شسويتي لما طلعتي من الأربعين ورحتي بيتج؟ واايد احاتي!

[FuSheYa]

السلام عليكم


شلونكم ياحلوين



انا الحين كملت شهر من الاربعين وان شاءالله بس بقالي 10 ايام واخلص
انا ان شاءالله برد بيتي نهايه الشهر او بدايه شهر 11 باذن الله


حدي قاااعده احاتي
انا بجر والحين ببيت اهلي
روتيني مع البيبي اني اجابلها اسم الله عليها مع الخدامه بالنهار لما اقعد من النوم .. وانا اساسا اسهر فاجابلها بروحي واخلي الخدامه تنام على الـ 11 وتقعد 6 او 6 ونص
ومرات اذا نايمه وشبعانه ونظيفه اسم الله عليها انام شويه بليل (الفير من 12 لي 6 الصبح هالكلام)

اكثر الاوقات بنتي تقعد عالـ 6 الصبح و تبدي تتعسر هالحزه لي 11 الظخر تقريبا تبجي او تنام وتقعد فلازم نجابلها

عقب ما تسكت وترتاح وتنام على ال 11 ونص 12 الظهر انا انام.. والخدامه تجابلها

لما تقعد اي وقت العصر الخدامه تاخذها عند امي او خواتي وانا اتم نايمه



اللي افكر فيه واحاتيه لما اطلع من النفاس

شنو بسوي!!! شنو بيكون روتيني مع بنتي اسم الله عليها
اكيد راح يختلف الوضع
انا بروحي مع ريلي بالبيت!
شلون ارتب وقتي!
شلون اذا بطلع مع ريلي!! اخلي بنتي مع الخدامه بالبيت!

والله قاعده احااتي وحدي خايفه احس ماودي ارد بيتي بس علشان جذي! :eh_s(2):

تكفون بناات علموني او طمنوني على الاقل شسوي!

انا بيتي او "شقتي" ببيت اهل ريلي يعني مو بروحي بس جنه بروحنا دشتي وطلعتي بروحي

قاعده افكر لو ودنا انا وريلي نطلع انزل بنتي عندهم وهم الخدامه تجابلها!
بس اذا مو موجودين!
شسوي


والله احس هالتفكييير والمحاتات ذابحتني
الله يخليكم قولولي اذا كنتوا مارين باللي انا ماره فيه!
شتسوون!
لاتقولولي اوديها بيت اهلي!
ماعندي سايق! و اوديها مره مرتين ثلاث! لويه
ودرب علي
يعني ماتسوي اذا بطلع تقريبا 4 او 5 ساعات اروح اوديها ببيت اهلي


امبيه الف فكره وفكره ببالي
ناطرتكم
وعذروني على الطواله بس افضفض وابي حل :eh_s(2):

 

[Fashion Falls]

ان شالله سهالات لاتحاتين وتعبين روحج كل الامهات طلعو من اربعينهم ومشت امورهم عال العال
بس حددي اولوياتج يعني شنو تبين بالضبط؟؟ اول شي راحتج وتنامين كافي مو علي بو بطلع تطلعين وانتي دايخه ومو شبعانه نوم جذي منتيً مستانسه مع الزوج
واذا بتطلعين خلي بنوتج عند الحموله
اذا مو موجودين وديها عند امج او خواتج
او طلعيها معاكم اذا لكم خلق احسن خل تتعود

 

[FuSheYa]

حبيبتي مشكووره على الرد

طبعا مراح اضغط على نفسي اذا تعبانه اكيد مراح اطلع
بس اذا ودنا نطلع تدرين بالاربعين وقبل هالفتره بشوي ما كنا نطلع من التعب والحمال

فتفكيري ببنتي وشلون اامن عليها عند منو

واذا اطلعها معانا احسن واحسن بعد

بس متى اقدر اطلعها!
عادي عقب الاربعين مثلا او لازم تكمل جم شهر تقريبا؟

 

[FuSheYa]

اشدعوه بنات!! فوق ال 50 وحده دشت وماكو ولا رد!!!

