تجمع مراجعات مستشفى رويال حياة

[نور الدنيا 88]

رد: تجمع المراجعات عند دكتورة ( ليلى اشكاني ) و الي جربوها حياكم

عمارة باب هاني مقابل نادي اليخوت
و تولد بجميع مستشفيات الكويت عدا الامومة و طيبة كلينك
الطبيعي ٢٥٠
القيصرية ٣٥٠

 

[sweet lady]

رد: تجمع اللي ناوين يولدون برويال حياة يا الله تعالوا

أنا ان شاءالله باخذ كاميليا بولادتي بس حبيت اسأل أشلووون على الضيافه اذا باخذ منهم خدمه شنو راح يقدمون لي وطقم الاستكانات من عندهم
والكامييليا تيي معاها بالمطبخ طقم الشاي والقهوة نفس الامبراطوري والملكي بدار الشفا
ولا أنا اللي اييبهم من عندي *

 

[cadbury]

رد: تجمع اللي ناوين يولدون برويال حياة يا الله تعالوا

اليوم كان عندي موعد
وقلت امر الرسبشن اخذ ورقه للحوامل




دعواتكم الله يرزقني الحمل

انا عندي البروشور مال الاسعار حدااااا غيييير
ليلي 700
وكميليا 1200 حق الولاده الطبيعيه

الصوره قديمه ؟؟

 

[Talyan Rose]

رد: تجمع اللي ناوين يولدون برويال حياة يا الله تعالوا

بصراحه

حرام السمعة السيئه الي قاعد ياخذها ورا سالفه خالدة المجيبل

حرام المستشفى يهبل من عنايه وسسترات وغرف وكل شي حتى دكاترتهم يهبلون
وخالده المجيبل معروفه انها خبيره اجنه وفي امراض النسا اما بالتوليد جنها دايه وما تحب تفتح بطون

حرام المستشفى يكسب سمعة سيئه ورا هالدكتورة ويظلم الباجيين من الدكاترة


انا احب المستشفى وايد وماارتاح الا فيه

 

[Om_Ksha]

رد: تجمع اللي ناوين يولدون برويال حياة يا الله تعالوا

كااادبوري البرشور مالج قديم
الحين نزلو يديد كاميليا صارت اب ٧٥٠


توني والده من اسبوع ،،

 

[Talyan Rose]

رد: تجمع اللي ناوين يولدون برويال حياة يا الله تعالوا

^^

ام كشه حمد لله عالسلامة ومبروك ما ياج
بشرينا شلون الولاده وشلون البيبي ؟؟
والمستشفى شلونه ؟؟؟

 

[3awaasha]

رد: تجمع اللي ناوين يولدون برويال حياة يا الله تعالوا

الحمدلله على سلامتج أم كشه ومبروك البنوته
هابشري شلون المستشفى والدكتوره نداء ؟؟
وبالنسبه للغرفه يمكن تقصدين ليلي 750 موكاميليا صح ؟؟

 

[cadbury]

رد: تجمع اللي ناوين يولدون برويال حياة يا الله تعالوا

كااادبوري البرشور مالج قديم
الحين نزلو يديد كاميليا صارت اب 750


توني والده من اسبوع ،،

دقيت علي رويال حياة ليلي سعرها 750 مع الدكتوره و سعرها يسير 450 من غير الدكتوره
و كميليا 1200 مع الدكتوره و 750 من غير الدكتوره
الحين الامور سارت واضحه :d:d

 

[Om_Ksha]

رد: تجمع اللي ناوين يولدون برويال حياة يا الله تعالوا

٨
٨
انا طلع علي ١٠٠٠ مع الدكتوره كميليا ،، غريبه طلع علينا ارخص !!

بس فهمت عليج :>

 

[3awaasha]

رد: تجمع اللي ناوين يولدون برويال حياة يا الله تعالوا

أم كشه ماقلتيلي شلون ولادتهم وشلون الدكتوره والسسترات؟؟

 

[Om_Ksha]

رد: تجمع اللي ناوين يولدون برويال حياة يا الله تعالوا

الله يسلمكم ،،
الدكتوره نداء من اروع مايكون وماشالله ولادتها سهااااالاااات ..
والمستشفى عنايته زينه وكل شي تمام بس ياربي حبيت السلام اكثر مع انه بهالولاده ماتعبت كثر السلام ،، هالمره ماحطولي كمام وايد احس السسترات مايعرفون يتصرفون ينطرون الدكتوره توووصل ،، وانا متحمله الطلق وموصله حدي شوي واولد جان استوعب ليش ماعطوني كمام !!!!
يوم طلبت منهم عطوووني بس عقب شنو عقب ماكليت الطلق كله ،، هالشي زين ومو زين

زين من ناحيه انه بعد الولاده كنت مصحصحه ومافيني شي
بالسلام اول يوم ولاده ماكنت ادري عن هوا دااااري يوم كااااااااامل نايمه ومتخدره ماصحصت الا ثاني يوم وهم احس بتعب من الكمام


وصح كلامكم انا متخربطه بره الدكتوره وداخلها
بس ترا طلع علينا ارخص حسابنا 1039
1000 كاميليا البكج
39 دك ادويه ..


