ديوانية --<-@ {{ One Day We Will Be Slim}}

[dareena]

هااي بنات شلونكم

بناااات انا محبطة حددددي جسمي للحين منتفح و صايدني وانتو الكرامه امساك مانفع معاه الملين ولان منثلي قربت ماشتهي اشرب ماي بس كوبين باليوم

يومياتي 28-9

الريوق.. سندويش فول من ايد ماما ههههه

السناك.. كرواسون و كوفي

الغدا..2 توست تشيكن مايونيز ( صدر دجاج مسلوق و مايونيز لايت و جزر مبشور)

السناك.. فول سوداني بست << احببببه لا يقاوم صراحه

العشا.. كنت مقررة ما اتعشا بس طلعت اهلي و كليت شاورما وحده

الرياضة.. مشي بالبيت نص ساعه و ع قرص التنحيف

وانا افر بالنت شفت خلطة لشد الجسم و وايد بنات يمدحونها حطيت منها باليل و بعد اسبوع بقولكم نتايجها اذا فادتني


يومياتي الخميس 29-9

الريوق: توست اسمر و شريحه جبن لايت وكوفي

السناك: كب كيكه

الغدا: سندويشة فلافل و عصير كيوي وليمون

العشا: قطعتين تكة دجاج مع نص خبزه

الجمعه 30-9

الريوق: توست اسمر و جبن لايت و حليب فراوله

الغدا: كوب عيش و قطعه دجاج

السناك: اشتهيت شبس ليز مالح << قربت المنثلي واشتهي موالح وايد

العشا: زبادي اكتيفيا و تفاح اخضر

 

[LadY BuG 80]

hiiiiiiiiiiiiiiiiiiiiiii gurlzz how u doing

طبعا انا قاطعت الميزان من يوم سافر الحبيب و و عافسه ادنيا من اضيقه الي فيني

و انتفخت بس ما كان لي خلق اوزن و من كم يوم استجمعت قواي و وزنت

ولله اني جبت العيد هههههههههههههههههههه

تعرفون كم وزني !!!!!

ولا بلاش اقول ههههههههههههه لاني لسا مو مقتنعه برقم الي شفته :krkrkr:
مالي خلق ابتدي رجيم الحين.... بس مسكت بريك لاكن ما ودي اضيق على نفسي او احرمها ( خاربتها و قاعده على تلتها )

لمن احس اني ودي ابلش راح قلكون ,, بس يجوووز ها يجوز اني راح بلش الاربعاء

بسوي قروب هنا في اديوانيه ..

الاربعاء راح احط وزني و الي تبي تشترك تحط وزنها و كل اربعاء نوزن و راح يكون بينا منافسه حاده

و الي تضعف اكثر شي بنعطيها هديه مقدمه من افخم محلات اسيارات

و الخاسر راح يحصل على مفاجأه

يله همتكم معاي و الي تبي تشترك تعطيني اسمها و بسجلها في الست

ما ابي وحده تشترك و تقول انا بشترك لاكن مو مستعجله على انزول ولا بس عشان ما اخربط و ازيد لا ترا فيها لقب خسرانه في المسابقه

و الحوامل اقول استريحو و خلكم متفرجات و مشجعات

يلله راح ابتدي اسجل المشتركات و الاربعاء تعطوني الاوزان و نبلش

طبعا المسابقه السبوعيه و نشوف كل السبوع اذا السباق جاب نتيجه راح استمر الاسبوع الي وراه

رجيم رجييييييييييييييييييييييييم يعني تقشف يعني حرمان طلعوا احسن ما لديكم :rgewrg:

​

مرحبا خواتي حبيباتي انا الحمدلله في ثاني يوم بروتين صافي ولحد الان صامده

صبوره تبين تطيحين العشره كيلو في 15 يوم !!!!! قابليني في الخاص بخليكي غصن بان في نص شهر .. ما ينفع اتكلم هنا لانها طرق غير مشروعه هههههههههههههههه

​

 

[LadY BuG 80]

ابتديت تخفيف هليومين بما اني من المرضه هلاسبوعين انسدت اشهيه من الله

و بما انو اديوانيه راكده قلت انزل يومياتي

فطرت اليوم

كوب حليب بارد خالي ادسم مع وافل بلسنمون و اسيرب شوجر فري

الغدا بيضه مسلوقه مع ملعقه صغيره لايت مايو ( egge salad ) ( اخترت اول توسته تجي في الكيس اصغيره )
و حشيت البيض في اتوسته

و عصير نص برتقاله فرش و فايتمن

على العصريه شربت مق كوفي لايت فيه 20 سعره فقط و سنبون بار فيه 140 كال

العشا ما كنت مشتهيه استغليت الفرصه و اكلت تمرتين و مق قهوه عربيه طبعا تعشيت بكير

و بس :eh_s(8):​

 

[rymyy]

وحشتووووووووووووووووووني

شلوووووووووونكم ياحلوووين

انا للأسف ماني قادره اصكر حلجي بلع ليل ونهاااااااااااااار
اول كنت بالقروووب انتو اللي تشجعوووني اهئ اهئ....


