السلام عليكم ورحمة الله وبركاته ..
ببدي الموضوع بنبذة بسيطة عن شخصيتها عشان تفهمون المشكلة الي محيرتني ومطيرة النوم من عيوني ..
اختي تقريبا في نص الثلاثينيات ،، مو متزوجة ،، وهي اكبر وحدة في البيت .. انا وخواتي الي اصغر منها كلنا متزوجين ومعيلين الحمدلله ..
طبعا امي الله يهديها ( من وجهة نظري انا يمكن اكون غلطانة ) خربت شخصيتها مرررة ،، حسستها انها ناقصة لانها ما تزوجت ، يقضون يومهم كله في فلانة تزوجت مع ان ما فيها زود واختها خربانة وتزوجت احسن واحد وكله من هـ الكلام ( استغفر الله بعض الاحيان يحطون في شرف بنات ما يعرفونهم بس لان سمعو او حسو او من شكلها ) ،، علانة كانت تبي تخطبني ( اختي يعني ) بس فلانة حسودة وغيورة وخربت الخطبة عشان علانة تخطب بنتها ،، وكله من هـ الكلام ..
طبعا النتيجة ،، اختي تشوف حالها احسن البنات جمالا واخلاقا واناقة واسلوب .. كل البنات عندها كخة ،، الا هي طبعا .. صديقاتها كل ما تزوجت وحدة فيهم تطلع فجأة وحدة xxxx وحطت فيها عيوب الدنيا وقطعتها وقطعت علاقتها فيهم ،، ما عدا كم وحدة لاني حاستها تبي تاخذ من عايلتهم واخوانهم ( يمكن اكون غلطانة يا رب سامحني )
والشي الادهى والامر .. انها حاطة في بال امي اني انا اغار منها وحاسدتها ! جرحتني ،، بس ما اقدر اقول شي ولا ادافع عن نفسي ،، لانها بوجهة نظر امي انها مسكينة ما تزوجت والمفروض ما نكسر خاطرها وندافع عن نفسنا ،، لازم نثبت لها صحة فكرتها ان احنا ( انا وخواتي نغار منها ) .. مع العلم ان كلنا نفس المستوى التعليمي ،، وكلنا تزوجنا ناس من عوايل كبيرة وكلنا عايشين بنفس المستوى الي كنا عايشينه ببيت اهلي اذا مو احسن ،، وكلنا نكشخ ونلبس من نفس المستوى .. ونقطة ممكن تكون مهمة عشان تفهمون الموضوع هي الاقل جمالا فينا ويعني تخورها في اللبس والكشخة ، مع ان اذا شفناها كذا نقول لها ونعدل فيها ..
انا بالنسبة لي تعايشت مع الموضوع وساكتة عن كل عيوبها ،، نبهتهم كم مرة لا تحطون في شرف الناس بس طبعا اطلع انا الحقودة الي احب الغرب اكثر من اختي ،، وانا الغيورة الي اتواصل مع الناس الي يكرهوون اختي ( لان الكلام الي تقوله اختي كانت تقوله لبعض صاحباتها وبدورهم نشرو الكلام ،، والنتيجة ان بنات كثار عرفو الكلام الي تقوله اختي عنهم وصارو يطنشوها ولايسلمو عليها اذا شافوها في مكان بينما علاقتي معاهم ما زالت ممتازة ) ،، المهم لما شفت ما منها امل صرت اسمع واطنش ولا احاول احتك معاها في مواضيع زي كذا ، من تبدي اترك المكان وامشي ،،
بس لفتني شي جديد .. ومحتارة ومو عارفة وش اسوي ،، استمر على سكوتي ولا اتكلم واطلع انا الغلطانة ..
توها من فترة بسيطة نقلت من وظيفتها ( كان نسائي) الى مكان مختلط ،، الاحظ كلامها مع امي كله عن رئيسها ،، رئيسها جا لها مخصوص يتطمن عليها ،، رئيسها جاي يسلم عليها مخصوص من بين كل البنات الي معاها ، البنات غيرانين منها ليش ان رئيسها مهتم فيها اكثر منهم .. ومن هالكلام ،، رئيسها طبعا متزوج وعنده عيال ،، بس مرة جيت لـ اهلي وسمعتهم من نص السالفة انها تشوف رئيسها شكله مهموم ،، ومن يشوفها سبحان الله يبتسم ،، تقول اكيد مو مرتاح مع زوجته في البيت ومن هـ الكلام ،، انا طلعت من فمي كلمة استغفر الله غصبا عني ،، هي على طول التفتت لي وقالت وش قصدك يعني ؟ قلت لها يعني الواحد ما يذكر ربه الا قصده شي ؟ وسكتت ،، ومن بعدها صارت تتحاشى تتكلم في هـ الموضوع قدامي ،، من ادخل يسكتو او يغيرو الموضوع ..
انا خايفة من هـ الموضوع ،، حاسة ان فيه شي بس مو عارفة اعبر عن احساسي .. ما ادري انا غلطانة واحساسي مخيبني والشيطان لاعب في مخي والا هو الموضوع من جد المفروض ما يصير ؟؟ فاهمين علي ؟ مو عارفة اشاور احد ؟ ولا ابي اتجرأ واسال وحدة ثانية من خواتي ويفهمون شي ثاني وتصير لي مشكلة مع اهلي ،، اسكت واطنش زي العادة ؟؟
ببدي الموضوع بنبذة بسيطة عن شخصيتها عشان تفهمون المشكلة الي محيرتني ومطيرة النوم من عيوني ..
