متى اجهز ؟ وشنو اشتري ؟

[عروس الزين]

طبعاا فديتج هذي القائمه حق اول شهر و بعدين عاد اكيد في سوق بعد العرس

 

[عذبة الاطبآع]

نفسس الحـآله اول عروس بالبيت

ومدري وين الله قآطني

وعرسي بعد 7 شهور

 

[عمة الورد]

يعطيييييييييييييييييييييج العافية عروس الزين

بنات شنو المعارض الجايه و التنزيلات ؟

لان اخاف اشتري الحين و بعدين اشوف لاسعر اقل و اتحسف !

ولا شرايكم :\

 

[عمة الورد]

افا

اب اب

 

[ام كوثر2007]

http://www.q8yat.com/t950069.html

شوفي هالموضووع راح يفيدج وايد ..


بالمبارك مقدما.

 

[عمة الورد]

اهم شي فستان العرس ابدي من الحين لان يبيله دواااره واذا بتفصلين بيطووول
ولاتقولين باقي وقت .. كل ماشفتي شي عجبج اخذيه خصوصا ملابس البيت لان بتحتاجينها وااايد وماتروح موضتها ولا تقدم
انا اشوف العطور والمكياج عادي خليها اخر شي .. انا بسووي جذي مع ان امي قالت لي مابتخترب
الذهب بعد ابدي فيه من الحين وخلصي منه لان ماتروح موضته
بدل السهره والدراريع خليهم بعدين
واخر شهر قبل العرس خلج ريلااااكس وتكونين مخلصه كل شي ماتلفين في السوق

^
المشكلة انا ضاغطه نفسي ب ٦ مواد فما اطلع السوق واجد الا بالويك اند و حتى ما اطلع مرات

فما ادري شلون اجهز ولا اخلي لشهر ١ ؟ :eh_s(10):

 

[عمة الورد]

http://www.q8yat.com/t950069.html

شوفي هالموضووع راح يفيدج وايد ..


بالمبارك مقدما.

بعد جبدي والله :*

 

[فدوووو]

يمديك تجهزين عندك سته شهور اذكر لي وحدة جهزت بشهرين وهي تدرس بالجامعه بعد نفس حالتك والله

شوفي ابدي بالذهب حددي مبلغ له اشتري طقمين واحد ابيض وواحد ذهبي

بعدها اذا شفتي تنزيلات اشتري من التنزيلات ملابس البيت والبجايم وملابس داخليه

بعدها ابدي بفستان عرسك مع المسكه فررري بالمعاارض واذا ماعجبك شي فصلي من الحين

بعدها دوري لك كوافيرة وتسوي لك بروفه او انك تجينها تشوفين تجهيزها للعرايس

بعدها ابدي بالدراعات والملابس الكشخه والفساتين

بعدها الشناط والجزم وانتي بكرامه والاكسسوارات

واخر شي المكياج واغراض الصيدليه

واتمنى اكون افدتك واي سؤال من عيووووني

وصح لاتنسين تبدين باسنانك والبياض قبل عرسك باسبوع واهتمي من الحين بنفسك واكللك والدورة

وتنظيف البشرة واذا تقدرين تسوين ليزر لجسمك ووجهك سووي اريح لك اذا كان شعرتك ثقيله وغامقه مثلي لووول

 

[كلي لكـ]

بالتوفيق حبيبتي
اهم شي لاتكثرين
وقبل لا تشترين شي كتبي نوت بالتفصيل لاحتياجاتج
وكل مارديتي من السوق كتبي بالنوت شنو شريتي واللون عشان ماتكررين

 

[الـــغـــلآ]

المكيآج و العطور خليهم آخر شي لأنهم يخربون
و إذآ تقدرين في معرض شهر 11 و شهر 3 للعطور
و أنصحج ابدي بالبدله و الذهب و قميص أول ليله و المصورهـ احجزيهآ بعد شهرين جذي
و كملي بعدهآ بدل و درآريع إذآ تلبسين و التنآتيف البآقيه

 

[miss king]

وانا بعد مو عارفه متى

 

[tt2tt]

اب اب

 

[~!عالي مستواها!]

