شريط الحمل في التوقيع .. احذروا يابنات

[boliana_q8]

السلام عليكم والرحمة

بنات صار موقف معاي وقلت لازم انبهكم واقوله لكم

وحدة من البنات اعرفها الله مارزقها يهال ليلحين وصارلها سنه من تزوجت

تقولي انها لما تشوف توقيع البنات الحمل الي فيها شريط الحمل تنقهر وتحتر
تقول انا ما اتمنالهم الشر بس بداخلي قهر كبير لما اشوفه واحس انهم احسن مني

وتقول بقلبها ليش انا ماحطيت هالشريط نفسهم

اعوذ بالله من هالنفسيات المريضة

بنات انا عكسها لما اشوف وحدة حاطة الشريط مال الحمل ادعيلها وافرح
واقول يارب تولد على خير

بس ماتحسون ان شريط الحمل هذا ممكن يجيب العين للام والبيبي
موشرط من الي متاخرة بالحمل
بس من اي وحدة نفسيتها مريضة وحاقدة


انا وحدة من الناس اذا الله كتبلي الحمل ماراح احط هالشريط وانتوا اشرايكم؟؟؟

 

[اميرة زوجي]

ممكن والله لان في نفسيات مريضة وايد
مشكورة عالطرح

 

[boliana_q8]

حياج الله حبيبتي

 

[(عذبة الاطباع)]

اتمنى احطه قريب

وربك الحاااااااااااافظ

 

[wujud]

لاحول وله قوه الله بالله
لو الوحده تدعي حق غيرها
يرجع لها هم الدعاء يارب كلنا نحمل
يلا ندعي حق بعض

 

[زين ودلال]

للأمانه انا كنت خااايفه اني احطه

بعدين فكرت قلت اول شي الله اللي كاتبه راح يصير

وثاني شي لما اطلع وار وح وارد في ناس وااايد هم راح يشوفون بطني يعني نفس الشيييييييي

ومثل مافي بنات يحقدون هم في بنات ماشاء الله يدعون

واخر شي توكلت على الله وحطيته..والله يحفظنا بحفظه

 

[غلا التركي]

صج والله الناس ماتعطي خيررررررررررر

بس هم اللي كاتبه ربك بيصيررررررررر
ونا اشوف ماله داعي تحط الشريط

 

["*آآآنؤؤؤقهـ*"]

خلي ايمانج بالله قوي



ولاحول وقوة الا بالله العلي العظيم



من هالناس المريضه ،،

 

[ام عفاف الكويت]

والله كاهم فديت قلبهم نشاركهم بالمتاخرات عن الحمل ماعمرهم حسينا بقلوبهم علينا شي
والله كل مادش التجمع ادعي الله يرزق كل متاخره وتحط الشريط
وقولي لرفيجتج صفي قلبج ربي بيرزقج
مو قصدي اجرحها لكن والله حب لاخيك ماتحب لنفسك
يمكن دعوتها الله يسهل علي اي وحده حامل ربي بيرزقها بوحده تدعي الله يسهلها عليها
صدقيني وربج مايحرم انسان يمكن يتاخر بالحمل اي لكن يحرم لا
له حكمه سبحانه
الله يرزقها ان شاء الله

 

[SHD ..]

قولي لها اذكري الله الحسسسد ماراح يجيب لج رزق
الله يرزقها

 

[فانتا ستروبري]

للأسـف فـي وايــد جــذي مـا يــذكــرون الله مـو بـس بـشـريـط الـحـمـل بـكـل شــي

الله يـحـمـي الـجـمـيـع مـن الـعـيـن والـحـسـد ​

 

[FeShinGoOo]

معااج حق والله .. واساساً ماله داعي

 

[قلوس وردي]

والله بالعكس انا لما اشوفه اقول الله يسهل عليهم
وعقبالي انا وكل المتاخرات
ليش الحسد شدعوه
بالعكس احب لأخيك ما تحب لنفسك

 

[hazel eyes]

شدعوه الحين الحمل مايبين الا بالشريط

الله يشفيها هاذي مريضه

بالعكس المفروض تدعي لها لان في ملائكه تسمع الدعاء وتقول ولكي بالمثل

 

[KOKO_284I]

عاد والله انا لمه اشوفه استانس انا ما ليش احب الحمل

 

[خشف العوازم]

ربي يشفيها ويرزقها​

 

[الزيـــــ^^ـــــن]

اصلآ افرح والله لما اشووف وحده حاطه الشريييط والله

والله الحااافظ وكل شي ع النيه

 

[boliana_q8]

الله يهديها ويعطيها ويعطينا

 

[عذوق]

كل شي عندكم عين وحسد
اذكرو ربكم والواحد يرقي نفسه حتى من نفسه والي مكتوب له بيصير

 

[jaaanooo]

للأمانه انا كنت خااايفه اني احطه

بعدين فكرت قلت اول شي الله اللي كاتبه راح يصير

وثاني شي لما اطلع وار وح وارد في ناس وااايد هم راح يشوفون بطني يعني نفس الشيييييييي

ومثل مافي بنات يحقدون هم في بنات ماشاء الله يدعون

واخر شي توكلت على الله وحطيته..والله يحفظنا بحفظه

عدل كلامك مليون % .. سبحانه الله . اهو الحافظ واكيد في ناس قاعده تشوفج بالروحه والرده .. لن يصيبنا الا ما كتب الله لنا .. الوحده لازم تقرا وتحصن نفسها وربنا الحافظ

وعن نفسي اذا الله كتبلي بإذنه حمال بحطه إن شاء الله :eh_s(17):