اسودت الدنيا في وجهي

[سكوتي بذوقي]

اختي تقولين طرقت كل الأبواب

نسيتي شي واحد رحمة ربي واسعه

صلي وادعي ربي إنه يسخره لك ولبنتك

لاتقارنين نفسك بزوجته الأولى إذا غاب عنك ولا مر عليكِ

اهتمي بنفسك غيري بشكلك اهتمي في بنتك

لاتجلسين تقولين سوى لها وماسوى لي

الله يسخره لك يارب

 

[ام الحلوااات]

اللــــــــــه يـــعـــيـــنـــج ويــــســـخــــــــره لــــج​

 

[مسك اسود]

انا رايي من راي الخوات اللي قدمولج النصايح

 

[Miss^NeozZ]

:// الله يعينج

 

[الزيـــــ^^ـــــن]

حبيبتي نصيييحه لاتخلييين كل همج زوجج انتي رضيتي تتزوجينه واهو متزوح وعنده عياال

خلاص ارضي بالامر الوااقع وعيشي حياتج اطلعي ونسي بنتج فجي عنه شوي علشان يحن لكم

اذا كنتي موموظفه توظفي غيري من نفسج

 

[روح مغليها]

الاستغفااااار هو دوائك

 

[ام العامر]

والله لاتفكرين بالطلاق والي استنجته انه بالمرتين سبب الطلاق حنتج شكلج حننانه والرجال يمل من المره الي تحن عليه لانك بتخسرينه وبتكرهينه فيك ....
براي انسي زوجته الاوليه شنو جابلها شنو حطلها وعيشي حياتك مع بنتك وحاولي توفريله جو اذا جا خليج علي طول مرتبه وخلي سوالفج وياه مواضيع عاديه وفرفشه بجذيه راح ينجذبلك مو ليش جبتلها وش حطيتلها بينغث وعليج بالدعاء والله يعينج

 

[أم ميميتو]

شلون قدرتي تعيشين بدون بناتج

 

[أم ميميتو]

جد انا مستغربه اذا قلبج يتقطع على بنتج هاذي وما تقدرين تعيشين بدونها قلبج ليش ما تقطع على بناتج الي خليتيهم عند ابوهم

 

[LadY BuG 80]

جد انا مستغربه اذا قلبج يتقطع على بنتج هاذي وما تقدرين تعيشين بدونها قلبج ليش ما تقطع على بناتج الي خليتيهم عند ابوهم

انا بعد لفت انتباهي لمن قالت ما اقدر اعيش بدونها .. ما ادري زعلت على الثلاث الي قبلها ليش فراقهم كان اهون

كلهم بناتك !! ادري ما يخصني هشي لاكن استغربت من تعليقك انه قلبك يتقطع عليها و هي قدامك !

الله يفرج همك و يجمعك ابناتك :eh_s(17):​

 

[om-3azo-83z]

اعتبري نفسج قاعده بفندق قدي بعذاب زوجج ولا مذله اخوج اهم شي بنتج بحضنج و عساه ما يزورج اهم شي موكلج مشربج و صارف عليج و شتبين بالخدامه و انتي ما عندج الا بنت و زوجج بسنه مره يزورج وين الشغل؟
عليج بالدعااااااء و حاولي تكسبينه

 

[غــــرآآآم]

بصرااااحه عندددي سؤآآآآآآل
غرررررررريب
اممممممممممم
ليش كاتبة مشكلتج باللغة العربية؟؟؟
​

 

[غــــرآآآم]

..............................​

 

[سارة ة]

الله يفرجهاا عليج

 

[Queenleo]

اول شيء استخيري
انج تطلقين منه او لا
وثاني شيء انتي من وين وووين عايشه؟
لان بالكويت عندنا الحضانه لأم عند الطلاق واذا تزوجت الام تروح الحضانه للجده من صوب الام
يعني مايقدر يهدد بهالشيء
بس اقولج عيشي واستانسي
بعد شتسوين ابوج تعب واخوج مايبيج
وين بتروحين
اسمه عندج شقه بروحج ووبنت
واستغلي غيابه بطاعه الله وان شاء الله ربي بيعووضج بعيالج

 

[دانة قطـر]

ماتكسر خاطري اي وحده تاخذ الريال من مرته وعياله واتي تقارن روحها بالاوليه هم ماخذه ريلها وهم محتره منها ..!!!

حبيبتي شنو هالمنطق هي ماباقت الرجال متزوجة على سنة الله ورسولة والشرع حلل اربع العيب في الرجال ما عرف يعدل بينهم وهذا حسابه عند الله عظيم قال عليه الصلاة والسلام : من كانت له امرأتان فَمَالَ إلى إحداهما جاء يوم القيامة وشِقّه مائل . رواه أبو داود والترمذي . . والمقصود هنا الذي لا يعدل في النفقة والمبيت وليس في الحب وهوى القلب ، فلا أحد يملك القلوب سوى رب القلوب
وانصح اختي صاحبة الموضوع ان تنصح زوجها بالتي هي احسن وتوضح انه يعدل بينهم لانه واجب عليه مب بكيفه لانه هذا ظلم لج وكلمي زوجته وقولي لها إِنَّ اللَّهَ يَأمر بِالعدل والأحسان وحرَّم على عباده الظلم وتوعد الظالمين بالعقوبة في الدنيا والآخرة والله سبحانة وتعالى أمر بالعدل بين الزوجات وجاء الوعيد في ظلم بعضهن على حساب بعض
خلج قوية ولاتضعفيين وقعدي في بيتج وربي بنتج واحتسبي الأجر عند الله سبحانه وتعالى ربي يفك كرربتج ياااارب

 

[قطوووة]

اطلبي الحل من رب العالمين

 

[أو عبوش]

مطلقه

لج 3 بنات من الزوج الاول............... ومازالوا عنده


تزوجتي متزوج...




حط لج شقه بروحج....... وهالشي حلو


عندج الان بنت منه.........





يمكن زوجته الاولى لها عيال واجد........... فتحتاج خادمه



وانتي بنت وحده........ وتبين شغاله مو عشان تعبانه....... عشان تبين نفس مرته





انا اقول وفري جوّ للرجل

ولا تقارنين نفسج في مرته الاولى


تزوجك يبي يجدد حياته


لا تنكدين عليه





والاختيار لج

 

[washwoshh]

ماتكسر خاطري اي وحده تاخذ الريال من مرته وعياله واتي تقارن روحها بالاوليه هم ماخذه ريلها وهم محتره منها ..!!!

معاج

 

[كويتية بروما]

الله يفرجها عليج