تكفون حدي احاتي هالسالفه رئيسه القسم والموجهه يبلغونكم بشكوى ضدكم؟

[وحدة من الناس *]

السلام عليكم ورحمه الله وبركاته

اشلونكم ايتها المعلمات الفاضلات

في موقف ابي رايكم فيه

قبل اسبوع يت لنا الموجهه مرتين بس عشان توقع على دفاتر التحضير حلو؟

الاسبوع اللي طاف هم يت لنا مرتين وهم وقعت على دفاتر التحضير

وكل مره تسألني متى عندج حصه يعني ناويه تدخل لي حلو؟

مو هذي السالفه رئيسة القسم دشت علي 3 مرات

المره الاولى قبل حصتي بعشر دقايق قالت لي بدخل لج

المره الثانيه والثالثه قامت تدخل علي فجأه

والموجهه تبي تدخل لي بأي طريقه

هل هذا معناه ان في شكوى ضدي واصله المنطقه عشان جذي قامو يدخلون لي فجأه

وبالذات رئيسه القسم الكل تقول له بدخل لج قبلها بعشر دقايق الا انا فجاه :eh_s(1): ومو بس انا الوحيده اليديده بالقسم في معاي 3 وتقول لهم بدخل لكم قبلها يعني مو فجأه

وغير جذي لو في شكوى ضدي يعلموني الموجهه ورئيسة القسم والا يحطونها بتقريري من غير ما يقولون

تكفون طمنوني حدي احاتي هالسالفه​

 

[ورد فوشي]

السلام عليكم
ليش ماتسالين رئيسة القسم مباشرة من غير لف ولا دوران​

 

[المـــــها]

مادري و الله
أنا لما كنت ميداني تدش فجأة بدووووون سابق انذار
و الموجه كذلك ولا مرة بلغوني انهم بيحضرون الحصة الفلانية
و الموجه كان يجي يوم بالاسبوع و ولا مرة بلغوني
ماعليج منهم
بس مادري شدراج انها تقول للكل بدش عليكم الحصة الفلانية؟؟؟

 

[وحدة من الناس *]

السلام عليكم​

ليش ماتسالين رئيسة القسم مباشرة من غير لف ولا دوران​

وعليكم السلام

شكو لف ودوران :eh_s(1): انا اللي ابيه اعرف الحين يقولون لي ان في شكوى ضدي بالمنطقه والا لا

مادري و الله
أنا لما كنت ميداني تدش فجأة بدووووون سابق انذار
و الموجه كذلك ولا مرة بلغوني انهم بيحضرون الحصة الفلانية
و الموجه كان يجي يوم بالاسبوع و ولا مرة بلغوني
ماعليج منهم
بس مادري شدراج انها تقول للكل بدش عليكم الحصة الفلانية؟؟؟

انا لان توني تعيين يديد يعني دخلتهم علي توجيهيه عرفتي يعني مو تقييم

وقلت لج اول مره قالت لي بدخل عليج

بس المرتين الثانين ما قامت تقول وتدخل فجأه

وبالقسم حق كل وحده قبل ما تدخل على حصتها بعشر دقايق تقول لها بدخل اليوم حصتج ترا وجدام الكل تقول

فالحين انا شاكه هل قاعدين يدشون علي فجأه على شان في شكوى ضدي والا في سبب ثاني

والموجهه ما دخلت علي للحين لان كل ما تيي اكون مخلصه حصصي

واهي الا بتدخل علي مع ان في مدرسات يدد غيري

فشكيت الحين ان في سالفه شكوى او شي !

 

[السيدةالانيقة]

شلون شرحج بالحصة فية نقد مثلا في اي ملاحظة

 

[وحدة من الناس *]

لأ تقول لي كل مره عن الثانيه احسن وتقولها لي علني جدام الابلات

عكس الباقي تخليهم يقعدون يمها وتكلمهم بصوت واطي!

