الصدفية

[جودالحزن]

السلام عليكم ورحمة الله وبركاته

بصراحة مدري كيف ابدا

لكن الموضوع مهم بالنسبة لي

انا عندي وحدة من اقاربي مريضة بالصدفية عافنا الله واياكم

طبعا فيه دكتورة بمصر اسمها( اغاريد)او( اغادير)
المهم هذي الدكتورة جزاها الله الف خير اكتشقت علاج له.

طبعا كلمناها بمصر وقالت اذا تقدرين تجين تعالي
بحكم البعد والظروف ماراحت.بس قالت لها احتمال بعد 3 اشهر من الكلام ينزل العلاج بالكويت

الله يخليكم طالبتكم طلب.

ان كل وحدة جمب بيتهم صيدلية تسال هل هو نزل او لا ومتى ينزل اذا مانزل مع العلم ان اسم الدواء هو


( اللوريد)


وياحبذا اللي تعرف اي رقم للدكتورة تحطه هنا للاستفادة للجميع. كان عندنا بس ضاع مننا


مع اطيب امنياتي بالشفاء العاجل للجميع


اختكم


جود الحزن

 

[NoWay2know]

طلبي الدوا اون لاين

 

[TeAcHeR_BeZaRiN]

حبيبتي الي اعرفة انه علاج الصدفيه انج تكسرين غصن شجرة التين وتكسرينة ولما تكسرينة يطلع منه ماي حطي هذا الماي على الصدفيه وان شاء لله اطيب

 

[BsKoOoOoTa]

حبيبتي علاج الصدفية هذا من النفسية كل ما تتعب النفسية كل ما تزيد الصدفية واهو يروح بس يرد مره ثانية واحسن علاج الي اهو للحين اعرفه وماله اي تأثير جانبي اهو في مصر وتحديدا في سفاجا مصح يعالج هذا المرض ومعروف وعلاجه كريمات نتحط على الجسم والبحر والتعرض لأشعة الشمس وخصوصا في شهر 8 احسن وقت لأن الشمس تكون ما ادري يقولون يعني عامودية لمدة شهر طبعا تاخذين لون بس اذا كل يوم تعرضتي للشمس وتسبحت بالبحر لأن في نسبة ملوحة كبيره وحطتي الكريمات يروح كله بس للأسف يبتدي يطع مره ثانية اذا ما حافظتي على صحتج وداومتي على الكريمات حتى بعد ماتخلصين من العلاج وحتى لو يرد يرد خفيف وطبعا ماكو شئ بعيد على الله واخر شئ سمعته انه في ابره بالكوينت قيمتها 3000 دينار يعطونج اياها مره وحده وتروح منج لمدة سنة وبعدين تبتدي ترد

 

[ريمه الكويت]

دكتوره اغاريد الجمال هذي تعالج الصدفيه بسم النحل والالوفيرا وعشاب طبيعيه انا رفيجتي اشترت كريماتها من مصر بس جنه تقول ماستفادت منها ويمكن منتجاتها قالو بتاخذها شركه امارتيه وبسيونها كريمات هذا الكلام سامعته من زمان

اهي احسن شي تسال دكتورتها الجلديه عنه والله يشافيها ويشافي كل مريض يارب

 

[sereen]

هلا حبيتى شوفى انا معاى صدفيه من يوم ماكنت ياهل والحين انا وين ام عيال انا ماعرف شى عن الللى تقولينه بخصوصو

سبب الصدفيه :

القشر يطلع خلال ثلاث ايام بعكس الانسان العادى القشر كل اربعة عشر يوم بالتالى مريض الصدفيه تطلع القشرة ثقيله
وبيضا

ماتعدى لكن ممكن تورث


الدكتورة لكن انا مروا عليى اشكال ونماين منها :

بول البعير فالوا زين مازين ,,,,, مافاد
فى واحد فلسطينى مرة جريدة من الجرايد يابوا انه خلطه يسوى مع ما ى الذهب والله الاهل يابووة بس مافاد
دهن من المكسرات اتنقع فيه مافاد
سوالف اللى يبونها المعارض السوريه كريمات مافاد
بوحمرة عطانى حبوووووب اكلها لعينه وتخرب الكلى يوم دريت بطلبت عن بوحمرا بكبرة

اللى فادنى
الاشعه الفوق بنفسجيه بس بدون حبوب من خلال عيادة الحمد فى الصباح حتى من السعوديه والبحرين ايوون يتعالوجون فيها بصراحه الستاف اللى فيه يهبل تقريبا تسع سنوات انا ظليت معاهم
النتيجه اتروح الصدفيه بس بعد ثلاث اشهر من توقف العلاج ترجع واحيانا يصيرين فينى حرووووق لانها مثل الشمس بس لونى على طول برونزى شى طيب


بس اروح اليونان او جدة يروووووح يختفى جنه سحر بسبب الجو مشبع بالفسفووور ورطب

وديربالج ترى اللى يروح بسرعه اهو الكورتيزووووووووون عادة يخلطونه مع الاعشاب تعرفين تاثير الكورتيرزووووون من خلال

يسوى احيانا لطخات صفرااااااا على الجلد

والله يشافى مرضاكم يااختى ومرضى كل المسلمين

 

[NoWay2know]

انا سمعت عن كريمات من ماخذوه من البحر الميت

 

[جودالحزن]

الله يعطيكم العافية ومشكورين

وماقصرتو.

الله يشفي الجميع

جود الحزن

 

[nahed.alkhaled]

السلام عليكم ورحمة الله وبركاته

بصراحة مدري كيف ابدا

لكن الموضوع مهم بالنسبة لي

انا عندي وحدة من اقاربي مريضة بالصدفية عافنا الله واياكم

طبعا فيه دكتورة بمصر اسمها( اغاريد)او( اغادير)
المهم هذي الدكتورة جزاها الله الف خير اكتشقت علاج له.

طبعا كلمناها بمصر وقالت اذا تقدرين تجين تعالي
بحكم البعد والظروف ماراحت.بس قالت لها احتمال بعد 3 اشهر من الكلام ينزل العلاج بالكويت

الله يخليكم طالبتكم طلب.

ان كل وحدة جمب بيتهم صيدلية تسال هل هو نزل او لا ومتى ينزل اذا مانزل مع العلم ان اسم الدواء هو


( اللوريد)


وياحبذا اللي تعرف اي رقم للدكتورة تحطه هنا للاستفادة للجميع. كان عندنا بس ضاع مننا


مع اطيب امنياتي بالشفاء العاجل للجميع


اختكم


جود الحزن

حبيبتي الدواء متوفر بالصيدليات بالكويت اللحين انا نصنحني فيه دكتور عبدالوهاب الفوزان و شريته من صيدلية الغدير بالجابريه

 

[nahed.alkhaled]

للرفع

 

[أبلة كويتية]

آنا توني شاريته من صيدلية الغدير بالجابرية
ليما تدخلين من الدائري الرابع
تصير على إيدج اليمين
الكريم عبارة عن عصار سعره تقريبا ثلاث دنانير وربع

 

[nahed.alkhaled]

صاجه حتى انا شريته من نفس الصيدليه بعد