لايكون ليلحين ببيت اهلكم من ولدتوا

هههههههههه

 

[c a t w o m a n]

أهم شي إنتي ترتاحين عشان تقدرين تعطين الكل حقة

متى ما شفتي فرصة نوم نامي ..

إذا إنتي مو من نوع إيللي يحطون عيالهم عند خدم واضطريتي تخلينها تمسك بنتج خليها حواليج و إنتي انسدحي

أهم شي تنظمين وقتج وتاخذين قسط كافي من الراحة

إذا بتطلعين مع ريلج _ و أنا أعتقد إن وايد الطلعات راح تقل في البداية _ دقي على الوالدة خلي الخادمه والياهل عندها أو ضبطي الجدول مع خالتج عطيهم خبر بهاليوم بتطلعين إذا مافي مانع يمسكونها كلش كلش بالعربانة وياج دزيها بس أعتقد تو الناس عليها صغيرة اسمالله عليها .. لا تحاتين كل شي بالبداية يبيلة تنظيم وترتيب و أهم شي إنتي .. إنتي ارتاحي

 

[بقلبي انت]

لا تكبرين الامور ولا تحاتين اصلا إلأي بعمر بنتج اسم الله عليها بتكون كله نايمه ما تقومإلا اذا جوعانه او موصخه
وزين عندج خدامه عشان تشيل عنج الشغل وانتي تجابلين البيبي بس انتي حاولي ترتبين موعد نوم بنتج
عشان يتلائم مع نومتج مره ومرتين بتتعود علي النومه وسالفة الطلعه ابغيتي تطلعين ويا زوجج اذا حمولتج ناس طيبين
مايتأففون علي اي شي ولا يتكلمون خلي بنتج عندهم وتكون الخدامه بعد عندها لين تجين بس اذا مايتحملون البيبي وديها
عند اهلج احسن لانج بنتهم واكيد مابيقولون شي
وبس يصير عمر البيبي 4 او 5 شهور طلعيها معاج عشان تتعود عالجووالناس وموفقه

 

[washwoshh]

انا كنت نفسج احاتي ومابقى احد ما سالت

شوفي اهم شي دلعي الخدامه ههههههههههههههههههههه عشان تجابلج وتجابل ولدج

انا يكون عندي طول اليوم بس عندج من ساعه 6 ونص 7 الصبح اهيا تقعد واعطيه اياه ليه ساعه 10 ساعات 12 بس ما انام متواصل يعني اقوم اطل وراد انام احاتي الصراحه

وعندج اذ1ا بطلع اقطها بيت اهلي اريح واضمن عشان ما احاتي بيت الاهل وبيت اهلي جبال منطقتي واخد داش واحد طالع يعني واوصي اي احد يطل عليها اصلن انا اخليها تقعد بصاله عشان كل من يطل عليها وسلامتج وبنسبه للطلعه الحين المجمعات التكيف بارد ما انصحج وهذا انا الي اسويه انشالله البنات يفيدونج
بس ترى هل العمر ما انصحج تخلين الخدامه معاه بروحه

 

[أم ميميتو]

انا لما ولدت قعدة بشقتي مارحت بيت اهلي وامي تيي عندي كل يومين و ماعندي خدامه انا و زوجي جابلنا ولدي بالعكس احس اني تحملت المسئوليه اكثر لاني طلعت من المستشفى و يت شقتي على طول و لما كنت اطلع مع زوجي اخليه عند خالتي لانه متعود عليها وايد وكانت طلعتي قليله بس الحين قمت اطلع كل مكان و اخذ ولدي معاي لان صار عمره سنه وشهرين اسم الله عليه*

 

[AVE.NJ]

من صجج اول ماتطلعين من الاربعين
مالج خلق اي شي وقلبج متعلق بالياهل وانتي تركي الطلعات والوناسه ليه تستقر ظروفج
وتتعودين على الياهل وتسوين كنترول حق نفسج
لاحقه حق الوناسه ترا الحين عندج اولويات

 

[صادقة بكلمتي]

