البااااااااااااااااارت الثاني عشر وصل ساامحوني تأخرت عليكم بس والله حدي مشغووله :ssssso:.. و ما عندي وقت اني اكتب بس وعد مني اني اعوض كل هالتأخير .. بس الحين ما اقدر بعد يوم الاحد راح انزلكم بارتات ورى بعض و ان شاء الله الروايه راح تكون خالصه قبل بدايه المدرسه ..
اتمنى انه يعجبكم الباارت
الباااااااااااااااارت الثاااااااااااني عشر
قراءة ممتعه
هيفاء : اييي صج الحجي .. انا ما اقدر اشوف بنتي بهالحاال و اخليها لازم اوديها المسشتفى .. تيي سامي و لا اروح مع الساايق
سامي بحيره و بعدم انتباه : ايي بيي معاااج بس لحظه
........
دقت على آلاء جم مره بس ما ترد عليها استغربت لانه مو من عوايدها ما ترد ! .. ثالت يمكن مشغوله .. دقت على فرح بعد جم مره ردت ..
حور : وينكم ما تردون ؟
فرح : حور تعالي بسرعه المستشفى
حور : ليش شصاير ؟
فرح : تعالي و اقولج
صكت التليفوون من فرح و راحت تقول حق امها انها بتروح المستشفى حق اريج و امها وافقت بس بشرط انها ما اطول هناك .. من وافقت امها على طول بدلت و طلعت رايحه للمسشتفى
وصلت و دخلت غرفة اريج شافت ويها معفوووس مو على بعضه !
حور مخترعه : ارووج شفيييج ؟؟ شفيه ويهج معفوس جذي ؟
اريج : حور روحي بسرعه شوفي آلاء وينها صارت سالفه قوية قبل شوي و طلعت .. فروح طلعت وراها بس قاعده احاتي بعرف شفيها
حور : الحين ادق على فرووح اشوفها
..................
دخلت دورة المياه تغسل ويها .. بس ما قدرت توقف بجي يمكن مع كل دمعة من عينها يطيح الالم الي يذبحها من الداخل ! حاولت انها تهدي حالها بس تتذكر كلام عمتها تبجي اكثر .. بعد ما دورتها فرح لقتها بدورة المايه و شافتها و اهيا جدام المغاسل منهارة كانت تحاول تكابر طول عمرها كانت تكابر على جروحها بس بهالموقف ما قدرت لانه الموقف الي صار و الكلام الي قالته عمتها اكبر من انه وحده بعمرها تتحمله فرح فتحت ايدها بحنان و كانت نظراتها تقولها انا راح اوقف يمج لو الكل كان ضدي لاني متاكده انتي الصح ..
ارتمت بحظنها كأنها طفلة فقدت حنان امها و ظلت تبجي لعل دموعها تغسل جروحها و تمحيها و تنسيها كلام عمتها القاسي .. كانت كل يوم تقول حق نفسها انه باجر راح يكون احسن و يمكن عمتها تحسن علاقتها فيها لكن في الحقيقه انها كانت اسوء من قبل كلما و تطعنها و تجرحها اكثر رغم انها يتيمه ما راعت مشاعرها و نست انها محتاجه من يعوضها الحنان الي فقدته من بعد الحداث الي صار حق امها و ابوها نست كل شي بسبب الحقد الي امتلئ قلبها و عماها عن وايد اشياء
...........
دخلوا كوفي يريحوون شوي و من بعد ما منى اعتفس مزاجها فوق تحت وهذا الي خلى علي يتسغرب شنو السبب الي خلاها تتكدر جذي
علي : منووش شفيج اعتفستي و طلعتي من المحل؟
منى : علاو شفت البنت الي كانت معانا بالمحل؟!
علي باستغراب : ا يشفيها
منى بضيقه : هذي نوف !!!
