الشهر التاسع والنفسة الزفت والتعب ...حياكم نسولف ؟؟

[فاقده ابوهاااا]

يلا باقي ربع ساعه
وادش اول يوم بالعاشر *

غلطانه :rgewrg:

ليش ناطره وامخليه عمرج لي ما تعوشرين :eh_s(10): احنا بنص التاسع وماخلينا شي ما سويناه وانتي ليش ساكته على عمرج

 

[الشيرازية]

هدي ولا تحاتيني ما جربتو الخروع

 

[الشيرازية]

انا ودي ابتدئ أحورف ا بعمري واشرب دارسين وامشي مشي يهد الحيل اشرايكم بعدين تعالو صج في بنات جابو طاري حليب وزعفران هذا شيسوي يجيب الطلق يعني؟

 

[لوجين@]

الخروع مرتين شربته علبه كامله ماسوا شي
غير انه نظف بطني وجابلي عوار
والزعفران هم شربته ولي يومكم ناطرة الفرج
من ربي

 

[mrs.ls4]

انا امي نحيسه ماتبي تعطيني اشرب خلطات وهالسوالف
اتقول كملي شهرج وابلش اعطيج سوالف بس خلي البيبي
يتمتع ببطنج
انزين اهو يتمتع واانا اتقطع شالظلم
خو بيتمتع سواء داخل او خارج البطن
وخلاص يعني انا بالاسبوع الثالث يعني مامن خطر لاعلى نموه ولا وزنه
ولاصحته ماشالله
ليش لازم اكمل لييييش ابي اعرف
شكلي بروحي وبالخش بشرب سوالف اتييب الطلق
ورفيجتي اتقولي شربي جف مريم بالحواي ينباع
اتقول وحده بوحده
شكلي بسويها بس اخاف امي تزعل

 

[$$king moon$$]

على حسبتي انا من زمان خلصت التاسع بس على حسبت الدكتوره تاريخ ٢٨ او اخر يوم بالتاسع على حسبتها
بالسونار
وبعدين بنات كف مريم موزين تاخذينه الا اذا معاج طلق مايصير تاخذينه جذي عالبراد
والخروع اختي خذته انهد حيلها مانامت طول الليل من عوار بطنها
واخر شي ماكو ولاده ولاشي واتقول حده يلوع الجبد مع انه حاطته مع عصير منجا بي يغث
حيل اثقيل
بناااات ان شالله كلكم تولدون بالسلامه ولايعدي وقت ولادتكم لانها الصراحه ماساة احس نفسي ضايعه

 

[mrs.ls4]

ما ادري هدى رفيجتي اتقول خذت جف مريم قبل لاتولد بيوم
اتقول مثل الجاي تشربينه
باجر جان ايلها الطلق
عاد انا اشدعوه بسويها
بس خلاص استغفر الله وصلت مرحله عادي اشرب دبر امله مال الهنود
ابي اولد خلاص تعبت
يارب اتهون علينا وتسهل علينا

 

[mrs.ls4]

كنت منسدحه ما ادري شسوي بعمري
سوووووو شاور تايم

 

[الشيرازية]

Mrs.is4 ارحمي فاتورة الماي وترا الخروع جربته بولدي شربته الساعه٢ بالليل انكت الماي الساعه ٣ ونص

 

[mrs.ls4]

هههههه مو اقولكم فاتورة الماي بتصك الزليووون ههههههه
شسوي شيرازيه ابي اتهرب من التفكير والارهاق والكآبه والحكه
فالحل اهو الشاور
وااي ريلي متفرغ يقولي من زمان ما صارت اشياء تحت السر
ودي اكفخه
طنشته وقلتله نام انا داشه الشاور بلا تحت السر بلا فوق السر
حط راسك ونام
طنقر علي وقالي انتي الخسرانه
بالله عليكم شلون انا خسرانه مافي مزاج ونفسيه بالقاع وتعب وارهاق وهذا
يبي سوالف تحت السر
اقوووول طييييير زين
*

 

[mrs.ls4]

يساحلني عباله بقص علي يقولي مو تبين تولدين
وانا اطالعه بنظره عبيطه
جان اهده واروح الشاور واقفل علي الباب احتياطيا
من حركات الغدر
قال شنوووو قال ماتبين تولدين
يحليله يبي يقص علي

 

[تبطي عظم!]

