ماهو شعور الفتاه عندما يراها الخاطب ثم يقول انها لاتعجبني؟؟

[حكايه قلب]

ما هو شعور الفتاه عندما يراها الخاطب ثم يقول انها لا تعجبني؟؟؟





بسم الله الرحمن الرحيم


إن من حكمة الله جل في علاه أن شرع النظرة الشرعية بين الرجل والمرأة
عند الخطبة وتكون برؤية الرجل للفتاة وهي مظهرة لما يظهر منها غالبًا
كالشعر واليدين والوجه والقدمين ولبعض العلماء أقوال أخرى ( والله أعلم )


المهم : ما شعور الفتاة التي يتقدم عريس لخطبتها
ثم يراها ، وبعد يومين تتصل أم العريس لتخبر أم الفتاة بأن
ابنها لم يوافق على الزواج من ابنتها وكل شيء قسمة ونصيب..!!


أريد آراء صريحة ومواقف واقعية .....


لالالاتنسوني من تقيم ​

 

[المرتاحة]

شوفي اختي

انا تفاجأت ان بالنظرة الشرعية عادي البنت اطلع شعرها وانصدمت قلت مو معقوله اكيد في هالفتوى شي غلط

بس بعدين لما سألت قالوا اي يجوز تكشف اذا كان في قبول من كلا الطرفين يعني راح يملجون ومافي اي مشاكل بس انه بيشوفها.. مو يتفرج و يمشي

واحنا صراحه بعايلتنا نطلع بحجاب جدام الخاطب ما نقطه

فإذا رفض يعني صح شي يحز بالخاطر و خصوصا اذا عجب البنت بس ترى كل شي ربنا يدبره بيكون خيره لها

وبيني و بينكم انا الحين رافضه الفكرة هذي .. مابي احد ايي يتمنظر علي و يمشي .. مادري وين قاعدين!!

تقول لي امي اشلون بتزوجين عيل؟!! اقول لها مادري بس انا حاسه اني بتزوج مو بالطريقه هذي لانها مو عاجبتني بالمره و كل ما يدقون يبون يشوفوني اقول لامي تصرفهم

ترى تفرق اذا الناس عارفينج و يايين يطلبونج بالاسم وبيملجون عليج عن الناس اللي ما تعرفج و يايين يشوفون جنهم داشين معرض و انتي التحفه يمكن تعجب او ما تعجب لوووول

ذكرتوني برفيجاتي حبايبي والله قاعده اسولف وياهم جان اقول لهم ذاك اليوم تقدم لي واحد ولما شافني رفضني قاعده اسولف عادي و حسيت عيونهم غورقت دموع واللي ضاق خلقها.. امبيه انا يتني الضحكه صراحه لما شفت ردت فعلهم .. قلت لهم لا تزعلون اهو ما عرف قدري ما يستاهلني.. مابي واحد ينظر للقشور << لا تحطون ابالكم اني جيكرة بس الناس اذواقهم تختلف


مشكورة اختي على الموضوع

 

[نجداويه نجد]

ـ

وعليكم السلام ورحمة الله وبركاته

أنا أعتقد أنه شعور مؤلم بالنسبه للمخطوبه وقد يكون جرح بإنوثتها ..!!
والمضحك المبكى في الوقت ذاته ...
قد تكون الفتاه علي قدر متوسط من الجمال وذات سُمعه طيبه ونسب أصيل تجدين المخطوب قبيح الوجهه وظيفته متدنيه ولاتذكر ولكن يرفضهاا لماذا ؟؟ الانه يريد فتاه كنانسي وإليسا .. بالسعودي يبغاله وحده من الحور العين ..!!!

 

[غرور الشمري]

انا ماااااادري شلون اعلق ع الموضوع احترت

بس جد لي صار شقوول لـــ الناس والله شافني وماعجبته

المفروض الشخص اللي ناوي يخطب يكون يعرف البنت او حتى اخته او امه توصف البنت عشان لما يشوفه مايرفض

 

[є 3 τ и α q]

- البنت هي الوحيده اللي بتتالم ..
لكن بَ النهايه كل شخص تختلف نظرته عن الاخر ..


