مسافرات أمريكا (مع يهال) تاخذون الخدامة ؟؟ نقاش

[Toulin RTN]

السلام عليكم كويتيات...

الموضوع من العنوان ..

حبيت أطرح هالموضوع لأني هالسنة ان شاء الله ناوية اسافر أمريكا مع عيالي "لأول مرة مع عيالي"
بنتي عمرها 3 سنين و ولدي سنة
واحتمال كبير اني أخذ بنتي بس

عشان جذي قعدت أفكر شلووووون...:eh_s(10):

شلون راح يكون الوضع... خصوصا ان بنتي وايد عسرة وعنيدة اسم الله عليها

فكرت أخذ الخدامة بس نادر ما اسمع انهم ياخذون خدم معاهم أمريكا


يعني اذا بنطلع مع ريلي مكان بروحنا "يعني رومانسية" :ggdw:

بنروح ديزني أو يونيفرسال ونبي نركب الألعاب الخطيرة :bbbiu:
شلون نركب واهي وين تقعد ؟؟؟

شلون :krkrkr:
خصوصا بوش جاردن :eh_s(22):


فكرت فكرت فكرت :gr4uu:


سويت بحث ولقيت جم موقع حق بيبي سيترز هناك منهم يصير مؤقت ومنهم بالساعة ومنهم مخصص حق الفنادق
مادري أمان ولا لأ ؟


بس قلت اشوف حبيباتي كويتيات وتجاربهم مع هالموضوع..:eh_s(17):

منو فيكم خذت خدامتها معاها ؟

او منو فيكم جربت بيبي ستر هناك ؟؟


يلا نبي تفاعل :eh_s(9)::ggdw:

 

[GaLbI t7aWaL]

ههههههههههههههههههههههه

يا حبيبتي والله ضحكتيني

تخيلي

انا ادرس هني ومعاي بنتي وزوجي يدرس بعد

بس بدووون خدااامه

والله مضغووووطه حدي

بس اصلا السفاره بتسويلج مشاكل مع الخدامه

ومو سامعه عن السعوودي اللي كان يايب خدامته معاه !!

كاااهوو مسجوون الله يفج عنه هالسجن

وترا احنا يمكن ٢٠ بنت متزوجين ومعيلين بس ولا وحده معاها خدامتها

اذا تقوليلي لندن اقووولج عااادي وجنه العيد

بس ساليني انا خبره بآمريكا

 

[دنيتى انا]

مساء الخير حبيبتي

اولا يارب تتوفقون وتصير سفرة روووعه ان شاء الله

بخصوص ولدج بوسنه حرام تمرمرينه <<<لوووول عاجبتني هالكلمة

لانج مومضطرة وامريكا بعيده وموفاهم ويعيقج بالطلعه والدخلة .


نييي حق بنت كلش م ملزووومه همن تاخذينه وفكرت الخدااااااااااااااامة انسيهاااااا كلش كلش لان اساسا ماتسوى تذكرتها واذا انحاشت ياااااااا حرتقلبج لاهي مساعدج ولاهي قعده وتامه عندج ...


ونصيحه بما انج مفكرة بالعاب وهياته ووناسة وفلة خليهم ثنينهم عمهم ضغير للحين مادشو الروضة لكن اذا 4 سنين لاملزومه تودينهم .....

واصلا قلبج ماراح يطاوعج لو تخليهم بالفندق بروحهم ينخاف عليم بديرة غربة ومحد داري عن الثاني


ما انج طالبة المشووورة خليهم وروحي ستانسي يتراوالي هالسنه اللي ماراح تاخذينهم لان الله يخليهم لج ويخليج لهم

السنه الياية بنت بدش الروضة وملزومه تودينها دزني والالعاب ......نصييييحه سالفة الخدامه انسي




تروحين وتردين بالسلامه مقدما

 

[عواشه القرقاشه]

انا ان شاءالله شهر 4 بروح امريكا
و باخذ ولدي راح يكون عمره سنه و 5 شهور

وان شاءالله سهالات مع ان عسر وحنه
بس ابيه معاااي حبيبي

وكلش ما يسوى خدامه مصاريف زايده عالفاضي
وتعالي حوسي على ما تطلعيلها فيزا و لوويه

واهناك اليهال يستانسون طول النهار وعلى ما ايي الليل تعبانين ويبون المخده
بس التعب بالطياره >> تحاتي من الحين


وانتي شوفي نفسج والله يسهل لج

 

[عيون&الريم]

