بنتي بتروح من ايديني

[سحري بخفة دمي]

اخاف معاها ضروره!! وديها عند شيخ

انا مع طيوبه يمكن فيها ضروره لانه ها الحاله مرت فيها خالتي طلعت مستضره وعالجوها واااااااااااايد حتى النفسي ودوها وادويه طبيعيه ومطاوعه يقرون عليها تمت سنتين او سنة ونص على ها الحاله بس الحمدلله بفضل الله سبحانه
وحتى يوم افتشو لها قالو مستضرة فاره من محل لين محل قالت ايه
تقول كنت بالمطبخ مقتاضه مع مرت حماها وقالت لها كلام غثها اهي اقتهرت وطلعت من المطبخ ويييين عا الحمام قامت تصيح هناك
مو زين الصياح بالحمام ومن يومها وهي حالتها حاله جنه فيها وسواس مغتلقه وتصيح ما تدري ليش وتهذر باشياء ما لها معنى والله ضاقو زوجها واهلها تعبو
بس الحمدلله مرحله وراحت ويييييييييييييي ذكرتيني بكل شيء

ياااااااااااااااااااااااااااااااااااااااااارب بحق محمد وال محمد تشافيها وتعافيها وتردها لصحتها يا رب

 

[أعرفك نفسي]

اكيد رفيجاتها يعايرونها والسالفة واضحة اهي تقولج بلسانها انها تتضايق انها تشوف رفيجاتها يقرون ويكتبون واهيا لأ
انتي دورج هني تعززين ثقتها بنفسها
اول شي ابدي فيه الشكل ،، قوليلها انج بتشركينها بشركات التغذية عندج لو فات عندهم اشتراك للاطفال
قوليلها جذي عشان تستانس وتضعف بنفس الوقت وتحس انج مساندتها
وبالدراسة قوليلها انج بتدخلينها معهد تقوية او تحطين مدرس خصوصي لها انتي ومقدرتج بكيفج عشان تتحسن
ونطري شوي لا تستعجلين بالطبيب النفسي
وقعدي سولفي معاها ساليها من شنو بالضبط خايفة وشيلي فكرة الموت من راسها وونسيها قد ما تقدرين لا تحطين شي بخاطرها
وترا يمكن عندها تغيرات هرمونية اسم الله عليها يمكن بتبلغ وبداية سن مراهقه
وما تشوفون شر انشالله

 

[الغنج والدلع]

ودي استشاري نفسي واذا ماتبي تروح انتي وابوها روحو واشرحي له حالتها وخليه يعطيج حلول وعلاج سلوكي لها ومع الرقيه يمكن فيها عين شغلي البقره في البيت الله يشافيها ياقلبي عليها توها صغيره الله يشفيها

 

[تمرة]

اكيد رفيجاتها يعايرونها والسالفة واضحة اهي تقولج بلسانها انها تتضايق انها تشوف رفيجاتها يقرون ويكتبون واهيا لأ
انتي دورج هني تعززين ثقتها بنفسها
اول شي ابدي فيه الشكل ،، قوليلها انج بتشركينها بشركات التغذية عندج لو فات عندهم اشتراك للاطفال
قوليلها جذي عشان تستانس وتضعف بنفس الوقت وتحس انج مساندتها
وبالدراسة قوليلها انج بتدخلينها معهد تقوية او تحطين مدرس خصوصي لها انتي ومقدرتج بكيفج عشان تتحسن
ونطري شوي لا تستعجلين بالطبيب النفسي
وقعدي سولفي معاها ساليها من شنو بالضبط خايفة وشيلي فكرة الموت من راسها وونسيها قد ما تقدرين لا تحطين شي بخاطرها
وترا يمكن عندها تغيرات هرمونية اسم الله عليها يمكن بتبلغ وبداية سن مراهقه
وما تشوفون شر انشالله

:eh_s(7):


السلام عليكم أختي صاحبة الموضوع
اسم الله عليها بنيتج الله يخليها لج مافيها إلا العافيه..آنا مع الأخت أعرفك نفسي كلامها طيب
هي تحتاج تعزيز الثقة في نفسها ... واللي فيها نتيجه موقف تعرضت له في المدرسة وهذا الشي واضح حيل ..وبشطارتك انت يا الماما تقدرين تعرفين منها اللي مضايقها يمكن حلمانه بالموت والعمرهذا مرحلة انتقالية (( الله يحفظها لج ويبلغج فيها حبيبتي )) فعشان جذي خليج دايم معاها ويوم اللي تقول لج عن الموت قولي لها الموت الله كاتبة لكل الناس بس بطريقة ما تخرع على العموم انت بعدي عنها هالافكار بطلعات العاب أو سينما او حتى تشترين لها سيديات وانت حفزيها على القراءة والكتابة و على ما اعتقد في احد مكلمها في المدرسة بقصد او بدون قصد لأنه مثل ما قلت لج هذا العمر صعب مرحلة انتقالية في الشخصية وتلاقينها حيل تأثرت وانعكس عليها وعلى نفسيتها ....

