في ليلة الزواج قالي ؟؟؟؟؟؟؟؟

[أنثى من حرير]

مرحبا بنات اليوم طفح الكيل معي يليت ترشدوني .. اناتزوجت واحد مطلق وعنده بنت طبعا شرطت بيت مستقل .ولافكرت ابنته على انه عايشه عند امه يوم الزواج وحنا بالفراش والله يابنات انه يعطين محاضره عن بنته .. يقول بنتي اهم شي عندي واذا تزوجت امه ابجيبه تسكن عندي ان حسيت انه اخذن اربي بنته ويوم شفته بعد يومين ماارتحت لها >عمره سنه ذاك الوقت > وغصبن اترك الحبوب وحملت وكل الفتره اشوفه يموت على بنته> نسيت اقول سبب الطلاق طليقته هي عايفته ماجلست معه الا اربع شهور >> المهم تمنيت اني اجيب ولد والسبب اخاف يفرق بين بنتي وبنته والله اراد اجيب بنت لها شهرين واشوفه مايحب بنتي كثربنته هل يكون حب الاولاد من حب امهم ...... افكر بالطلاق اخاف بكرا لجبت اعيال يفرق بينهم ويعامل بنته معامله خاص تخيلو بنتي جتها حراره بعد التطعيم ويقول بسيطه وقبل فتره وحنا بسياره معنا بنته يقول احس ان فيها حراره يوم وداها الطبيب يقول مافيهاحراره بلا عليكم مايقهر هذا غير اسلوبه معي .. والحين عمر بنته سنتين وبنتي شهرين وللحين كل ماشافها صورها وحطه خلفيه لجواله ولا صور بنتي ولا همه كرهته وكرهت بنته ....ماالحل ؟؟

 

[اسراب الطيور]

لا تتحسسين وايد في النهايه هي طفله لاتفرقين بينها وبين بنتك يعني اذا مادار باله عليها مين يدير باله خصوصا هي بدون ام وياه بس بنتك بينك وبين ابوها الله يحفظكم
انا واثقه بمشيئه الله اذا عاملتيها مثل بنتك
زوجك بيعزك وبترتاحين نفسيا لا تخلين الشيطان يوسوس فيك ويزرع فيك الكراهيه لطفله وبعدين يبعد زوجك عن بنته اللي هي بنتك وعنك بسبب معاملتك لبنته
الله يوفقكم للخير

 

[Shmo0o5~bnt]

اختي اسراب الطيور.
^ كلامها سليم١٠٠٪
معاها انا

 

[ليلو جبريت]

لازم تستانسين لان زوجج فيه نخوووة ويحب بنته وحريص عليها
يعني انسان مسؤول ويعتمد عليه مو مثل بعض الاباء يتزوج وينسى عياله

 

[دوووووووووووبا]

الله يسخره لج يارب
اب
اب
اب
لعيونج

 

[جعلي فدوه لبوي]

حبيتي اهو يعاملها جذي لانه يحس بتانيب الظمير وانه قصر بحقها يوم طلق امها وبلاخر كلهم عياله ولو مو حاس انها محتاجته وانج مقصره ماكان اهتم جذي انتي لاتفرقين بينهم وخاصه جدامه حبيها واحظنيها وكليها وبعدين الياهل بعمر بنتج عادي الابو مايهتم فيه بس تكبر وتتحرك راح يحبه ويتعلق فيها صراحه انا عندي زوجة اب بس الله يخليها حبوبه وحنونه صيري طيبه معاها انتي شكلج غيوره وموهينه

 

[يارب احفظ عيالي]

اختي يمكن يعاملها جذي لان امها مو موجوده معاها ومهما تعاملينها زين تبقى الام غييييييييييير حرام تكرهينها هذي ياهل ربيها وعامليها مثل بنتج وتخيلي لا سمح الله ان بنتج اهي اللي عند وحده غيرج اشلون تبين ابوها يعاملها فكري في كلامي زين والله يوفقج ويسخره لج

 

[غارقة بأحزانها]

