اهم الشغلات إلي تجهزينها حق البيبي والمستشفى خل نستفيد

[LUXURY]

بنات
انا ان شاء الله باجر بروح سنتر بوينت اشرايكم ايهو اروح حولي والا السالميه؟
لان اساسا بروح اخذ عبيي من المشعل بحولي وقلت امر السندس دام يمه اشوف اشعنده بس اخاف امر سنتر بوينت حولي الاقي كل شئ مخلص
واشلون تنزيلاتهم؟ منزلين وايد والا خرابيط؟
وشنو الاقي عندهم زين اخذه بالمره ودي افتك افففففففففففف

 

[SweeTa_4ever]

قوه حوامل شلونكم :33_1185028183:حبيبتي لوكسيا انا امس رحت سنتر بوينت بس فرع فحيحيل معنه بعديد عنه بس قالوولي القى في اكثر شي من افرع الباجيه وصج رحت ولقيت كل شي وخذيت وايد شغلات حلوه ..
وبنسبه على مميات اخذ زجاج وله بلاستيك مالقيت زجاج خذيت بلاستيك
وخذيت منهم بعد مشد حق البطن شكله زيييين بجربه
وبغيت اسألكم عن كريم الصدر الي مذركير زين ؟ خذيت منه عادي احط منه الحين وله لماا اولد؟

قلبي لوكسيا نفانيف الي بسندس ستاان بارده و الثقيل

 

[nazek_q8]

Luxury
ترى سنتربوينت السالمية مافي تنزيلات روحي الري او حولي

بنات نفانيف الاستقبال اللي بره ستن وداخل قطن هذي تنفع حق الصيف والا شتويه؟؟

 

[أم عزيـز]

Luxury
ترى سنتربوينت السالمية مافي تنزيلات روحي الري او حولي

بنات نفانيف الاستقبال اللي بره ستن وداخل قطن هذي تنفع حق الصيف والا شتويه؟؟

حبيبتي تنفع صيف وشتا
بس لبسي تحته أندروير في الشتا عشان ما يدشج هوا وتستبردين
انا جربتهم صراحه بالصيف والشتا وايد زينين ومريحين

===========

Luxury

حبيبتي روحي بيبي ستي اللي بالضجيج يفصل كل شي وشغلاته روعه
وبعد عندج مجمع سنام اللي في حولي محل كامل حق اغراض البيبي ويفصل بعد كل شي ويخليج تختارين اللون بعد وعلى فكره يخلص لج الشغل ب10 أيام
وسعره زين صراحه بس لأني ما ابي اسوي استقبال شريت جاهز كفر معاه كوشيات وجيسين كلينكس
من البروفوسور اللي بالضجيج تلقينه جبال بيبي ستي

 

[LUXURY]

سويتا
ميرسو يا اختي
ويه اللي بفحيحيل يبيلي اقص على ريلي يوديني هناك تره مو وايد بعيده بس احنا مدلعين نقول مالنا خلق والا الدرب ما ياخذ ثلث ساعه
ومشد البطن اشلون صاير وبجم خذيتيه؟



بردانه زين قلتيلي
خلاص اروح فرع حولي الله يعينني على المشاوط
البجامات هذي شتويه نوعا ما بس حتى لو بالصيف لازم تتدفين علشان مايدخلج هوا لان اذا دخل الهوا واااااي شيطلعه يتعبج يخليج تفرفرين
لا تنسين التكييف والسنترال


ان شاء الله بمرهم واييبلكم الاخبار اليوم

 

[LUXURY]

ام عزيز هذا يبيله روحه بروحه ماظنتي لها مقاقه

 

[بنات حواء2]

حبيبتي Luxury و الله انا و لا مره رحت إلي بحولي بس رحت إلي بسالميه فما ادري اذا عندهم شغلات او لأ

 

[LUXURY]

بنات حواء
اللي بحولي اقربلي لاني ببيت امي لو عند ريلي جان فحيحيل اقربلي
بس انا رايحتله من قبل مرتين والا 3 وشايفه ان عنده قسم كبير للاطفال سواء من تجهيز المواليد او اليهال اللي اعمارهم بالسنين والعاب وسوالف حلوه
بس كنت مو متزوجه وما انتبهت عدل
اكيد منزلين الحين شغلات حلوه

