هل تعضين كلب عضك؟؟!!

[ما كو اسم]

بسم الله الرحمن الرحيم ​

السلام عليكم بنات :eh_s(8): وشلونكم ؟؟ انشالله الكل بخير ​

بدخل سيده بالموضوع
((( سألو حكيما: لماذا لم تنتقم ممن يسيئون إليك؟
رد ضاحكا: وهل من الحكمه ان اعض كلبا عضني .... ))) ​

بصراحه وقفت عند هالجمله وفكرت انا اسامح ولا لأ .........واعتقد مو دايما
ويمكن هالمقوله نبهتني ان لازم ما اقابل الاسأه بإسأه مثلها واصغر الشخص إلي سببلي المضره واحقره ولا اعطيه اهميه ​

بـــــــــــــــــــــــــــــــــــــــــــــــــــــــــــــــــــــــس اقدر !!! ما اعتقد دايما
يعني اذا تخليت عن حقي... نفس الشخص ممكن يتطاول علي ويتجرأ اكثر وممكن يهين كرامتي فشلون اسامح او اغفر او اضعف الايمان إني اطنش
واحنا مو عايشين بروحنا نروح دوام واصدقاء و اهلي واهل زوجي وناس فيها عقد نفسيه وناس بس تجرح
شلون اتصرف وبصراحه مودايما اقدر اتصرف بحكمه ​

سؤال ضروري اذا احد تعرضلج بأي موقف وخنقول موقف متوسط الحده موقوي ولا عادي بتردين تعضين الشخص ولا لأ؟؟؟؟؟؟؟؟؟؟؟​

اذا تقدرون النقاش يكون مدعوم بمواقف وشلون نقدر نمسك نفسنا​

ومذكور بالقرءان العين بالعين والسن بالسن


وانا اقول بزمننا اذا لم تكن ذئبا اكلتك الذئاب

 

[BoxCouture]

سبحان الله عددماكان وعددمايكون وعددالحركات والسكون

 

[ألايانفس......]

أنا قبل كنت ارد والاسن واخذ حقي بلساني وياويل اللي يتجرا بكلمة علي!!
من عقبها تعبت الصرآآحة ,,,

الحين ماشية على مبدا طنش تعش تنتعش ... ومتمرمطة الحين
بس اقول حسبي الله ونعم الوكيل واشوف العجب ...

 

[BoxCouture]

سبحان الله عددماكان وعددمايكون وعددالحركات والسكون

 

[سانماري]

بالنسبه لي أوقفه عند حده وإذا مافاد بكذا مايستاهل إلا العض

 

[BoxCouture]

up up

 

[ازمه وتعدي]

سااالت صديقتى نفس سوووالك

فلانه تعضين جلب عضج ؟؟؟ظ

قالت مو بس اعضه باسنانى قوووولى افترسه قليله اقطعها تقطيع

ههههههههههههههههههههههههههههه

هى راااح تتزوج بعد باااجر لكن مالومها انها تفكر ترد على اى احد ااذااها

لانها فعلا قابلت كلااااب وكلبات وااايد بحياتها ( محشوووووم السامع )

الله يوفقها بحياتها وما تشوف هالنوعيه ياارب


​

 

[BoxCouture]

up up

 

[مُخملْ]

نعمْ ولآ :
آوفقه عندْ ححده بسْ طبعاً مب بنفس آسلوبهْ !
مب لآني جبآنةْ ، آو مآقدر ادافع عن نفسي ،
بس في شي يحكمني ، تربيتي مآتخليني آنزلْ نفسي لْ مستوآه المنححطْ
كلمتينْ توقفه عند حدهْ ، ومآتشرفْ آعرفه عقبها !!!

تسلمينْ (f)

 

[BoxCouture]

سبحان الله وبحمده سبحان الله العظيم

 

[**وقفة فرس**]

