ودي ابتعد عن حياته بس حبي له مانعني ما اقدم على هالخطوة

[غلآ نوآف]

مرحبا خواتي
مساء\صباح الخير

بنات وايد محتارة ش اسوي
عايشة بهم والله العظيم

مخطوبة لي اكثر من سنة
واحب خطيبي واموت بالتراب الي يمشي عليها
وماتخيل حياتي بدونه
احبه والحمدلله هو بعد يحبني

بس بنات احس ماعندي ثقة بقدرتي ع اسعاده
وغير احيانا يصير بيننا خلاف
احس اني بفشل بحياتي المستقبلية معاه
رغم اننا جدا متفاهمين
وجدا لايقين ع بعض
وجدا بيننا صفات متشابهة حتى بابسط الامور
نفس الافكار نفس الاسلوب نفس اشياء وايد

واظن السبب الرئيسي لشعوري بالخوف والتردد والحيرة
امي ويجي بعدها الناس
جماعتي وجماعته
كلهم يذمون ف زواجتنا
واننا مانصلح حق بعض

وكثير تعبنا انا وهو لين ماصارت الخطبة وتمت
واهلي وافقوا عليه (اهله ماكان عندهم اعترض ابدا)

وخطيبي طيب وحبيب وااااااايد
وبار باهله وعاقل وحنون ويحبني

لكن الناس اعدمت ثقتي بقدرتي اني اسعده
وابيض وجهه عند جماعته لما اصير ببيته

للعلم بنات انا بنت عاقل ومصليه ومالي بسوالف الشباب
وطيبة مع الكل وما عمره احد مسك علي زلة
رايتي بيضة عند الجميع

وابوي وايد يحبه
واخواني بعد
واهلي يعني كلهم الا امي

مو عيبا فيه
بس لاننا من جماعة مختلفة

انا من قبيلة وهو من قبيلة ثانية

ابي ابعد بنات
ابي اطلع من حياته

نفسيتي تعبت والله العظيم مب قادرة
:eh_s(2):

 

[(حكاية قلب )]

شدعوه حبيبتي دامكم تحبون بعض خلآص توكلو علي الله وتزوجو
لآ توسوسين علي نفسج باشياء مالها معنى
والله يوفقج حبيبتي ​

 

[Queen of shr]

مالج شغل بكلام امج وكلام الناس وعلى اي اساس اهم يحكمون على مستقبلكم و مصير حياتكم الزوجيه واساسا شنو الاسباب الي خلتهم يقولون انكم ماتصلحون لبعض !!! اذا تحبينه وهو يحبج توكلو على الله وعسى الله يسعدكم ويبعد عيون الحساد عنكم

 

[أنسأنة غير]

ياقلبي لاتفكرين بكلام الناس لو سامح الله لو انفصلتم عن بعض بعيد الشر محد بينفعك منهم ومن كلامهم والله لو نسمع كلام الناس ماراح نخلص منهم الشعور تجاهك وتجاه خطيبك اهم شي انك انتي متفهمة وتحبينة وهو كمان متفهم ويحبك لاااااااااااا تفكري باالناس ابدا
والخلافات الي بينكم كل المتزوجات والمخطوبات كذا خلاف ويعدي سوا قبل الزواج او بعده
بالتوفيق ياعسوله عقبال الزواج والف مبروووو:كـــــ من ذحين
ادعيلي بتحقيق امنياتي ــــ
بالتوفيق..

 

[غلآ نوآف]

الاسباب جدا تافهة
مثل سبب نحافتي رغم ان وزني طبيعي جدا
وامي الحقيقة الي دائما ترزع ف عقلي التفكير بالانفصال
دااااااااائما لدرجة ضاق خلقي
وانسدت نفسي من الزواج كامل
لكن ش ذنب خطيبي اكسر بخاطره؟

ودي ارفض حتى اقعد علة ع قلبها
وما اتزوج طوووول عمري
حتى بس اهي ترتاح *_*

 

[مشآعل مطير]

حبيبتي طلعي هالآفكآر من رآآآسسك ,,
الرجآل دآمه ع دين وخلوووق وماشاء الله متفآهمين وتحبون بعض ,,
يعني خلآآآآآآآآآآآص مآفيه مششكله ,,شعليك من النآس وكلآمهم ؟؟ع آي آسآس يتفلسفون ويحكمون ع زوآجكم ؟؟
تدرين الغلط مو منهم ,,الغلط منك آنتي معطتهم آذنك ,,ليش تسمعينهم حبيبتي ومعطتهم آكبر من حجمهم ,,
خلي ثقتك بنفسسك كبيرهـ وقبلهآ ثقتك بربك آنه مآرآح يكتب لك الآ الخير وآنه بتنبسسطين بحيآتك وبتبسطينه آن شاء الله ,,
ترى هذآ كله من الششيطآن آعوذ بالله منه يبي يحزن المؤمن ,,آستعيذي بالله منه وخلك آيجآبيه الحديث القدسي يقول(آنآ عند ظن عبدي بي فليظن بي مآشآء )يعني آنتي شتظنين بربي هو اللي رآح يصير ,,
الله يوووفقك ياارب وتجينآ تبششرينآ آنكم مبسسوطين مع بعض ,,