 

[::فوشيه::]

مرحبا يحوووامل .... أنشالله بروح باجر مذركير ودي أخلص أغراض البيبي ..<<

بس في مشكله ؟ ؟ ؟
الدكتوره تقول لا تتحركين وايد وأنا مشتهيه أخلص مبجر لاني أدري بشهر الثامن راح الثقل ويصير مالي خلق لطلعه ؟ ؟

بس مستغربه ليش الحامل بشهر السابع لازم ترتاح ؟ ؟ ؟ أذا جذي متى لازم تمشي الحامل ؟ ؟ ؟

 

[بنات حواء2]

صج حبيبتي Luxury خلاص روحي بس تأكدي اذ عندهم تنزيلات او لأ لأنه سنتر بوينت يسوون مكان تنزيلات و مكان ثاني ما يسوون

 

[بنات حواء2]

هلا و الله حبيبتي دلوووعه"" الله يتمم عليج انشاله و همه ما يبون الحامل تمشي بالسابع عشان لا يصير ولاده مبكره
و الحامل تبدي تمشي من نص الثامن او على آخر الثامن بذات البجر لأنه ماييلها الطلق بسرعه

 

[LUXURY]

دلوعه
والله ما اعرف اماكن يسوون كفرات وهالسوالف اذا عرفت بابلغج
وبالنسبه للحركه انا ما اطلع وايد طبع فيني بس نصيحه احسن خلصي شغلج والله تعب وبعدين بيصير مالج خلق
اخذي امج وخواتج يساعدونج برايهم علشان تتشرين بسرعه لان بروحج مع ريلج بتحتاسين ومن كثر اللاغراض واللي حاطته ببالج وايد اشياء بتنسينها
وانا طريقتي اكتب بالراحه بالبيت شنو محتاجه واشكثر علشان لا رحت ما اخمط عالعمياني
وحطي ببالج الميزانيه وحسبي كل شئ جم سعره علشان ما تتعدين الميزانيه وتتوهقين او انج علبن خايفه تصرفين اكثر تقومين تاخذين اقل
انا بكل شئ بشتريه حتى لتجهيز زواجي جذي سويت


سويتا
الكريم من الحين تستخدمينه احسن لان يطري مع الوقت لان مع الرضاعه بيصير في تشققات ويعورج وانتي ترضعين خصووووووووصا اذا عند الياهل وقعد يعض مايفلت خخخخخخخ


بنات حواء 2
اليوم مريت حولي شريت منه والسالميه مريت صوبه صج ماكو تنزيلات
الحين اقولكم شنو خذيت وشنو فيه ومافيه

 

[LUXURY]

اوكي بالنسبه لرحلتي الحافله اليوم المفعمه بالصداع واللوعه حدي تعبت ما اعبر على المشي ثقيييييله غير ان امي مسكينه خايفه علي من البرد ماخلت شئ مالبستني اياه خخخخخخخ صار شكل جسمي دبل

المهم
رحت سنتر بوينت حولي وطبعا لان تنزيلات زححححححمه وبسبب تعدد جنسيات الزبائن ماله داعي اقولكم روحوا مبجر الصبح احسن لان الروائح فتاكه خخخخخخ