بس ترا حلوووو المستشفى بس يمكن انا عاجبيني اجنحه السلام اكثر :>

 

[3awaasha]

رد: تجمع اللي ناوين يولدون برويال حياة يا الله تعالوا

الحمدلله طمنتيني الله يجزاج خير
بالنسبه للسترات صح كلامج أنا كنت أعلمهم مع أني بجريه وحتى رفعة الريل موحاطينها عدل أنا ضبطت نفسي والله. كنت مفكره أغير المستشفى بس المصييييبه أبي الدكتوره نداء لأني ارتحت لها واااايد بولادتي الأولى وأنا قايلتلها على الله ثم انتي ولا المستشفى أتوقع موذاك القوه حتى أبرة المسكن أطرها طراره
الله كريم السهاله من رب العالمييين

 

[Om_Ksha]

رد: تجمع اللي ناوين يولدون برويال حياة يا الله تعالوا

ماشالله عليج ،،
انا لانه ثاني ولاده فعرفت الخطوات ،، وكنت اقولهم ابي يمشوون بطني فعطوني الحقنه ..
بس والله حليوين السسترات ،،

انزين سؤال دامج مجربه الدكتوره ،،
انا بعد جم يوم بروحلها تشيل الخياط ،،

بس بعرف انا الايام اللي طافت ماحس بعوار خياطها غير عن ولادتي الاولى كان عذاب ،، بس وحده من اهلنا تقول بس تشيل الغرز يبدي العوااااار يذبحج وجذي صح كلامها ولا لا !!
وانا هاليومين احس بحروره انه الجرح يحرقني صوب معين ،، واللي تقولي انه جرحها كان يحرقها ولا طلع انه انفتحو الغرز واقوم اوسوس واطلطل بالمنظره

عادي هالشي ؟؟
واهيا خياطها داخلي يعني تجميلي ؟؟ لانه نسيت اطلب منها
ولادتي الاولى كنت احس بالخيااااااط حتا كنت اخاف اجيسه هالمره غييير ..
وهم الحين ماينزل علي دم وااايد !! قليييل :/ فمادري يمكن الولاده الثانيه غير !!

شقيتج شق اساله ://::::/// سوري بس ابي احد يطمني

 

[3awaasha]

رد: تجمع اللي ناوين يولدون برويال حياة يا الله تعالوا

هههههههههههههه
ضحكتيني أكون صريحه معاج أنا بولادتي الأولى كان الخياط يعورني وشااااااد وماطاحو كل الخيوط ماارتحت إلا لما رحتلها وشالت بس كلش مايعور حسيت براااااحه موطبيعيه وخياطها رووووعه وبالنسبه للدم والله كان وايد بس على قولتج يمكن الولاده الثانيه غير ماجربت إذا جربتها أقولج :eh_s(7):
وعليج بأدوية النفاس وإذا رحتي للدكتورة سأليها عن الخياط
انتي تغسلين بماي وملح ترى عجيب يلتأم الجرح بسرعه انشاالله

 

[Om_Ksha]

رد: تجمع اللي ناوين يولدون برويال حياة يا الله تعالوا

اييي انشالله تجربينها وتتذكريني لانه انا نفسج اول ولاده فيلم
هالمره غير مادري هالشي طبيعي ولا لا ،، بس قاعده اسال بنات تجمعي وغيره يقولون ثاني ولاده غير اقل بالدم وجذي مايندرا ،،

واااي من صجج ماي وملح احس راح امووووت يحرررقني بدون شي :/::::/ وقاعده اوسوس لا يكون ملتهب او شي ،، انشالله كلها يومين وتشيله ،،
الله كريم

والله يهون عليكم كثرووو دعاااااء وصدقااات بنيه تسهيل الولاده والله يسهلها انشالله

 

[worood82]

رد: تجمع اللي ناوين يولدون برويال حياة يا الله تعالوا

ام كشه الحمدلله على السلامه ومبروك ماياچ
بانسبه للخياط اول الايام تحسين فيه حرقه وعوار لازم الدكتوره توصف لچ مسكنات وكريم وغسل للتطهير انه في ولادتي الاولى عطاني الدكتوره اكثر من مسكن وكريم ميبو للجرح وغسول لونه بني ما اذكر اسمه عشان ما يلتهب الجرح

 

[Janna-q8]

رد: تجمع اللي ناوين يولدون برويال حياة يا الله تعالوا

الحمدلله على سلامه البنات اللي ولدوا ... و الله يقومنا بالسلامه احنا اللي ناطرين الدور ^^

انا دشيت شهري الحمدلله و من بدايه حملي حاطه ببالي اولد برويال حياه الله يسهل علي و على الجميع... بس احاتي شغله.. كله اخاف اني لما اييهم يقولولي المستشفى فل و ماكو غرفه !! مادري ليش خايفه من هالشغله ,, و الحين انتوا خوفتوني من سستراتهم.. معقوله ما يعرفون يتصرفون و اهم المفروض يكونون اكتسبوا خبرة من كثر ما ولدوا عندهم الناس....؟

 

[lazoordi]

رد: تجمع اللي ناوين يولدون برويال حياة يا الله تعالوا

الله يسهل علينا ان شاء الله
انا ولادتي شهر 11​

 

[3awaasha]

رد: تجمع اللي ناوين يولدون برويال حياة يا الله تعالوا

آمييييين يارب يسهل علينا ونقوم بالسلامه:yaaaaaarb:

بنات لاتحاتون السسترات زينين بس يمكن الي مكتسبه خبره من قبل بالولاده أو تكون والده من قبل تحس أنهم موذاك الزود بس أكون صريحه نفسهم حلللللوه وماتأذيت منهم وهذا الكلام قبل سنتين يمكن ألحين تغير الوضع أنتوا عليكم بالاستخاااااره وتوكلوا على الله

 

[قمورة الكويت]

رد: تجمع اللي ناوين يولدون برويال حياة يا الله تعالوا

قووه بنات

انا حاطه فبالي اولد برويال بس بصراحه سمعته صايره اكس مادري ليش ؟؟
مو من د.خالده الجيبل بس لاا من المستشفى كله
صاير كله بلاوي الله يكافينا الشر
نبي وحده توها والده هالشهر او الشهر اللي فات
تقول تجربتها
انا دكتورتي من برا وودي اولد فيه*