الله يتمم عليج حبيبتي عيشي حياتج ولا تحاتين ونظمي وقتج كل جم شهر ويتعدل نومها وقعدتها واهم شي لا بغيتي تطلعين لاااااااااااااااااااااااااااااااااااااتفكرين تخلين بنتج بروحها مع الخدامه تحت اي ظرف لو حمولتج مو موجودين ولا اهلج ولا خواتج اخذيها وياج ولا اجلي طلعتج ان مو ضروريه ترا الخدامة جدامج غير من وراج واهي بعد انسانة وممكن ايام نفسيتها تتعب ولا من دورتها ولالالالالا تعب الشغل والنوم و و انتي ما تدرين عنها شي خافي على بنتج واخذيها اهي اهم من كل شي

 

[درة أهل الطولات]

اذا مو موجودين مو ضروري تطلعين

 

[عسل مرت قيمر]

مادري حبيبتي

انا عندي بس ولد واحد

وولدت قيصري


اذكر كان عندي امتحانات فاينل وانا بلاربعين وعمليه

تصدقين اني مستحيل اخلي ولدي عند خدامه

ولي يومج هذا


احس قلبي كلش ما يخليني


تخيلي وانا ارضع طبيعي يعني اصعب واصعب


زمادخل الصناعي معاه


كانت طلعاتي خفيفه


وكنت اخذه معاي اي مكان بروح


ساعات ريلي مو موجود

ولازم اطلع حق شي ظروري


كن احطه بكرسي السياره


واطلع معاه


الصراحه اذا احنا عيالنا وساعات نمل منهم عيل شلون الخدم


شوفي حياتي اوا ادري ان شي صعب ومو سهل


انا كانت اتييني ايام والله كنت ابجي

ابي انام


ريلي مسكين كان يساعدني بلي يقدر عليه


بس هم الام اهيا الاساس مع البيبي



وشنسوي بعد كاها شهوروتمر ويتعدل كل شي


انا ولدي الحين سنه ونص تقريبا وللحين تمر اياام يسهرني



بس ضحكته ولعبه تسوا عندي الدنيا


ولا تحاتين اهم شي نظمي الوقت واخذي علاقل جم ساعة نوم والطلعه حاولي تخففين

وبتمشي الامور

 

[كويتيه مذهله 87]

اول شي الحمدالله علي السلامه وان شالله طالعه من باجي شروره
شوفي انا رحت شقتي قبل الاربعين تقريبا شهر بالضبط لان اهلي سافروا ياتهم سفره مفاجأه بس الحمدالله رحت شقتي وانا عارفه لولدي عدل مدل حبيبتي امي علمتي كل شي وتعلمت الباجي برووحي

كل ام بهالفتره طلعاتها تخف , يعني طلعي الا للمكان الضروره بس بعد الحين انتي مو مثل قبل عندج بيبي صغير ومحتاجتج مو كل يوم تطلعين ممكن بالاسبوع مره تغيير جووو اخذي بنتج معاج اشتريلها عربانه اذا بتروحين المجمع عادي مافيها شي بس لبسيها عدل انا كنت اسوي جذي ما أحب اخليه بالبيت بروحه مع الخدامه صدقيني اذا خدامتج زينه وحبوبه تري لها فتره وتمل مهما يكون ما تكون امينه وحريصه عليها كثرج انتي ..
واذا بتروحين مطاعم خليها عند حمولتج ووصي ريلج يكلمهم بس ربع ساعه تاكلون وتردون انتي قبل لا تطلعين مع ريلج هنيه شبعي بنتج وغيريلها وبدليها وخليها و روحي تغدوا وردوا

انا يمكن 3 شهور طلعاتي حييييييييييييل خفيفه وان طلعت ربع ساعه ما أكثر او اقل بعد حتي طلعاتي للصالون صارت اب شقتي ادق علي وحده تييني البيت تسوي كل شغلي وان طلعت طلعات طويله مرات كنت اخليه عند ام ريلي تحت ومعاها خدامتي تساعد ام ريلي بس