مدامني بامريكا بنصحج من قلب لا تيبن خدمه وفعلاا كلامGaLbL السعودي ياب خدمه والحين باسجن وهقته اكثر المتغربات مايبون خدماتهم الانه خايفين بس اكون خدمات امريكيات او مكسكيات ييون البيت وينظفون كله وفي بيبي ستر يعني يبها امريكا وخلي وحده معاج تلاعبها وتمسكهاا ترا في ناس وايد يسون جدي

 

[ام نواف 5]

اذا قررتى تاخذينها اهم شي جوازها يكون معها يعنى ماتاخذونه منها لان فى القانون يعتبر احتجاز انا عن نفسي اضمن لى اخذ شغالتى معى احسن ماجيب وحده من الشارع واذا على الفيزه للشغاله السياحيه سهله وماتاخذ وقت انا ماخذه شغالتى وجلست معى سنه عادى والسعودى الى فى امريكا سالفته كبيره وملفقه مو سالفه شغاله وهم قبلها معطينه انذارات بس مطنش موفقه

 

[QATAR2]

والله اختي انا ماانصحج تاخذين الخدامه واصلا الفره ماتنفع لبنتج روحي انتي واستانسي واليهال لاحقين على السفر

 

[:: Diva ::]

ديري بالج تاخذينها وياج
ديري بااااااااااااااااااااااااالج


لا

حتى لو تكنسلين سفرتج عادي
و لا تودينها و ترفع عليج قضية و يسجنونكم و يسوون لكم سوالف تجارة عبيد و رق
و حقوق الانسان !!!!




انا ان شالله عالصيف الياي بيصير عمر ولدي 3 سنين الا 3 شهور
و شايله همه من الحين

شلون بوديه معاي


و اخاف من البيبي ستر اذا مو مضمون و يدرون انه اجنبي
متأثره من الخطف و الرهائن !!!



الحل جدامج
اما تسحبين معاج اختج
او تخلين عيالج بالديره

 

[um 3li]

حبيبتي انا رحت شهر 6 امريكا شهر كامل مع ريلي و عيالي 6 سنوات - سنتين و8شهور - سنة و 8شهور

بدون خدامه و ما شفت ولا وحده هناك معاها خدامه

وكنت ماخذه شقة هناك و كنت اطبخ الغدا كل يوم حق عيالي من الليل و اذا رجعنا كنت اسويلهم العشا .. واكيد الصبح الريوق

والحمدلله استانست بالسفرة واااايد و مو متحسفه اني ما خذيت خدامتي مع اني تعبت شوي بس التعب الحلو لاني انا الي كنت اخدم ريلي و عيالي و استانست اني جابلتهم عدل .. هذا احلى شعور والله

وكنا نسوي شفتات على الالعاب .. ريلي يركب و انا انطره بره مع اليهال و العكس .. بس ناااادر ما كنت اركب العاب بروحي لاني ما احب الالعاب الخطره ...اغلب الي كنت اركبهم مع عيالي

الحمدلله نسقنا انا و ريلي و استانسنا وااااايد

حتى لما كنا نروح السوق .. اذا محل حقه انا اجابل اليهال واهو يتسوق و يطالع على كيفه ..او احط بيد اليهال بسكوت او بطاط عشان الهيهم

واذا السوق حقي او حق عيالي اهو يجابلهم على ما اخلص من المحل

والحمدلله كانت احلى سفره بحيااااااااتي الحمدلله

وانا طبعي ما احب خدامه معاي عينها على مشترواتي او تحكرني بالشقه ما اقدر البس على راحتي

مو كافي اني بالكويت محكورة !!!!!! هناك خذيت راحتي على الاخر

نصيحتي لا تاخذينها و روحوا واستانسواااااااااا

 

[كويتية أصيله]

خلي عيالج بالكويت وبلاها تمرمط صدقيني..... انتي رايحه تستانسين موتقعدين تحاتين بنتج حاطتها عند مكسيكيه ولا برازيليه يمكن تسوي فيها بلا.....

