©«-.¸¸.-»© ¶ *رابطة المتكممات* ¶© «-.¸¸.-»© الجزء الثالث

[تيناا]

اهم شي مجرد تحسين انه المعده امتلأت توقفي فورا

 

[سـما]

اختي سما كفت ووفت بسا نا بضيف شغله .. دكتورة التغذية عطتني اول اسبوع اشرب 120 مل وثاني اسبوع 250 مل عشان المعده ترا وااايد حساسه باول اسبوعين وايد وايد يعني ديري بالج

حبيبتي تيناا
150 مل باليوم !؟ لاول اسبوع
و 250 مل باليوم !؟ لثاني اسبوع !؟


انا كنت اشرب اكثر !
ما علي خوف !؟

 

[تيناا]

سما ياقلبي ١٢٠ مل كل ساعه او ساعتين على طول اليوم يعني ما اشرب اكثر من ١٢٠ مل في المره الوحده وطبعا عادي طول اليوم اشرب يعني مثلا الحين اخذلي ١٢٠ مل شوربه ماي دجاج مصفيه وبعدها بساعه او ساعتين اشرب ١٢٠ مل عصير تفاح وهكذا ..

بالاسبوع الثاني تزيد الكميه الى ٢٥٠ مل وبنفس الطريقه طبعا مع ادخال الروب والحليب واللبن اللي تعتبر اكثر كثافه وغير شفافه ، وطبعا الروب تاخذين قفشتين تجربينه اذا تتقبله معدتج او لا . واكرر اهم شي بمجرد الشعور بالامتلاء او الشبع توقفي فوراً لان المعده تكون حساسه ولاتقاء خطر التسريب بعيد الشر عنكم كلكم *

 

[تيناا]

سما حبيبتي باذن الله ماعليج خوف احنا الحين تعدينا مرحلة خطر التسريب

 

[تعبت من الرجيم]

اكتشفت ان عصيري ٢٥٠ ملي فاتحته من امس بليل الفجر لي اللحين ماخلصته!!


وشي ثاني حبه المعده الي عطاني اياها الدكتور اسمها جاسك٢٠ يبيني اكل ع الريق والحبه جنها مضاد شكلها المشكله ماتذوب بروحها انا اكسرها لازم وان كسرتها يبقي الحبيبات الصغار ماتذوب ابد وقمت اكسرها بحلجي واشرب وراها ماي عادي؟

 

[** آية من الجمال **]

يا قلبي انتي
والله مادري شنو اقول لج
كلامج اثر فيني حيل
اتمنى ان اكون دائما عند حسن ظنكم
الله يخليكم لي ويحفظكم ويرزقكم من كريم فضله ورضاه

وضحكتيني لما قلتي انج مجهزه اللابجين حق الركض ههههههه

نصيحتي لج
1- تصلين ركعتين بالركعة الاولى تقرين ايه قل يا ايها الكافرون
وبالركعة الثانية تقرين ايه قل هو الله احد
وبعد ما تسلمين
تقرين دعاء الاستخاره ( اذا مو عندج ابحثي عنه بالقوقل ).
اقريه واستشعري معانيه يعني اقريه بضمير مو قرايه عاديه

وبعدها
2- استشيري 3 من اهل العلم والاختصاص ومن تثقين بهم وبحكمتهم
ورايهم هو اللي يريدك الله ان تفعليه وتو فيه خير باذن الله

3- اعزمي و توكلي على الله
وطبقي ما قالوه الثلاثة


هذي شروط الاستخاره
وابحثي عنها بالقوقل لقراءة التفاصيل




ثقي بالله
باان لو كان بها خير لج بقدرة الله سبحانه امج راح توافق
وراح تتسهل الامور بشكل لا تتخيلينه

انا مان زوجي رافض بشده بشده
لان ابو صديقه قبل سنتين بغى يموت وقعد بفرنسا كم شهر
ولاعندنا وحده توفت الله يرحمها
وواحد امي تعرفه يغير بعد اسبوع اكل وانبطت معدته الله يرحمه

فما تتخيلين شكثر كانت الاجواء فيها رفض

للامانه امي كانت وافضه لكن مو بشده
ولما شافتني افكر بجدية بالموضوع هي بعد فكرت فيه بجدية وواقعية بعيد عن التهويل والخيال
وضعي الصحي بدا فيني ضغط ولازم انزل وزني عشان ان فكرت احمل مره ثانيه
حاولت انزل وزني شهر كامل مع الدايت سنتر ما نزل ولا كيلو
مخاولات فاشله وصرت ثقيله حيل
حست بمعاناتي وفكرت مره ثانيه
ولما تسمع عن العمليه تركز على التجارب الناجحة مو مثل فبل كانت تركز على النتائج السلبية
لقت ان في بالمقابل اللي ضعفوا وتغيرت حياتهم ونجحت عمليتهم