((( سألو حكيما: لماذا لم تنتقم ممن يسيئون إليك؟
رد ضاحكا: وهل من الحكمه ان اعض كلبا عضني .... )))
فعلا حكيم..
وآنا بوقف عند هالحكمة..لأن صارلي موقف من مواقف عدة لإحداهنعزج الله "كلبة"مثل"كلب" هالحكيم..
وما نزلت لمستواها بالعكس بكل ذكاء مني جرجرتها بالكلام وإستفزيتها ووصلت وآنا بنت أبوي للي أبيه وهي بكل غباء وسذاجة كانت ترد علشان تأكد الكلام عليها
وقالت إنها بتخلي الأجودي ولد الأجواد يشوف كلامي وآنا أتحداها على الملأ إنها تستجمع شجاعتها وتبطل جبن وتقرى ردودها وتقوله عن اللي امسحته ولا تحط "فترة صعبة من حياتي لحد يلومني"شماعة لزفارة لسانها ومذهبها الوسيع..وأتحداها تعترف بكل شي قالته هني وبرا المنتدى عنه وعن أهله لأنها فعلا تمادت واستسهلت حتى بشرف لحمها ودمها..وصارت مثل العنز اللي تحفر لمذبحها..أتحداها تحلف على القرآن إنها حتى هالإنسان اللي ما أعتقد يخفاه شخصيتها وطبعها الأقشر ماسلم منها وإني يوم تعورت جتني تتكلم فيه وتقول جايني يسأل عن سالفتج وإني زفيته وقلتله لا تاخذ أخبار وعلوم مني<<من زود السنع لأنها إنسانة كتومه والسر عندها في بير
ولا بعد هم هذي من الفترات الصعبة؟بس أتوقع حياتها كلها صعاب مسكينة
من تزوجت وهي تحذرني من لحمها ودمها وما تبيني أحتك فيهم وأتحداها تحلف قدام زوجها وخواته إنها ما سوت هالشي
وبسي عاد ماجاها مني كفاية وإنتصرت عليها
بصراحه وقفت عند هالجمله وفكرت انا اسامح ولا لأ .........واعتقد مو دايما
ويمكن هالمقوله نبهتني ان لازم ما اقابل الاسأه بإسأه مثلها واصغر الشخص إلي سببلي المضره واحقره ولا اعطيه اهميه
في أغلب الأحيان هالطريقة مجدية
اذا تخليت عن حقي... نفس الشخص ممكن يتطاول علي ويتجرأ اكثر وممكن يهين كرامتي فشلون اسامح او اغفر او اضعف الايمان إني اطنش
وربي يالغالية عن تجرية شخصية أمي تقول"لا تعابي العوبة تعابيك وتحط مافيها فيك"
وبناءا على رغبتج بقولج موقفي:
تخلي خدمها يتقصون عن أخباري وطلعوا يجيبون لها معلومات غلط..وبالنهاية تتهمني إني مرافجة الخدم وأسولف معاهم ما كأني في يوم زافة خدامتها علشان قاعدة تفضح فيها بس طلعت مو كفو..
عادي تتهمج بشي فيها<<ماتنلام لأنها مو محبوبة من أحد أصلا ولا لها هيبة ولا حشيمة وإحترام لأنها مومحترمة نفسها وتقعد مع الناس تاكل وتضحك وتحش فيهم من وراهم بس ماتقدر تخليهم لأنها تحب القيل والقال فلازم تنافق وعلى بالها كل الناس مثلها
اللهم لك الحمد صداقاتي من سنين للحين مستمرة وبإزدياد لأني أعامل الناس بذوق راقي وأدب ومن أشوف شخص ما يستحق صداقتي أنفيه من حياتي موأنافقه لأني خلوقة والنفاق موطبعي ولا أخلاقي
ولي جيت مكان حتى الكبير يقوملي وإن سهيت عن أحد بالسلام جاني وسلم علي لو مايحبوني ويحترموني ولي قدر ما سلموا علي..صيتي أسمعه من بعيد من الناس وهذا اللي كاااااوي جبدها..
بس ودي تسلفني رفيجة ماعندي ما أطلع معاهم كل أسبوع ريوق أو غدا كله بروحي:krkrkr:أكسر الخاطر آنا:eh_s(2):
واحنا مو عايشين بروحنا نروح دوام واصدقاء و اهلي واهل زوجي وناس فيها عقد نفسيه وناس بس تجرح
شلون اتصرف وبصراحه مودايما اقدر اتصرف بحكمه
تبين تشوفين العقد على أصولها تعالي شوفي اللي أشوفه وربي تموتين ضحك..
بس ياإختج شسوي ودي تحطلي غرفة عندها لأني أحب أراقب تصرفاتها لأنها أحسن مني شهادة ووظيفة وأخلاق وزول ورزة وطلة بهية وعيون ذباحة ورييييييحة تهبل..ونظاااافة وسنع وذرابة وشياكة والدليل الخيشة الحمرا والجوتي الأجلح وتقول آنا اهتم من راسي لي رجولي:krkrkr:
إهتمي باللي...بالأول:krkrkr:أغار من روحاتها ورداتها وبغيت اموت أبي أروح أوروبا مثلها لو مارحت استخفيت:lololoe:
ودي أصير مثل هالمرة ذاااابحتي حيل أغار منها:krkrkr:
الحمدالله والشكر ما أدري منو اللي يتفنن بالخباثة واللعانه ووده غيره ينحرم من اللي عطاه ربي
أتمنى تلاقي شي تشغل نفسها فيه غير الناس ومتابعتهم وإسقاط عذاريبها عليهم
والله ياقلبي الحقران أفضل طريقة وبالنسبة للي بالدوام في قانونية توقفهم عند حدهم​

سؤال ضروري اذا احد تعرضلج بأي موقف وخنقول موقف متوسط الحده موقوي ولا عادي بتردين تعضين الشخص ولا لأ؟؟؟؟؟؟؟؟؟؟؟

