يَ قلبي اسمعينيْ :
آلوآحدْ مآيقدرْ يختارْ اهله ، ومايقدر يحط نفسه في الظروف اللي هو يبيها ،
بس في شي انتي تقدرين تسوينه ْ، نقدرين تغيرينْ اهلجْ ، ادري صعبة وصعبة وايدْ
بس حآولي بكلْ قوة تملكينها بكل شي ، مستحييل مافي فجوةْ تخليج توصلينْ لقلوبهمْ ،
مهما سوو فيجْ ومهمآ كانت اخلاقهمْ آنتي كوني الاحسنْ ، بتعاملجْ تقدرين تغيرين فيهم وتاثرين عليهمْ
ماتعرفينْ ربجْ شوكآتبْ ! ، لو امجْ قالتلجْ شي ضايقجْ قوليلها على قلبي انتيْ ، آنتي جنتي وناري ومهما
تقولين انا احبجْ وو نفس الشي لابوجْ ، صعبة عليج ادري ، بس تعودي شوي شوي ، آكسبيهم بتعاملجْ
ولاتنسين اي اجر هذا اللي بييجْ وآي ابواب بتنفتحْ عليجْ ،
مثل ماقتلج انتي ماتقدرين تحطين نفسج في الجو اللي انتي تبينه بس تقدرين تصنعينْ ظروف يديده
اللي انا اقوله لجْ مب كلآم كتبْ ومايتحقق ، لآ يآحبيبتي آنتي تقدرينْ ، ولآنجْ موجوده في ه الدنيا يعني تقدرينْ
مافي شي مستحيلْ !!
تجاهلي الماضي ، آفتحي صفحة يديده في حياتجْ ، لاتخلينْ آلمآضي يآثر عليجْ ويسلبجْ كل لحظة
في حياتجْ ، آذآ انتي كنتي ياهل وماتقدرينْ تغيرين شي حولجْ ، لكن الحينْ انتي في سنْ يخليجْ تفكرين وتحكمين
عقلجْ قبل كل شي ،
انتي تفكرين فالماضي ، هذا شي وراحْ ، فكرتي ، تعبتي ، عشتي في دوآمة لها بدآية بس مالج خلاص منها
وبعدين ؟؟ غيرتي شي من واقعجْ ؟؟ استفدتي شي؟؟
اطوي صفحة الماضي لانها مابتفيدجْ ، عيشي حياة ثانية غير حيآتجْ
ااذا انتي فالجامعة تعرفي على بناتْ صآلحاتْ يعينونجْ على طآعته ويساعدونجْ على تخطي ازمتجْ
وتجنننبي رفيجات السووء ، لان لو رديتي لهالطريج مرة ثانية ماراحْ تطلعين منهْ الا وانتي متحطمة
لدرجة ماتقدرين تنتشلين نفسج من اي من ه المستنقعاتْ ،
ليش تخلين نفسجْ سلعه رخيصة لكل الشبابْ ؟؟ فقدتي حنآنْ آهلجْ ؟
آمجْ وآبوجْ حآلهمْ مايسر؟؟ نفسيتج فالحظيظ ؟؟ حياة عشتيها فالطفولة وماتبين تتذذكرينها ؟؟
تدرين ، آلدنيآ كلها بالمصايب اللي فيها والبلاوي ماتساوي عند رببج جنآحْ بعوضه !
البعوضه اللي نحتقرها ، !! تتخيلينْ مصايب ه اللي حولجْ كلها جناح بعوضه ،
صنفي مشكلتجْ اي جزء من ذرررة في جنآح ه البعوضة ؟؟
ماتسآوي ولا شي !!
،
تقربي من ربجْ ، اذا الدنيا كلها خذلتجْ وخآنتجْ ووقفت ضدجْ
في العدل اللي مايظلم عبيدهْ ، في فوق رب ماينساجْ ،
مهما سويتي ومهما عصيتي ابوابه مفتوحه لجْ ، افرشي سيآدتجْ
وصلي ركعتين ، توبي له واستغفري ، في اي وقت تحسين بضيقة خلق
او كتمة صلي واقري قرآنْ ، ترا والله هذا اسهل طريجْ لجْ تلقين فيه راحتجْ
لاتدورين راحتجْ ولاسعادتجْ عند شباب ولا عند مغازل ولا شيشة ولا ولا ولا
هذا كله لذه مؤقته وتتلاشى ، وبعدها تبقين انتي وعملج واللي قدمتي لربجْ !
اتقي الله في نفسج ولاتضيعينها ، حكمي عقلجْ قبل كل شي ،
ترا ولا شي في ه الدنيآ يستآهلْ ، لاتخلين نفسجْ رخيصة يلعب فيها الساير والياي
انتي اغلى من انج ترمسين فلان ولا يغازلج علانْ ، لآتسيرين في طريج مثل هذا
ترا اذا راحت السمعه مابعدهاْ سمعه !! ، سمعتجْ مثل الزجآج ان انكسرت مالجْ طريج
تصلحينها ، لآتدورين الحب ولا الحنان عندهمْ ، يآخذون اللي يبونه ووقت مالعبوا وخربطوآ
هدّوجْ ولادروا عن هوآ دآرجْ !!
،
سيري مركز تحفيظ القرانْ ، اشغلي وقتجْ فالحفظ ْ ، وهنآكْ آضمن لجْ تلقين
احلى صحبة تكملين فيها حياتجْ ،
تطوعي في المرآكز التطوعية ، دار الايتامْ ، دار العجزة .. ،
ثبتي في نفسج الخوف من الله وقوي صلتجْ فيه ، وباذنه سبحآنه
كل شي بيتعدلْ ، فوضي امرج له وربج يعينْ وييسرْ ، -*
خلي لج هدف في حياتجْ ،لاتعيشين على الهامشْ وتتريين لحظة
موتجْ ، ربج ماخلقج الا عشان تعمرين ه الارض ، آذآ كل من على ه الكون
فكر بتفكيرجْ جآن مآعمرت ه االارض ، آلآعمار بيده آلوآحد مآييلس في بيته
ويتريا اجله !!
،
انتي تقولين لاتقولي اقري كتبْ ، بس انا ارد واقولج اقري
لانه هذا مفتاحْ يوصلج ْ للهدف اللي تبين توصليله ،
الكتآب اللي اردْ وآنصح فيه كتآب "
همساتْ للنجآحْ " يمكن هذا هو اكثرر
كتاب ممكن يفيدجْ ، فيه رسايل ايجابية مححفززة لجْ وآآيدْ
كتاب
ريّح بآلكْ ،
افعل شيئاً مختلفاً ،
قوانينك الخاصة ،
صدقيني اقريهمْ وبتلقين اللي ادورينه في حياتجْ ، وبتشغلين الفراغ
اللي تحسين فيه ،
،
حبيبتي انتي موجودة يعني انتي تقدرين تحققين وتنجزينْ ، مآفي شي مستحيل
في هالدنيآ ، بارادتج وعزيمتجْ وتوكلج على ربجْ كل شي بيتيسرْ
..
آلله يووفقجْ ويسعدجْ وييسرلج امورجْ ويسخرلج اهلجْ
