ماليزيا والصين

[*Lune*]

السلام عليكم ورحمة الله وبركاته

شخباركم ؟؟

بنات انا بسافر ماليزيا وهونغ كونغ ان شاءالله على اخر شهر 12

ناوية انا وزوجي نقضي اسبوع في ماليزيا و يومين في هونغ كونغ واسبوع في الصين حق الشوبينغ

شرايكم تحسون ان هالفترة كفاية؟؟

ابيكم تساعدوني لاني اول مرة اسافر هالدول

ابي اسماء فنادق مجربة و شلون نحجز طيران داخلي ؟

وشنو المناطق اللي تنصحوني اروح لها في الصين ؟؟

بليز ساعدوني ابي اسوي لي برنامج قبل لا اروح مكتب السفريات

 

[*Lune*]

uuupp

 

[*Lune*]

بنات ابي مساعدتكم في اسماء الفنادق المجربة بليز

 

[برازيليه سعوديه]

اب لعيونج ..ان شاءالله البنات يساعدونج ...

 

[ماحب اتدلع]

ماليزيا في كوالالمبور فندق ماريوت
ماقلتي شنو اي منطقة بماليزيا؟؟
عموما
بينانج فندق باراك رويال
سيلانجور فندق صن واي لاجون

والصين ماعرف شي عنها

 

[*Lune*]

فديتكم والله تسلمون
بخصوص المناطق
كوالا
لنكاوي
بينانج
ويمكن سيلانجور

انتوا شنو تنصحوني فيه بخصوص المناطق ؟؟
يعني شنو المناطق اللي تستاهل نروح لها ؟؟

 

[mafio98]

نصيحه لاطولين المده بكوالمبووور حدهاااا ماتسوى رحلتج تقريبا نفس رحلتي العام بس انا كنت مقسمتها يومين سيلانجور ١٠ ايام كوانزو ٣ هونك كونغ ٣ بيانغ ٥ كوالالمبور

اسهل شي اذا بتروخين الصبن تاخذين ليلتين بسيلانجور وتطلعين دايركت لكوانزو اتسوقين وتشحنين اغراضج عقبها بقطار تروخين هونك كونغ ومن هونك كونغ دايركت لبيانغ ومن بيانغ لي كوالالمبور بيطلع عليج التذاكر وايد ارخص وتختصيرين الوقت وبالنسبه للفنادق وايد ويعتمد على ميزانيتج وبالتسبه للطيران الدولي والداخلي انا افضل تحجزين لتفسج بتوفرين مبلغ يسوى وفوق هذا تختارين كرسيج وساعات تحصلين خصوومات*

 

[دنياالوله]

امممممممممممممم
ماليزيا>>>>>>>>>>>انا سكنت ب جراند ملينيوم روووعه وبشارع العرب
بيننج>>>>>>>>>>>سكنت بهوليدي ان اعتقد ع البحر على طوول هم تووووب
هونج كونج ليله سكنا بديزني عشان ولدي يبي بيت الاميره
بس ماانصحج لانها مو كبيره تقدرين تخلصينها بيوم وبعد المغرب موشي
وسكنا بشفه فندقيه بناثان وهم سكنا بكولون
وجوانزو حلووووه هم سكنا بشقه احلى من الفنادق واايد وانظف
ممكن تسكنين بفندق امه بالصيني شيندادي بينج حلووووو وقريب للسوق ونظيف سيراميك
لان اغلب فنادق الصين زل موكيت
روحي شينزن رووووعه يسمونها جنيف الشرق وفيها سياحه وايد وهم اسواقها حلووه مو جمله نفس جوانزوا
هم روحي مكااو لاس فيجاس الشرق عجيبه طلعنا لها بفري بحري
الطيران الاماراتي او القطري ومن ماليزيا طلعي على الصينيه حلوه
اما داخل ماليزيا جربت اسيا اير تخرع مو شي
وكلها مطبات مهرقله
بالصين كله قطارات بس مكاو طلعنا لها بفري
واي سؤال من عيوووني

 

[*Lune*]

نصيحه لاطولين المده بكوالمبووور حدهاااا ماتسوى رحلتج تقريبا نفس رحلتي العام بس انا كنت مقسمتها يومين سيلانجور ١٠ ايام كوانزو ٣ هونك كونغ ٣ بيانغ ٥ كوالالمبور

اسهل شي اذا بتروخين الصبن تاخذين ليلتين بسيلانجور وتطلعين دايركت لكوانزو اتسوقين وتشحنين اغراضج عقبها بقطار تروخين هونك كونغ ومن هونك كونغ دايركت لبيانغ ومن بيانغ لي كوالالمبور بيطلع عليج التذاكر وايد ارخص وتختصيرين الوقت وبالنسبه للفنادق وايد ويعتمد على ميزانيتج وبالتسبه للطيران الدولي والداخلي انا افضل تحجزين لتفسج بتوفرين مبلغ يسوى وفوق هذا تختارين كرسيج وساعات تحصلين خصوومات*