وبخصوص نومتج كل ما نامت بنتج نامي معاها لا تفكرين ابدا ابدا تقطينها عند خدامتج حتي لو تنزلينها تحت هالعمر عيشي معاها بكل لحظه باجر اذا كبرتي تتحسفين انج ما جابلتيها بنفسج عدل
يعني اذا قاعده وانتي مو شبعانه نوم حاولي تصحصحين لها وتري الياهل بهالعمر كله نايمه اسملا عليها بس نومها يكون متقطع كل ساعه تقعد وميخالف ريلج بيتفهم موقفج سواء ماطبختي او مانمتي معاه راح يعذرج ان شالله
ودايما البجر علاقتها مع ريلها اول الاشهر من رجوعها من بعد الاربعين تصير ميته وهذا طبييييييييييييييييييييييييعي جدا تالي ترد علاقتهم مثل قبل وأحسن بعد


وراح ايييلج ايام بنتج تتواصل بالبجي وان شالله لأ يااارب تصير هاديه بس الاغلبيه الي اقعد معاهم كانوا يقولون اي مثلي لوووول والله كنت ابجي ابي انااااااام ماكو نووووووووم بعد هذي ضريبه الامومه نتحمل ومن ينام نص ساعه ما اصدق علي الله انام معاه والله اسحب سيفون علي العالم الخارجي ما أطلع ولا شي

واي مكان بتروحين اخذيها معاج عرباتنها خليها بالسياره
والله انا الحين 9 شهور من والده ما رحت السينما ولمن سافرت 3 شهور من ولدت رحت دبي 3 ايام خليته عند امي ورديت جني موشايفته سنه حدي ولهت عليه قلت توبه بعد ما أسافر وانتي راح تجربين اذا رديتي بيتج راح تتعودين علي حياتج معاها ويصير امورج كلها تمام وماتبين تهدينها ولا دقيقه
و حتي مطاعم مع ريلي رحت مع ولدي بعمر ال 5 شهور احطه يمي واكل بس الحين كبر اسملا عليه مره وديه معاي ينني وقلت توبه اخذه معاي اخليه عند ام ريلي واروح لوووول



واي شي تبين دزيلي رساله علي الخاص وسوري علي القرقه

:***

 

[manoooram]

حبيبتي لا تحاتين ولا تفكرين كل شي سهالات باذن رب العالمين
اهم شي الحين ركزي اهتمامج بالنعمه اللي الله انعمها عليج ويخليلج بنوتج ان شالله
بتتقيدين بوقتج وطلعاتج معاها مو نفس قبل لا يكون عندج بيبي
ويتكون احساس يديد ان في طفل يحتاج تربيه رعايه واهتمام
وسهر وتعب بس صدقيني بيكون عسل على قلبج
وبخصوص الطلعات اذا عندج احد يشوف بنيتج من الاهل خليها عندهم وطلعي استانسي اما اذا ما فيه أجليها لمن تسمح ظروفج ان شالله

 

[FuSheYa]

أهم شي إنتي ترتاحين عشان تقدرين تعطين الكل حقة

متى ما شفتي فرصة نوم نامي ..

إذا إنتي مو من نوع إيللي يحطون عيالهم عند خدم واضطريتي تخلينها تمسك بنتج خليها حواليج و إنتي انسدحي

أهم شي تنظمين وقتج وتاخذين قسط كافي من الراحة

إذا بتطلعين مع ريلج _ و أنا أعتقد إن وايد الطلعات راح تقل في البداية _ دقي على الوالدة خلي الخادمه والياهل عندها أو ضبطي الجدول مع خالتج عطيهم خبر بهاليوم بتطلعين إذا مافي مانع يمسكونها كلش كلش بالعربانة وياج دزيها بس أعتقد تو الناس عليها صغيرة اسمالله عليها .. لا تحاتين كل شي بالبداية يبيلة تنظيم وترتيب و أهم شي إنتي .. إنتي ارتاحي

حبيبتي مشكووره
اي اكيد الطلعات مو نفس قبل بس سبحان الله لو بغير جو من عقب الابعين والقعده
انا اكثر شي احاتي مجابلها لان قشتي مشاءالله مو مثل اهني ببيت اهلي انا قاعده بداري وحمام مكرم السامع
يعني مجابلتها 24 ساعه
هذا اذا ماكانت عند امي وخواتي بالصاله