انا شفت
امي بدت تلين حسيت انها بشرى من الله
كنت ادعي على طول

قلت بروح للدكتور اللي نصحني فيه دكتوري اللي ولدني
مومعقوله بريفيسور ومن زمان بالكويت بيقص معدته عن اي دكتور عادي
اكيد انه اختار دكتور ممتاز
اصلا لما نصحني كتب لي اسم الدكتور ورقمه وقال لي سوي عنده
يعني ما نصحني بالعمليه بشكل عام وبس

هالكلام صار له سنه تقريبا
يوم نويت اسوي بحثت عنه
واكتشفت ان الهيفي كان قبل اكثر من 15 سنه هو ثالث دكتور بالعالم يسوي عملية المرارة بالمنظار
والاثنين اللي قبله من امريكا
يعني هو اول عربي مسلم
حتي قبل الاوربيين
ماشاء عليه تبارك الرحمن

وقريت بعد انه مكتشفت الخياطة التغليفية للمعدة بعد قصها
وانه يجونه اطباء حتى من الشرق الاوسط عشان يحضرورن عملياته عشان يشوفون طريقته
هالكلام قبل سنتين تقريبا

بعدين قمت اسال الناس وكلن يمدحه ماشفت اخد ذمه للامانه
ولما اسمع خبر مو زين عن احد مسوي العمليه احاول فد ما اقدر ان اتاكد منو مسوي له العمليه هل الهيفي او لا !!
وللامانه العنزي خالد والهيفي ما سبق ان سمعت عنهم اخبار مو زينه
والعنزي خالد معاي بتويتر جدا مريخ بتعامله لكن انا ارتحت للهيفي اكثر وكان قدري اتي اسوي عنده
والحمدلله الى كل حال

حبيبتي "سما"

تدرين مادري شقول لك والله إني أقرا ردك حق "منوشات" أتأثر عيوني تدمع من روعة كلامك وبعدها أقرى ردك علي ..... واسحب :eh_s(2):

والله إني أعجز عن التعبير عشان شذي تلقيني آخذ وقتي ... وأقرا كلامك أكثر من مرة هذا طبيعي

بالنسبة لدعاء الإستخارة فأنا حافظته عن ظهر قلب وأقوله كدعاء أيضا...

أشكرك الشكر الجزيل على كلامك الرائع ودعمك المعنوي لي...

أنا زوجي أيضا رافض ولكن ليس كرفض أمي... بس يقولي لاتحنين :eh_s(4):

أمي >>>>> انسي الموضوع لاتيبين لي طاري ، وهذي ماتت وهذي انتحرت وكله في بالها الأشياء السلبية ... وتشوفني تعبانه وأحاول أشرح لها ... ماكو تقولي قللي أكل ...الخ نفس الكلام

:0bee2e8d89:

انزين امشوا تعالو معاي >>>>> لاتسمعون مني سمعو من الدكتور >>>>> أبد وربك واحد اللاء خاصة عند أمي ما تثنيها

أبي موافقة أمي رغم إنه موافقة الزوج أبدي وأولى!!! بس هذي أمي ما أقدر!!! أبي موافقة (زوجي وأمي) بالذات والباقي ما يهمني أبد

إي تذكرت تخيلي قالت لي نطري سنة حاولي فيها >>>>> أبييييييييييييييييييه :krkrkr:

بسوي بنصيحتك لي (1-3) وكلي أمل وثقة برب العباد إنه ما راح يخليني وصدقيني رغم ما أواجهه إلا إني كلي ثقة وربي ... إني بسويها بسويها بسويها بإذن واحد أحد

اللهم آمين يا رب العالمين عاجلا ليس آجل يا أرحم الراحمين :yaaaaaarb:

 

[ام عيالي]

صباح الخيربنات
اشلونكم ان شالله بخير يارب
الجو واير حلو ماشالله
الله يدوم علينا نعمة الامن والامان ياااارب
اتصدقون اتصلو المستشفى العسكري اليوم يقولون تعالي دخولج المستشفى بتسوين عمليتج
ضحكت والله قلتلها انه سويتها لي شهرين جان تنصدم يحليلها
الله معاهم ما يشوفون شر انه ضعفت وخلصت واهم يقولو توهم تعالي يحليلهم مستسفياتنا اشغال شاقه ننطرهم سنه ويمكن اكثر يعني ذل بذل

