كروشية 5: ورشة عمل كبوس شتوي

[MiSs kw]

صباح الخير
شلونكم يا بنات
انشالله كلكم بخير

من امس احوس بقوقل و اشوف صور الكروشية
شفت هالكبوس و عجبني و قررت اسوي واحد

الخطوات سهله وايد
عشان جذي راح اشرح من غير صور

اول شي الاساس
اشتغلي سلسله على قياس محيط الراس و شبكيها يمنزلقة

الشطر الاول
صعدي 3 سلاسل و كملي شغل بغرزة العامود لي اخر شي

السطر الثالني
الحين راح نشتغل بغرزتين ... وايد سهلين بس ركزو شي

الغرز اسمهم
Front Loop
Back Loop


اول شي لازم نفرق بين الـFront Loop و الـBack Loop

شوفو الصور

هذي صورة الـ
Back Loop

و صورة الــ
Front Loop

الحين
السطر الثاني
اشتغلي غرزة فرونت لوب و غرزة باك لوب ... و كملي غرزة فرونت و غرزه باك

السطر الثالث و الرابع:
عيدي السطر الثاني

السطر الخامس :
غيري لون الخيط و اشتغلي بنفس الاسطر الي قبل

و جذي غيري اللون و كملي لحد ما توصلين للطول المناسب لج

بعدين اشتغلي بالغرزة الامامية و الخلفيه
وحده امامية و وحده خلفيه
و هذا بترونها

و اخر شي سوي سلسله و دخليها باول صف اشتغلنا و سحبي و ربطي الخيط

و بس :eh_s(7):

الي يعجبها تدعيلي ربي يرزقني كل ماحب و اتمني و يحفظ لي اهلي

 

[كروشيه شهد]

رررررررررروعه تسلم الايادى

 

[MiSs kw]

يسلمج حبيبتي
شاكره مرورج

 

[ميس المشاعر]

روووووووووعه
اعرف اسوي على طريقتي الخاصة

بس للأسف ما فهمت للغرز مو متعلمة

يعطيج العافية

 

[لياليـ]

تسلم ايدج
اتقبلي مروري

 

[MiSs kw]

روووووووووعه
اعرف اسوي على طريقتي الخاصة

بس للأسف ما فهمت للغرز مو متعلمة

يعطيج العافية

ضروري تلتزمين بالغرز
تقدرين تحطين الي تبينه المهم يكون عاجبج:eh_s(17):

 

[MiSs kw]

تسلم ايدج
اتقبلي مروري

و ايدياتج حبيبتي
نورتي :eh_s(17):

 

[الله كرريم]

روعه بشتري الادوات وابدا الشغل

 

[على البال]

مشكوووووورة الله يرزقج كل ماتحبين وتتمنين​

 

[MiSs kw]

ضروري تلتزمين بالغرز
تقدرين تحطين الي تبينه المهم يكون عاجبج:eh_s(17):

سوري قصدي مو ضروري

 

[MiSs kw]

روعه بشتري الادوات وابدا الشغل

انشالله تستمتعين بالشغل :eh_s(17):

 

[الأميرة جوري]

نفسي اتعلم عليه احسه صعبب

 

[MiSs kw]

مشكوووووورة الله يرزقج كل ماتحبين وتتمنين​

ولج بالمثل يارب :eh_s(17)::eh_s(17):

 

[MiSs kw]

نفسي اتعلم عليه احسه صعبب

بالول كنت مثلج اشوف و اقول صعب
لحد ما قررت اجرب بيدي و شريت الادوات و دشيت اليوتيوب و شوي شوي تعلمت صج خربطت واااااايد بالاول بس شوي شوي تعلمت

مشوار الالف يبدا بخطوه لا تقولين صعب قولي راح اجرب و اتعلم:eh_s(17)::eh_s(17):

 

[الله كرريم]

رحت ودورت وبالعاافيه لقيت ابرة كروشيه قياس ٨ وماعرفت اشتغل فيها حييل صغييرة!!
جم قياس ابرتج ووين ممكن القاها؟؟ وشنو نوع خيوطج ؟؟ كثرت عليج اسئله

 

[MiSs kw]

رحت ودورت وبالعاافيه لقيت ابرة كروشيه قياس ٨ وماعرفت اشتغل فيها حييل صغييرة!!
جم قياس ابرتج ووين ممكن القاها؟؟ وشنو نوع خيوطج ؟؟ كثرت عليج اسئله

شلون قياس 8 و صغيره ؟؟
8 مقاسها كبير وايد
اخاف قصدج 0.8 اذا جذي عدل تكون صغيره
انا استعملت ابره قياس 6 لانه الخيط شوي متين
حبيبتي انا ابري اخذهم من بركات و هم خيوطي
روحي له و انا متاكده راح تحصلين الابر و الخيوط المناسبه

اذا رجعت من الكلية اصورج لج الابر و الخيط و شغلي بعد ما خلصته

 

[Nokia N95]

جاري التطبيق

الله يعطيج العافية ....

 

[MiSs kw]

جاري التطبيق

الله يعطيج العافية ....

يعافيج ربي
:eh_s(17)::eh_s(17):

 

[أم فهووود]

يسلموووووو

 

[Nokia N95]

الصراحة ... امس تقريبا خلصته
عجبني .... لاني ممكن استخدمه بالبرد ... اغطي فيه رقبتي ...
ممكن اسكره من تحت ( اسحب الخيطين ) و اركب حلقتين على الجوانب واحط فيهم الخيطين ويصير جنطة