 

[غلآ نوآف]

حبيبتي طلعي هالآفكآر من رآآآسسك ,,
الرجآل دآمه ع دين وخلوووق وماشاء الله متفآهمين وتحبون بعض ,,
يعني خلآآآآآآآآآآآص مآفيه مششكله ,,شعليك من النآس وكلآمهم ؟؟ع آي آسآس يتفلسفون ويحكمون ع زوآجكم ؟؟
تدرين الغلط مو منهم ,,الغلط منك آنتي معطتهم آذنك ,,ليش تسمعينهم حبيبتي ومعطتهم آكبر من حجمهم ,,
خلي ثقتك بنفسسك كبيرهـ وقبلهآ ثقتك بربك آنه مآرآح يكتب لك الآ الخير وآنه بتنبسسطين بحيآتك وبتبسطينه آن شاء الله ,,
ترى هذآ كله من الششيطآن آعوذ بالله منه يبي يحزن المؤمن ,,آستعيذي بالله منه وخلك آيجآبيه الحديث القدسي يقول(آنآ عند ظن عبدي بي فليظن بي مآشآء )يعني آنتي شتظنين بربي هو اللي رآح يصير ,,
الله يوووفقك ياارب وتجينآ تبششرينآ آنكم مبسسوطين مع بعض ,,

يزاج الله خير
ادري كلامج عدل بس الحنة والهذرة طول اليوم تضيق الخلق :eh_s(4):

 

[اخصائية نفسية 7]

حبيبتى لازم توقفين اهلج عند حدهم لان مو معطينج الثقة الى تخليج تكملين حياتج بدونهم

لازم تقولين لهم انا ابية والى بيصير انا مسئولة عنه
بارك اللة فيج يارب وبالتوفيق

 

[Queen of shr]

الاسباب جدا تافهة
مثل سبب نحافتي رغم ان وزني طبيعي جدا
وامي الحقيقة الي دائما ترزع ف عقلي التفكير بالانفصال
دااااااااائما لدرجة ضاق خلقي
وانسدت نفسي من الزواج كامل
لكن ش ذنب خطيبي اكسر بخاطره؟

ودي ارفض حتى اقعد علة ع قلبها
وما اتزوج طوووول عمري
حتى بس اهي ترتاح *_*

اذا تقول انج نحيفه قوليلها بكرا لما أحمل وجيب عيال والولاده بتزيد وزني واساسا احلى البنت تكون نحيفه عشان يضبط على جسمها فستان العرسس وتلبس الي تبيه من قمصان النوم ماااعليج من كلامهم مايحبون لج الخيير ... قتلج توكلي على الله والف مبروووك مقدما تزوجي وافتكي من الناس الي يكسرون من مجاديفك .. وشلي بتسفيدينه ترفضين وتقعدين على قلبها طووول العمر!! ترى الوقت يمرر بسرعة وما بقى بالعمر كثر مامضى ولاتحسبين ان امج بتدوم لج طول العمر انما الدنيا فناء ليس في الدنيا ثبوت كبري عقلك وفكري بطريقة ايجابيه وتذكري ان في بنات كثييير طايحات بجبد اهلهم ومولاقين حد يتزوجهم احمدي ربك على نعمة الزوج والله يسعدج بحياتج

 

[FeShinGoOo]

حبيبتي ترى الريال مايبي منج غير انج تكونين قد المسؤليه تعطينه حقوقه الزوجيه وتسوينله لقمته وتنظفينله بيته وتجهزين هدومه نفس الطفل بالظبط وهم يبي منج الابتسامه والحنيه والريج الحلو والظحكه وانج توقفين معاه بكل ظروفه وتقدرين ظروفه بعد


اذا سويتي هالاشياء صدقيني بتسعدينه ويتريحينه وبالمقابل اهو رايح يسعدج ومايقصر معاج بشي

 

[غلآ نوآف]

بارك الله فيكم
وجعل كل سطر كتبتوه ف ميزان حسناتكم
انا الحمدلله حنينه وكثير احبه ومستعدة اسعده بكل شي اقدر اسويه
وعاقلة افهم بكل الامور الي تسعد الرجال
عندي وعي ومو ناقصني اي علم او ثقافة او فهم بالحياة المستقبلية
من مسؤوليات من واجبات وحقوق الزوج والواجبات العائلية وكثير.......

لكن الناس وامي بالذات الله يهديهم ويصلحهم
مثل ماذكرتوا يكسرون مجاديفي
مايساعدوني اتقدم واتشجع للحياة الجديدة
كلها من اسباب واعذار تافهة
يخلونها تحول بيني وبين سعادتي معاه

حسبي الله ونعم الوكيل
والحمدلله ع كل حال
الذي لايحمد ع مكروه سواه

مشكووووورين جزاكم ربي الف خير

دعواتكم