لاتبدين من الحين باقي فترره ابدي من شهر واحد على اساس التخفيضات

تبدا بشهر 1 احس بتملين لو جهزتي من الحين انتظري شووووي

 

[عمة الورد]

الحين بتنزل ملابس الشتا و على ما ينزلون الملابس الصيفيه الا انا متوهقه و ما عندي وقت
فمفكره اخلص ملابس الشقه إن شاء الله و المبخر و الروب و ودي افصل ثوب صلاة يكون كشخة < بعد عروس لزوم الكشخة
و العلاقات و المقسمات
و الجناط الكبيرة
و جنطة المكياج و ادور لي مفرش للتسريحة
و ولاعة البخور و طقم الحمام

اخ اشياء واجد ههههه تعبت و انا اكتب
< كسل اعوذ بالله
شنو بعد
فواحات و شموع معطره و اكياس معطره احطهم بالجناط بين الملابس

و القمصان بشوف جم محل و إن شاء الله القى عندهم شي يسوى

و الملابس الداخلية

و اله حلاقة و سشوار و ستريت و طقم فوط

و سسسلااااااااااامتكم

قرقت واجد

هذول الاشياء اللي استفدتهم منكم
و قولولي اذا ناقصني شي !

 

[عمة الورد]

اب اب شدعوة

 

[عمة الورد]

ااب

 

[دلوعتةة : $]

،

،

حالي من حالجَ ، احس تو الناس وَ بعدين أجهز وَ بنفس الوقت أقول بينزل الشتوي وَ بتوهقَ :|
شوفي أنا بديت جلسات ليزر + حمام مغربي ، وَ إهتمام بنفسي
ببدا أجهز بعد العيد ، وَ أول شي بدور نفنووف العرس <- الوهقه الكبيره هههههه
الله يسهل لنا يَ ربَ
</B></B>

-​

 

[شيهانة مطييير]

حبيبتي اول شي روحي اشتري( الذهب) لان الغرام نازل ل 12 تلاحقي عمرج لايرتفع وتوهقين
اشتري شبكة وسبحة بسسس
شغلة ثانية ابدي بالاولويات مثل :افتري على الصوالين واللي يعجبج مكياج احجزي مكياجج اول ليلة
عقب روحي احجزي المصورة واذا في مسائية ثاني يوم احجزي صور فوتوغراف من غير فيديو
ادفعي عرابين واحتفضي بباجي الفلوس كلا بضرفة
وبعدين حبيبتي روحي اشتري الشغلات اللي مالها مووووضة مثل قمصان النوم ونوعي مابين قصير وطويل وشيفونات وستانات واشتري جينزات اسود وكحلي ورمادي ولقينزات
واذا في بجايم عجبوج اخذي بس لاتكثرين لان بتنزل شغلات ويمكن وزنج يتغير
امممممممم ومكياجج وعطوراتج خليها قبل العرس بشهر او شهرين واذا قبل عرسج بفتره تبطل المعرض خمي
وبعدددددددددددددددددين عاد قبل عرسج ب3 شهور تقريبا او 4 مادري افتري على المشاغل وفصلي بدل استقبال
والكماليات خليها اخرررررررررر شي
واهم شي ابدي من اللحين دوري على عيادة زينه وسوي جلسات ليززززززززززززززر
وكل اسبوع مرة سوي حمام مغربي واشتري خلطات وسنفرة للبيت
اي استفسار انا حاضر راسليني عالخاااص ماااشي ياقلبي

 

[عمة الورد]

،

،

حالي من حالجَ ، احس تو الناس وَ بعدين أجهز وَ بنفس الوقت أقول بينزل الشتوي وَ بتوهقَ :|
شوفي أنا بديت جلسات ليزر + حمام مغربي ، وَ إهتمام بنفسي
ببدا أجهز بعد العيد ، وَ أول شي بدور نفنووف العرس <- الوهقه الكبيره هههههه
الله يسهل لنا يَ ربَ
</B></B>

-​

بتأجرين ؟
انا مفكرة من شهر ١٢ افتر على المعارض لأن بينزلون نفانيف جديدة !
بس مادري خالتي تقول لي شوفيهم من الحين
و اذا بشرى العيدان لازم تاخذين موعد !!! :eh_s(1):

 

[عمة الورد]

مشكورة شيهانه

اتوقع الذهب سعره قاعد ينزل تدريجيا
اخاف اشتري الحين و اتوهق