرة لا الاحمدى فيها ولا مبارك الكبير منو سجلت وهي من سكان منطقة العاشرة واقبلوها ومتة يحطون مشرفات بالمنطقة العاشرة

 

[.،:"$الـعـوبــــة$":،.]

حلوه فكره امن بالمدرسه،

بالذات الصبيان،

وبنات المتوسط والثانوي،

وياليت تشدون عليهم شوي،

احسن خل يخافون بعض المتمردين ويدرون فيه احد وراهم وممكن يصيدهم!

والله انا احاتي ادخل ولدي حكومه بسبة السوالف لللي اسمعها !

بس عقب هالسالفه باذن الله برتاح نفسيا ،

عساكم عالقوه ، ​

 

[AL-DMERA]

حلوه الوظيفه صرآحه ,,
بس أختي تقول أحس الناظره ماكانت مستعده ولا فاهمه شي عن شغلتنا ,,
يعني المفروض الوزاره داقه عالمدارس ومبلغتهم إن في وحده بتجيهم ويعلمونها شغلتها وشنو تسوي ,,
أغلب اللي سمعتهم إن النااظراآآت ماعندهم خبر عن هالوظيفه ,,
وكل ناظره قامت تحط شغل من راسهاآآ ,,

 

[نوروظلام]

ياابناات العاصمه انا لبسي قميص ابيض وتنوره سودااء ... وجاكيت اسود .. بس احب ان يكون عندي خبره بشغلي كضابطه .. ابي وظيفة عملي بالتحديد موادارة اتلمدرسه اهي اللي تقرر .. ياليت يكون للتربيه ارشااد بهالشي.. بحيث انهم ينزلون تعميم على كل المدارس بتحديد عمل ضابطة الامن .. حتى مايكون في خلاف .. اتمنى هالشي .. بس مادري شلون اوصله ..وشاكره لكم

 

[الجوريات]

ايه اختي اكيد من حقج انه يكون لج وظيفه معينه مو تجي الناظره وتتفلسف عليج تعطيج شغل غير شغل الاساسي جذي بعتقادي راح تكثر المشاكل

 

[نوروظلام]

صحيح .. بس كيف اوصل هالشي للناظره .. مولازم نشره رسميه لمهام الضابطه ؟ .. وين القاها .. وياليت التربيه هي اللي تنشر هالشي على مدارسها .. ونرتاح .. ماابي من اول مباشرتي للعمل يصير تصادم معاهم واحراج بيني وبينهم ..