بنات الاحمدي نبي تجمع

[ma3boocha]

وين صاير محل العازمي؟؟؟



و لاقورميه مادري امي امدحته .. بس حبطتوني لاني كنت باخذ منه حق ولادتي

 

[احساسي غريب]

يعطيكم العافيه بنات على هالتجمع المفيد ماشاءالله عليكم كفيتو ووفيتو

بضيف كم رقم من عندي هذا رقم مطعم حق عيوش ومجابيس ويطبخ ذبايخ وشلغه روعه ونظيف للامانه راعيه رجال يخاف الله اخوي يعرفه واخوي بنفسه كم مره يدخل مطبخهم وشاف انه نظييييف جدا والعماله اللي عنده نظيفه يعني اذا ماطبختو غدا ولا طبو عليكم ناس فجاه وتوهقتو اطلبو منه على طول

اسم المطعم مناسبات وهذا رقمه 23716661

هذا مطعم ثاني يسوي جاطات خبز صاج وحشواتها مشكله من اجبان وفلافل ولبنه وزعتر وشاورما وكباب جربو الكباب عنده خطييييير اسمه الفارس وهذا رقمه 25411493

هذا محل حلويات اسمه آرت عنده حلو قهوه مشكل وشكله مرتب وعنده كبب حلوه 23966400

بيت الكيك عنده لقيمات رووووعه وعنده بيتزا شبيهه في بيتزا قيصر وفطاريه حلوه وعنده حلو اسمه توفي جيرمن لذيذ بصراحه واسعاره معقوله جدا 23901212

وهذا ديليزيا عنده شغلات حلوه مثل الكبب خطيره والفطاير على ساندويتشات وحلو القهوه بصراحه شغله حلو ونظيف 23720323

وطبعا ملك محلات الحلويات سعد الدين عليه بسبوسه خطييييييييييييره وبقلاوه وفطاير صغيره تهبل وكرابيج حلب مدري كرابيج الشام مو طبيعيه وفتح محل بالعقيله بس ماعرف رقمه

 

[عافك الخااطر]

نحوله وين صاير الراقي,...؟

 

[عافك الخااطر]

إحساسي يسلمووووو ياعسل

شوقتيني ع مطعم الفااارس بجربه بأقرب فرصه


ثااانكس

 

[ألـماسـه]

وااااي بنات عجيب التجمع ومحل العازمي عنده مواعين تجنن

العازمي غالي علا الفاضي روحي سلطان ولا الراقي تلقينهم ارخص




الراقي توسعت سلمان الدبوس تحت بسرداب

 

[ألـماسـه]

عندي رقم الي بصباحيه جنه اسمها ام عمر تسوي خبز مثلثات بزعتر موووووطبيعي
وتسوي عصيده وخبز معفووس
بس الخبز بزعتر موووو طبيعي حق تقديم وحق بيت جذي حيييل حلوو
مادري اذا عرفتووه ولا لأ لانه ترا القديم

 

[احساسي غريب]

بنات واجد عندنا صوالين في المنطقه العاشره بو دينار وبودينار ونص بابوحليفه والفنطاس والفحيحيل والمنقف ياليت اللي مجربه من هالصوالين تذكر تجربتها انا دايما امر من عندهم بس ماعمري جربتتهم اخاف اجرب مكان ويطلع مو حلو

ابي صالون للشيره وللحف وتشقير الحواجب والبديكير يعني الشغل اللي كل شهر نسويه تقريبا ويكون الصالون نظيف ومافيه زحمه واجد واهم شي يكون تشقيرهم للحواجب حلو ومرتب واكسجينهم لونه حلو مو اللي يكون لون اصفر زعفراني يلوع الجبد

 

[ألـماسـه]

احساسي
عندج صالون روجينا يم صيدليه الخليج بفحيحيل
هصلون هذا كل ماقلت شهر الجاي بغير الاقي عمري جايته
ممتاز تشقير حواجب عند ليزا او ليلا
وشيره حلووه بس حسب الي طيحين بيده لازم تعيد
ولازم تجينه العصر قبل زحمه
وهم بديكيرهم حلوو

بس انا احب بديكير ام اي الي بلمنقف
وحمام زيت لشعر وتشقيرهم حلوو

 

[ألـماسـه]

بنات ماتعرفون احد يضبطلي صبغه حليمه باارك
بلييييز ودي فيها

 

[ღ..عشق ميمون .ღ]

روحي صالون سحر تركيا مدام نور بالمنقف
والله صبغت لي بالعيد الكل انصدم بالتغير اللي سوته لي وفي بنات يجونها من الجهرا
وهي حبوبه تنصحج وتقول شنو يناسبج ​

 

[الجازي2000]

أبي طاولات تقديم صغيرة للقهوة والشاي بس بالمنطقة العاشرة
وصج بنات لا يطوفكم ديليزيا يسوي ميني كبب حدها لذيذة ورخيصة بس لازم تطلبونها قبلها اليوم والله لما سويت استقبال كلن سألني عنها عبالهم من حريم

 

[الجازي2000]

صج بنات لا يطوفكم بتيفور كراميل من قرمييه حده لذيذسكوتة محشية توفي ومغطاه بالكاكاو لذيذة

 

[دندونه@@@]

[/size]
:bbbiu::bbbiu::bbbiu::bbbiu:بغيت اقولج شى عن عياده الدكتور سلطان العتيبى نصيحه منى لا تروحينه حق البشره أسئلينى والله جربته يلوع الجبد لا عنده غش تجارى نصيحه أنتى كيفج مو بس أنا خواتى كلهم معاى راحو ولا عطانا شى نستفيد منه ردينا مستشفى العدان الجلديه سنعونا والله هاذا نصابببببببببببببببببببببببببببببببببببببببببببببببببببببببببببببببببببببببببببببببببببببببب