 

[bee alh]

تيناا ريحتيني الله يريحج دنيا واخره انا بروحله يوم الثلاثه انشالله يكون موجود
انتي حطيتي هذي الماده ؟ ومتى دخلتي المستشفى يوم العمليه ؟

 

[تيناا]

تيناا ريحتيني الله يريحج دنيا واخره انا بروحله يوم الثلاثه انشالله يكون موجود
انتي حطيتي هذي الماده ؟ ومتى دخلتي المستشفى يوم العمليه ؟

حبيبتي عيادته الاحد و الاربعاء مو الثلاثا ..

انا حطيت المادة اي والحمدلله ماصارلي اي تسريب ..

موعدي بالورقه كان يوم 9/10 وهو اليوم اللي دخلت فيه المستشفى طبعا بعد ماشافني دكتور التخدير رحت وسجلت دخولي بالمستشفى وغرفتي ومر علي الدكتور الظهر وسوولي بعض الفحوصات بعدين طلعت ورديت الساعه 8 بالليل و كانت عمليتي الصبح 10/10 يعني العملية تكون ثاني يوم دايما ..

طبعا انا قبل العملية باسبوع رحتله وسالته جم سؤال وقلتله ابي شنو اغراض العمليه كتبلي ياهم ورحت شريتهم وجبتهم معاي المستشفى بالليل قبل العمليه والحمدلله كل شي تم بسلام ..

واي سؤال انا حاضره :eh_s(7):

 

[تيناا]

صباح الخيربنات
اشلونكم ان شالله بخير يارب
الجو واير حلو ماشالله
الله يدوم علينا نعمة الامن والامان ياااارب
اتصدقون اتصلو المستشفى العسكري اليوم يقولون تعالي دخولج المستشفى بتسوين عمليتج
ضحكت والله قلتلها انه سويتها لي شهرين جان تنصدم يحليلها
الله معاهم ما يشوفون شر انه ضعفت وخلصت واهم يقولو توهم تعالي يحليلهم مستسفياتنا اشغال شاقه ننطرهم سنه ويمكن اكثر يعني ذل بذل

ام عيالي صباح الورد
الله يدوم علينا نعمة الامن والامان ياااارب
شلونج وين هالغيبه ؟

 

[** آية من الجمال **]

بنات لاتتردون بالعمليه
صلوا استخاره وابذلوا الاسباب
واتكلوا على الله
العافيه تبي اللي يتعب عليها
اغلبنا اتجهنا للعمليه نبي نعدل وضعنا الصحي
لان السمنة مررررض
اتعبج نفسيا وجسديا
فعلا هي ولاده روحيه مثل ما قالت وحده من البنات
انا بالعمليه صارت معاي مضاعفاات
وصار تسريب وتعبت وفعلا وقتها ندمت
بس كنت اتشجع عالشيطان
واقول قدر الله ماشاء فعل
واللهم لا اعتراض
والحين الحمدلله ندمت اني ماسويتها من قبل
لان الرشاقه شعور حلو
وتحسين انج كسبتي صحتج
نفسيتج تتغير
تزيد ثقتج بنفسج
اموووور كثيره ايجابيه تتغير فيج للاحسن

اتكلوا على الله ولا تترددون
ولا تخاااااافون

مشكورة أخت بسنت على كلامك الطيب

صدقيني أنا كل يوم تزيد قناعتي بالعملية عن اليوم إللي قبله

أكيد السمنة أم الأمراض الجسدية والنفسية

بس قاعدة وأنتظر هاليوم :bbbiu:

الولادة الروحية من كلام أختنا الغالية "سما"

أجر وعافية ... ما تشوفين شر

متي صار التسريب مباشرة بعد العملية؟ وإلا بعد مدة؟ وشلون تمت المعالجة؟

الله يشافي جميع مرضانا ومرضى المسلمين

 

[bee alh]

** آية ** حبيبتي وين مسويه عمليتج واي دكتور ؟؟
وسبب التسريب كان من اكلج ولا اثناء العمليه

 

[بسنت88]

