دوانيه شلة منتظرات نتيجه عملية اطفال الانابيب والحقن المجهري

[ثنايا الورد]

ثنايا الورد الله يثبتهم يارب حاولي انج تكون حركتج طبيعيه عشان يوصل الدم للرحم اي دكتور انتي ؟؟؟

الله يسمع منج يقلبي وابشركم قريب والله يرزقنا كلنا ومايحرمنا
حبيبتي انا سويتها بمركز سمير عباس بالخبر عند الدكتور سعد الدين القناوي مرة روعه ونصوح
ياليت تكتبون لي نصايحكم اذا مجربات او سامعين نصايح تفيدني بالهفترة والتوفيق للجميع​

 

[احلامي الامومه]

أييي حسبتج مسويتها بالكويت.... الله يكتب لج انشالله ويكتب لنا جم سنه صارلج متزوجه ؟؟ أنا دكتوري كان يقولي خلي حركتج طبيعيه بس شوي شوي واذا الله بيكتب بيكتب انشالله

 

[ثنايا الورد]

اي حبيبتي احلامي الامومه انا صار لي سنه وشهرين متزوجة
وسويت حقن مجهري قبل جم شهر وماربج كتب والحين التجربة الثانية ادعولي ربي يتمم علي
ويثبت اجنتي قادر ياكريم

 

[gogomeso]

1- عند منو سويتى عمليتك ؟
فى مستشفي السلام عند دكتور محمد صلاح
2 - جم تكلفتها ؟
تقريبا بالادويه 1400
3 - شنو نصايح المقدمه لك بعد الارجاع ؟
والله انا لسه عمل العمليه بقالى خمس ايام ادعوالى كتير اوى ربنا يكرمكم

 

[طموحه بزياده]

الله يرزقكم ولا يحرمكم

 

[احلامي الامومه]

بنات انا الخميس سحب اليويضات والله كريم ميخالف انشالله خير جولد اذا قاعده تشوفين طمنينا عليج احاتيج....

 

[درة أهل الطولات]

الله يفرح قلوبكم

 

[ثنايا الورد]

بنات وايد يألمني ظهري واسفل بطني احس بوخز تهقون عادي هالشي يصير بعد 8 ايام من ترجيع الاجنه؟؟؟؟؟؟؟؟
اللي تعرف تجاوبني وتسلمون​

 

[احلامي الامومه]

لا انشالله عادي لا دققين انشالله. ثبوت اجنه انا عمليتي عقب باجر

 

[ثنايا الورد]

احلامي الامومه تسلمين يقلبي على الرد تعرفين اشوي يصير الواحد قلق
فهليومين ان شالله خير وربي يوفقج عمليتج يارب وتقر عينج بشوف ضناج

 

[غيرك ماتمنيت]

السلآم عليكم .. مرحبآ بنات انا اليوم ثامن يوم من الترجيع وخايفه حيل لآني موقاعده احس بأي شي
ماني قادره اصبر اسسسستغفرك يارب ..

فيه شغله ثانيه الحين التحاميل اللي استخدمهم بيخلصون اليوم والدكتور ماقال لي اذا اكمل عليهم ولا لآ
وقاعده اتصل عليه ومايرد بنات الله يجزاها خير ويثبت اجنتها اللي ترد علي :eh_s(2):

 

[ثنايا الورد]

السلآم عليكم .. مرحبآ بنات انا اليوم ثامن يوم من الترجيع وخايفه حيل لآني موقاعده احس بأي شي
ماني قادره اصبر اسسسستغفرك يارب ..

فيه شغله ثانيه الحين التحاميل اللي استخدمهم بيخلصون اليوم والدكتور ماقال لي اذا اكمل عليهم ولا لآ
وقاعده اتصل عليه ومايرد بنات الله يجزاها خير ويثبت اجنتها اللي ترد علي :eh_s(2):

شنو اسم االتحاميل اللي تستخدميهم اختي ؟
وبغض النظر عن اسمهم معروف ان التحاميا هذي للتثبيت والمفروض الوحدة تداوم
عليها ليوم التحليل
بالتوفيق لج ولينا كلنا وربي يثبت اجنتنا ويتمم علينا يارب

 

[احلامي الامومه]

اي أكيد لازم تكملين لي يوم التحليل اتوقع تحاميل cyclogest هذي هرمون مثبت أكيد الصيدلاني ماعطاج كميه كافيه بش هم تأكدي علا الاقل دقي علا السكرتيه تسأله ...... انا عملية السحب باجر مو قادره أتحرك من ثقل بطني اي حركه يعورني حتا النفس الف حمد وشكر لك يارب........

 

[غيرك ماتمنيت]

بعد عمري عسى ربي يتقبل منج ثنايا اسمهم cycloges والله مادري .. اللي خلاني استغرب ان الكميه قيليله ولا قالو لي اكمل وهذي اول تجربه لي وماعرف شي .. وتصدقين ما احس بأي شي وودي احلل اليوم قبل باجر صبري نفذ ..
تسلمين احلامي الامومه عسى ربي يوفقج ويهون عليج ويرزقنا يارب ..

 

[سمو النفس]

ربي يرزقكم كلكم يااااارب

 

[ثنايا الورد]

بعد عمري عسى ربي يتقبل منج ثنايا اسمهم cycloges والله مادري .. اللي خلاني استغرب ان الكميه قيليله ولا قالو لي اكمل وهذي اول تجربه لي وماعرف شي .. وتصدقين ما احس بأي شي وودي احلل اليوم قبل باجر صبري نفذ ..
تسلمين احلامي الامومه عسى ربي يوفقج ويهون عليج ويرزقنا يارب ..

اي حبيبتي هي نفسها اللي استخدمها وهي للتثبيت ارجعي اشتريها من لصيديليه
واستخدميها بنفس الطريقه اللي قالت لج عنها طبيبتج ولا تحاتين مو شرط تحسين بشي اهم شي
تتوكلين على الله وان شاء الله يثبت حملج ويكبر بصحه وعافيه من غير زيادة ولا نقصان
وتفرحين فيه ويتمم عليج يارب بحق محمد وآل محمد:eh_s(7):

 

[ثنايا الورد]

اي أكيد لازم تكملين لي يوم التحليل اتوقع تحاميل cyclogest هذي هرمون مثبت أكيد الصيدلاني ماعطاج كميه كافيه بش هم تأكدي علا الاقل دقي علا السكرتيه تسأله ...... انا عملية السحب باجر مو قادره أتحرك من ثقل بطني اي حركه يعورني حتا النفس الف حمد وشكر لك يارب........

طمنينا عنج اشلونج بعد عملية السحب شنو تحسين ؟؟؟
الله يعطيج الصحه والعافيه وانتبهي على عمرج بالهفترة خصوصا ان الجو قاعد يتغير
لايحوجج برد ولاكحه عشان الترجيع قريب مايصلح تكحين او تعاطسين وايد
الله يوفقج حبيبتي

 

[reem1987]

الله يرزقكم ياااااااااااااااااارب ويرزقني الصبر مفتاح الفرج اهم شي النفسيه والراحه والاكل الصحي والله معاكم ويصبركم

 

[احلامي الامومه]

والله خلصت العمليه الحمدالله بس بعدها عوار بطني وماقدر امشي ولوزي تعورني مادري ليش قبلها ماكان فيني شي مادري من البنج الله يعلم والباجي علا الله ناطره اتصال الدكتور والله يستر

 

[ثنايا الورد]

اي ترى عادي تحسين بعوار بحلقج اثر البنج شربي دافي وتصيرين زينه
احلامي الأمومه تحياتي لج