مشكلة ناظرة باحدى المدارس تعالوا ياامهات

[روح الطبيعه]

السلام عليكم ​

انا بدش بالموضوع ع طووول ياجماعه بصراحه هالمدرسه من احب المدارس عندي​

لانها كانت مدرستي والحين مدرسة بنتي لكن هالمدرسه ع مر العصور منحوسه اذا الاداره زينه​

المدرسات يطلع الاكثريه منهم منفسات واذا المدرسات زينات الاداره رايحه فيها​

لكن الحين والشهاده لله ان عندهم وكيله اعتقد اسمها شيخه بلسم وقلبها كبير وطيبه​

ويكفي ابتسامتها الحلوه بوجيه هالبنات الصغار​

وعندهم اخصائيات ينحطون ع الجرح يبرى منى وخلود الله يباركلهم بعيالهم وصحتهم​

طيبات واسلوبهم حلو ويريحون الطالبات واولياء الامور رغم الضغط عليهم​

وبنات شؤون الطلبه الاكثريه منهم طيبات ومبتسمات يعني مريحات​

لااااااااااااااااااااااكن عندهم ناظره اللهم ياكافي >> الشويش عطيه لاابتسامه ولا روح​

والله يعين الارض اللي تمشي عليها >> ياصبرها​

اولا امنعت اولياء الامور من الدخول بالمكان اللي مخصص لهم ينتظرون فيه بناتهم​

اللي مظلل وفيه كراسي من سنين واولياء الامور يقعدون فيه نهاية الدوام علشان ينطرون​

بناتهم وطلعتهم بالشمس >> كان المدرسه ورثه خاصه لها من ابوها​

ولما اولياء الامور اسكتوا علشان يشوفون اخرتها معاها​

شافتهم يتظللون بشجرتين امام المدرسه >> جابت عامل وقصهم​

حسبي الله عليها والله ان بعض وليات الامر اكبار بالسن ومعاهم امراض وفيه جدات​

يطلعون بنات اعيالهم قاموا يقعدون بمظلات السيارات مع سيارات المعلمات​

والله مايصير لازم الوزاره تشوف حل مع هلاشكال من الناظرات اللي يسوون المدارس​

مملكات خاصه لهم​

وبعدين مومسموح لها لان هالمكان بكل المدارس عندنا مخصص لاولياء الامور​

في مدارس ثانية ​

تكفوون دلونا شنسوي معاها هالعله وانتوا ياوليات الامور للي لكم بنات في هالمدرسه​

تجمعوا واشتكوا عليها مو من حقها​

لو فيها خير كان سوت عتبة هالمدرسه اللي مكسره اللي البنات يتعثرون فيها كل مااطلعوا​

مو شاده حيلها بالسيطره ع المدرسه كانها مستعمره يهوديه​

والله مدري شقول بس قاهرتني هالناظره العله​

انا ماقلت اسمها علشان احافظ ع مشاعر اعيالها او اللي يعرفونها ​

والسلام ختام​

تم التعديل عالموضوع ​

 

[أم عبووووود]

حبوبة تم التعديل عالموضوع لان ممنوع وضع اسماء المدارس قوانين المنتدى


اليوم مادري اشسالفة الناظرات استخفوا الله يهديهم ان شالله
شوفي حبيبتي اول شي النحاسه مالها حل وهذي الناظرة نحيسة لا اكثر ولا اقل الحل انكم اولياء الامور تقدمون شكوى جماعيه توقعون عليها وتقدمونها للمنطقه التعليميه وان شافوها ماتستحق راح ينقلونها اذا مشوا على كلامكم

والله يعينكم عليها

 

[حجيه هيونه]

الله يهديها

مادري شنو تستفيد لما الناس بحر الكويت تدعي عليها

ولا ادري شنو تستفيد من هالنحاسه بعد مو قاعدين ببيتها هذي مدرسة

 

[عاشقة الاسلام]

حسبي الله ونعم الوكيل سالفة النلظرات اليوم الله يستر منهم

 

[روح الطبيعه]

حبوبة تم التعديل عالموضوع لان ممنوع وضع اسماء المدارس قوانين المنتدى


اليوم مادري اشسالفة الناظرات استخفوا الله يهديهم ان شالله
شوفي حبيبتي اول شي النحاسه مالها حل وهذي الناظرة نحيسة لا اكثر ولا اقل الحل انكم اولياء الامور تقدمون شكوى جماعيه توقعون عليها وتقدمونها للمنطقه التعليميه وان شافوها ماتستحق راح ينقلونها اذا مشوا على كلامكم

والله يعينكم عليها

هلا والله وتسلمين ع مرورج

وانا والله مدري عن القوانين علشان جذي حطيت الاسم

والله كان ودي انج خليتيه علشان تدري انها المقصوده هالعله

وبالنسبه للشكوى انا ودي بس هالامهات كل وحده متكله ع الثانيه مدري ليش خايفين

وانا بروحي ماينفع صح؟​

 

[روح الطبيعه]

الله يهديها

مادري شنو تستفيد لما الناس بحر الكويت تدعي عليها

ولا ادري شنو تستفيد من هالنحاسه بعد مو قاعدين ببيتها هذي مدرسة

مومستفيده غير كرهـ الناس لها

حتى الطالبات رغم صغر سنهم الا انهم مايطيقونها

ياسكان قطعه 2 بالصباحيه ترى هالمدرسه معروفه حييل ابتدائية بنات

اللي لها بنت اهناك تقول علشان نعرف نوقفها عند حدها هالكريهه


مشكوره ع مرورج حبوبه:eh_s(17):​