طبيعي يحن عليها اكثر لانها مو عايشة معاه على طول
وحاس ان أهي فاقدة شي اللي اهو الاستقرار والعيشة بين أمها وأبوها
واذا على موقف الحرارة فاهو لما قال بسيطة لان هذا شيً طبيعي بعد التطعيم
ومايدل على مرض او التهاب او عدوى اهو مجرد عرض يزول ومايتطور
عكس لما يحس ان البنت مريضة واحتمال تكون فيه مضاعفات اذا صار إهمال
صدقيني زوجج حنون
لا تبينيله هالغيرةاللي مالها داعي وعاملي الطفله باليومين اللي تيي فيهم بالحسنى وبما يرضي الله
وان شاء الله راح يقدرلك هالشي
وبعدين في أبهات مايحس ان الطفل الصغير اللي بعمر بنتك الله يخليها باي عاطفة
مايحب يشيله ولاشي بس لما تكبر ان شاء الله وتبدأ تناغي وتلعب راح تدخل قلبه ويحبها مثل بنته اهم الاثنين بناته وقطعة منه
لاتتحسسين حبيبتي ولاتخلين الشيطان يفرق بينكم على شي تافه
تقربي من ربك وطلبي منه ان يسخر لك زوجك وان يخلي بينكم مودة ورحمة
واستودعيه قلب زوجك وبصره وان يحنن قلبه عليكم
واعذري الريال اهو مر بتجربه فاشله وماتدرين شلون مأثرة على نفسيته
احتويه وخليج حنونه عليه وعلى بنته
والله كريم

 

[OM-Saad]

حبيبتي الريال مايتعلق في بنته الا بعد السنه ونص لما الشطانه تزيد

انا زوجي كان كله يبيني اخلي بنتي ونطلع بروحنا حتى السفر مايبيها معانا
الحين عمرها اسم الله عليها سنتين
والله فرررررق حتى الفرع ياخذها معاه صاير يشتاقلها اكثر مني حتى من نطلع بروحنا يشتاقلها ،يقولي احبها برد البيت اخذها لوووول
صارتلي شريجه
لاتحكمين علا زوجج تو الناس ومرده يحبها لانها من دمه ولحمه

 

[غرور 9]

يا بنت النآس حرـآم عليـج لقمتج بحلجج وتطآلعين لقمـه الغير
هآذي بنت صغيرة ويمكن بآجر اذا دار الزمن تطلع ارحم من بنتج عليج
وتكون سبب لدخولج الجنة لاتكبرينها واهي صغيرة وانتي بنت عالم وناس واكيد انج تخافين واحد احد
انتي حاولي تخفين بنتج ربع ساعة وقوليله بنتك مدري وين راحت من اربع ساعات مو موجودة
رح تشوفين بعينج ان بنتج وبنته واحد وتتغير كل ظنونج
الله يوفقج..​

 

[** باربي **]

هذا اذيه الي ياخذ مطلق

الله يعينج

 

[Tom ♥ Jerry]

,


هاذا كلآم آغلب الرياييل الي يتزوجون وحده ثانيه و عندهم عيال .!
لا تحاتين مو بس انتي الي سمعت هالكلآم من زوجهآ المطلق ,،

الـ طلآق كلش مو حل يا قلبي .!
و سواء حط صورة بنتج على خلفيه الشاشه و لا لأ مآ آعتقد هاذا يعبر عن الحب ,،

آهم شي آنه مآ يفرق بالمعامله و اذا فرق قعدي وياه قعده هاديه و كلميه بهدوء ,،
قوليله لآزم الآبو مآ يفرق بين عياله عشان مآ يكرهون بعض مستقبلا
كلهم بنآتك و لازم تعاملهم معامله وحده ,!

و خليه يرآجع حساباته آكيد رآح يشوف نفسه انه اهوة الغلطآن .!
بعدين ديري بآلج تظلمين البنت أو تفكرين انه تأذينهآ سواء بحضورة أو بـ غيابه .,,
ترا البنوتة مآلها ذنب بـ ولا شي صار .!
يعني لا تلومينهآ و لا اتدقرينهآ بالعكس .، حتى لو مآ تحبينهآ
عامليها مثل بنتج بالضبط و كسبي فيها آجر .,،
يعني تخيلي الوضع بعد 15 سنه شلون رآح يكون و بنتج و بنته في ثانوية وحده يحبون بعض
و مستانسين مع بعض و بنته تعتبرج آمهآ و تحبج و مآ ترضى عليج ,!
فكري بالمستقبل شوي ، آنتي بآيدج يا تحبينهآ أو تكرهينهآ
و اذا حبيتيها هاذا لـ مصلحتج و مصلحه بنتج و آن كرهتيها انتي الي رآح تتحسفين .!