شريت من البجامات اللي قالت عنهم مس دلع
اللي تي مع القبعه ومهادها ودسوسها وفنيلتها
خذيت 4 اشكال (واحد منهم على فراشه)
وخذيت منندهم في وره صناديق داخلهم ست (فنيله داخليه ودسوس وسليبر (دلاغ) وصدريه وقبعه ومادري شنو) بعضهم فيهم بجامات وبعضهم لا انا خذيت 3 الوان
وخذيت البجامات الطقم 3 مع بعض بس علبه وحده
ومثل ماقالت بردانه صج ماكو وايد من 0-3شهور اكييييد خلصتهم علينا مس دلع ههههه (اتغشمر معاج حبيبتي)
وخذيت من الستاندات اللي يعلقولج كل شئ نفس الشكل خذيت بدله قطعتين مع دلاغها ودسوسها وقبعتها وشرشف او مهاد معاها وصدريتها
وخذيت 3 او 4 بجامات حلوين مفرقين
خذيت من المهادات الزينه جم واحد يمكن 5او 6
لقيت عندهم مهادات القطن الرخاص على 800فلس زينين بس حسافه ماخذيت هذيل ينفعون للاستهلاك اليوم اذا محد زايرج ومحد بيشوف البيبي
امي قالت باجر نرجع ناخذ منهم
وخذيت كمبلين (بطانيتين) دافين الدفا الحلو وخفاف مو ثقال نفس ملوت الشتا الحياكه والمخامل واحد منهم على فراشه يمشي مع الطقم اللي قلتلكم عنه مساع
وخذيت صدريه هم على فراشه صار طقم اذا احد ياني وايد حلو
وخذيت القبعات على 750فلس للبيبي لا يستبرد راسها خذيت 3 غير اللي يايين مع بجاماتهم
وخذيت 4 مميات مادري شسم ماركتهم امي تقول عادي ما يفرق 2وسط و2 كبار مالقيت الصغار كلش
وخذيت مصاصتين
وخذيت العلبه المقسمه اللي ينحط فيها حليب وميلوبا وووو مالت قبل علشان ما نشيل مثلا قوطي الحليب كامل
يليت فهمتو قصدي
مالقيت فنايل جم طويل كله حفر فما خذيت
وبسسسسسسس ان شاء الله مانسيت شئ
بس تقريبا انا خالصه باقيلي من سرداب النصار طقم الجيس مع الجنطه والبدله مالت البيبي
واخلص كللللل شغلها طفحت اغراض
طلع حسابي اليوم 77 دينار لو ماكو خصم جان طق فوق ال120
بقى باجر بروح مع امي يمكن امرهم اخذ المهادات القطن وبروح السندس اشوف القمصان ملوت النفاس واخذ عبيي من المشعل
وعقب امتحاني اللي بيكون الاحد ان شاء الله اشوفلي يوم اروح سرداب عيد النصار اخذ اخر شئ
يبقى الكفر باييبونه لي من بره ما احاتي

ان شاء الله استفدتوا من درس اليوم
يالله كل وحده تقولنا مغامراتها

 

[ألوي الكويت]

طبعن احنه مفتقدين استبرق وايد اضاهر انه بنتها مو مخليه عليها وقت بعد عمري انشاله عن قريب تدخلو تطمنه عنها و عن استبرق :tek:

اي والله مادري شخبارها بس انشا الله المانع خير

بنات حواء 2

اشلوونك مع الامتحانات خلصتي ولا لأ؟؟؟؟؟؟؟؟؟؟؟؟؟؟


أمس زلقت:ada: بس الله ستر بس الحين احس بعوار بريلي يمكن صار فيني تمزق

الله يستر ويتمم علينا ونولد بالسلامه

 

[LUXURY]

اي والله عسى ترجعلنا بالسلامه

الوى
اسم الله عليج الله حفظج بس روحي فحصي احسن تطمني ولا تهدين ريلج تزيد مع الثقل

 

[ألوي الكويت]

اي والله عسى ترجعلنا بالسلامه

الوى
اسم الله عليج الله حفظج بس روحي فحصي احسن تطمني ولا تهدين ريلج تزيد مع الثقل

مشكوره حبيبتي

انشا الله راح اراجع الاسبوع الياي لما تفتح العياده

 

[LUXURY]

واي بنات شوفوا الساعه جم للحين مانمت
انا من ثقلت وماقدر انام افففففف حدي تعبانه دايخه بس من الثقل ووووو آثار الحمال ماقدر انام
الله يعينني وراي باجر قعده من الصبح وحوسة سوق ووراي دراسه
الله يستر

 

[أم عزيـز]

مرحبا يحوووامل .... أنشالله بروح باجر مذركير ودي أخلص أغراض البيبي ..<<

بس في مشكله ؟ ؟ ؟
الدكتوره تقول لا تتحركين وايد وأنا مشتهيه أخلص مبجر لاني أدري بشهر الثامن راح الثقل ويصير مالي خلق لطلعه ؟ ؟

بس مستغربه ليش الحامل بشهر السابع لازم ترتاح ؟ ؟ ؟ أذا جذي متى لازم تمشي الحامل ؟ ؟ ؟

