هل لي حق الاعتراض على جدول الحصص

[قمورهـ]

السلام عليكم

معلمات بقولكم سالفتي وساعدوني بخبرتكم

رئيسة القسم مادوامت حلو

والوكيله اطلبت من قسمنا الجدول

قوموا يالمدرسات القدم وضبطوا الجدول

واخذوا اقل نصاب واريح وقت لهم

وكل ماسالتهم عن الجدول يقولون ماخلص!!

الى ان صدموني ورواني الجدول وطلعت اغلب الحصص الاخيره من نصابي!!

المهم انا ماني راضيه وبقوه على الجدول لانه مع اشراف قسمنا راح اطلع 4 ايام بالاسبوع 2 الا ربع!!! وممكن اتاخر بعد!

مع العلم انه اللي ماعندها حصه سابعه تطلع من الوحده!!

هل قانونيا لي حق الاعتراض

نصحوني شنو اقول وشنو اسوي لان ضغطي واصل مليون وماعندي مشكله اتهاوش معاهم لان مستحيل يستغفلوني ويضبطون جداولهم على حسابي

وباسوء الاحوال يعني اذا وصلت الامور لاسوءها راح اقولهم هالجمله انا مستحيل ادرس على اساس هالجدول ومستحيل غيري يبني راحته على حسابي مو لاني اقل خبره بالقسم يعطوني كل الحصص الاخيره ...ياتغيرون الجدول او اندبوني مدرسه ثانيه او انقلوني ..شرايكم بنات؟

عطوني كل اللي تعرفونه بهالخصوص وشنو مفروض اقول وشلون اتصرف

انا خطتي اني ابتدي بالمشرفه اللي كانت مسؤوله عن قسمنا لان اهيا اللي مسويه الجدول وطابخته

مع انه اسلوبها تمشيها معاج يعني تاخذج على قد عقلج وتسوي اللي تبيه

وبعدها بروح الوكيله .

شرايكم؟؟

مع العلم المشرفه يوم سوت الجدول سوته مع الابلات القدم اللي معاها واهم طلعوا باخف نصاب وانسب توقيت وانا اللي كليتها

 

[قمورهـ]

اب
اب

اب

 

[مدّهره !]

عزيزتي المفروض المشرفه ناقشة بوجود الكل ليش بس القدّم !!!
روحي لها وقولي 1 2 3 الموضوع ونفسياً مااايصير تحط حصصج كلها الأخيره لو شنو لازم توازن بالسالفه
إعترضي وناقشيها بس بهدوووء وقولي لها نفسياً مااأقدر أتقبل هالضغط وأكيد بتغيره
مووووووفقه يــــارب ,,,,

 

[كويتية222]

اختي ناقشي المشرفة ان ما نفع نزلي وروحي للوكيلة وخليها تشوف الجدول بعيونها وانتي خلج ذكية ادرسي الجدول عدل وقولي لها شوفي جدول هذي شلون وهذي شلون حصصها وهذي شوفي خليها تنتبه للشي اللي انتي تبينها تنتبه له واللي اهو ان فيه ظلم
وعدم عدالة بالتوزيع ومن حقج الاعتراااض مالج شغل فيهم لكن بهدوووء وثقة لا ترفعين صوتج ع الوكيلة اهي مرة اكبر منج

 

[قمورهـ]

سلطانه لو تشوفيني شنو سوو

بالخش والدس وعيونهم اتلاقط صدموني

لا المشرفه راضيه تراويني ولا الابلات القدم

ولاناقشونا طبخوه وفصلوه لهم

كلهم اقل حصص
بحال انه عندت ومارضت تغيره شنو مفروض اسوي

انا حاسة لانها خشت الجدول عنا احنا اليدد الا انها غلطانه ومو من حقها

 

[قمورهـ]

اختي ناقشي المشرفة ان ما نفع نزلي وروحي للوكيلة وخليها تشوف الجدول بعيونها وانتي خلج ذكية ادرسي الجدول عدل وقولي لها شوفي جدول هذي شلون وهذي شلون حصصها وهذي شوفي خليها تنتبه للشي اللي انتي تبينها تنتبه له واللي اهو ان فيه ظلم
وعدم عدالة بالتوزيع ومن حقج الاعتراااض مالج شغل فيهم لكن بهدوووء وثقة لا ترفعين صوتج ع الوكيلة اهي مرة اكبر منج

لا انا مستحيل ارفع صوتي وودي والله بس كلش صوتي ناعم ويختفي حزة الغضب

انا لاني من ييت واقولهم ان شالله حسيتهم قالوا غبيه تمشي عليها!!