 

[semaasem]

انا بعد سفرتي الاخيرة أنصحج تاخذين الخدامة في حالة اذا انتي عارفتها زين وخابرتها وعلاقتج زينة وياها يعني يعتمد عليج

انتي مسألة الخدامة بالسفر انا أشوفها ضرورية وانا جربت من قبل الخدامة بالسفر بس مو امريكا وااي فرق رااااحة وبالعكس

تكون لج خصوصية أكثر لانها تقعد مع عيالج وانتي وزوجج تقدرون تطلعون بروحكم تزرقون مني مناك مطعم شي وتكونين مطمنه

عليهم أما مسألة اني أخليهم عند وحدة غريبة ما أعرف شسالفتها لا والله اسم الله عليهم ينخاف عليهم بديرة غربة على الاقل

خدامتج ماتاخذينها الا اذا انتي عارفتها شنو آخر مرة رحت أوروبا مع عيالي ما أقولج ما استانست بس تعبت مع انهم 2 اسم الله

عليهم بس ما ارتحت ماشفت نفسي ولا حتى شفت هالخصوصية اللي يتكلمون عنها السفرة صارت كلها لهم الحمدالله استانسوا بس

انا وزوجي كنا مضغوطين منهم خصوصا انها أول مرة آخذهم كلهم العادة بس ولدي آخذه الكبير وعن تجربة اذا رايحة تشقين

وتتعبين وتكرفين وفري فلوسج وقعدي بديرتج أبرك بس اذا رايحة تستانسين وترتاحين اخذي خدامتج وياج بس أعيد وأكرر على

حسب الخدامة شنو هي؟؟؟ ثقة أمينة عارفتها متفاهمة معاها والله حلال عليها التذكرة ألزم ما علي راحتي الواحد يشتري راحته

اذكر بسفرتي اللي كانت خدامتي وياي مرات نطلب لهم بالروم سيرفس ونطلع نتعشى انا وزوجي بروحنا كلش كلش حتى لو ننزل

تحت نشرب قهوة ولا شي عالاقل في خصوصية صج مو دايما بس آخر مرة انا وزوجي ماشفنا ويوه بعض أصلا هههههه

الله يكتب لج اللي فيه الخير واستخيري وفكري عدل قبل لا تتخذين القرار وموفقة خير ان شاء الله

 

[Pretty Amoola]

وااااي صدمتني ردودكم ، كنت حاطة فبالي أني آخذ خدامتي

بس الحين عقب ما قريت ردودكم صادني وسواس ..

مع أن خدامتنا واااايد زينة ، وهي كأنها وحدة منا وفينا، مسلمة

وعيالي يحبونها . اشتغلت بالسعودية والامارات وتقول لعيالي

أنتوا أحسن أسرة اشتغلت عندهم :eh_s(16):

شاسوي بنات ، آخذها ولا أخليها ؟؟؟ ​

 

[Toulin RTN]

صج احترت

 

[Toulin RTN]

مدامني بامريكا بنصحج من قلب لا تيبن خدمه وفعلاا كلامGaLbL السعودي ياب خدمه والحين باسجن وهقته اكثر المتغربات مايبون خدماتهم الانه خايفين بس اكون خدمات امريكيات او مكسكيات ييون البيت وينظفون كله وفي بيبي ستر يعني يبها امريكا وخلي وحده معاج تلاعبها وتمسكهاا ترا في ناس وايد يسون جدي

تصدقين وايد فكرت بموضوع البيبي ستر بس ابي احد مجرب مكان مضمون .... اخاف :eh_s(2):

عشان جذي حطيت الموضوع أبي أحد مجرب مكتب بيبي ستر :s141:

 

[Toulin RTN]

حبيبتي انا رحت شهر 6 امريكا شهر كامل مع ريلي و عيالي 6 سنوات - سنتين و8شهور - سنة و 8شهور

بدون خدامه و ما شفت ولا وحده هناك معاها خدامه

وكنت ماخذه شقة هناك و كنت اطبخ الغدا كل يوم حق عيالي من الليل و اذا رجعنا كنت اسويلهم العشا .. واكيد الصبح الريوق

والحمدلله استانست بالسفرة واااايد و مو متحسفه اني ما خذيت خدامتي مع اني تعبت شوي بس التعب الحلو لاني انا الي كنت اخدم ريلي و عيالي و استانست اني جابلتهم عدل .. هذا احلى شعور والله

وكنا نسوي شفتات على الالعاب .. ريلي يركب و انا انطره بره مع اليهال و العكس .. بس ناااادر ما كنت اركب العاب بروحي لاني ما احب الالعاب الخطره ...اغلب الي كنت اركبهم مع عيالي

الحمدلله نسقنا انا و ريلي و استانسنا وااااايد

حتى لما كنا نروح السوق .. اذا محل حقه انا اجابل اليهال واهو يتسوق و يطالع على كيفه ..او احط بيد اليهال بسكوت او بطاط عشان الهيهم

واذا السوق حقي او حق عيالي اهو يجابلهم على ما اخلص من المحل

والحمدلله كانت احلى سفره بحيااااااااتي الحمدلله

وانا طبعي ما احب خدامه معاي عينها على مشترواتي او تحكرني بالشقه ما اقدر البس على راحتي