مو دايما آنا وحدة أعطي فرص أطنش مرة ومرتين بعدين أعطي بالعظم..أول موقف صار بحياتي من هالناس موقف خبيييييث رايحة تقدم على الوظيفة وبسيارتي وتوز أخوها علي تقوله زوجي مهاوشني مانزلت لخالته وأهله كاهي مرتك ماتنزلآنا شكو بالموضوع ادخليني فيه؟؟
وفعلا جا وقالي وفهمته الوضع واقتنع وعرف مغزى الخانووووم المعقدة
صج رقطا
ومواقف لا تعد ولا تحصى ​

اذا تقدرون النقاش يكون مدعوم بمواقف وشلون نقدر نمسك نفسنا
شقول شحجي..بطبق كلام الحكيم أفضل وكافي ماجاها وآنا عند التحدي وقده:rerrerek: :rerrerek::rerrerek:والقرآن بيننا بطلع الأولي والتالي إن ما كفت شرها عني
جانها مرة قوية بدال دموع التماسيح عند زوجها علشان يسكت عنها خل تقوله كل شي قالته بحقه وحق أهله من اعرفتني وشلون تفننت بتشويه صورتهم..لا تخلط الأوراق باسلوبها الخبيث ترى بالنهاية مايصح إلا الصحيح..وبكبر راسي مثل هالحكيم وخلها تاااااكل بعمرها لين تموت

تحياتي لج والله يبعد عنج وعنا هالأشكال الدونية السفيهة

 

[BoxCouture]

وقفة فرس

كفيتي و وفيتي حبيبتي

والله يعين

 

[نآعمـه]

.

اممم .. شد انتبأهي العنوان

شوفي مو أي جلـب " عزكم الله " ارد عليـه .. لآن مو معقوله بنزل مستوآي لـ هالاشكـال
وبعدين مو زين تعودين نفسج ان اي احد يعضج لآزم تردين له العضه .. بس في نوعيه شاذه
انها ما تحترم نفسهآ وتحترمج الا ليمـا تجعمينهم و تزفينهم " وكثيره هالنوعيه "

انا عن نفسسـي ..

اذا انعضيت المره الاولى اسكت بس ابين اني متضايقه واذا انعضيت مره ثانيه من نفس الشخص
لآ ء ءء .. اردله عضتـه =)

يسسلمـو ع الموضوع ​

 

[BoxCouture]

انشالله ما اكون ذكرتكم بذكريات خايسه

 

[نهى الأحمد]

هلا حبيبتي

تصدقين

من فترة شفت موضوعج وكل ما قلت بشارك فيه تصير شغله وانسى :eh_s(7):

المهم


الطنااااش احسن شي نسويه

ما انزل روحي لمستواهم ومو مستعده اكلمهم دام اني كشفت معدنهم

 

[سانماري]

هلا حبيبتي

تصدقين

من فترة شفت موضوعج وكل ما قلت بشارك فيه تصير شغله وانسى :eh_s(7):

المهم


الطنااااش احسن شي نسويه

ما انزل روحي لمستواهم ومو مستعده اكلمهم دام اني كشفت معدنهم

صدقتي حبيبتي هالأسلوب هو الحل الوحيد معاهم

 

[أحترت أعبر]

لاني بطبعي لا انسى الاساءه مهما كانت صغيره ...مو شرط أخذ موقف سريع ...لكن ما راح انسى الاساءه واكيد بكون اكثر حذر مع الشخص اللي اساء لي ...
وممكن ارد لو موقفي كان موقف قوه ...أما لو كنت بموقف ضعف بغض النظر كنت على خطاء او صواب فأكيد ما راح ارد وبتجاهل حفاظا على نفسي من نبح الكلاب ونهشهم ....​

 

[miss_whitemocha]

الحمدلله ما أشيل بقلبي و لا أحب أنتقم من اللي ضرني لسببين..
إن الشخص اللي ضرني يعتبر بالنسبة لي شي انتهى و من الغباء إني أفكر بالإنتقام من شي غير موجود,,
وثاني سبب..التفكير بالإنتقام يستلزم جهد و وقت و تفكير انا شخصيا أشوف إني أولى فيهم من غيري..أستثمرهم باللي ينفعني و يعلي مكانتي..
​

 

[BoxCouture]

مو لازم الواحد يشيل بقلبه على احد بس ضروري اي غلطان يوقف عند حده عشان ما يتمادى

 

[بربيره]

حسب الموقف امس صارلي موقف خايس بالسوق مع واحد حقير اول مره افقد اعصابي واصرخ تضايقت من نفسي حيل

بس احيانا حلو الواحد يمارس اسلوب التغافل < تعلمته من فوفو حبيبتي وايد مريح

شوفي انا مستحيل اعظ احد حتا لو غلط علي لاني بطبيعتي خجوله ما اعرف اتهجم ولا شي واذا تظايقت ببجي

مو من النوع الي ادور عالمشاكل وطبيعي الواحد يمر بظروف وده يعظ و يكون شرس بس في شي بداخلي مانعني ما اقدر اتصرف مثل ما ابي

انا عندي حدود لتصرفاتي مهما عصبت و تظايقت ما اسمح لنفسي اتهجم ولا اتعدى

و جذي و هذا سبب راحة بالي الحاليه وتوفيقي و الحمد لله