لا والاعبر انه المشرفه كويتيه واللي مضبطتهم وافدات!!

رديت البيت ضغطي مليون حركاتهم حركات استغفال

تخيلي مارضت تراويني الجدول يوم اصريت راوتنياه بسرعه وشالته

مااستوعبت حركاتهم الا يوم رديت البيت بغيت اموووووووت من الحره قلت معقوله جذي!!

بس والله انا اعلمهم بكون صاحيه لهم عدل ماينفع الطيب معاهم!!:eh_s(14):

 

[كويتية222]

ماعليج منها عدم العدالة في توزيع نصاب الحصص يخلي المشرفة تحت المساءلة عندج الوكيلة ان ما نفع دشي للمديرة ان ما نفع الموجه اذا يخاف الله بينصرج من بعد رب العالمين ،عموما هذي حالتهم مع اليدد يشيلونهم النصاااب واهمه يريحون
طيب اللي عندها خبرة خل يستفيد التلميذ من خبرتها مو تقعد للسوالف طق الحنك اهم شي ناقشي المشرفة وقولها لها ان ما نفع الوكيلة وربج كريم حاسة فيج وادعي ربج ان يسخر هالادمية المشرفة لج ​

 

[قمورهـ]

تسلمين حبيبتي والله صج صكت فيني الدنيا صارتلي صدمة فوق انه المدرسه بكبرها لوعه يصدموني القسم بهالتعامل!!

المصيبه نظراتها تقول نظرات حراميه

تعلمت مره ثانيه ادقق بالكلام اللي يقولون لان نوعهم يقطون عليج نص السالفه من باب العلم بس ويسوون اللي يبون

 

[PuPa^^SWeeT]

ناقشي رئيسة القسم

واذا ما نفع نزلي عند الوكيلة قوليلها جذي صعبة مخليتني اخيرة كل يوم ماعليج منهم

ضبطي امورج ويا الوكيلة


لج حق الاعتراض بالظلم مو بكل شي

 

[Bronzya kwt]

وي هذي حركاتهم مايخلونها

انا يحوشني ٤ ايام حصص أخيره ارد البيت ٢

بعد لاني يديده ومستغلين هالشغله بس ماعليج ربج فوقهم

انا اول سنه فبسكت عنهم وماراح اناقشهم لان الخلل مو من المدرسات من رئيسة القسم

اهيا اللي موزعه علا كيفها ... اول سنة نتحمل لان احنا بمرحلة اختبار الله يعين

 

[^^ريهام^^]

حبوبة اشلون كل حصصج الاخيرة ما يصير

احنا قسمنا كل وحدة لها يوم واحد بس حصة اخيرة بالاسبوع حتى رئيسة القسم

ونفس الشي الحصة الأولى

هذا عرف متفقين عليه

 

[شقاوتي غير]

وييي وين العداله ؟؟؟؟

بالعكس لاتسكتين عن حقج روحي تفاهمي معاهم قوليلي مو معناته اني انا يديده تقومون تلعبونها من وراي قولي كلنا نصيبنا واحد ، وطمنينا عنج

 

[بناتي سكر نباتي]

شوفي حبيبتي من المتعارف عليه ان الاكثر خبرةاقل نصاب بس مو معناه تاخذخمس وغيرها عشر اقل بحصة حصتين مو اكثر ثاني شي الحصة الاخيرة الكل تمر عليه بس اكثر شي ثلاث بالاسبوع مو اربع ولو طلعت وحدة معاي بالقسم ثنتين وانا ثلاث مومشكله بس مو وحدة تشيل والباقي لا الا اذا فيه ظرف بمعرفة المديرة والوكيله
انا رئيسة قسم واقولج من واقع الخبرة وناقشيهم بكل ثقة ومالهم حق بالي سوووه بس بهدؤماتنوخذالامور بهواش بالعقل كل شي يصير

 

[ابله نظيرة]

حبيبتي الحصص الاخيره مرتين بالاسبوع وممكن يعطونج
يوم ثالث اذا اضطروا بس ممنوع اليوم الرابع
لا تسكتين عن حقج بس باحترام

 

[ابله نظيرة]

طبعا اليوم الثالث يكون احتياط بعد
يعني مو حصه اساسيه

 

[مدّهره !]