 

[LA TROO7]

لا حبيبتي يبلغونج بالشكوى مايخشونها

 

[LA TROO7]

وبعدين انتي استعدادج نفسه نفسه سواء عندج احد او لا

فما عليج ولاتفكرين تسالين رئيسه القسم

 

[PuPa^^SWeeT]

انتي تعيين يديد صح ؟؟؟

التعيين اليديييد يبون يصيدون عليه اول سنة



انتي اذا عندج احد بالمنطقة يبلغج اذا فيه شكوى ولا لأ


بس انتي تعيين يدييد اي شكوى يا قلبي اللي بتوصل و تونا ثالث اسبوع مر علينا



توالناس يا قلبي على هالخوف

 

[بنات حواء2]

شوفي حبيبتي
كونج انتي تعيين يديد فطبيعي يدشون عليج
وعمومن انتي خليج واثقه من نفسج و ضبطي حصتج و لا تخافين من شي دشوا و لا مادشوا لايفرق وياج
عاد تدرين انا قليل مايدشون علي و هذا الشي مضايقني لاني ابيهم يدشون و يقيمون شغلي و جهدي و تعبي
عمومن لا تحاتين مافي شكوا ولوفي شكوا الحين مفروض يقولولج لانه هلفتره توجيهية يعني عادي تغلطين و اهمه دورهم يقيمون و يحذرونج من الاغلاط و الله يوفقج يارب

و لا تحاتين ماهقوتي في شي يستدعي الخوف

 

[وحدة من الناس *]

انا الدخول فجاه ولا قالت لي مسبقا ما يهمني

المهم ليش الموجهه انا بالذات تبي تدش علي!!!!!!!!!

وفي ثنتين غيري يدد

هذا اللي يخليني اشك ان في شكوى واللي بعرفه رئيسة القسم او الموجهه يبلغوني والا يخلوني على عماتي ويسجلونها بالتقرير!

 

[ضايعه بالطوشه]

حبيبتي اذا الموجهه تبيج تلقينها ادق على رئيسة قسمج و تسألها شنو جدولج علشان تحضر عندج هذا اذا كانت حاطه في بالها غير جذي تو الناس جدامها للحين الكورس ما خلص

وبعدين اذا في شكوه لازم يقولنها لج و الشكوه لها اجراءات مو على طول بالتقرير

يعني اذا شافوا عندج مشكله يبلغونج فيها و يعطونج الحلول علشان تتفادينها و تكتب هالشي رئيسه قسمج بورقة زيارتج للحصه
وبعدها اذا شافوج ما عدلتي المشكله تكتب رئيسه القسم انج ما استجبتي و محتاجه لتدريب انماء مهني هذا اذا شكوه فنيه على الحصه اما اذا كانت شكوه اداريه مثل طق و سب التلاميذ لا يعطونج افاده

يعني بالاخير الي بوصل له انه مافي شكوه تنكتب فيج من غير علمج و توقيعج عليها و رايج بالشكوه

 

[بحر الرمال]

هههه لا ماكو شكوى عادي معروف اي مدرسة يديدة لازم يحضرون لها
لان الموجهه اصلا تطلب من رئيسة القسم ملف لمتابعة التعيين الجديد

 

[:: Diva ::]

لا تحاتين
اصلا الزيارات من عمر فجائيه
بعدين الله يسلمج انتي تعيين يدييد لازم يكثفون الزيارات لج

 

[درة أهل الطولات]

لا حبيبتي الشكوى على طول يقولون لج

هذا جذي عادي نظام كبســة

 

[بنت حمايل 2]

حبيبتي أنا عندي الخبر اليقين

يا عمري إنتي تعيين جديد التدقيق فيج طبيعي لأنج جديدة ولا زم تتأسسين عدل
رئيسة القسم تابعج لأن بكل صراحة ولا تزعلين مجال الخطأ عندج واسع لأنج ما عندج خبرة وجذييه يتابعونج علشان يأسسونج عدل وما يتورطون في أخطاء تدفع ثمنها بالدرجة الأولى رئيسة القسم كونها مسؤؤلة عنج فنيا ولازم تنورج عدل وتفهمج القوانين سواء فنيا أو إداريا
يا عيوني أنتي مافيج شي بس إنج جديدة وتوج فرش وهذي المرحلة كلنا عشناها وتوهكوا فينا رئيسات الأقسام وفي أخطاءنا فعادي خليهم يدخلون عليج مرات وراح تتعلمين منهم بشكل تدريجي وأما رفيجاتج يايهم الدور أو إنهم ما يتكلمون نفسج
فعادي تقبلي النقد وخليهم يوجهونج بصوت واضح لأنهم يدرون إنج بقراطيسج توج طازجة على التدريس
المهم خليج ريلاكس في حصتج ترا نقطة ضعف المعلمة حتى الخبرة في مدى ثقة وقفتها أمام تلميذاتها هو الفيصل مو الأخطاء الفنية لأن هذا طبيعي ومتوقع
ولك أتمنى دوام التقدم في مهنتنا الشاقة

 

[ترف بابا]

