اللي تلوع جبدها لا تدخل

[بـ سـ كـ وتـ ة]

السلام عليكم ورحمة الله وبركاته


بنات بغيت أسألكم إذا عندكم فكرة

بنوتي الحلوة عمرها 5 أشهر تقريبا وخروجها وانتو بكرامة صاير فيه مثل خيوط أول مرة لونهم أسود وهالمرة لونهم أخضر

مع العلم إني توني بادية أذوقها الأكل ويمكن هذا السبب بس حبيت أطمن لأن الحين ما يمديني أروح الطبيب

 

[مولاي الفرج]

حبيبتي شنو توكلينها؟

 

[بـ سـ كـ وتـ ة]

كله أشياء طبيعية

أفوكادو ... موز ... ومرة ذوقتها روب بس مجرد إنها ذاقت طعمه مو أكثر

 

[بـ سـ كـ وتـ ة]

اي وان شالله اتخرجين وبالنسبة اللي ترفع الراس يا رب

 

[مولاي الفرج]

يمكن لان توج توكلينها يصير جذي بس انتي تأكدي من الدكتورة


ياحياتي مشكورة عالدعوة

 

[CUTE__MAMY]

والله ماعرف انا بنتي توني اوكلها بس نصيحه لاتعطينها روب قبل السنه كل دكاترته كندا جذي يقولون
موزين لان الروب صار من بكتيريا وهي صغيره ممتعود جسمها علي جذي هذا راي وانشااء الله مافيها الاالعافيه

 

[فاقده ابوهاااا]

مو جنه تو الناس على هالسوالف الافوكادو ثقيل والروب وخري عنه

 

[•Brown•Sugar•]

امعائها ماتتحمل الحين ولا مهيئه تستقبل اي نوع اكل
خليها على الحليب لي الشهر الياي وتالي جربي معاها تذوقينها
موزين لايصير فيها حساسه ولا شي بمعدتها

 

[اه ع قلبي]

الخيوط من الموووز << متاكده , والخضار <<هوا ببطنها دفيها بالليل

 

[هيبة الطاووس]

عادي انا بنتي جذي طلعت خيوط بس صفره

شكلها غريب وبس خففي عنها الأكل خليها عالسريلاك احسن خفيف وحلو

 

[يارب احفظ عيالي]

من المووووووووووووووووووووووز

 

[بـ سـ كـ وتـ ة]

والله ماعرف انا بنتي توني اوكلها بس نصيحه لاتعطينها روب قبل السنه كل دكاترته كندا جذي يقولون
موزين لان الروب صار من بكتيريا وهي صغيره ممتعود جسمها علي جذي هذا راي وانشااء الله مافيها الاالعافيه

عاد أعرف هالمعلومة ... يبي لي طق صح؟

المشكلة كنت قاعدة آكل جدامها واهي تبي أحسها مسكينة تشفقت عليه ذوقتها بطرف صبعي عن خاطرها بس

الله يخلي لج بنيتج يا رب :*

 

[بـ سـ كـ وتـ ة]

مو جنه تو الناس على هالسوالف الافوكادو ثقيل والروب وخري عنه

الأفوكادو بالعكس من أفضل أنواع الأكل لما تبدين توكلين بس الروب تو الناس عليه حده

بس عن خاطرها حبيبتي حسيتها تبي تذوقه وحسيت إني شريرة لأني كليت جدامها

 

[بـ سـ كـ وتـ ة]

امعائها ماتتحمل الحين ولا مهيئه تستقبل اي نوع اكل
خليها على الحليب لي الشهر الياي وتالي جربي معاها تذوقينها
موزين لايصير فيها حساسه ولا شي بمعدتها

اي اهو المفروض لي 6 أشهر ما يدخل بطنها غير حليب الأم بس حليبي مو راضي يزيد ذبحني

قاعدة أعطيها معاه سيميلاك وأحسها تبي تجرب الأكل تقعد تراقبنا آنا وأبوها لما ناكل تعور قلبي

بس شنو لما أوكلها مجموع الأكل ما يترس حتى قفشة صغيرة مالت الشكر

لو حليبي يكفيها جان سويت لها موسيكلز على قولتهم

بحاول ما أعطيها بس بشرط ما آكل جدامها حبيبتي

 

[بـ سـ كـ وتـ ة]

الخيوط من الموووز << متاكده , والخضار <<هوا ببطنها دفيها بالليل

آنا قلت أكيد من الموز لأن بس اليوم اللي تاكل فيه موز عقبه أشوف الخيوط

باجي الأكل عادي

ما لاحظت إنه صار هوا في بطنها أحس عادي الوضع طبيعي ليلحين الحمدلله

 

[بـ سـ كـ وتـ ة]

عادي انا بنتي جذي طلعت خيوط بس صفره

شكلها غريب وبس خففي عنها الأكل خليها عالسريلاك احسن خفيف وحلو

آنا قايلة مابي أوكلها إلا أكل طبيعي مابي أوكلها سوالف سيريلاك وفارليز وغيره

أحس إن أبي تاكل أشياء مفيدة

خلي السيريلاك حقنا آنا وأبوها لول

 

[بـ سـ كـ وتـ ة]

من المووووووووووووووووووووووز

الله يخلي لج عيالج يارب

تسلمين حبيبتي ما قصرتي

شكلي بوقف عنها الأكل كله وإذا ما قدرت بوقف الموز عالأقل

 

[queenbeeuty]

حبيبتي انا قولك شو ما لها بنتك . بنتك ماخدة برد و عن تجربة و الوالدة الله يجازيها كل خير هي اللي اعطتني هالمعلومة حاولي تبعديها عن المكيف و لبسيها زين

و انشالله اكون فدتك

 

[بـ سـ كـ وتـ ة]

معقولة ؟؟؟؟ والله جايز

عاد فعلا قبل يومين كانت الرفة باردة وغطيتها بغطا زيادة

مشكورة حياتي ما قصرتي

 

[بربيره]

لووول انا مره وكلت بنتي فواكه مثلجه مع روب بس شوي كبيره كانت يمكن عشر شهور

حفاظتها صارت بنفسجيه لوووول سوري لوعت جبودكم