ولا تنسين القرآن والرقية عشان تهدي شوي حضنيها واحتويها

الله يخليها لج ويبلغك فيها اهي وخوانها معاريس عسى ربي يطمنك عليها
ويحفظها لج :yaaaaaarb:

 

[ام فجر3]

مشكورين على الردود الطيبه
حاولت اعرف شفيها وعطيتها الامان قلت لها شصاير عليك علميني وراح احل مشكلتك مهما كانت وبسامحك اذا كنتي غلطانه
واحترت حتى الناس اللي عندي حيروني ناس يقولون وديها دتور وناس يقولون رقيه وبالنسبه للظروره اهي يوم العيد في المول تهاوشت مع اختها على الوجبه وصاحت وكلتها واختها ماقصرت عايرتها بالمتن وشالت القهر بقلبها لين جات وعلمتني
والله احترت شالسالفه اوديها دكتور الاخصائيه قالت لي وديها بس لاتعطينها ادويه ومدرساتها ماشالله عليهم متفهمين والمديره ملاك واحن عليهم من امهم فاتحه غرفتها لهم وتراقبهم المدرسه نموذجيه ومااقدر اغيرها

 

[أعشقه]

الله يشفيها يارب ..
شكل بنتك عندها اكثر من خوووف .. مخاوفها كثيره مع ان عمرها تو صغير والي بعمرها مايفكرون بتفكيرهااا..
ربي يحميها لك .. انتي لازم كل يوم تجلسين معها وتستمعين لها وتشوفين وش عندها واكيد تقدرين تحلين لها كل مخاوفها بمساعدت ابوها واحد من الاهل لو سمعت الكل يقول لها نفس الكلام يمكن تتراجع عن تفكيرها ..
حاولي تلاهينها باي شي برسم باللالوان با الالعاب باي شي مع الوقت ان شاء الله تلهى وتنسى
برضو حاولي دايم ترقينها وتشغلين لها قران سوره البقره .. اقري لها في مويه وخليها تشربهااا وشربيها مويه زمزم ..
كتبي لها سور من القران وحطيهم تحت راسها وهي نايمه وربي بيحميها ان شاء الله

 

[بدون أسم أحلى]

الله يحفظها لك يارب,,
بإذن الله مافيها الاالعافية..
هي شكلها من النوع الحسساسس مرررررره..
وبصغرسنها مرحلة بتعدي وبإذن االله تتغير للاحسن

 

[سمر^_^]

يمكن رفيجآتها بالمدرسة مضايقينها بسبب الوزن

وبنتج كتوومة مو حآبة تنحرج عندكم ,,

ف الحل المناسب بعد الرقية الشرعية

هو

^

^

^

انج تدخلين انتي وياها نآدي لان الرياضة ترخي الاعصآب

وبنفس الوقت تخسر وزن

وفي نوادي من ضمن رياضتهم اليووغاا

مااايحتاااج ياليووغا

امآ انج اتودينهآآ طبيب نفسي لالالالا والف لا

حرام توها اصغيرة يمكن ترسخ فكرة برآسهآ او شي

وتصدق انها مو صآحية (اسم الله عليهآ)

فآنصحج بالرياااضة

احسن علااااج بعد الله


وبالتوفييق حيآتي ...

 

[Queenleo]

اتووقع حاله نفسيه
وويمكن في احد مخرعها بالمدرسه بنات او مدرسه
ساعات المدرسات يتكلمون عن المووت والاخره من غير مايراعون نفسية الياهال
انتي طلعيها حدايق ووحفلات عيد ميلاد خليها تخالط البنات ووخلي القران شغال بالبيت
وواذا ماتغيرت مع الووقت لازم تودينها لاستشاري او دكتور نفسي

 

[إحسسسآس]

حبيبتي .. إرقيها

آيات الرقيه تجلب الراحه للنفس والطمأنينة للقلب ..

آية الكرسي .. المعوذات .. خواتيم سورة البقره ..الفاتحه

إرقيها بهم وإقريها في مويه وزيت زيتون وشربيها من المويه وعطيها ملعقة صغيره زيت زيتون تشربها

وحفظهيا الأذكار وحرصيها عليها كل صبح ومساء وبإذن الواحد الأحد ترجع لكم مثل أول وأحسن

اتفق مع جود :rerrerek:
الله يخليها لج يارب .. ويحفظها ويردها مثل قبل واحسن =)

 

[ام فجر3]

ماقصرتوا بنات وبسوي مثل ماقلتوا واالله يجزاكم الف خير

 

[روانتي 12]

طيب وديها عند شيخ يقرا عليها .. وفهميها و قوليلها ان المتن مو عيب . وخليها ترد على الي يعايرونها لا تسكت

انتي فهميها .. خليها قويه لا تخلينها ضعيفه صدقيني ان خليتها ضعيفه ماراح تقدر تاخذ حقها كلش

و اذا مانفع حاولي تروحين لدكتور شاطر وخليه يقعد معاها و اخذي جلسات وشوفي شنو فيها

بس بالاول روحي لشيخ يقرا عليها .. وقولي حالة بنتج عند شيخ .. وشوفي شيرد عليج .