امت نفسج اشوفها تقول لغيري بدش عليكم وانا ما تقولي عادي ما يهمني

بس المتعارف عليه ان ريسة القسم تدش فجأة والموجهه يعلمونج ع الاقل في بدايه الدوام وبعد الناظره تدش فجأة

عادي طاف لاتحاتين

 

[ام الوردة]

عادي اصلا دام تعيين يديد شكووووووووووووووووووووووو شكوى بالمنطقه

حدج موسوسه ...؟؟

واذا تدخل عليج فجأة عااااااااادي

والموجهه اذا بتدخلج غصب طيب تدخل تجي من اول الطااابور عشان تحضر لج

او تسأل المدرسة الاولى عن حصصج

واصلا الموجهه عندهاااااااا نسخه من الجدول يعني تعرف حصصج

اللي فيج وسواااااااس لااقل ولا اكثر

لااااااااااااااتفكرين وااااااااااااااااااااااااااااااااااااااااااااااااايد

سألي اللي معاج بالقسم جم مرة دشت عليهم المدرسة الأولى ..؟؟

عادي مافيها شي

 

[(كويتيه عسل)]

ليش شاكه بعمرج وماعندج ثقه بروحج وخايفه ليش انتي مسويه شي غلط

انا الاسبوع اللي طاف زارتني رئيسة القسم فجأه

 

[برنسيسة2007]

هاهاهاهاهاها حبيبتي والله
اتذكريني بنفسي لما كنت تعيين جديد يبه مافيه شي ينخش ومافيه شي اسمه شكوى بالمنطقه اذا ولي امر ما يعرف الاجراءات وراح مدير المنطقه وقدم شكوه المدير يدق علا ناظرتج ويبلغها وهي تناديج وتستفسر عن المشكله وهذا مايحصل ابدا
اما اذا تقصدين شكوى من احد الموضفين من مدرستج فهذا مستحيل مابحصل مافيه شي اسمه شكوى عليج بالمنطقة انتي عندج مديرين مباشر اللي هو رئيسة قسمج والثاني الناطره وهم يحلون المشاكل وتكون معاج يعني يحاورونج ومافيه شي اسمه تنحط بالتقرير فيه شي اسمه تنحط بالملف اللي هي الافادة ولفت النظر ولايتم اعتمادها من قبل المنطقة الا بتوقيعج فلاتحاتين ابدا
بعدين مايقطع رقبتج الا اللي مركبها يبا عندنا ابلات غياب مستمر ماتحضر الا مره بالشهر تسلم طبياتها وتوقف الانقطاع عن العمل والناطره ورئيسة القسم والموجهه سنين مو قادرين يسوون لها شي او يوقفونها عند حدها لان مافي ايدينهم شي الا كتاب للمنطقه والمنطقة اذا طبيات مابيدهم شي ولا والكتاب لازم يكون بعلمها فشوفي هذول وشوفي نفسج عشان تدرين انج ماشيه بالسليم وممتازه بعد
وبعدين ترا رئيسة القسم لازم قدام الموجهه والناطره اتبين انها مهتمه بتأسيس الجدد وتلقينها تتكلم عند الموجهه انها مهتمه وانها اتحضر وبالمقابل الموجهه تبين انها كذلك
بس اهم شي انج امحضره في دفتر التحضير ووقفتج بالحصه ممتازه صوتج جهوري وواثقة من نفسج وخليج مبتسمه مع الاولاد وفي نفس الوقت حازمه عسان تظهرين الثقة
اما من ناحية امها اتبلغ البنات انها بتحظر لهم اما البنات مايتكلمون ويبينون انهم اوكي او انها صدفه وبعد الموجهات لهم خطط بعض الموجهات تحب تمسك ابله ابله فتمسكج وتمطرج بالزيازات لا ارتاحتلج امسكت الثانيه وهكذا وكل موجهه وسياستها بعض لا تحضر حقكم كلكم والباقي عرئيسة القسم
ياقلبي نصيحه لاتحاتين ةاستانسي دامي وانتي متوكله علا الله ومبتسمه ولاتفكرين بهلأمور والله عن تجربه وترا الابلات الي معاج مو كلن يقول الصج بعضهم اتقول رئيسة القسم اتحبني وله اتبلغني انها بتحضرلي وامدحت حصتي وانتي احباط ونهاية السنه هي جيد وانتي امتياز
وبالتوفيق بس عيشي حياااااااالتج واستانسي فيها بلا وسواس وخرابيط