اختي تقريبا في نص الثلاثينيات ،، مو متزوجة ،، وهي اكبر وحدة في البيت .. انا وخواتي الي اصغر منها كلنا متزوجين ومعيلين الحمدلله ..
طبعا امي الله يهديها ( من وجهة نظري انا يمكن اكون غلطانة ) خربت شخصيتها مرررة ،، حسستها انها ناقصة لانها ما تزوجت ، يقضون يومهم كله في فلانة تزوجت مع ان ما فيها زود واختها خربانة وتزوجت احسن واحد وكله من هـ الكلام ( استغفر الله بعض الاحيان يحطون في شرف بنات ما يعرفونهم بس لان سمعو او حسو او من شكلها ) ،، علانة كانت تبي تخطبني ( اختي يعني ) بس فلانة حسودة وغيورة وخربت الخطبة عشان علانة تخطب بنتها ،، وكله من هـ الكلام ..
طبعا النتيجة ،، اختي تشوف حالها احسن البنات جمالا واخلاقا واناقة واسلوب .. كل البنات عندها كخة ،، الا هي طبعا .. صديقاتها كل ما تزوجت وحدة فيهم تطلع فجأة وحدة xxxx وحطت فيها عيوب الدنيا وقطعتها وقطعت علاقتها فيهم ،، ما عدا كم وحدة لاني حاستها تبي تاخذ من عايلتهم واخوانهم ( يمكن اكون غلطانة يا رب سامحني )
والشي الادهى والامر .. انها حاطة في بال امي اني انا اغار منها وحاسدتها ! جرحتني ،، بس ما اقدر اقول شي ولا ادافع عن نفسي ،، لانها بوجهة نظر امي انها مسكينة ما تزوجت والمفروض ما نكسر خاطرها وندافع عن نفسنا ،، لازم نثبت لها صحة فكرتها ان احنا ( انا وخواتي نغار منها ) .. مع العلم ان كلنا نفس المستوى التعليمي ،، وكلنا تزوجنا ناس من عوايل كبيرة وكلنا عايشين بنفس المستوى الي كنا عايشينه ببيت اهلي اذا مو احسن ،، وكلنا نكشخ ونلبس من نفس المستوى .. ونقطة ممكن تكون مهمة عشان تفهمون الموضوع هي الاقل جمالا فينا ويعني تخورها في اللبس والكشخة ، مع ان اذا شفناها كذا نقول لها ونعدل فيها ..
انا بالنسبة لي تعايشت مع الموضوع وساكتة عن كل عيوبها ،، نبهتهم كم مرة لا تحطون في شرف الناس بس طبعا اطلع انا الحقودة الي احب الغرب اكثر من اختي ،، وانا الغيورة الي اتواصل مع الناس الي يكرهوون اختي ( لان الكلام الي تقوله اختي كانت تقوله لبعض صاحباتها وبدورهم نشرو الكلام ،، والنتيجة ان بنات كثار عرفو الكلام الي تقوله اختي عنهم وصارو يطنشوها ولايسلمو عليها اذا شافوها في مكان بينما علاقتي معاهم ما زالت ممتازة ) ،، المهم لما شفت ما منها امل صرت اسمع واطنش ولا احاول احتك معاها في مواضيع زي كذا ، من تبدي اترك المكان وامشي ،،
بس لفتني شي جديد .. ومحتارة ومو عارفة وش اسوي ،، استمر على سكوتي ولا اتكلم واطلع انا الغلطانة ..
توها من فترة بسيطة نقلت من وظيفتها ( كان نسائي) الى مكان مختلط ،، الاحظ كلامها مع امي كله عن رئيسها ،، رئيسها جا لها مخصوص يتطمن عليها ،، رئيسها جاي يسلم عليها مخصوص من بين كل البنات الي معاها ، البنات غيرانين منها ليش ان رئيسها مهتم فيها اكثر منهم .. ومن هالكلام ،، رئيسها طبعا متزوج وعنده عيال ،، بس مرة جيت لـ اهلي وسمعتهم من نص السالفة انها تشوف رئيسها شكله مهموم ،، ومن يشوفها سبحان الله يبتسم ،، تقول اكيد مو مرتاح مع زوجته في البيت ومن هـ الكلام ،، انا طلعت من فمي كلمة استغفر الله غصبا عني ،، هي على طول التفتت لي وقالت وش قصدك يعني ؟ قلت لها يعني الواحد ما يذكر ربه الا قصده شي ؟ وسكتت ،، ومن بعدها صارت تتحاشى تتكلم في هـ الموضوع قدامي ،، من ادخل يسكتو او يغيرو الموضوع ..
انا خايفة من هـ الموضوع ،، حاسة ان فيه شي بس مو عارفة اعبر عن احساسي .. ما ادري انا غلطانة واحساسي مخيبني والشيطان لاعب في مخي والا هو الموضوع من جد المفروض ما يصير ؟؟ فاهمين علي ؟ مو عارفة اشاور احد ؟ ولا ابي اتجرأ واسال وحدة ثانية من خواتي ويفهمون شي ثاني وتصير لي مشكلة مع اهلي ،، اسكت واطنش زي العادة ؟؟