سبحان الله اختي لما شفت مشاركتج ما قدرت اسكت لان لي موقفين مع سلطان العتيبي اثبت العكس من وجهة نظري الموقف الاول بنتي عمرها سنتين جاتها ثعلبه براسها وشعرها بلحظه وحده طاح خصل خصل ومن الخرعه زوجي وداها لقنال الصايغ وصفت لها ابر كرتزون وكريمات وشامبو ولاني ما اقتنعت بالابر قلت لزوجي ودها طبيب ثاني وراح لسلطان العتيبي وقاله ماله داعي ابر حرام البنت صغيره وما تسوى عليها صرف لها مثل الزيت فيه نسبه صغيره كورتزون والحمد لله وقف التساقط ونبت الشعر بعد كم يوم
والموقف الثاني ولدي عمره 3اشهر جتله حساسيه قويه لدرجة ان الجلد يتسلخ ويطلع الدم منه وقعد شهرين على هالحاله ومن طبيب لطبيب خاص وحكومي حتى مراهم الكورتزون ما جابت نتيجه معاه والله يشهد علي كنت رايحه للبريطاني ادور عيادة جلديه مفتوحه لانه كان يوم الجمعه يعني ماكو عيادات والحكومه مافي دكاتره جلديه خفاره بالصدفه كنا ندور مصافط والا نشوف العتيبي راكب سيارته كان مار العياده وطالع والله لما شاف ولدي بحظني يبجي وزوجي يسإله مافي دكتور جلديه هالحزه كانت الساعه 9 يعني العياداة مسكره بدون مبالغه نزل من سيارته و قالنا صعدو العياده ولما صعدنا كانت السكرتيره بتطلع بيسكرون حتى اللمبات طافيه فحص ولدي وصرف لي العلاج اللي ما كلفني حتى خمس دنانير عكس اللي قبله كريماتهم ب13 و21 وما جابت نتيجه وبعد اسبوع خفت التسلخات بجسم ولدي وبعد اسبوعين اختفت نهائيا وانا لي شهرين من خاص لحكومه

على فكره سلطان العتيبي كان بالعدان وتوه حطله عياده تقريبا له 7او8 سنين ما اذكر كم بالضبط لان رفيجاتي كانوا يعالجون شعرهم عنده
يمكن ما فادج بس ما ننكر إنه فاد ناس وايد عيالي منهم وكلمة الحق تنقال *

 

[ألـماسـه]

سحر تركيا اخر صبغتي من عندهم احس شعري خشن وبسرعه ينقطع مع اني صابغه بني

 

[نحوله عسوله]

نحوله وين صاير الراقي,...؟

الراقي اهوه نفسه التوسعه اللي بمجمع سلمان الدبووووس

 

[نحوله عسوله]

وين صاير محل العازمي؟؟؟



و لاقورميه مادري امي امدحته .. بس حبطتوني لاني كنت باخذ منه حق ولادتي

محل العازمي تلقينه بمجمه اللي فيه مركز العائله وهالمجمع تلقينه اقبال الشاهبندر

 

[احساسي غريب]

احساسي
عندج صالون روجينا يم صيدليه الخليج بفحيحيل
هصلون هذا كل ماقلت شهر الجاي بغير الاقي عمري جايته
ممتاز تشقير حواجب عند ليزا او ليلا
وشيره حلووه بس حسب الي طيحين بيده لازم تعيد
ولازم تجينه العصر قبل زحمه
وهم بديكيرهم حلوو

بس انا احب بديكير ام اي الي بلمنقف
وحمام زيت لشعر وتشقيرهم حلوو

مشكوره اختي بمرهم واشوف

بنات هل من مزيد :bbbiu:

 

[زوجي توأم روحي]

يا حلات المنطقة العاشرة

وياحلات المنقف منطقتى الحلوة
مع ان اهلى من سكان الديرة
الا انى اموت بالمنقف

عموما
مجمع العزيزية بالمنقف كله محلات تلفونات يعتبر اكبر تجمع بالعاشرة لمحلات الموبايلات ويمه مركز سلطان للجملة


خباز يسوى خبز تميس روووووعة بعجينة البسكوت وبالسكر رقمه 97937825

سوق بازار بجامات اليهال وايد حلوة ورخييييييصة

مكتبة الأسرة بفحيحيل روعة ونفس طقة مكتبة دسمان وكل شئ فيها

مجمع قيس الغانم العبى عنده حلوة ورخيصة

مكياج المنصور وشارمل روعة

 

[ma3boocha]

سلااااااااااام بنااااات


رحت خذيتلي جوله ذاك اليوم في اسواق المعلم اللي يم البيرق ،،،


يونس مثل سوق السالميه الاحمر بالضبط ... نفس البضاعه والمحلات بس على ملموووم اكثر


مواعينه حلوه و سوق بو اميه فيه بعد و محل كفرات و محل ملابس بيبيات ... و روضة ولدي طالبين منه عطر.. جان القى عندهم خوووش عطورات كبيره بـ ١,٥٠٠ دينار... شبركها حق يهال





وامس رحت سوق SM ) Sky Mall ) اللي بمجمع اوتاد فوق النصر ... يابنااات لقيت عنده مطاطير و استكانات رهيييييبه ... و شامل هالسوق كلللللل شي عنده


لا يطوفونكم هالسوقين

 

[درة أهل الطولات]

ما حبيت المعلم