ورجل عن رجل يفرق معاهم هالشي ..
بس مو معنآها ان البنت نآقص منها شي او انها مو حلوة


كل وحده ولها نسبة جمال تتعلق فيها هي
بَ النهآيه جمال الروح اجمل واحلى ..


/

وفي حالآت تجي العكس البنت مَ يعجبها الولد ..
ونفس الشعور بيحسه ..



وبَ النهايه نصيب ..
ولا تنسين ان الارواح جنود مجندة ..

 

[عادت ذكرياتي]

يقولون ماكو نصيب أوكي عشان ما تنجرح البنت أو الولد أما يقولون ما عجبته أو ما عجبها أحس مو حلوة بحقهم لووووول

 

[منو انت]

بالبدايه راح تزعل وتتضايق بس بعدين اكيد راح تعرف ان هالشي خيره لها احسن ماتعيش معاه وتالي يقول ماابيج


وموشرط انها مو حلوه في شي اسمه قبول واسلوب وراحه يعني ممكن اسلوبها مو حلو او ماكان لها قبول عنده ومن هالاشياء عسى الله يكتب للجميع الخير يارب

 

[ورع البدو]

انتي تقولين تبين تجااارب والحمدلله ما جربت هالموقف

بس جربت أنا اررفض ههههههه

يخسي هو يرفضني ويخلي كل هالزين والسنع لبا قلبي خخخ << بدا المهايط هههه

أنا اتوقع يسبب جرح كبير للبنت

 

[بنت العقربيه]

عادي ماازعل لان هاذا زواج مو لعبة


واحسن من الي يقول بتزوجها لان امي قالت لي عنها او عجبت امي


وبعدين البنت والشاب لازم يكونون مع بعض لحالهم وقت النظرة الشرعية في صالة مفتوحة


على المطبخ مثلا والكل رايح جاي عشان اذا عجبها يبين عليها واذا ماعجبها تمشي وتخلية


ونفس الشي للشاب


والمفروض الوحدة ماتزعل اذا شافت واحد وعجبها لكن هو ماعجبته عادي تدعي لنفسها

ان الله يرزقها باحسن منة والله كريم

 

[بنت العقربيه]

ـ

وعليكم السلام ورحمة الله وبركاته

أنا أعتقد أنه شعور مؤلم بالنسبه للمخطوبه وقد يكون جرح بإنوثتها ..!!
والمضحك المبكى في الوقت ذاته ...
قد تكون الفتاه علي قدر متوسط من الجمال وذات سُمعه طيبه ونسب أصيل تجدين المخطوب قبيح الوجهه وظيفته متدنيه ولاتذكر ولكن يرفضهاا لماذا ؟؟ الانه يريد فتاه كنانسي وإليسا .. بالسعودي يبغاله وحده من الحور العين ..!!!

:krkrkr::krkrkr::krkrkr::krkrkr::krkrkr::krkrkr::krkrkr::krkrkr:
والله انك صادقه جبتيها
يسعدك ربي ما يتشرط الا الشينين استغفرالله ياربي

 

[ماني من الناس]

احسه شعور غير لطيف عموما للطرفين في حاله الرفض


الحمد لله ما جربته

 

[ما كو اسم]

عادي ليش الحساسيه مثل وحده معانا بالدوام تزوجت واحد مستوى بكل شئ ماشاءالله ( عن طريق مغازل )وقاعده تهايط على البنات اللي عندنا والله اكسروا خاطري لان وحده ويانه قالوا حق موظف عنها وما اعجبته ودوام وحريم قصه وتاليف اشكال وارناق يمكن اقعدوا يسولفون3 شهور بالسالفه وهذي يايه تتشيحط عليها وعلى البنات الثانيات لمن قلت لها الحين انتي جم واحد كلمج ومغازل معاه سواء بالدوام او بره الدوام وكلهم ما اخطبوج يعني فوق الميه ارفضوج ويه هذا بالاخير وخذاج ............. والله بطت جبدي

 

[!! شوق !!]

