لحقوني سويت التكميم عند الشرهان

[الريم30]

النزول من جسم لي جسم يفرق علي حسب كتله الجسم

 

[أريد حلا]

الله يقومج بالسلامه يارب ويشافيج يارب

 

[sheraZia_Q8]

اجر وعافيه ان شاء الله

 

[ام عيالي]

اي افنيوزً لاتروحين لاطيحين من صججً امشي بالجمعية او ابيتجً اشوي اشوي انا بيصيرلي اسبوع ما اعبر امشي وايد ديري بالج حبيبتي المشكلهً عملية السر دايم تعورً يبلهاً وقت احنا عند خالد العنزي خمس فتحات بس بفضل الله سهالات

اي والله حبيبتي اهول لزوجي خلها تغز ابرة السيوله وتلبس جوتي الرياضه وتمشي بالافنيوز ما ادري بس انه مو امعبره كلش اذامشيت زياده اتعبوادوخ واتصير بجسمي رجفه

 

[ام عيالي]

مكورين خواتي الي تحمدتولي بالسلامه يزاكم الله خير

 

[shawaqah]

غريبة !!!

حبيبتي الله يعيينج انا الحمدلله امشي عادي ما احس بدوخة
بس حبيبتي كلمي دكتورج احسن شي دقي عليه​

 

[باريس هلتون]

الحمد لله علا السلامه
حبيبتي انا مسويتها من 2009 وبعدي وايد بنات سووها
شوفي بالنسبه للعوار امشي بالصاله رايح راد كل ربع سساعه حاولي انج تمشين
انا كنت امشي بالصاله بعدها بالحوش واخلي الخدامه توقف اخاف اطيح
من ثالث يوم بديت مشي كل ربع ساعه احرك نفسي وبسرررعه خف العوار الحمد لله
موتروووحين تمشين بممشى ولا افنيوز اول ابدي من البيت
غصبي رووحج على المشي الخفيف تره يوخر اللوعه والعوار
تحملي شوي تره مايطوف اسبوع الا وانتي مافيج الا العافيه
والفيتامينات بعد الشهر الاول لاتحاتين
وماعليج الا العافيه وفاااااالج الرشاقه

 

[برونزيه شقرا]

حبيبتي الحمد الله عالسلامه وماتشوفين شر
انا سويتها عند الشرهان ومن السرو من طلعت من المستشفى اروح الهادي اقز ابرة السيوله بنص دينار واروح على طول الافنيوز امشي وبطلي الماي معاي والحمدالله سهاله واذا ياتني الدوخه اقعد باقرب كرسي والحين وصار لي شهر
حبيبتي ترى االي من السر مو هين عوارها بعد العمليه مو نفس ام خمس ثقوب
الحمد الله صار لي شهر من العمليه توني بديت اتحسن صوتي تغير من العمليه وتوه بدى يرجع
الكحه صعبه والعطسه والنومه والقعده والشرب
بس الحمد الله اشوي اشوي ماكو اللا العافيه
واي استفسار انا حاضر حبيبتي ​

 

[ام عيالي]

حبيبتي الحمد الله عالسلامه وماتشوفين شر
انا سويتها عند الشرهان ومن السرو من طلعت من المستشفى اروح الهادي اقز ابرة السيوله بنص دينار واروح على طول الافنيوز امشي وبطلي الماي معاي والحمدالله سهاله واذا ياتني الدوخه اقعد باقرب كرسي والحين وصار لي شهر
حبيبتي ترى االي من السر مو هين عوارها بعد العمليه مو نفس ام خمس ثقوب
الحمد الله صار لي شهر من العمليه توني بديت اتحسن صوتي تغير من العمليه وتوه بدى يرجع
الكحه صعبه والعطسه والنومه والقعده والشرب
بس الحمد الله اشوي اشوي ماكو اللا العافيه
واي استفسار انا حاضر حبيبتي ​

حبيبتي انزين قوليلي باول شهر جم بنزل يعني انتي عقب الشهر جم نزلتي

 

[ام عيالي]

شنو تاكلون يعني ماكو الا عصير التفاح او التوت او شوربات بسسسسس

 

[ام عيالي]