والله يشفيها يارب .

 

[روح مغليهاM]

حبيبتي هي خايفه من شيء بسم الله عليها
وديها دكتور نفسي ضروري وبااسرع وقت او اقعدي معها وحسسيها بالاامان وانه مافيه شيء يخوف مهما يصير انتي معها
الله يحفظها من كل شر ودكتور نفسي بيساعدكم اكيد

:rerrerek: نفس رايها
والله يخليلك بنتك ويحميها ويشفيها شفاءلايغادر سقما

 

[لياليـ]

انتي جوفي الانترنت في حلول او انتي بنفسج تقدرين اتحلينها لها او اذا مافاد أو انتي ماعندج خبره كلمي الاخصائيه اللي بالمدرسيه اتناديها او اتفهمها
اتقبلي مروري

 

[كسرنى الهم]

الله يشاافيهاا
يمكن احد حرجهااا ومن بعدهااا قامت تخااف
وجذى الله يرجعهاا على طبيعتهااا

 

[The Saroosh]

سلام عليكم

بنتج واضح انها قرات شي مخرعها من الموت

شوفي انتي دوري شنو اكبر مخاوفها و هديها و بتشوفين انها بترتاح من باقي المخاوف

ثاني شي اذا شفتي اكبر مخاوفها من الموت فهميها ان رب العالمين رحيم و يحبنا و اقري لها الايات اللي تبين رحمة رب العالمين و ان يعلم بكل صغيرة وكبيرة وطول ما احنا واثقين ان رب العالمين معانا محد بيقدر يضرنا

" وسارعوا الى مغفرة من ربكم وجنة عرضها السماوات والارض "
قوليلها ان الله اذا احب احد ممكن يغفر كلل ذنوبه حتى لو كانت كبر البحر ...
و رضا الله من رضاي انا امج وانا راضيه عنج واموت عليج
يعني خلي فكرتها عن الموت اني بصير قريبه من الله و الله اكيد يحبني لان امي تحبني وراضيه عني

طمنيها

ان انتي امها برضاج عليها اهي بتدخل الجنه

ان ماتت صغيرة ولا كبيرة ( بعيد الشر و الله يطول بعمرها و يبلغج فيها )

اما اذا خوفها من المتن قوليلها مو نهاية الدنيا

صغري الموضوع بعينها خليه شي ما يسوى نخاف منه

قوليلها مثل ما قدرتي تمتنين بتضعفين .. وانا بساعدج

و مثل ما قالوا اقري عليها القرآن بيريحها واييد

وانتي هدي نفسج ولا تبكين او تعفسين ملامحج معاها عشان لا تحس ان اللي فيها شي كبير

:eh_s(17): لج و :eh_s(17): لبنتج فديتها

 

[الحللللوه]

الله يشفيها

 

[Nmnoum]

يا حياتي

شوفي يا قلبي لازم ترافجين بنتج قوليلها انا بقولج سر و انتي قوليلي سر و سحبي منها الحجي من شنو خايفة؟
ليش جذي توسوس و تفكر بهالطريقة ؟
حاولي تكونين رفيجة بنتج قد ما تقدرين واقري عليها قرآن و شغلي سورة البقرة بدارها
ودايما قوليلها ان الله غفور رحيم + شديد العقاب ., و حاولي تشوفين ليش اهيا حاسة بالذنب
و في شغلى ثانية يمكن يمكن مو أكيد لانها ماودها تروح المدرسة قاعدة تتعذر بان ما تبي اختها تضيع
بنتج عورت قلبي

حاولي تسوين لها رجيم خففي أكلها بس لاتحرمينها من شي
اشتري لها لعبة ويي و خليها تناقز وتترقص علشان تتحرك أو اشتريلها قاري خليها تفتر فيه بالحوش هالشي اكيد راح يساعد انه يخفف من وزنها.,

حاولي تحببينها بالمدرسة يعني تعطينها مكافآت أو مثلا شفتيها التزمت ب شي أو سمعت كلامج قوليلها بشتريلج لعبة أو إذا تبين روحي معاها nail spa سوو اظافركم مع بعض أو وديها معاج الصالون أو السوق و جذي

 

[Nmnoum]

و على فكرة انا ما أأيد فكرة الاخصائية اللي بالمدرسة
ماراح ترتاح مع القعدة مع الاخصائية ليش؟!
لانهم ينظرون حق الاخصائية انها حالها حال الناظرة أو الوكيله يعني راح تحس انها مع شخص له سلطة عليها
غير جذي ترى البنات ساعات يعايرون البنت اللي تكون لها روحات حق الاخصائية وجذي ., هذا رايي بس علشان لا تكره المدرسة بعد

 

[كراميلا مرة]

مسكينه تعقدت من اللي يعايرونها
ويمكن تقرا او تشوف قصص تحخوفها
حاولي تفهمين شفيها واذا مافاد كلمي الاخصائيه في المدرسه يمكن تساعدها