الله يسلمج ايه

بعد ماطلعت من المستشفى كان فيني تعب مو طبيعي
قلت يمكن هذي اثار العمليه
وحيل تعبانة وحرارتي ترتفع
وياعمري خواتي يكمدون فيني
وترجع ترتفع الي ٣٨ وشي
رحت للمستشفى ودكتوري مسافر
بينا مسجات وخلا دكتور الطوارئ يفحصني
قالي الدكتور هذا احتقان ماله علاقه بالعمليه
طبعا عطاني ٣ محاليل مغذي ومضادات حطوها لي بالمغذي
بس الفحص والمغذي والابره حسابي ١٠٠ وشي
بعد المغذي حسيت روحي ردت لي
ووصف لي الدكتور ابر مضاد كل يوم ابره ناسيه كم يوم
لاني ٣ ايام مع ابر المضاد ومانزلت الحراره
بعدين قالي سوي اشعه مقطعيه وهنا بين معاه تجمع ماي تحت المعده
يا بنات الم طبيعي يارب لك الحمد عالعافيه
انا قعدت المستشفى الخاص يمكن ٥ ايام صايمة ما اشرب شي
عايشه عالمغذي والمسكنات
ولما جا من السفر حولني على مستشفى حكومي
ومن هناك ودوني بالاسعاف لمبارك الكبير
ركبولي بربيش بمكان التجمع
وتركيب البربيش ماساه بروحها
ركبوه لي وانا واعيه وصراخي واصل لاخر المستشفى
مع اني والله حيل صبوره بس الصبر له حدود
البربيش فتحه بالمكان اللي فيه التجمع
لما اتحرك احس الالم بقلبي من كثر الالم
وطبعا حظي الحلو ماقعد يومين
طاح البربيش يمكن من دفاشه الممرضات لما بدلوا الكيس
الدكتور يقولي اول مره تصير ان البربيش يطيح
قلت له اللهم لا اعتراض
طبعا لما ركبوا البربيش
الدكتوره شفطت التجمع لانه كان حيل متكتل
امبيه يابنات ثقيل اثقل من الروب
تقولي مو راضي ينزل بشفط اغلبه
وبعدين لما طاح البربيش ظلعت كميه من تجمع الماي
عطوني مضادات علشان تشيله
والحمدلله راح الالم والوجع
طبعا انا زين ماذبحت الدكتور
قلت لها هذا تسريب ولا شنو
يقول لي يمكن تسريب اول العمليه
ويمكن نزيف بسيط وسكر
لانه سوالي فحوصات كلها تقول المعده مسكره
والحمدلله على كل حال
*

 

[ام عيالي]

هلا والاه تينا
حبيبتي ما شر ان شالله بس امتحانات العيال والنفسيه مأثره علب عقب العمليه لي الحين
بس اتابعكم بي اتعايز اكتب احس ابي ابجي دايما مادري ليش
الحمد الله علا كل حال

 

[krkosha]

بنات انا حايشني اكتئااااااب موطبيعي والله كل بالفراش وكله احس اني ماراح اضعف مع اني للحين بمرحله السوائل


بس صج صج احس اني ماراح اضعف وخصوصا ان وزني واقف فحدي ضايق خلقي

 

[تعبت من الرجيم]

بنات انا حايشني اكتئااااااب موطبيعي والله كل بالفراش وكله احس اني ماراح اضعف مع اني للحين بمرحله السوائل


بس صج صج احس اني ماراح اضعف وخصوصا ان وزني واقف فحدي ضايق خلقي

بمرحله السوال وتقوسين وزنج!!!!!!:eh_s(4)::eh_s(4):
كركوشه لاتقوسينه الا كل 10 ايام بعد انتهاء المرحله او نقول اسبوع ،، اما كل يومين جذي تري ماينفع ،،والافكار السلبيه شيليها عن راسج ،،

 

[تعبت من الرجيم]

بنات الي سوتها من الثقب الواحد،،
لما شلتوا لزقات العمليه فيها خياط؟ يعني لو اروح العياده يشيل اللزقات بيشيل خياط او مافي؟
شي ثاني بعد ماشلتوا اللزقات اختفي الم السره وقدرتوا تتحركون طبيعي؟ لان احاتي دوامي حيل بدعت فيه

 

[ام عيالي]

ويييي حبيبتي بسنت ماتشوفين شر اجر وعافيه
والحمد لله علا كل حال
اهم شي الحين تديرين بالج علا روحج وما كو الا العالفيه ان شالله

 

[badlya]

هلا اختى تعبت من الرجيم الحمدالله على السلامه ولا تخافين مافيه خياط مكبوس ولا فيه عوار بس الحذر من السبوح اول اسبوع وما تشوفين شر

 

[الريم30]

بناتو ابي اضعفً مت نفسيهً زفت وامساك حتهً وجهيً نفر بنات سلون اعالجً وجهي يلوعً الجبدً