سلطانه لو تشوفيني شنو سوو

بالخش والدس وعيونهم اتلاقط صدموني

لا المشرفه راضيه تراويني ولا الابلات القدم

ولاناقشونا طبخوه وفصلوه لهم

كلهم اقل حصص
بحال انه عندت ومارضت تغيره شنو مفروض اسوي

انا حاسة لانها خشت الجدول عنا احنا اليدد الا انها غلطانه ومو من حقها

فاااهمه علييج إذاا مااتقبلت كلامج وغيرت روحي الوكيله ونااقشيهاا بذراابه وعقلااانيه
قوولي هذاا ضغط نفسي وقدرة عطااائي بتكون صفر كل يووم أنطر الحصه الأخيره أشرح فيها !!
والمشرفه تلاقينهاا عشاان صديقاتهااا القدّم وتعرفهم قالت أريّحهم ,,,
مااعليج ماتسوى على أعصااابج وترى ياماااا بتشوفين من مواااااقف وحركااات لاتصيرين حااره من أولهااا
والجدول يتغير عاادي هو موو نظريه ثاابته ,,,
طمنينااا شيصير معااااج ,,,
ونصيحه لاتنسين الأذكااار والدعااء بعد صلاة الفجر ووقبل تطلعين من بيتج ولمّاا تدشين المدرسه
ربي يبعد عنج الشر والمكااائد ,,,:eh_s(7):

 

[سمراء كويتية]

على حسب الجدول و الخبره والحظ !!!

 

[بنات حواء2]

ناقشي المشرفه و اذا مانفع روحي الوكيله و الله يعينج على جذي قسم
الانانيه مصيبه

 

[فرحه عمر]

باعطيج الزبده
اذا نفس الصف عنده 3 حصص اخيره لج الحق تعترضين لانه الاعتراض في مصلحه الطلبه مو من مصلحتج عشان جذي ممن يغيرونه ولااااااحظي قلت ممكن

والقدم لهم حق يختارون اللي يناسبهم ماقصرو لهم سنين يدرسون ولهم امتيازات يعني لما كانو مثلج ماتكلمو وانتي بتصيرين مثلهم بعدييييييييييييييييين

كلمي مشرفتج وقوليلها عندي نفس الصف كل حصصه الاخيره ... يومين ماشفتي نتيجه دشي على الوكيله بلغيها انج مستغربه الموضوع مو اكثر انه شهالصدفه وقراده حظ هالصف كل حصصه الاخيره لااااااااااا ودششي الموضوع بالصدفه يعني مو رايحه لها عشان الحصص
وسلامتج ,,,,,,,,,,,,,,,تعيشي وتشوفي غيرها

احنا قدم وماااااااخذييييييييييييييين اكثر من النصاب مال الوزاره وماكلين تبن واذا قلنا قالو بيعطونكم فلووووووووس اخاف مستذبحين على الفلوس
نبي نرتاح

 

[قمورهـ]

اوكي الابلات القدم من حقهم يرتاحون ..اهم مو بس ريحوا نفسهم اهم دلعوا نفسهم على حسابي!!

يعني قسمنا مافي نقص بالعكس زايدين الابلات ..يعني كان من الممكن كل الابلات يتدلعون

اهم شسوا خذوا اقل المراحل ..ومع اني اقل خبره عطوني صفوف كبار!!

ثاني شغله قطوا علي الحصص الاخيره ومن الممكن هالحصص تتوزع على الكل وماتحوش القدم بعد!

احس اللي صار مسخره وهذا اللي مو مخليني استحمل عالعموم باجر بكلم المشرفه وان مانفع الوكيله وان مانفع الموجهه

بس ابي اقنعهم بالحجي ياليت تفيدوني شنو اقولهم