لا تكبرين الامور ولا تحاتين اصلا إلأي بعمر بنتج اسم الله عليها بتكون كله نايمه ما تقومإلا اذا جوعانه او موصخه
وزين عندج خدامه عشان تشيل عنج الشغل وانتي تجابلين البيبي بس انتي حاولي ترتبين موعد نوم بنتج
عشان يتلائم مع نومتج مره ومرتين بتتعود علي النومه وسالفة الطلعه ابغيتي تطلعين ويا زوجج اذا حمولتج ناس طيبين
مايتأففون علي اي شي ولا يتكلمون خلي بنتج عندهم وتكون الخدامه بعد عندها لين تجين بس اذا مايتحملون البيبي وديها
عند اهلج احسن لانج بنتهم واكيد مابيقولون شي
وبس يصير عمر البيبي 4 او 5 شهور طلعيها معاج عشان تتعود عالجووالناس وموفقه

مشكووره حبيبتي
اي ان شاءالله اكيد وانا مراح اضغط واكلف على الناس
اهيا مره بالاسبوع مثلا

انا كنت نفسج احاتي ومابقى احد ما سالت

شوفي اهم شي دلعي الخدامه ههههههههههههههههههههه عشان تجابلج وتجابل ولدج

انا يكون عندي طول اليوم بس عندج من ساعه 6 ونص 7 الصبح اهيا تقعد واعطيه اياه ليه ساعه 10 ساعات 12 بس ما انام متواصل يعني اقوم اطل وراد انام احاتي الصراحه

وعندج اذ1ا بطلع اقطها بيت اهلي اريح واضمن عشان ما احاتي بيت الاهل وبيت اهلي جبال منطقتي واخد داش واحد طالع يعني واوصي اي احد يطل عليها اصلن انا اخليها تقعد بصاله عشان كل من يطل عليها وسلامتج وبنسبه للطلعه الحين المجمعات التكيف بارد ما انصحج وهذا انا الي اسويه انشالله البنات يفيدونج
بس ترى هل العمر ما انصحج تخلين الخدامه معاه بروحه

والله نفس حاااااااااالتي
انا على ال 11 الظهر انام واهيا بنتي اسم الله عليها معاي بالدار واخلي الخدامه تقعد معانا او تقعد بالصاله واطرف الباب
علشان اذا بجت بنتي تسمعها وتيي
هم اقوووم ما اقدر والله احاتي
مراات لما تكون عند امي او خواتي وانا نايمه والله افز من النوم احس انها بروحها او انها نايمه يمي واخاف الف عليها :eh_s(2)::eh_s(2):

انا لما ولدت قعدة بشقتي مارحت بيت اهلي وامي تيي عندي كل يومين و ماعندي خدامه انا و زوجي جابلنا ولدي بالعكس احس اني تحملت المسئوليه اكثر لاني طلعت من المستشفى و يت شقتي على طول و لما كنت اطلع مع زوجي اخليه عند خالتي لانه متعود عليها وايد وكانت طلعتي قليله بس الحين قمت اطلع كل مكان و اخذ ولدي معاي لان صار عمره سنه وشهرين اسم الله عليه*

الله يخليلج الوالده ويطول بعمرها ان شاءالله
صج مو مقصرين معانا
بعدقلبي امي تكنسل طلعتها لما تشوفني تعبانه او توني نايمه

من صجج اول ماتطلعين من الاربعين
مالج خلق اي شي وقلبج متعلق بالياهل وانتي تركي الطلعات والوناسه ليه تستقر ظروفج
وتتعودين على الياهل وتسوين كنترول حق نفسج
لاحقه حق الوناسه ترا الحين عندج اولويات

حبيبتي اكيد لاحقه على الوناسه والطلعه
انا ما اقول بطلع 24 ساعه او كل يوم!!!