أمبيه أمبيه بنات شنو اسوي من العصر احس اني يوعانه ومشتهيه ككاو والله مشتهيه اكل وخايفه حدي لاعت جبدي من العصي والله اني خايفه من نفسي لا اخرب عمليتي

 

[غلاتي الكويت]

ماشالله اجرر وعااافيه حبييبتي

كنت اتابعج وانتي تسالين عن العمليه

مافيج الا العافيه اول اسبوع بس تعب وبعطها بتشوفين النزول الحلو وبتنسين كل هالعوار ان شالله

ناويه اسويها ان شالله وبتيين تخففين عني ان شالله تكونين عديتي هالمرحله الصعبه

 

[ام عيالي]

ان شالله تسوينها وتفتكين من المتن واللعه نبي نصير رشيقات

 

[love^angel]

الحمدلله عالسلامه حبيبتي
العوار عادي اول يومين بس انتي لنج ثقب واحد تكون الفتحه اكبر اكيد العوار اكثر منا الي خمس فتحات بس انتي امشي حاولي تمشين كثر ما تقدرين وراح يخف العوار وايد امشي بالبيت كل شوي انا كنت اسوي جذي والحمدلله ماكو الا العافيه بس انتي خلي نفسيتج ايجابيه لا تفكرين بالعوار والترجيع وصدقيني ماراح اييج انا سويت جذي كنت ابرمج عقلي طول الوقت والحمدلله بس وخري عنج الكآبه والاكل كلنا نفكر فيه بس قاومي وقولي حق نفسج كلها فتره و تعدي ان شالله
شدي حيلج شويه اول فتره و كثري ماي عشان لا يحوشج جفاف و ينزل وزنج و فالج الرشاقه

 

[ام عيالي]

انزين حبيبتي انت حسيتي باليوع عقبها نفسي والله ينيت مامداها تتوسع توني لي اربع ايام يعني افتك من العوار ويهدا الترجيع وتطلعلي سالفة اليوع

 

[دلووعة بابا]

الحمدالله علي السلامه وماتشوفين شر ان شاءالله ...
اذا مليتي من عصير التوت والتفاح تقدرين تشربين سانكيست برتقال او تانج بس خففيه حيل انا اختي كانت تشرب علي طول تانج لانه ماحبت التفاح يسويلها مروره بالريج وتقدرين تشربين بعد عصير ليمون المراعي والمشي حاولي تمشين بالبيت بالصاله امشي عشر دقايق وريحي شوي وردي امشي عشر دقايق وريحي وصدقيني هذا الشعور بس اول اربع ايام وبعدين بتنسين كل هالتعب وكل ما مشيتي كل ما قلت اللوعه والالم اي ونسيت اقولج لاتفكرين تاكلين غير السوائل في هالمرحله الا لما يقولج الدكتورلانه مو زين وماتشوفين شر ان شاءالله ...

 

[fabulous-]

انا سويتها نفسج عند الشرهان قالي امشي بالافينيوز بس مشيت يوم واحد ما قدرت كنت ادوخ وبعدين قمت امشي بالبيت شوي والحمدالله الحين صارلي شهرين وسهالات كل شي اوكي ونزلت مشالله 17 كيلو وامس كل من شافني بالعرس قالي ضعفانه وناسة شعوووووووووووور عجيييييييييييب

 

[درر2008]

شئ طبيعي الام بعد العمليه انتي تبين سحر ماتحسين بشئ لا لازم
وراح تستانسين من النتيجه بس حبيبتي مو انج مسويه عمليه خلاص بتاكلين لازم تحافظين علي اكلج ورجيم لان اذا هديتي روحج بتردين نفس الاول

 

[الريم30]

والله تعبت ما ادري شاكل وماحبً المهروس

 

[ام كويتية 84]

حبيبتي ام عيالي
اعذريني ما قدرت ارد عالخاص لان مشاركاتي شوية
اللي سمعته من كل البنات اللي سووها ان اصعب فترة اول شي وبعدين يخف العوار وتمارسين حياتج عادي
ما عليه راح يخف الالم انشاء الله شوي شوي مع المسكنات
تذكري النتيجة اللي بتوصلين لها انشاء الله
الله يهون عليج ويشافيج
وطمنينا عنج