حآولي تحبينهآ الكرهه يتحول الى حب لا تحاتين
خصوصا آنه البنت ليلحين صغيره
يعني آكيد مآ عندها سوالف آنه تكرهج بـ عمرها : )

موفقه .:***

 

[الأميرة جوري]

بنته ويشوفها حرومه من امها يحن اكثر ويرحمها ولاتنسين البجر غالي وانتى لاتبينين له حبيها حرام ياهل اخت بنتج ربيهم مع بعض ..والله يهدي مابينكم

 

[ربي سبحانك]

لاحببتي اكيد يحب ينتج هي بنته بعد بس هذيج ظرفه صعبه شويه بس حرام تقولين ماارتحتي لها مسكينه بيبي مالها ذنب

 

[غزاله1986]

اولا :::يابناات انا بكتب شي

اشفيكم تقولون حق المره حراام عليج ؟؟؟؟؟؟

لو انتوا مكانها ماقلتوا جذي ....؟؟؟

المفرووض باسلوبكم تحببونها بالبنت وتفهمونها ليش زوجها متعلق اكثر بالبنت الاكبر مو تهجمون عليها

ثانياا:: كلام الاخت اسراااب الطيووور صح .... ويات حق المره وشرحتلها بدون ماتخليها تحقد زياده عالبنت ...؟؟ والله يجزاها خير

علا هالرد المقنع

ثالثا :: انا وحده تزوجت مطلق وعنده 2 مو بس وااحد ... ماقص عليج اول اياام زوااجي وايد كنت اغااار .... وهذااا شي طبيعي

عقب قمت احبهم اكثر من ابوووهم .... مع ان واايد صاارت لي مواااقف معااهم بسبته ... بس انا الحين احبهم واهما

يحبوني ...لي درجه اي مشكله تصيرلهم يلجئؤولي انا قبل ابووهم

راابعا:: اهمااا اطفااال يااقلبي والله مالهم ذنب ولا يفكروون بالي احنا نفكر فيه .... ومثل ماقالت الاخت اسراااب ان شافج زوجج مهتمه فبنته واايد وحابتها ...

رااح يحبج انتي اكثرر .... ولا رااح ينساااج ولا ينسا فضلج علا بنته...... ولاتخافين من ناحيه ان يحب الكبيره اكثر .... لان

عمرهااا اكبر وتفهم تعرف تتكلم وتلعب معااه .... باجر ان شاءالله لي كبرت بنتج بيحبها بنفس الطريقه ..... لاتشيلين هم ....

ومايمنع انج تحسسينه بالغيره بس مو بالغيره الي تكرهه فيج ويحس انج حقووده ..... يعني بالغيره علا دلع .... ان شااف انج تغاارين وتحبينه وتحبين

بنته ..... راح يعطييج اهتماام كبير ويحبج اكثر .... لان يدري انج تحببينه من قلبج

ولاتخلين الشيطااان يدش بينكم

ماتدرين يمكن بنته باجر يصير فيها خييير لج انتي وتكوون سند لج لما تشوووف ان امهاا باعتهااا ..... وانتي شريتيهااا


وانا الحين عياال زووجي يعاملوني بهالطريقه هذي



والله يسخرلج زوجج وبنته يااربي ويحنن قلبكم علا بعض

 

[ام ناصر 2009]

والله انا لو منج ما اتردد اربيها حرام امها فرطت فيها بالساهل وبجذي راح يزيد حبج عند زوجج ويحترمج اكثر ويقدرج دام جابها عندج وطلب منج تربيه بنتة واثق فيج مليون بالمية بانج ام حنونة لا تخذلى زوجج وربى بنتة وتكتسبى الاجر عند الله انها تتربى مع اختها لا تفرقين بينهم وفى حضن ابوها وبأم مثلج حنونة صدقينى ماراح تندمين حرام وأعلمي أن أجرج مضاعف عند رب العباد أولا / طاعه لزوجك , ثانياً / في هذه الطفله
هذا انا اكبر دليل تربيت عند ابوي ومرته وليومج ما شفت امي ولا اعرفهااا تدرين اني ابر بمرت ابوي اكثر من بناتها من شهادتها وشهاده الجميع ماتبي منج الطفله شي غير المعامله الطيبه والام الحنونه ماتعرفين الحرمان من الام شنو يسبب لاني مريت بهالتجربه لا تكرهينها واهي مالها ذنب
خلي من تربيتج بالعدل والتساوي بين هذه الطفله وبين بنتج هم خوات, أحسني من تعاملك وعدلك
ماتدرين يمكن تكون هذه الطفله هي السند و أحن عليكٍ من أبناءك
هنيئاً لكِ بالأجر من رب العباد , وكسب رضاء زوجك​

