عضوات في المنتدى كاتبات .. نفتخر بهن .. اصدارات هذا العام

[:: Diva ::]

السلام عليكم ..


خواتي السنه الي طافت كشفنا الستار عن العضوات الكاتبات
هالسنه الكاتبات زاد عددهم و في أسماء ما كانت معانا العام

بالتريب حسب الاعلان عن الاصدارات ..



أولاً
جميله جمعه :: ديفا
روايه ( ماضي اخجل منه )




ثانياً
بدريه مبارك :: كاتبه
سيدة حكايات الحب
( نصوص نثرية، )






ثالثاً
عنود العميري :: ام عثمانو
روايه الحب الابدي ...




رابعاً
رانيا السليمان :: رانيا السليمان
رواية نزيف الورد




خامساً
فاطمه المرزوق :: حكايه
رواية حكايه سعوديه








:eh_s(17)::eh_s(17)::eh_s(17):


ماشالله و الف مبروك
اتمنى للكل التوفيق ومنها للأعلى

هل من مزيد ؟








* كان ودي اختي ليلو جبريت + احاسيس مبهمه ينزلون اصدارات هالسنه
و ان شالله نشوف أعمالهم قريب :eh_s(17)::eh_s(17)::eh_s(17)::eh_s(17):​

 

[ليلو جبريت]

حتى انا كان ودي بس خلها عندهم يصححونها ويعدلونها

عشان ماتكون مترووسه اغلاط ، وخلني مشغوله بكتابي الجديد

اخيرا تحررت من روايتي القديمة وسلمتها لحد يشيل عبئها عني

 

[توتا الكتكوته]

مبروكين

 

[:: Diva ::]

حتى انا كان ودي بس خلها عندهم يصححونها ويعدلونها

عشان ماتكون مترووسه اغلاط ، وخلني مشغوله بكتابي الجديد

اخيرا تحررت من روايتي القديمة وسلمتها لحد يشيل عبئها عني

الف مبروك انج تحررتي و بلشتي بالثانيه
عسى الله يوفقج و يارب نفرح بالأولى قريب

هذا انجاز كبير منج
و ميخالف هذا الصبر نتيجته روايه بروفيشنال ان شالله
و بدون اغلاط كثر المستطاع



بوسة فرح لج و فيج
:*

 

[:: Diva ::]

مبروكين

الله يبارك فيج توتا :eh_s(17):

 

[ليلو جبريت]

لووول مشكوورة ديفا

عندي سؤال

من هذولا الثلاثة الي اسمائهم فوق ؟؟

وديفا هم سؤال ثاني

اللحين روايتج بعد المعرض متى بتنزل بالمكاتب ؟؟

لان بصراحه ميته اجي لكويت وقاعده اراشي اخوي
فيمكن تجيج وحده في المعرض بحرينية تسلم عليج
خخخخخ

قولي بس يارب

 

[:: Diva ::]

جميله ( انا )
الكتاب الثانيين من مصر
كل فصل في الكتاب لواحد منا
انا الفصل الثالث
تم الدمج قسرياً من دار النشر
لتشابه الفكره





حياتي ما ادري متى بتنزل بالمكاتب
اذا كتابي الاول صار له سنه للحين مو موجود في فيرجن و لا في جرير !!!!!
دخلت اعداد لا تذكر
السبيل الوحيد للحصول على نسخه
رقم بلاتينيوم او الطلب الالكتروني منهم و بس ..


ما توفر الكتاب في فيرجن و لا في جرير
و ان كان التأخير من جرير خارج عن سيطرة بلاتينوم
محاولاتهم ما كانت تمام و لا جاءت بنتيجه مع فيرجن الي طغت عليها الاصدارات القديمه
و هذا سبب تأجيل الجزء الثاني من الموسوعه
كتب مثل هذي تحتاج مجهود عظيم و انا ما لقيت الانتشار المناسب الى الان للجزء الأول
على امل ان تتعدل الامور بعد هذا المعرض و ينزل الجزء الثاني على السنه الجايه


اممممممممممم
ياااااارب تجين
صج صج اتمنى من كل قلبي
زيدي الرشوه من طرفي ههههههههههههه

 

[ليلو جبريت]

حرام عليهم صراحه
اقولج باقيلج اشكثر معاهم وتخلصين ؟؟

في دار جديدة اسمها جداول لبنانيه طبعا
وعندج هم الساقي والعربية للعلوم والنشر والفارابي والاداب

جربي معاهم ترى نشرهم حلوو وقوي

ويارب يوافق هو اجازته يجي الخميس العصر ويروح السبت نفس الوقت
بس بحاول اقنعه بدمعتين وجم طبخه
لوووول

 

[:: Diva ::]

ان شالله لكل حادث حديث
حاليا ما تشغلني دار نشر كثر ما تشغلني دراستي



يا حيااااااااااااااتي رشوتج بسيطه
يارب تنفع دموعج
تبين دموع سلف ؟
هههههههههههههه

 

[ليلو جبريت]

عطي كل شي حقه
لاتحكرين روحج معاهم


وتطمني عندي وايد ماي في راسي

ممكن تشوفين موضوع ام عثمانو اخر صفحه
يمكن تقدرين تساعدينها بشي

 

[:: Diva ::]

ان شالله
ههههههههههههههههههههههه فديت راسج يا بعد راسي
عالاقل مبلغ مني مناك
كيك
سوي عصابه بالبيت ضده ..

تمسكني و تالي العنف هههههههههههههه
ان شالله امر على الموضوع الحين

 

[عادت ذكرياتي]

بالتوفيق للكاتبات

 

[ام عفاف الكويت]

ماشاااء الله
بالتوفيق حبايبي

 

[om deaj]

بالتوفيق يارب

 

[كاتبة]

بادرة رائعه من قلب رائع

ديفا ارسلت خبر اصدارج نزلناه بالوكاله..

وليلى شوفتج بالمعرض نترقبها اكييييد

 

[7ikaya]

تسلمين حبيبتي على الترحيب الجميل

ويسعدني اني اكون من هالقائمة الجميلة

ويارب نقدم شي حلو و يرضي الجميع

 

[:: Diva ::]

الف حياكم الله خواتي


الشكر موصول للجميع
و التمنيات للكل بالتوفيق يارب

 

[ام عثمانو]

ان شاءالله باذن الله لنا لقاء قريب بالمعرض ... وراح اخذ من كل وحده اصدارها .. والله يوفق الجميع يارب
وان شاءالله نشوف اصدارات المتألقه ليلو جبريت .. مادري ليش احس ان قلمها راح يبدع ..

 

[فرقى ولايف ..]

ألف ألف مبروك لكل البنات و إن شاءالله ما تكون آخر الإصدارات
وعسى الله يرزقكم من واسع فضله و يحقق لكم طموحكم في هالمجال ..

و يا رب الفال لي قررريب .، دعواتكم بس

 

[الاحاسيس المبهمه]

إن شاااء الله بالمستقبل القريب المبعد راح أدخل المنافسه الروائيه =))


حييل حيييل مترقبه معرض الكتااب !
في داخلي رغبه كبيره لإقتناء أكبر عدد ممكن من الكتب الأدبيه الممتعه *;

بسسسس ترى مااا راااح اقبل ايي بدوون ماا اشووفج !
فلاازم انضبطهااا خاص ترى *_^
أطالبج لمه + توقيع وبييب الكتاب القدييم بعد