ما ادري والله حبيبتي يمكن على حسب الحاله
انا عن نفسي الدكتوره ما قالت لي لا تمشين وايد
بعد الرابع قالت اخذي راحتج بس ما نصحتي امشي مشي ولاده !!!
لا بس قالت عادي طلعي وروحي وين ما تبين بس اهم شي لا تضايقين على عمرج زود

على طاري مذركير مسوي خصم 50% وعنده شغلات وايد حلوه للبيبي بس عاد يبيلج تروحين مكان زين مو مخلصين اغراضه
انا رحت فرع جمعيه الشاميه لقيت تناتيف لأن مكانهم صغير
ما تلقين كل شي
احسن شي روحي اللي بالأفينيوز كبير وكل شي تلقين فيه

ونسيت اقولكم ان حتى ماكس اللي بالري عنده شغلات تهبل ورخيصه حق البيبي
في واحد في مجمع البحر اللي في حولي بس قسم المواليد مو وايد اغراضه
اللي بالري وايد حلو وكبير وشغلاته رخيصه لا يطوفكم شغلاته تقريبا مثل اللي في سنتر بوينت

على فكره امس رحت مشيت في ممشى مشرف كان الجو مو بارد وايد
وطقيتها مشي لين تعبت لووووووووول شسوي خو انا خلاص بشهري لازم امشي
وبعد شوي بروح احوس اشوف شنو الشغلات اللي ناقصتي او راح عن بالي اشتريها
مع اني تقريبا 95% خلصت بس بقالي الكاكاو

واليوم عندي موعد طبيب بشوف شنو راح تقولي وتطمني عن وضعي ووضع البيبي لأن أخر موعد عطتني اياه ولاده يوم 11/2 قالت اذا ما ولتي قبل هالتاريخ راح نسويلج دخول يعني طلق صناعي

الله يعين

 

[LUXURY]

ام عزيز

مشكوره على المعلومات
ماكنت ادري ان ماكس موجود له فرع ثاني غير اللي بالبحر
وزينه تنزيلات مذركير دام توصل لي 50% بس واااااي محتره ان شريت اغراض وايد قبل الخصم بيوم
انزين عندهم بدلات حلوه وكشخه مو قطن وبجامات لان كودت منهم خلاص طفحت البنت خخخخخ
وانتي ليش ما تمشين مابقالج شئ وتولدين المفروض من نص الثامن تمشين
شدي الهمه ولاتنسين بطل الماي بايدج علشان اذا عطشتي احنا بدون شئ نعطش هالمره حمل
صج عاد ماكو برد وايد؟ امس واي اختنقت من كثر الهدوم امي مارضت اطلع الا وانا البس الكبت كله
انا بعد ودي امشي باجر اخلص امتحاناتي ان شاء الله واتفرغ حق عمري


اشلونكم يا بنات يا كروشات يا حلوات؟
انا مانمت الا 5 ساعات او اقل بس شسوي قعدت وراي شغل
بس المهم اني ريحت شوي
ووراي دراسه اليوم وايد واااااي

انزين بنات ماتلطختوا بشئ؟
انا ودي احط ماسكات وسنفرات وكريمات جسمي صاير يلوع الجبببببد بطني ينشف ويتشقق مع ان ادهنه وصاير اسود والخلفيه الثقافيه هم صايره سوده وااااااي ويع انا لاعت جبدي من نفسي مستحيه من ريلي
وشعري صاير قفه
يبيلي اعادة هيكله وتشحيم وتزييت
وهم يبيلي احف جسمي شيره وسوالف لان لازم اضبط هالشيله والمره اليايه علشان تكون قبل الولاده
والمنطقه الحساسه ماقدراشيلها من البطن ما اشوف ولا اقدر اجندس الشيل صاير اي شئ ومستحيه ابي حل
ادري برد والجو ما يساعد بس شنسوي يا ربي لازم نتسنع

 

[LUXURY]

بنات شنو الخامات الحلوه حق خامات قمصان البيت بالنفاس؟
لان بصراحه عندي وقت طويل الحمدلله وعندي موديلات ناعمه وبيطلع ارخص من السوق بوايد
غير ان اللي يسوون الكفرات اهم يخيطونلنا قمصاننا فنفس الشئ لو بنخيط لكن على ذوقنا ومو مكرر لان بصراحه ما شفت زود بالسوق وعلى الحريم