انا اقول سبحان الله لو بطلع.... انا بني ادم اكيد احتاج اغير جو من عقب القعده والاربعين

لو قلبي مو متعلق ببنتي اسم الله عليها جان ماقعدت احاتي وافكر !! وكلامي مو بس عن الطلعه

الله يتمم عليج حبيبتي عيشي حياتج ولا تحاتين ونظمي وقتج كل جم شهر ويتعدل نومها وقعدتها واهم شي لا بغيتي تطلعين لاااااااااااااااااااااااااااااااااااااتفكرين تخلين بنتج بروحها مع الخدامه تحت اي ظرف لو حمولتج مو موجودين ولا اهلج ولا خواتج اخذيها وياج ولا اجلي طلعتج ان مو ضروريه ترا الخدامة جدامج غير من وراج واهي بعد انسانة وممكن ايام نفسيتها تتعب ولا من دورتها ولالالالالا تعب الشغل والنوم و و انتي ما تدرين عنها شي خافي على بنتج واخذيها اهي اهم من كل شي

حبيبتي مشكووره
ان شاءالله ما اضطر اطلع واخلي بنتي بروحها مع الخدااامه
حمولتي موجودين فيهم الخير والبركه .... مو موجودين مراح اطلع

اذا مو موجودين مو ضروري تطلعين

طبعا

مادري حبيبتي

انا عندي بس ولد واحد

وولدت قيصري


اذكر كان عندي امتحانات فاينل وانا بلاربعين وعمليه

تصدقين اني مستحيل اخلي ولدي عند خدامه

ولي يومج هذا


احس قلبي كلش ما يخليني


تخيلي وانا ارضع طبيعي يعني اصعب واصعب


زمادخل الصناعي معاه


كانت طلعاتي خفيفه


وكنت اخذه معاي اي مكان بروح


ساعات ريلي مو موجود

ولازم اطلع حق شي ظروري


كن احطه بكرسي السياره


واطلع معاه


الصراحه اذا احنا عيالنا وساعات نمل منهم عيل شلون الخدم


شوفي حياتي اوا ادري ان شي صعب ومو سهل


انا كانت اتييني ايام والله كنت ابجي

ابي انام


ريلي مسكين كان يساعدني بلي يقدر عليه


بس هم الام اهيا الاساس مع البيبي



وشنسوي بعد كاها شهوروتمر ويتعدل كل شي


انا ولدي الحين سنه ونص تقريبا وللحين تمر اياام يسهرني



بس ضحكته ولعبه تسوا عندي الدنيا


ولا تحاتين اهم شي نظمي الوقت واخذي علاقل جم ساعة نوم والطلعه حاولي تخففين

وبتمشي الامور

حبيبتي الله يخليه لج يااارب
صاااجه والله الام مرات تمل فشلون الخدامه!
الله يقدرنا يااارب ونربيهم احسن تربيه

اول شي الحمدالله علي السلامه وان شالله طالعه من باجي شروره
شوفي انا رحت شقتي قبل الاربعين تقريبا شهر بالضبط لان اهلي سافروا ياتهم سفره مفاجأه بس الحمدالله رحت شقتي وانا عارفه لولدي عدل مدل حبيبتي امي علمتي كل شي وتعلمت الباجي برووحي

كل ام بهالفتره طلعاتها تخف , يعني طلعي الا للمكان الضروره بس بعد الحين انتي مو مثل قبل عندج بيبي صغير ومحتاجتج مو كل يوم تطلعين ممكن بالاسبوع مره تغيير جووو اخذي بنتج معاج اشتريلها عربانه اذا بتروحين المجمع عادي مافيها شي بس لبسيها عدل انا كنت اسوي جذي ما أحب اخليه بالبيت بروحه مع الخدامه صدقيني اذا خدامتج زينه وحبوبه تري لها فتره وتمل مهما يكون ما تكون امينه وحريصه عليها كثرج انتي ..
واذا بتروحين مطاعم خليها عند حمولتج ووصي ريلج يكلمهم بس ربع ساعه تاكلون وتردون انتي قبل لا تطلعين مع ريلج هنيه شبعي بنتج وغيريلها وبدليها وخليها و روحي تغدوا وردوا

