تقريري المصور عن اوت لت لندن (out let ) وكيفية الوصول اليه

[عاشق الزلفي]

لسلام عليكم جميعا

حبيت اهديكم هالتقرير المبسط عن اوت لت لندن .. وهذا اقل شي ممكن اقدمه لهالمنتدى الشامخ والاعضاء اللي ماقصروا معنا بشي ابد..

اولا الاوت لت هذا عبارة عن سوق فيه اكثر الماركات العالمية ويمتاز برخص اسعاره مقارنة بغيره.. بالاضافة الى انه سوق مفتوح وليس بمغلق كالمولات وهذا يضفي شي من الجمال لهذا السوق..

اولا تذهب الى محطة Marylebone Station London وهي محطة قريبة من شارع العرب ويمكن الوصول لها مشيا على الاقدام
ثم تاخذ تذكرة الى Bicester North Station وسيستغرق حوالي 45 دقيقة بالقطار
وبعد الوصول ستجد باص لونه اسود بانتظارك حيث سياخذك الى out let مجانا وهذي صورته


url=http://www.gulfup.com/show/X9a9nauxb2ko48w]

[/url]


سيستغرق للوصول حوالي 5 دقائق

والان اترككم مع صور للسوق



















http://www.gulfup.com/show/X6yok8rwb5zd2
http://www.gulfup.com/show/X2bgy10ydsjk0g

 

[عاشق الزلفي]

 

[عاشق الزلفي]

 

[عاشق الزلفي]

 

[عاشق الزلفي]

وعلى فكرة ترا السوق فيه مصلى للرجال ومصلى للنساء..

تحياتي للجميع واي احد عنده سؤال يتفضل

 

[Dreamer]

واااااي شكله يهبل تسلمين حبيبتي على هالموضوع

بغيت أسئلج هل فرق الأسعار تسوا العنوة ؟ وهل البضاعة الموجودة حلوة أو لا؟

 

[عاشق الزلفي]

اختي ديمر انا مو بنت سوري

مادري اذا المنتدى ممنوع فيه الشباب انا انسحب.. انا بس حبيت ارد الجميل للمنتدى اللي استفدت منه كثير

طبعا نسيت اقول ان قيمة التذكرة تقريبا 30 باوند ذهاب وعودة واتوقع لو يتم الحجز بدري راح تكون رخيصه

بالنسة للاسعار فعلا فيه فرق بالسعر.. وعموما اوقات تزيد التخفيضات واوقات تقل .. لكن زيارته ممتعه واعتقد يستحق الزيارة

بالنسبة للبضاعه .. فمادري والله هي حلوة او لا .. تعرفين حنا يالشباب ماندقق كثير هههههههه

تحياتي

 

[يآحوبني لي]

الله يعطيك العافيه
تقرير جميل عن نفسي استفدت منه
مشكوره

 

[ايمان80]

الله يعطيك العافيه
خوش تقرير
ويه بوقته لاني بروح لندن قريبا

بس بسأل متي تفتح محلاته ومتي تسكر

وهل ايام السبت والاحد والكريسمس يسكرون

وهل يوجد مطاعم وكافيهات

وشنو فيه شي يمه للتمشي غير السوق

 

[عاشق الزلفي]

الله يعافيج اختي

والله متى تفتح مدري بالضبط.. لكن اتوقع يمكن 10 الصباح او قبلها بشوي او بعدها ويسكرون الساعه 8 بالليل يوميا.. لاني انا رايح السبت.. وبالنسبة للكرسمس اتوقع يفتحون وافضل شي تسالينهم بمحطة القطار قبل تقصين التذاكر اذا فاتحين او لا

طبعا فيه كوفيات اكثر شي زي ستار بوكس وغيره.. بالنسة للمطاعم ماعتقد فيه بس القرية اللي هو فيها بتلقين فيها كل شي.. لكن ماعتقد تسوى تروحين تلفين بالقريه لان الوقت كله بيضيع بالسوق.. وانتم يالبنات اذا دخلتوا السوق ماتطلعون الا اذا سكروا

تحياتي

 

[Katkota_46]

عليك بالعافيه

شوقتني حق الاوت لت بصراحه ما يتطوف

 

[عاشق الزلفي]

عليك بالعافيه

شوقتني حق الاوت لت بصراحه ما يتطوف

الله يعافيك يارب

يالله شدي حيلك وروحي

 

[LawYeR NaNo]

يهبل لندن قبل يومين كنت فيها بس لاعت جبدي منها
بصراحه رديت مانشستر أحلى بوايد بس يبيله روحه
حق الاوت لت !! عاد الأسعار سلوتها بالاوت لت !!؟

 

[manoooram]

الصور اتينن وال outlet رووووعه وشامل كل شي
تضيعين شنو تاخذين ولا تخلين
تسلمين لي

 

[عنووود]

الله يعطيك العافيه بجد تقرير حلو بس متى اوقات التخفيضات

 

[عاشق الزلفي]

يهبل لندن قبل يومين كنت فيها بس لاعت جبدي منها
بصراحه رديت مانشستر أحلى بوايد بس يبيله روحه
حق الاوت لت !! عاد الأسعار سلوتها بالاوت لت !!؟

والله الاسعار بالضبط مدري.. بس اقل من الاسعار العادية لان بعض الماركات تخفيضها بسيط وبعضها تخفيض اكثر من 60 بالمية

 

[عاشق الزلفي]

الصور اتينن وال outlet رووووعه وشامل كل شي
تضيعين شنو تاخذين ولا تخلين
تسلمين لي

شكرا اختي بس انا مو بنت..

اذا المنتدى بس للنساء ترا ماكنت ادري واسف :eh_s(16):

 

[عاشق الزلفي]

الله يعطيك العافيه بجد تقرير حلو بس متى اوقات التخفيضات

شكرا اختي

هو على طول فيه تخفيضات.. بس اوقات تزيد واوقات تنقص

تحياتي

 

[meera15]

يعطيك العافيه
مجهود تشكر عليه
والسوق شكله يشوق عليكم بالعافيه
والله يرزقنا روحه لهناك

 

[l0ve]

يازينه ،زيناة