مو كافي اني بالكويت محكورة !!!!!! هناك خذيت راحتي على الاخر

نصيحتي لا تاخذينها و روحوا واستانسواااااااااا

ماشاء الله عليج :ggdw:بس المشكلة ريلي يعصب بسرعة :eh_s(14): وانا احس مالي خلق لووووية وحوسة جذي :eh_s(22):

واااااااايد عجبتني فكرة الشفتات حق الألعاب... بحطها براسي :rerrerek:

 

[Toulin RTN]

خلي عيالج بالكويت وبلاها تمرمط صدقيني..... انتي رايحه تستانسين موتقعدين تحاتين بنتج حاطتها عند مكسيكيه ولا برازيليه يمكن تسوي فيها بلا.....

ويييييييين اخليييييييييها... :krkrkr:
اهلي بيسافرون شهرين واهل زوجي مفتشلة منهم..
العام خليتها عند حماتي وماقصرت يعطيها العافية والله بس مابي اثقل عليهم..

 

[Toulin RTN]

انا بعد سفرتي الاخيرة أنصحج تاخذين الخدامة في حالة اذا انتي عارفتها زين وخابرتها وعلاقتج زينة وياها يعني يعتمد عليج

انتي مسألة الخدامة بالسفر انا أشوفها ضرورية وانا جربت من قبل الخدامة بالسفر بس مو امريكا وااي فرق رااااحة وبالعكس

تكون لج خصوصية أكثر لانها تقعد مع عيالج وانتي وزوجج تقدرون تطلعون بروحكم تزرقون مني مناك مطعم شي وتكونين مطمنه

عليهم أما مسألة اني أخليهم عند وحدة غريبة ما أعرف شسالفتها لا والله اسم الله عليهم ينخاف عليهم بديرة غربة على الاقل

خدامتج ماتاخذينها الا اذا انتي عارفتها شنو آخر مرة رحت أوروبا مع عيالي ما أقولج ما استانست بس تعبت مع انهم 2 اسم الله

عليهم بس ما ارتحت ماشفت نفسي ولا حتى شفت هالخصوصية اللي يتكلمون عنها السفرة صارت كلها لهم الحمدالله استانسوا بس

انا وزوجي كنا مضغوطين منهم خصوصا انها أول مرة آخذهم كلهم العادة بس ولدي آخذه الكبير وعن تجربة اذا رايحة تشقين

وتتعبين وتكرفين وفري فلوسج وقعدي بديرتج أبرك بس اذا رايحة تستانسين وترتاحين اخذي خدامتج وياج بس أعيد وأكرر على

حسب الخدامة شنو هي؟؟؟ ثقة أمينة عارفتها متفاهمة معاها والله حلال عليها التذكرة ألزم ما علي راحتي الواحد يشتري راحته

اذكر بسفرتي اللي كانت خدامتي وياي مرات نطلب لهم بالروم سيرفس ونطلع نتعشى انا وزوجي بروحنا كلش كلش حتى لو ننزل

تحت نشرب قهوة ولا شي عالاقل في خصوصية صج مو دايما بس آخر مرة انا وزوجي ماشفنا ويوه بعض أصلا هههههه

الله يكتب لج اللي فيه الخير واستخيري وفكري عدل قبل لا تتخذين القرار وموفقة خير ان شاء الله

والله مادري... صج احترت وخصوصا ان ريلي وايد مأيد فكرة ان الخدامة تسافر معانا
اهي زينة وثقة وممتازة بس قاعدة اشوف ردود البنات.. مترددة :080402ask_prv:

 

[:: Diva ::]

انا مفكره بعد بالشفتات
و ودي اسافر اسبوع بس مع ريلي قبل لا يكبر ولدي و يفهم

 

[سلايل*عبس]

لااااااااااايمكن اسافر معاي عيالي بدون الخدامه ماتحمل حنتهم وبسفر بعد رايحه استانس

بس حطي بالج ترا الخدم بامريكااا يلعبون لعب هههه انا اختي خدامتها انحاشت واشتكت عليها تقول ماعندي فترات راحه وماطلع من البيت ومعاشي كذا وكذا والله بهدلواا اختي هناك ودفعوها فرق المعاشات اهناك لان تطبق هناك سلم معاشاتهم اهما بس انا اختي كانت شبه مقيمه هناك تدرس اهيا وزوجها وخدامتها فلبينيه ماخذتها معاها من الكويت ..مادري اذا سياحه نفس الشي؟!!

 

[سلايل*عبس]

جم مره قلت كلمة هناك @@ هههههه تو استوعب