علاج مجرب للكحه

[ام الغاليه]

هذي وصفه قالتها رفيجت اختي وجربتها امي بعد ماهدت حيلها الكحه كانت ماتنام من الكحه ومانفعتها ادوية الطبيب وماشالله راحت منها الكحه وصارت امي كل مامرض احد منا بالكحه تسويها له وماشالله يتعافون وانا بعد جربتها وطبت وسويتها حق خالتي وتدعي لي ادري طولت عليكم نبدا بالوصفه :ربع كوب اواقل عسل+بصله متوسطه.اضن سمعتو سمن وعسل بس ما سمعتو بصل وعسل المهم نقعطع البصل شرايح ونصب عليه العسل ونغطيه حتى ينزل ماي البصل ويمتزج مع العسل ونشخله وناخذ ملعقه كبيره 3مرات باليوم والله انه وحده بوحده قلت لكم عنه عشان يعم الاجر والفايده ومن تجربه تدعيلي

 

[omneyaty]

يعطيج العافيه حتى للي فيه ربو

 

[Harmony]

بجربة لامى جزاك الله خير

 

[ام الغاليه]

مادري يصلح للي فيه ربو والا لا

 

[حبنا الله عليه]

بارك الله فيج

وينولج الأجر ان شاء الله ...........

 

[حمامة الكويت]

يزاج الله خير

 

[srsr]

صااااااجة هذي طريقة امي من عمر
الصراحة وحده بوحده
جزاج الله خير حبيبتي الغالية

 

[مطلع الشمس@]

هذي وصفه قالتها رفيجت اختي وجربتها امي بعد ماهدت حيلها الكحه كانت ماتنام من الكحه ومانفعتها ادوية الطبيب وماشالله راحت منها الكحه وصارت امي كل مامرض احد منا بالكحه تسويها له وماشالله يتعافون وانا بعد جربتها وطبت وسويتها حق خالتي وتدعي لي ادري طولت عليكم نبدا بالوصفه :ربع كوب اواقل عسل+بصله متوسطه.اضن سمعتو سمن وعسل بس ما سمعتو بصل وعسل المهم نقعطع البصل شرايح ونصب عليه العسل ونغطيه حتى ينزل ماي البصل ويمتزج مع العسل ونشخله وناخذ ملعقه كبيره 3مرات باليوم والله انه وحده بوحده قلت لكم عنه عشان يعم الاجر والفايده ومن تجربه تدعيلي

ام الغاليه شلونج ياقلبي انا فيني ربو و البلغم متعبني حيييل

الخلطه هذي تصلح للبلغم ولالا ؟؟؟؟ :0bee2e8d89:

 

[NoWay2know]

يعطيج العافية على النصيحه

 

[حـــــلا]

تقصدين نقطع البصل شرايح ونخلطه بالعسل صح انزين نحطها بالثلاجة كم يوم ولا بنفس الوقت نستخدمها

وتصلح حق اليهال اللي بعمر 4 سنوات

 

[ام الغاليه]

شكرا خوا تي على المرور ؛مطلع شمس مادري تصلح للبربو والا لا وللبلغم شربي الحلبه؛خليده لاحبيبتي العسل مايحط بالثلاجه تخربه سوي كميه حق يومين ولاخلص سوى غيره وكافي تنقعينه 3ساعات وتسخدمينه بالنسبه حق الاطفال فوق سن 4سنوات مافيه مشكله العسل مايصلع للطفل بالعام الاول فقط

 

[طير الحب]

يعطيك العافيه

 

[ريمه الكويت]

انا اعرف ناس فيهم ربو مجربينها ومريحتهم
شكرا ويعطيج العاليه

 

[* عباية راس *]

جزاج الله خير عالنصيحه

مشكوره

 

[annoma]

عاد امي فيها كحه وذابحها البلغم خل اقولها
مشكوره حجيه

 

[BlackRose]

بنات فيها ريحة بصل؟؟؟؟؟؟؟؟؟؟

 

[ام الغاليه]

مشكورين حبايبي على المرور شكر خاص لريمة الكويت على المعلومه

 

[كلبوزه لزلز]

هذي وصفه قالتها رفيجت اختي وجربتها امي بعد ماهدت حيلها الكحه كانت ماتنام من الكحه ومانفعتها ادوية الطبيب وماشالله راحت منها الكحه وصارت امي كل مامرض احد منا بالكحه تسويها له وماشالله يتعافون وانا بعد جربتها وطبت وسويتها حق خالتي وتدعي لي ادري طولت عليكم نبدا بالوصفه :ربع كوب اواقل عسل+بصله متوسطه.اضن سمعتو سمن وعسل بس ما سمعتو بصل وعسل المهم نقعطع البصل شرايح ونصب عليه العسل ونغطيه حتى ينزل ماي البصل ويمتزج مع العسل ونشخله وناخذ ملعقه كبيره 3مرات باليوم والله انه وحده بوحده قلت لكم عنه عشان يعم الاجر والفايده ومن تجربه تدعيلي

آنا بدعيلج بدون تجربه .. وجزاج الله خير حبيبتي .. الله يسهل أمورج ويوفقج .. انا جربت الكحه وصج تعلق بالواحد احيانا وتطلع روحه .. الحمدلله صار لها فتره فاجه عني بس اذا ردت اكيد بجرب طريقتج :eh_s(6):

 

[غيد مطير]

الله يجزاج الف الف خير ,, بصراحه ناس كثار يعانون من الكحه

يعطيج العافية 00

 

[нάγoηά cнεмίsтяγ]

مشـكوووورة ياعمري ويزاج الله خيـر بسويهـا حق أبوي إذا بغاهـا . . . يعطيج العـافيه