تحيااااتي لكم جميعاااااااا

 

[الحراير]

مرحبا شلونكم نفر نفر وربي اشتقتلكم

كتون انا ببتدي ريجيم من اليوم بس ماراح اقول لاهلي لانهم يقولون خلاص بسج ريجيم والكل يقول ضعفتي بس انا ابي اوصل لهدفي ٥٥ورانا عيد الاضحي

وانا من يوم مابتدي دوام ولدي وانا لاهيه معاه واكثر شي ماتعشي

 

[الحراير]

كتون ياقلبي ابي السر عالخاص الي بتقولينه لصبوره
حريم بيذبحنا الفضول هههههه

 

[om l3yal]

بنااااات انا بعدي برة الكوييييت
بس انا بعد وياكن
من تنسني فاهمات عيني
ادعولنا تتسهل امورنا ونرجع لان الجو غبار والله يستر

 

[brat]

هاي بنات شلونكم؟ شخباركم؟

آنا الحمدلله التزمت هالأسبوع بالرجيم والرياضة ما عدا يوم اليمعة قلت أخليه راحة

بس أمس خل أقولكم شنو كليت عشان تحكمون، عالريج ماي دافي وليمون وتفاحة وعقبها كليت تيركي ساندوج (توست أسمر وفات فري تيركي وجبن فات فري وخس + زيتون أخضر بالفلفل)
رحت غدا بيت أهلي بس كليت سلطة + سباغيتي من دايت كير فيه ٣٩٠ كالوريز

عقبها بساعتين مادري ٣، كليت رمانة

وبالليل كان عندنا حفلة، رحت الصالون ونسيت آخذ المسخن اللي خليته من دايت كير وصيت أختي تييبه بس نست، عالعشى بس كليت تبولة وفتوش وسلطة ناعمة وشوية فتة بيديان، مدحوا حلو كانوا طالبينه (مع إني كنت ماخذه معاي ككاو كاندريل) بس تشوقت إن أذوق الحلو عشان إذا بطلبه، رحت ذقت بس قفشه وايد عجبني جان آكل قطعة صغيرة
ما حسبته تخبيص لأني كليت عن خاطري وقطعة صغيرة، بس لما قعدت ووزنت طلعت زايده كيلو!

قلت حق ريلي (بس ما يبتله طاري الحلو) جان يقول خلاص عيل يوم اليمعة لعبي رياضة حتى لو نص ساعة وهذا اللي بسويه لأن يوم اليمعة بالذات كله قاعده ما أتحرك

آنا قريت الصفحة الأخيرة عالسريع وشفت اقتراحج كتونه عن المسابقة، الصراحة يبيلنا مسابقة عشان نتشجع أكثر

 

[Zain_ALZain]

كتون انا بعد وياكم

يومياتي اليوم

تريقت كوب جاي احمر مع سكر سويت اند لو

تغديت الميت بول بالكريما والخضار لذييييييذ

والحين بقعد ادرس لانه عندي اختبار مستوى الدكتوره بتسويه لنا باجر ادعوووولي

 

[نونة حبيبها]

مراحب بنات
اخباركم؟؟
لابتوبي اخترب ..ولدي الشيطون كب الشامبو على لابتوبي ..ولما سالته يقلي لا عادي مايخترب
الشاشة نهائيا ماتشتغل
عموما اليوم اخذت حبة ستارفيكس ..علشان تسد شهيتي شووية
فطرت فول مع خبز بر مع كافية لاتيه بدون سكر
الظهر رحت شريت شغلات للدوام ومريت دايت سنتر شريتلي دجاج كورن بلو مع 3 حبات بطاطس مشوية شرايح مع سفن اب دايت
العشا فاصوليا مع كاسة لبن وكثرت موووية كثير
مبسووطة من نفسي اليوم
اذا نمت كويس لانه عادة الحبوب تسببلي ارق ,,راح استمر عليه الين ماتوصلي طلبيتي من الفلبين الي هي قهوة للتنحيف مجربة من اكثر من وحدة

 

[brat]

