سما ماشاءالله الله يحفظج والله كلامج على الراس
يا ليت يوم كان وزني مثل وزنج وكنت بعمرج احد مسكني ونصحني بصدق
وقوة حتى لو انه ضربني كف عشان اصحى على نفسي وانتبه لصحتي
للاسف انهم من حبهم لي ما حبوا انهم يضايقوني وحسسوني اني متينة
دايما يقولون لي ماشاء الله وجهج حلو والمتن ما خرب شكلج
كنت اتبع رجيم من نفسي والامن احد اسمع عنه
والا من المجلات والمواقع
بس مره لما احتجت اني اضعف عشان عملية اطفال الانابيب
وكنت مضطرة اضعف لان وقعوا كتابي بالعلاج بالخارج
وقال لنا الدكتور هناك ان ما كان وزنج اقل شي 90 ما راح اسوي لج العملية
لا تسوين موعد قريب ترى ما راح اسويها مو بكيفي ,
لان في قرار دولي ان اكبر وزن لعملية اطفال الانابيب هي 90 تقريبا
كان وزني 108
ودخلت نادي , ولاني ثقيلة بس دخلت سباحة وداخل الحوض يسوون
رياضه مائية والماي يرفع جسمج وتحسين انج خفيفة وتسوين وياهم الحركات
وانتي مرتاحة ونشيطة وارجولج تتحرك مليون مره وما تحسين بتعب
ولما تطلعين من الحوض ما يجيج شد للعضلات مثل الرياضة خارج الماء
استمريت شهرين بالنادي
وفي هالشهرين اشتركت بدايت سنتر
كنت اكل وجبة الريوق والغدا في الدوام , اكل الغدا وحده
واكون في النادي تقريبا 3 ,
اطلع من الدوام للنادي على طول عشان ما اروح البيت واتردد والا اهون
او اتكيسل
اصلا انا سجلت بنادي شابمينز الجديد رهيب ديكوراته وحمام سباحته
مغري ويعطي راحة كبيرة ونظيف حده
وموسيقتهم رايقه
بهالشهرين .. قطيت تقريبا 9 كيلو
وتغيرت نفسيتي وشكلي صار ارتب واخف وصارت عندي لياقة
وسافرنا للعلاج
طبعا الدكتور يبي بعد عشره كيلو
لما سافني وزني 100 تقريبا او 99 رفض بشدة
وقال انا مو مني من ادارة المشتشفى ما راح يرضون
قمت ابجي ابجي حيل
ونصحني اني اخذ حبوب تسد الشهية
وقمت امشي كل يوم ساعتين مشي سريع شوي
واشفط بطني وارخيه كل شوي
اكتافي مرتفعة وقامتي مستويه وبطني مشدود , اشده وارخيه
واخذ شهيق وزفير بانتظام لانه مهم التنفس ومستوى الاكسجين
طبعا هالساعتين بس مشي
وبعدين اقضي اربع ساعات او اكثر بالمشي في السوق
قعدت ثلاث اشهر على هالحال
وضعفت 10 كيلو تقريبا
ووصلت اخيرا لـ 90 كيلو
وسويت العملية والحمدلله الله رزقني بالذرية
لو مكملة بعد كان نزلت اكثر
فـ انتي استخيري الله وثقي بانه سيختار لج الخير
ويسهل لج الطريق الافضل لج
ويخففه عنج حتى لو كان صعب
والله اني كنت ادعي وانا ساجدة يارب ضعفني انك القادر على كل شي
ما اعتمدت على الرياضه ولا اعتمدت على شي
غير اعتمادي على الله وثقتي فيه
اما الحين بعد ما حملت وولدت بقيصرية صعب علي اسوي رياضة
اول ست شهور
مع ان اول ماولدت كان وزني 102
بعد سنة ونص صار 109
في هالسنة ونص جاني احباط واكتئاب واهملت نفسي ووزني
وخصوصا كرش العملية القيصرية نازل شوي مو مثل الكرش العادي
وجاني بداية ضغط
وماقمت اقدر حتى اتحرك ثلاث امتار الا وانا تعبانة
وظروفي تغيرت
ولو بضعف اللي ضعفته قبل الحمل ال18 او ال 19 كيلو ما راح يفيدون
لاني ابي انزل اكثر من 50 كيلو عشان صحتي بالمقام الاول
فـ اضطريت للتكميم
بعد ما شفت دكتوري البرفيسور عمر عصام اللي ولدني
ضعف بثلاث شهور صدمني ! ماشاء الله ونصحني وعطاني ورقة
فيها اسم الدكتور الهيفي ورقمة
بدون لا اسئلة هو من نفسه نصحني
وقعدت سنة ونص تقريبا وانا افكر بكلامة وشفت حبيبتي اميرة وتجربتها
وكانت دافع جديد لي
وبعض البنات
واستخرت رب العالمين ولقيت ان امي اللي كانت قبل سنة ونص معارضة
بشدة .. هي اللي تقول لي وتشجعني اسويها!
وحتى زوجي كان معارض بشدة , صارت معارضته خفيفة جدا
ووافق اخير شي
قابلت الدكتور يوم الثلاثاء .. وسويت التحاليل بنفس اليوم
وعمليتي يوم الاحد بسرعه بسرعة
وماعندي فلوس !
لا تسأليني شلون تدبرت الفلوس وهني حسيت ان الله مسخر الامور
لي سبحانه
انتي انصحج تصلين ركعتين وتدعين بعدها دعاء الاستخارة
تلاقينه بالقوقل
وبعدين استشيري اللي عندهم علم وامانه وحكمة
استشيري 3
وراح تلاقين باذن الله ان رايهم هو الراي اللي رب العالمين يبيج تاخذينه
وبعدها :
اعزمي وتوكلي على الله بتنفيذ الراي اللي نطقوا به ثلاثتهم
ومن توكل على الله فهو حسبه