 

[OM BARAK]

يمكن ليش انه محروم من بنته فيتشفق عليها بس حبيبتي ماتوصل للطلاق وانتي حببي بنتج فيه يعني كله لبسيها لبس مكتوب فيه i love daddy
والا لبسيها مثل ابوها تي شيرت و جينز نفس اللون
و اخذيلها لبس الفريق االي يحبه ويشجعه ولبسيها و صوريها ودزيله الصور​

شوقيه فيها أكثر ​

 

[أم توتو]

اولا :::يابناات انا بكتب شي

اشفيكم تقولون حق المره حراام عليج ؟؟؟؟؟؟

لو انتوا مكانها ماقلتوا جذي ....؟؟؟

المفرووض باسلوبكم تحببونها بالبنت وتفهمونها ليش زوجها متعلق اكثر بالبنت الاكبر مو تهجمون عليها

ثانياا:: كلام الاخت اسراااب الطيووور صح .... ويات حق المره وشرحتلها بدون ماتخليها تحقد زياده عالبنت ...؟؟ والله يجزاها خير

علا هالرد المقنع

ثالثا :: انا وحده تزوجت مطلق وعنده 2 مو بس وااحد ... ماقص عليج اول اياام زوااجي وايد كنت اغااار .... وهذااا شي طبيعي

عقب قمت احبهم اكثر من ابوووهم .... مع ان واايد صاارت لي مواااقف معااهم بسبته ... بس انا الحين احبهم واهما

يحبوني ...لي درجه اي مشكله تصيرلهم يلجئؤولي انا قبل ابووهم

راابعا:: اهمااا اطفااال يااقلبي والله مالهم ذنب ولا يفكروون بالي احنا نفكر فيه .... ومثل ماقالت الاخت اسراااب ان شافج زوجج مهتمه فبنته واايد وحابتها ...

رااح يحبج انتي اكثرر .... ولا رااح ينساااج ولا ينسا فضلج علا بنته...... ولاتخافين من ناحيه ان يحب الكبيره اكثر .... لان

عمرهااا اكبر وتفهم تعرف تتكلم وتلعب معااه .... باجر ان شاءالله لي كبرت بنتج بيحبها بنفس الطريقه ..... لاتشيلين هم ....

ومايمنع انج تحسسينه بالغيره بس مو بالغيره الي تكرهه فيج ويحس انج حقووده ..... يعني بالغيره علا دلع .... ان شااف انج تغاارين وتحبينه وتحبين

بنته ..... راح يعطييج اهتماام كبير ويحبج اكثر .... لان يدري انج تحببينه من قلبج

ولاتخلين الشيطااان يدش بينكم

ماتدرين يمكن بنته باجر يصير فيها خييير لج انتي وتكوون سند لج لما تشوووف ان امهاا باعتهااا ..... وانتي شريتيهااا


وانا الحين عياال زووجي يعاملوني بهالطريقه هذي



والله يسخرلج زوجج وبنته يااربي ويحنن قلبكم علا بعض

معاها :eh_s(15):اسال مجرب ولا تسال طبيب يعطيها العافيه

 

[شواخي]

حرام عليج حبي البنت وكسبي فيها اجر وعامليها احسن من امها لا كبرت تشفع لج باذن الله وتحبج و تعزج وربي ماايضيع اجر

العز يجي من هالمواقف ياقلبيض

 

[نفـــائس]

مهما كان هذي البكر

والبنت دلوعه ابوها

استهدي بالله ولا تكبرين السالفه

بنتك صغيره وماتفهم يمكن مايحب اللي بالعمر يحب الطفل يتفاعل معه