انا يمكن 3 شهور طلعاتي حييييييييييييل خفيفه وان طلعت ربع ساعه ما أكثر او اقل بعد حتي طلعاتي للصالون صارت اب شقتي ادق علي وحده تييني البيت تسوي كل شغلي وان طلعت طلعات طويله مرات كنت اخليه عند ام ريلي تحت ومعاها خدامتي تساعد ام ريلي بس

وبخصوص نومتج كل ما نامت بنتج نامي معاها لا تفكرين ابدا ابدا تقطينها عند خدامتج حتي لو تنزلينها تحت هالعمر عيشي معاها بكل لحظه باجر اذا كبرتي تتحسفين انج ما جابلتيها بنفسج عدل
يعني اذا قاعده وانتي مو شبعانه نوم حاولي تصحصحين لها وتري الياهل بهالعمر كله نايمه اسملا عليها بس نومها يكون متقطع كل ساعه تقعد وميخالف ريلج بيتفهم موقفج سواء ماطبختي او مانمتي معاه راح يعذرج ان شالله
ودايما البجر علاقتها مع ريلها اول الاشهر من رجوعها من بعد الاربعين تصير ميته وهذا طبييييييييييييييييييييييييعي جدا تالي ترد علاقتهم مثل قبل وأحسن بعد


وراح ايييلج ايام بنتج تتواصل بالبجي وان شالله لأ يااارب تصير هاديه بس الاغلبيه الي اقعد معاهم كانوا يقولون اي مثلي لوووول والله كنت ابجي ابي انااااااام ماكو نووووووووم بعد هذي ضريبه الامومه نتحمل ومن ينام نص ساعه ما اصدق علي الله انام معاه والله اسحب سيفون علي العالم الخارجي ما أطلع ولا شي

واي مكان بتروحين اخذيها معاج عرباتنها خليها بالسياره
والله انا الحين 9 شهور من والده ما رحت السينما ولمن سافرت 3 شهور من ولدت رحت دبي 3 ايام خليته عند امي ورديت جني موشايفته سنه حدي ولهت عليه قلت توبه بعد ما أسافر وانتي راح تجربين اذا رديتي بيتج راح تتعودين علي حياتج معاها ويصير امورج كلها تمام وماتبين تهدينها ولا دقيقه
و حتي مطاعم مع ريلي رحت مع ولدي بعمر ال 5 شهور احطه يمي واكل بس الحين كبر اسملا عليه مره وديه معاي ينني وقلت توبه اخذه معاي اخليه عند ام ريلي واروح لوووول



واي شي تبين دزيلي رساله علي الخاص وسوري علي القرقه

:***

بعدقلبي مشكووووووووره على هالرد
الله يقدرنا ان شاءالله
والله من خوفي عليها احاتي شسوي
بس الحمدلله انا نفسج تعلمت كل شي من امي الله يخليهم لنا يااارب
يعني لو اروح بيتي خلاص عارفه كل شي
وحتى خدامتي فاهمه الوضع ماشاءالله
وصاجه انا لو اقول طلعه مو قصدي هياته
لا قصدي كسرت روتين وتغيير جو
واشكرج مره ثانيييييه واايد وايد
والله يخليلج ولدج يااارب :eh_s(17):

حبيبتي لا تحاتين ولا تفكرين كل شي سهالات باذن رب العالمين
اهم شي الحين ركزي اهتمامج بالنعمه اللي الله انعمها عليج ويخليلج بنوتج ان شالله
بتتقيدين بوقتج وطلعاتج معاها مو نفس قبل لا يكون عندج بيبي
ويتكون احساس يديد ان في طفل يحتاج تربيه رعايه واهتمام
وسهر وتعب بس صدقيني بيكون عسل على قلبج
وبخصوص الطلعات اذا عندج احد يشوف بنيتج من الاهل خليها عندهم وطلعي استانسي اما اذا ما فيه أجليها لمن تسمح ظروفج ان شالله