Hi again

اليوم الساعة ١٠ شربت ماي دافي وليمون عالريج وكليت برتقالة

الساعة ٢ كليت بران فليكس باللوز والعسل + حليب خالي الدسم + يوز

رحت الجم، تمرنت: ساعة ونص على جهاز المشي وبس ركضت ٤ دقايق، ١٥ دقيقة على جهاز اسمه كيرف curve، ١٠ دقايق عالكروس، ١٠ دقايق عالبايك، التوتال ساعتين وخمس دقايق، إن شاء الله بحاول أتمرن ساعتين، أبي أنزل وزني يعني أبي أنزله

طلبتلي أكل من Health Stop وكليت الساعة ٨، تيركي راب + خضروات (بروكلي وجزر وفاصوليا)

يمكن قبل لا أنام آكل فاكهة أو خيارة ويا لبن أكتيفيا قليل الدسم

وطول اليوم كنت أشرب ماي

وإن شاء الله أستمر*

 

[Zain_ALZain]

بالعافيه بروووت

بااااك تعشيت فايف ستار من هارديز بس بالخس نة خبز والبطاط ما كليته
​

 

[LadY BuG 80]

فيه العافيه بنات​

 

[LadY BuG 80]

وحشتووووووووووووووووووني

شلوووووووووونكم ياحلوووين

انا للأسف ماني قادره اصكر حلجي بلع ليل ونهاااااااااااااار
اول كنت بالقروووب انتو اللي تشجعوووني اهئ اهئ....


تحيااااتي لكم جميعاااااااا

شكلك مليتي من ارجيم . خلاص لا تسوين رجيم بس حافظي لمن تشتاقين لضعف ارجعي


​

مرحبا شلونكم نفر نفر وربي اشتقتلكم

كتون انا ببتدي ريجيم من اليوم بس ماراح اقول لاهلي لانهم يقولون خلاص بسج ريجيم والكل يقول ضعفتي بس انا ابي اوصل لهدفي ٥٥ورانا عيد الاضحي

وانا من يوم مابتدي دوام ولدي وانا لاهيه معاه واكثر شي ماتعشي

هلا حبيبتي وين الغيبه يا جميييل

انا هونت عن ال 55 صراحه . صار جسمي كاني بنت سهتانه مافي جاذبيه ... اواخر الخمسين او استين روعه ,,, بس ما ثبت و زدت حبتين .. انشالله من يوم الاربعاء برجع تقشف ودي اصير 58-59 هيك و بس ...

انا اذا بروحي يعني عازبه سهل احافظ على وزني بس يجي زوجي يتقلب مزاجي و ارد وزني .... مع انه لمن ما يكون موجود سهل اثبت او اضعف بس بوجوده مستحيييييييييييييييييييل و مزاجي متقلب ؟؟ غريبه ​

كتون ياقلبي ابي السر عالخاص الي بتقولينه لصبوره
حريم بيذبحنا الفضول هههههه

ههههههههههههههههههههه هاذا الي دخلك الفضول

عادي حبيبتي ما طلبتي شي ..... انا قلت بس لصبوره لنها دشتيا سابقا و اغلب البنات مو مستعدات يجربون و يحسونه قاسي ما تقبلوه ... مافي الا لولو هيا الوحيده الي جربته و التزمت مشالله عليها

بس الحين راح اسويه بتكنيك مختلف

3 ايام بروتين صافي ( راح اضعف 3 كيلوا )

و يوم اكسر البروتينات بس اكلي خفيف

مثلا فطرت توسته وحده نصها جبنه لايت و نصها عسل و اصفطها مع شاي بسكر دايت

غداي كله على بعضه 200 الى 250 كالوري

عشاي تمر و قهوه عربيه

طبعا في هليوم ما راح اضعف بس اثبت لاني كسرت البروتينات بنشويات بس خفيييف يعني مستحيل ازيد

المهم و ارجه 3 ايام بروتين صافي و اتوقع انه انزل 3 كيلو و اذا المره اثانيه مو ثلاثه بتكون 2.900 بس انا ضامنه اثلاثه اعرف جسمي يستجيب للبروتينات و احرق

و اليوم ارابع اكسر البروتينات بس اكلي خفيييف يعي ما اتعدا 750 سعره

و على هلمنوال انا سويت هلحركه من قبل ل اروح ادوحه في اصيف و نزلت 6 كيلو في 7 ايام

هاذا كل ما عندي .. بس ما حبيت اقولها في العام لانه اخاف ما ينسب الكل او يضر وحده او ما تتحمله و ما ابي احط في ذمتي :eh_s(1):​

