لحقوني سويت التكميم عند الشرهان

[sugar&spice]

الحمدلله على. سلامتج

العوار لازم بعد هذي عمليه وبنج

اللوعه هذي لانه احماض المعده صاعده على المرئ يبيلها جم يوووم وانشالله خمس ايام وتروح بس اخذي حبه اللوعه الموتيليم

وحاولي تتحركين عشان غازات مالت البنج والنفخ تطلع لانها تأذي وايد

خلج على السوائل الشفافه اول اسبوعين عشان ماتتعور معدتج واخذي اللوزيك مالت المعده

ولاتهفج نفسج على الاكل لاتخبين اللي سويتيه حراام لاحقه على الاكل عقب شهر ان شالله

ولاتشلين اشياء ثقيله ديري بالج عشان لايصير معاج فتااق يصير الالم دبل تراااا

وموفقه

انا مو مسويه العمليه بس عندي فكره عنهاااا وان شالله اكون فدتج

 

[ام عيالي]

مشكورين حبايبي بعد عمري ماقصرتو والله عساه بميزان حسناتكم انه الحين بمرحله احتاج احد يسأل عني

 

[Q8 New Style]

غريبه أنا سويتها عنده صارلي 10 ايام من يوم الأحد الي طاف

وبالعكس الحمدالله لاترجيع ولادوخه
ومن طلعت من المستشفى على طول اسوق واروح نادي امشي ساعه كاملة

بس الظاهر من جسم لي جسم

مع انه انا مومتينه انا وزني 80

واليوم كانت مراجعتي عند الدكتور ونازله 6 كيلوات

طبعا ممتاز على وزني هالنزول

 

[ام عيالي]

لا حبيبتي انه مو قصدي علا الدكتور بالعكس الدكتور ممتاز جدا وماشالله متمكن من شغلهبس انه اكتب الي يصير معاي علشان كلنا نستفيد كل وحده تكتب الي عندها ومادام انتي امسويه عنده بسالج جم سؤال ممكن اهو الدكتور صج يسشيل من المعده بس ٦٠ او ٧٠ بالميه والباجين يشيلون ٨٠ وانتي حسيتي باليوع بعد العمليه اشتهيتي شغلات تاكلينه ووسويتيها بالثقب الواحد ولا جم واذا ثقب واحد لما تنامين اتنامين عالجنب ماتعورج السره ومشكوره حبيبتيودي اروح للدكتور اشوف جم نزلت

 

[CuTe KuwaiTia]

اول الحمد الله على سلامتج

ثاني شي صدقيني ماراح تندمين سألي المجربين العملية بتغير حياتج لكن كل شي له ثمن

راح تتعبين شوي بالبداية ومع الوقت كل شي يصير اوكي

انا صارلي 8 شهور من سويت العملية والحد لله اليوم مرتاحة

حاليا اعاني من شي واحد تساقط الشعر شعري خف .. بس باذن الله يرد قالولي

الله يوفقج ويسهل عليج وتنزلين بصحة وعافية يارب

 

[ام عيالي]

مشكوره بعد عمري ماقصرتي الحين الحمد لله راحت مرحله التعب احس الحين عادي حبيبتي انتي اول الايام نفسي جم نزلتي يعني بهالفتره جم معدل نزول الوزن بنات متا احس ان الضعف بين فيني عقب الشهر مثلا

 

[AF (&-&)]

الحمدلله على سلامتج حبيبتي

 

[ام عيالي]

الله يسلمج حبيبتي مشكوره

 

[Q8 New Style]

لا حبيبتي انه مو قصدي علا الدكتور بالعكس الدكتور ممتاز جدا وماشالله متمكن من شغلهبس انه اكتب الي يصير معاي علشان كلنا نستفيد كل وحده تكتب الي عندها ومادام انتي امسويه عنده بسالج جم سؤال ممكن اهو الدكتور صج يسشيل من المعده بس ٦٠ او ٧٠ بالميه والباجين يشيلون ٨٠ وانتي حسيتي باليوع بعد العمليه اشتهيتي شغلات تاكلينه ووسويتيها بالثقب الواحد ولا جم واذا ثقب واحد لما تنامين اتنامين عالجنب ماتعورج السره ومشكوره حبيبتيودي اروح للدكتور اشوف جم نزلت