تسلمين يا الغلا

بس احسه بيكون تعب وحوسة اني اطلع من ماليزيا وارد لها مرة ثانية

يعطيج العافية على الرد

 

[*Lune*]

امممممممممممممم
ماليزيا>>>>>>>>>>>انا سكنت ب جراند ملينيوم روووعه وبشارع العرب
بيننج>>>>>>>>>>>سكنت بهوليدي ان اعتقد ع البحر على طوول هم تووووب
هونج كونج ليله سكنا بديزني عشان ولدي يبي بيت الاميره
بس ماانصحج لانها مو كبيره تقدرين تخلصينها بيوم وبعد المغرب موشي
وسكنا بشفه فندقيه بناثان وهم سكنا بكولون
وجوانزو حلووووه هم سكنا بشقه احلى من الفنادق واايد وانظف
ممكن تسكنين بفندق امه بالصيني شيندادي بينج حلووووو وقريب للسوق ونظيف سيراميك
لان اغلب فنادق الصين زل موكيت
روحي شينزن رووووعه يسمونها جنيف الشرق وفيها سياحه وايد وهم اسواقها حلووه مو جمله نفس جوانزوا
هم روحي مكااو لاس فيجاس الشرق عجيبه طلعنا لها بفري بحري
الطيران الاماراتي او القطري ومن ماليزيا طلعي على الصينيه حلوه
اما داخل ماليزيا جربت اسيا اير تخرع مو شي
وكلها مطبات مهرقله
بالصين كله قطارات بس مكاو طلعنا لها بفري
واي سؤال من عيوووني

تسلم لي العيون وراعيتها

زين استفسار ثاني

شلون طلعتوا من هونج كونج الى كوانزو ؟؟

شنو احسن وسيلة مواصلات يعني

 

[نياره]

اب لعيونج

 

[دنياالوله]

:hjy5jewf::hjy5jewf:

تسلم لي العيون وراعيتها

زين استفسار ثاني

شلون طلعتوا من هونج كونج الى كوانزو ؟؟

شنو احسن وسيلة مواصلات يعني

طلعنا من جوانزوا ل هونج كونج>>>>>>>>> قطار تقريبا ساعتين
واي سؤال من عيوني

 

[*Lune*]

نيارة ,,,, تسلمين لي على الرفع يا قلبي

دنيا الوله ,,, فديتج والله ماقصرتي

 

[rosyiceboutique]

اب لعيونك

 

[مستقبلي احلى]

انا الصين حبيتها عكس ماليزيا

 

[أم سيف وسلطان]

خاطري اسير الصين وهونج كونج

 

[أم*سلمان]

آب

آب

 

[الحوراء_بنت نجد]

ماليزيااا اسبوع حرام ماتكفي خاصة انو أول مرة تروحين يبي لك اسبوعين أو اقل شيء 10 أيام

والفنادق بماليزيا راح ارشح لك حسب رأي الأغلبية
كوالالمبور فندق المندرين وتريدرس
لنكاوي فندق ويستن وريباك مارينا وبرجايا
سلانجور فندق صنواي لاجون وصنواي بيرميد
وبينانج فندق هوليدي ان وشانجريلا

هذي أفضل فنادق وشوي غالية
وفيه فنادق حلوة واسعارها متوسطة

\

/

 

[الريان]

انا رحت ماليزيا الصيف اللي طاف وعن تجربه راح ارشحلج الفنادق وليش:
*سيلانجور :
: فندق ومنتجع صن وي لاجون (ملاصق للمدينه الالعاب المائيه وملاصق له مجمع صن برميد مول للتسوق )
*بينانج :
فندق بارك رويال له شاطئ خاص به على البحر كانوا اللي ساكنين الهوليدي ان يقعدون فيه ومنه يبدي السوق الصيني الليلي وجدامه سوبر ماركت صغير فيه اللي تحتاجينه وقريب منه المطاعم العربيه تروحين مشي, وروعه للعيال فيه حمامات سباحه قياسات مه المنقذ.
*كوالا لمبور :
فندق تايم سكوير واختاري برج b احسن واحدث وهالفندق جزء من مول تايم سكوير 11 طابق تسوق وحواليه باقي المجمعات المهمه في العاصمه انا رحت لها مشي مع عيالي ,واللي يبي تاكسي اهو منطقه البرجين ومو بعيده عنه كلها 10 دقايق .
اتمنى اني افدتج...