لووول اي والله انتي الخسراانه هالعمليه تفتح لج الرحم

انا طول اشهر الحمل اتصدد بس فيني فيني لوووول

والحين من دخلت التاسع صرت ما اقول لا اذا قالي

ع الاقل شغله مضموونه تبطل الرحم بدال هالخرابيط خروع وكف مريم وغيييره

 

[لوجين@]

الخروع شكثر شربتوه
انا حطيت نص العلبه مع عصير
ووكررت العمليه امس ماصار شي

 

[%F&R%]

خخخخخخخخخخخخخخ بنات سمعوا اخر شي
قلت قبل مااروح المستشفى واقولهم عطوني طلق صناعي
خل امشي بحديقتنا
جان امشي وامشي وامشي وهم ماكو فايده
ولاطلاق ولاشي انزين عفيه بنات الحين اللي يطوف موعد
ولادتها شتسوي عشان ايلها الطلق

انا ببناتي الثنتين طاف موعدي ب8 ايام
رحت المستشفى حطولي طلق صناعي وتحاميل تبطل الرحم لاني اكون مومفتوحه الا سانتي واحد
عذاب صح ههههههه يمه ببجي اخاف هالمره بعد يصير فيني جذي

 

[%F&R%]

يساحلني عباله بقص علي يقولي مو تبين تولدين
وانا اطالعه بنظره عبيطه
جان اهده واروح الشاور واقفل علي الباب احتياطيا
من حركات الغدر
قال شنوووو قال ماتبين تولدين
يحليله يبي يقص علي

ههههههه احلى شي سالفه الشور عديتيني
صرت نفسج بس صراحه راحه انا اترس البانيو ماي حار واقعد والبيبي يصعد لي بلعومي
وحراااام عليج عطي الريال ويهه انتي بتستفيدين

 

[mrs.ls4]

وااااي توني قايمه من النوم بس شنوو مانمت الا الساعه ١٠ وشي
بالغصب اتل النومه تللللل
ادري ياجماعه ان سوالف تحت السر تفتح الرحم وتسهل بس سوالف
تحت السر ماتحلاله الا ٦ او ٧ الصبح الي انا اهني ما ادري شسوي
بعمري وكل العوار والارهاق يتسلط علي
شفيها حزة المغرب ولا تالي الليل ليش الصبح يعني

حبيبتي يا %f&r% والله احس الشاور اهو الحل علشان اهدي اعصابي بس
انا ما اترس البانيو اخاف اقعد وانبطح وتروح علي نومه اذا حسيت بالراحه
فحاطه كرسي تحت الشاور وقاعده والماي ينصب علي من جميع الاتجاهات

والحين بشرب عصير تفاح مع جزر واتجه الى الشاور

 

[كلي لحبيبي]

بنات انا صارلي اسبوع تقريبا كل يوم بلوكات مباركيه السالميه الخ..
مشي مشي مشي مووووطبيعي اخر مره امس ماقدرت امشي تخيلوو
امي غصبتني امشي لين الحمامات الوصصصصصخه وييع عشان ابول تكرمون عشان يخف الالم لان بطني تيبس شي موطبيعي
قعدت اغصب روحي واطلعها لان تفسيا المكان أرررف


بس والله ارتحت شوي اشوا
واليوم قمت أأاللللمممم موطبيعي لاارفع ظهري ولااجنًدس الصلااه وعذاااب والله العظيم
عاد اليوم كنت بروح مجمع الزهره مع البنات بس امي شاتتني وقالت قعدي ارتاحي موزين لاني تفججت من المشي مارحمت نفسي اقل شي امشي ٤ ساعاتباليوم غير الدرج والى ماذالك


عاد قلت اها اوك وبنطر شوي وبروح الحواي مع بنت خالتي وبنفتر شوي نشتري بجايم وهيك من ورا ظهر امي هع

 

[كلي لحبيبي]

بنااات انا ناويه اولد بـ١١ >> جنه بكيفي يعني لووووول
بس حددددي مشتهيه بـ١١ والله مستعده اتحمل هاليومين نظير رقم ذهبي خخخخخخ

 

[%F&R%]

الله وناسه نولد بتاريخ١١/١١/٢٠١١ صج رقم ذهبي خخخخخخخخmrs. Is4 الله يعينج نصيحه جربي البانيو بس خلي باب الحمام مبطل اخاف تنامين صج

 

[mrs.ls4]

شرايكم فيني قايمه من الساعه ٢ بليل وقاعده بالبانيو متنقعه توني اطلع انصدمت لمه شفت
الوقت
خسبقتيني يا %f&r%
نسيت نفسي بالبانيو لاني غفيت
ريلي يه قعدني يقولي خرعتيني طولتي
جان احمق عليه وقلتله ياسلام توك بعد ساعتين وشي استوعبت غيابي
لالالالا انا اقول خليني على مينوني لا ايني اين منه هههههههه
بنات انا مابي تاريخ انا ابي اولد وبس لاني تعبت صج الرقم ذهبي بس الراحه هم من ذهب
وانا قمت اخرف بحمالي وانسى حاشني زهايمر وما اكل ولا انام عدل
ابي صحتي وصحة البيبي
بلا تاريخ بلا بطييييخ