هلا حبيبتي

والله ما سالته شكثر بتقص من المعدة

واحس بالبيوع واتشهى شغلات بس لما اشرب العصاير او الشوربه خلاص يروح احساس اليوع

وسويتها بالثقب الواحد

واكيد بالبدايه كان في الم لما انام على جنب وما اقدر اجندس

بس الحين الحمدالله ماكو اي عوار اقدر اتقلب على كيف كيفي واجندس

امارس حياتي طبيعي وعادية

والدكتور ترا يكتب لج موعد الزياره القادم بالورقه نفسها الي مكتوب فيها الأدويه الي تاخذينها واهي عاده عقب اسبوع من خروجج من المستشفى

وبشرينا بالنتايج الحلوة

 

[CuTe KuwaiTia]

مشكوره بعد عمري ماقصرتي الحين الحمد لله راحت مرحله التعب احس الحين عادي حبيبتي انتي اول الايام نفسي جم نزلتي يعني بهالفتره جم معدل نزول الوزن بنات متا احس ان الضعف بين فيني عقب الشهر مثلا

اول شهر راح يبين انج خقيتي

بعد مرور ثاني شهر الكل بيقولج ضعفتي واايد ما شاء الله

يعني انا اقول من ثاني شهر يبين النزول

بس الحين الهدف مو النزول لازم يكون الهدف الرشااااقة .. النزول بس تشجيع وراج مشوار ربطي حزام الامان :eh_s(15):

انا ابي وزني 60 هذا هدفي

 

[الريم30]

شنو كنتي تاكلين ابيه حته شبسً قمت اكل

 

[ام كويتية 84]

حبيبتي ام عيالي طمنينا عليج اليوم انشاء الله صرتي احسن؟؟
ادعولي بنات وطمنوني يوم الاحد انشاء الله عمليتي وردودكم تشجع الله يسهلها يا رب
وانشاء الله نوصل كلنا للرشاقة والله يشافيج ام عيالي
فديتكم

 

[ام عيالي]

مشكورين خواتي وان رحت اليوم ان شالله للدكتور بقولكم اشصار اكيد
ام كويتيه يله مابقالج شي واتصيرين مثلنا بالعكس المفروض تستانسين الله يقومج بالسلامه ونسمع اخبار حلوه ولاتخافين احنا معاج انهون عليج كل وحده فينا خذت قوة قرار هالعمليه من مشاركات الكويتيات الكيوت اهني حبيبتي والله الله يقومج بالسلامه

 

[ام عيالي]

اي والله انه احاتي راح انزل لي الستين ولا لأ مادري ليش احسها صعبه مشكوره عالتشجيع اكيد بحاول وبحاول وبحاول بس خايفه من نفسي ارجع للاكل لاني الصراحه كنت متوقعه بعد العمليه اني ما احس باليوع والحين اشتهي كل شي الله يستر

 

[Q8 New Style]

ترا الدكتور عيادتة بس بليل ما عنده الصبح لأنه يسوي العمليات ويزور المرضى

صج ما قستي وزنج بالبيت؟

 

[كويتية222]

طمنيني عنج شلونج الحين ؟

حدها بطنها ومعدتها عورتها >>>>تخيلت نفسها مكانج ​

 

[ام عيالي]

بنات قست وزني بالبيت اليوم لي ثامن يون اول ما سويت العمليه وزني ١٠٥ والحين ٩٨ اشرايكم طبيعي ولا لازم اكثر تكفون قولولي بسرعه

 

[ام عيالي]

بنات قست وزني بالبيت اليوم لي ثامن يون اول ما سويت العمليه وزني 105 والحين 98 اشرايكم طبيعي ولا لازم اكثر تكفون قولولي بسرعه

 

[Q8 New Style]

بالعكس نزولج زين
وراح تنزلين اكثر بعد

 

[مشكلتي متروسه]

لا ما شاء الله نزولج زين والله يتمم عليج بالصحه و العافيه هذا أهم شي أنا سويت العمليه و الله وكيلج تقريبا جريب شهرين بس تكرمين أرجع بس الحين الحمدلله و الحين صارلي سنه من سويت العمليه و الحمدلله و صج أول الايام تتحسفين ليش سويتها بس بعدين لا تحمدين ربج والله كل شي يصير خفيف الحركه و النومه والله انا من كثر ما تحسفت حتى رفيجاتي اللي قولوا لي عن العمليه صرت اسبهم بس زين مايدرون عني جان اذبحوني