بنااااات انا بعدي برة الكوييييت
بس انا بعد وياكن
من تنسني فاهمات عيني
ادعولنا تتسهل امورنا ونرجع لان الجو غبار والله يستر

انشالله ترجعون بسلامه حبيبتي :*****​

 

[الحراير]

ياحياتي ياكتون انا مو ناسيتكم واراقبكم من بعيد لبعيد ومانسه فضلكم معاي
وربي عادتكم مثل خواتي وصاجه مو حلو وزن ٥٥لاني انا طويله والحين الي يشوفني يقولي عصله وامتني
بس حرام امتن واضيع تعبي ورشاقتي

والايفون يملل مايخليج تعرفين تشاركين مو مثل الابتوب الحين اتعاجز ابطله

 

[أم عامر]

السلام عليكم

صباااح الخير ياحلوين

ازيكم اخباركم

متاابعتكم بس المزاج مش ولابد

انا الحمد لله تمام وبخير

واموري كويسه

عطووف لها مده مختفيه بس شفتها بتجمع الحوامل :eh_s(15):

لولو ترجعين بالسلامه ياارب

اهلين حرارير وريمي لكم وحشه

برووت عفيا حبيبتي شدي حيلج واحنا كلنا معاااج

ضيون وكوكو مختفين عسى المانع خير

 

[Melazlaza]

صباح الخير بنات شلوووونكم
حبيبتي ام عمور فاقدتني والله حتى تجمع الحوامل ماقمت ادش كلش من زمان بصراحة تزيد اللوعة من اقرى الكل لايعة جبده ويشتكون من النساة تلاقيني حدي اتعب فقمت ما ادش صج الانسان يتأثر ان شاءالله تخف نساتنا ونفتك
عاد انا مادري ليش نفسيتي وايد تعبانة وكله معصبة وولدي صاير هم عصبي فكلش ماااااااالي خلق روووووحي والي زاد الطين بله انفلونزا انا وولدي وبروحه يبيله عناية وانا تعباااانة هاده حيلي الانفلونزا و الاحتقان


عفية عليكم بنات والله زين تسووون صج اليمعه تخليج تلتزمين ان شاءالله تنافسكم اييب نتيجة ممتازة عاد خاطري ارز ويهي معاكم بس اخاف ما اقدر لان نساتي مليقة اذا ما اكلت اللوعة تزيد لازم كل شوي اكل خفيف

بروتة وين هالغيبة حبيبتي عوافي ماشالله شدي حيلج جذي نظامج حلووو
باااااجي البنات الف عافية والله يثبتكم عالاكل الصحي

 

[om l3yal]

شلونكم يا حلوااااات شخباركم
نورت الديرة برجعتي
ولهت عليكم
كتوووون سجلي اسمي اول وحدة وكنت متشوقة اعرف الطرق الغير شرعية واسويها بس للاسف ماااقدر لان نفسيتي ما تتقبل اعيد دشتي كلش ملش
فراح اتبع سوايل وسلطات بالاغلب
والله يسهل
اووووف والله تعبت مادري متا اووووصل ابي اووووصل بسرعة

 

[Zain_ALZain]

نورت الكويت بوجود لولو الحمدلله عالسلامه حياتي :*

ام عمور وعطوف الله يعينكم عالنساة

برووت نتي استقريتي بالكويت ولا للحين بره ؟؟

انا الحمدلله مو قاعده اخربط كلش لاني حاطه براسي اشوف ال90 عن قريب ادعوووولي

اليوم تريقت خياره وطماطه مقصصين دوائر مع جبن فرنسي مالح فتته فوقه عجيييب والحمدلله شبعني

وشربت بعده نسكافيه مع شكر سويت اند لو

الغدا قبل ساعه يمكن تبلت دياي بدون عظام وشويته مع جم قفشة خضار وشوية سلطه والحمدلله عالنعمه

قبل شويشربت جاي احمر وبس كتون شلون يومي اوك ؟؟؟؟

 

[نونة حبيبها]

مرحبا
اليوم اخذت حبة الفيتامين الصباح
افطرت سنامون رول من دايت سنتر و كافيه لاتيه مع حبتين رطب
الغذاء كان شوربة خضار لو فات مع سمك مشوي وشوية حمص وشوية سلطة حمراء مع حبتين رطب
المغرب اخذت حبة نمورة من دايت سنتر فيها
العشا فاصوليا حمرا مع شطة ولبن لو فات
واخيرا اشتركت بدايت سنتر وراح يوصلولي من يوم الاربعاء بس اخذت لي ليومين فطور وغذا