السلام عليكم
وصبحكم الله بالخير ..

اول شي خل نصحح مفهوم النظره الشرعيه .. تراها مو للجمال اوو الجسم .. بالدرجه للراحه النفسيه
لانه مثل مانتم عارفين الارواح جنود مجنده ..
ياما ناس بقمه الجمال لكن مانرتاح لهم .. فالرفض مو للشكل او الجمال

وجهت نظري اتقبل لما يرفضني قبل لانتزوج .. ولا اني ادخل بيته وينحسب علي زواج
ويغير مجرى حياتي .. وبالاخير يقولي سوري انتي على نظر امي وماتعجبيني ..
اهني صدمه الرفض وصدمه اني تطلقت بليا سبب منطقي وبتغير حياتي

والله يوفق كل العزابيه والمتزوجات وماينجاب للطلاق طاري ​

 

[بحه عتااآاب]

يجرح الخاااطر كلامه

الله لايحطني بذا الموقف​

 

[بارشيكا]

هههههههههه
موضووعك مهم والاجاابه جاايه في الطريق بس انتبهي تصدم الجدار خخخخخخ
شوفي حبيبتي هي بالاول مثل مقالت العضووه الكريمه اللي قبلي رااحه نفسيه بعديين يتطرق يشووف ثقافتها ادبها اخلاقها بس في ناااااااس اعوذ بالله يبوون الوحده ملااااااك نازل من السمااااا وجمال من غير ماتنطق بحرف وااحد يوافقووون علىى طووووول
خليني اقولك قصة وحده من صديقاتي
هذي الله يسلمك عمرها 24 سنه وهي مسكيينه قصييييييييييييييره حيل
تقدملها وااااحد ووافقو عليه بس لازم النظره الشرعيه المهم المكسينه يوم النظرره لابسه كعب عالي دخلت وجلست وهي مستحيه شووي يقولها الافندي لو سمحتي ممكن توقفين دقيقه هي استغربت تقول لا ارداياا وقفت قال افصخي الكعب وفصخته بعديين قااعد يطالع فيها متفاجئ قال اجلسييي بعدين قال اسسسسسسف بس انتي قصيره مررررره كذاا بوجهها المسكينه تقوول وجهي قلب الواان على طوول رحت ونسيت الكعب من الاحراااج
ااه هذي الدنيا نصييييييييييييييييييييب

بس ابد انا عاادي عندي جدا
اذا حصل وصارلي هالموقف برد عادي جدااااا واقول ولا يهمك يابن النااس الله يرزقك ببنت الحلال اللي احسن مني والله يرزقني ببن الحلال اللي احسن منك هذا نصيب وابتسم واقول بالتوفيق وعن اذنك وبسسسسسسسسسسسسسسسس
يسم ماصاار ورفضت من احد اذا جاااء اتوقع رااح يكون ايزي عندي واله لانه عايشه حياتي فقط للوناسه مو للتفكير واقول ليه رفضني انا مو حلووه انا متينه وانا وانا وانا واسبااب تصدع الرااس ياستي عيشي اليوم بيومه وانسي التفاهات هذي
نصيبك جاي جااااااااااي اركدي شوي خوووووووووووو


^^^^^^^^^^^^^^^^^^^^^^^^^^^^^^^^^^^

قصه حياتي خخخخخخخخخخخخخخخخخخ

شكرا عالمضووع

 

[بدوردا الأموره]

يعني شنو بيكون شعورها

أكيد بتزعل يوم يومين

لأن طبع البنت حساسه وحتى لو هو رفضها تبي الرفض يجي منها مو منه لووول