الحمدلله اي والله صاجه انها نعمه من الله
الله يرزق كل محروم يارب
والله الحين ما انام اقعد لما الظهر معاها اسم الله عليها تبجي اتعسر وانا واقفه على حيلي شايلتها
لاني للاسف عودتها على الشيل
والله بس اشوفها تسكت وتعطيني هالابتسامه (مومقصوده طبعا بالغلط...... لانها ما تضحك ولا تبتسم لووووول)
والله اني انسى كل التعب وتشوفيني اتشقق وودي اكلها حبيبتي

 

[miss mama]

ههههههههه تراج الحين خفيفه بيبي واحد وجذي تحلطممممين. شلوون باجر لا صاروووو 3. او اربعه. والله انسي حتى انج تاخذين غفوووة دلللعيييي نفسح والبيبي الاتيً اعظم ههههههههههههههههه. نصيحتي لج. خلي نووووومج مع وقت بنووتح وقعدتج معاها ميخالف صج راح تتعبين بس صدقيني اهي فترة. و بتشوووفين بنووتح كبرت بسرعه وتقدرين تاخذينها معاج بره. ولما تنام نومها متواصل وغير عن اول شهوور. وشيلي الخدامه من راسج تراهم ممكن تجرم في البيبي ولا يطيح من ايدها و تمصعه وتقولج مادري مدام. نصيحه داري على بنووتح.

 

[Mednight Rain]

انا نفسج بجر ومريت بهذا كله ، عموما اول الايام بتصير فوضي ببيتج وبتقعدين انتي والبيبي بس مو مثل اول معاج امج وخواتج ، ومن نفسج انتي راح تنظمين وقتج وتعرفين لنفسج ولبيبيج بس طولي بالج وحاولي تنظمين وقتج وشوي شوي البيبي بيكبر وبيساعدج نومته بتتعدل والامور بتمشي سهالات ان شاء الله ، وعن الطلعات بيوم زوارتج قعدي شوية مع امج وبعدين طلعي مع ريلج سينما ، مطاعم . او خليها عند امج وطلعي .
المشكلة اذا داومتي

 

[PuPa^^SWeeT]

اول شي صج لوية و تعب

بس يعني اتنظمين وقتج و اتسهل الامور



يعني حددي عدد رضعات البيبي


عال 10:30 سبحييه و رضعييه حليبته وخليه عال 11 اهوو نايم


شوي شوي قطعي رضعة الليل خلييه ينام متواصل عالاقل لي ال 6 جذي


بس اتنام تفضين لريلج و بيتج و نفسج


الطلعة والروحة

اذا مايقدرون حمولتج بلاها هاليوم باجر انشالله مثلا


واذا شي ضروري وديه لاهلج


ولا اخذيه وياج اذا جمعية ولا زوارة ما ياذي عادي



وحبيبتي الامور تنحل


بالاخير اقوولج ترا كلنا قلييل ما نطلع قليييل لأنه اذا عيالنا قاعدين وو لهم طلباتهم شوي ما ترتاحين


انا وحدة افكر الحيين شلون التدريس ؟؟ باجر بدرس بناتي باتعب



بس ربج يسهل


اتمر السنييين دقايق وانتي اتشوفينهم انشالله شادين و متخرجين انشالله و متعيلين بعد

 

[ديانا سبنسر]

البنات كفوووفو الله يخليها لج وتشوفينها عروس

 

[مشتاقة الى الله]

كنت مثلج احاتي وافكر
يعني لازم اقسم وقتي شوي للزوج وشوي للمولود وشوي لنفسي وبحكم اسكن ويا اهله شوي مع الاهل
والحمدلله الامور مشت تمام اتمام مع شوية الانضباط
طبعا متلعوزة شوي من دون شغالة بس الحمدلله مرتبة جدول لولدي بحيث انه الوقت الي ينام فيه هو نفس الوقت انا اجلس فيه مع زوجي واهله ونسولف ونضحك
واذا على الطلعة ارتب قبل واشوف احد فاضي يقدر يقعد معه سواء امي ولا خواتي
والحمدلله الامور تتسهل
الحين افكر اجيب خدامة والله يسهل
فما عليج الا انج تشدين شوي على روحج وتسوين جدول بحيث انج ما تظلمين احد لا نفسك ولا زوجك ولا ابنك
والله يحفظكم من كل شر يارب