علي انصدم شوي بس الي يشوق هالبنت يتوقع منها هالحركات لانه لا لبس و لا شكل كانت لابسه ضيج و مو مقصره بويها بالميك اب و اهوه بروحه كان مضايق من هالسالفه الي صارت لانه يعرف منى حساسه بس وايد تكابر و حاول انه يلطف الجو شوي
علي بغشمره: مشكله لمن الناس تثق بعمرها بزياااده حمد الله و الشكر يا رب و لا بكل وقاحه تقولي احبك لا اخلاق لا لبس لا شكل و بكل وقاحه تيي تقولي احبك صج ناس ما عندها ذرة كرامة و حيا
منى : تدري علااو انه اخوانها متشددين حيييييل بس امها اهيا الي هادتها على هواها و اذا احد من اخوانها قالها شي تروح تقول حق امها و امهم تزفهم و تقول انا موجوده و ابكوم موجود احنا نحاجيها انتوا مالكم شغل
علي: اهني الغلط يكون من الام و الابو انهم هادين بنتهم جذي .. شوفي منوش ساعات الاهل يربون احسن تربيه و اييلج واحد من رفاق السوء و يقلب مخه فووق تحت لي درجة امه ما تعرف من اهوه .. و يصير صايع و في بعض الحالات اهوه الشخص نفسه يكوون ما عنده قوة ايمان بقلبه فتشوفينه ينحرف و يصير صايع و ساعات يكون الغلط من الاهل يعني يهدون عيالهم على راحتهم و يعطونهم الحريه على قولتهم انهم واثقين فيهم و في شباب و شابات يكون ايمانهم ضعييف و يستغلون هالثقة الي معطينهم ياها بطرق لا ترضي رب العالمين و لا اهلهم ما اقولج الغلط كله من الاهل لكن جزء كبير منه يقع عليهم يعني اذا الانسان بيعطي ثقة بأحد يهتم فيه مو يهمله .. عشان جذي بعضهم يتخذون طريج الغلط لانه اهلهم معطينهم الحريه و بزياده و مو سائلين شنو قاعدين يسوون او وين يطلعون و مع من واو منو يرافجون .. هذي الامور كلها تأثر على الشخص و اخلاقه و معاملته ما اقول الا الله يهديهم و اولهم هذي رفيجتج نوف
منى : انا معاك بكل الي قلته بس احنا شنو بيدنا انا حالي من حالك مصدومة و اكثر منك بعد و انجرحت جرح عميق لاني كنت اعتبرها اخت و صديقه لا يمكن تجرحني او تطعني بالزهر بس مع الاسف خاب ظني .. الله كريم بس
علي : المهم ما عليج منها نوف ماضي و احنا بالحاظر .. يلا قوليلي شنو تشربين ؟
منى :علااو مو مشتهيه امش نرد البيت
علي: الحين بتردين البيت عشانها والله ما عندج سالفه و بعدين تبين تموتينا يوع مو انتي قايله حق امي لا تحسب حسابنا على الغدى بنتغدى برى .. ماكو رجعه .. خلاص اطلبللج موكا و لا تبين كابتشينو ؟
منى ابتسمت ابتسامه جانبيه : اي شي عادي
علي: اي جذي ابتسمى .. اوووكي
قعدوا علي و منى يسولفون على ما ايي طلبهم و من وصل خذووه و قعدوا يتمشون بالمول شويه
..........
شالت ندى من على القنفه بسرعه و طلعت اهيا و سامي للسياره و طيران للمستشفى
شافها و اهيا بيدين امها مثل الجثة الميته ويها دم و انترس فيه الكدمات كان شكلها يعور القلب رغم كل هذا كان يشوف البرائة بويها عكس شيماء .. ندم قد شعر راسه ليش سوو جذي و حس بتأنيب الضمير و عاتب روحه مليوم مره لكن شيفيد الندم بعد ما صار الي صار .. اعتذر من الكل و من دخوله المفاجأ و طلع بهدوء رغم دخلوه الي سبب ضجه كبيره
مو قادر يحس بشي او يستوعب شي مخه تعطل و حتى الكلام الي سمعه لي الحين مو مصدقه ! غمض عيونه شوي كان يتمنى انه الي صار كله حلم .. صعب عليه انه يتقبل كل هذا بلحظات قليله .. و شيماء كانت واقفه من دون لا تتحرك او تقول شي لانه ما تقدر ادافع عن روحها التسجيل الي شغله خالد يثبت خيانتها و خططها يثبت كل شي و خايفه من ردت فعل سالم .. استغربت انه لي الحين واقف ما سووى شي
بس بعد لحظات قلبله ثار و قام يصرخ بطريقه هستيريه كأنه توه طالع من مستشفى الميانين اخترعت منه اول مره تشوفه جذي راح صوبها و مسكها من ايدها بكل ما عطاه الله من حيل صرخ عليها و سحبها لجهة الباب كانت تحاول تقاوم ايده و تترجاه عشان يرحمها و دموعها مثل الشلال على خدها بس الي سوته ما ينغفر له
..........
دق محمد على احمد و قاله اييب سيارته التصلييح و بعد نص ساعه وصل احمد .. قالواله انه السياره يبيلها يوم عشان تخلص بس محمد ما راح يكون موجود بالكويت لانه موعد سفرهم لدبي باجر فـ قال حق احمد ياخذ سيارته و يخليها عنده على ما يرد من دبي بالبدايه احمد ما رضى بس محمد اصر عليه ياخذ السياره و لا انه تظل قباال البيت محد يستخدمها على الاقل احد يستفيد منها و بما انه احمد ما عنده سياره فـ قاله ياخذها على ما يرد
دفع محمد المبلغ و اخذ معاه احمد لشركة حسين و نزل .. عطاه السياره و قاله انه اهوه عنده من يوصله و راح فوق عند حسين اما احمد انحرج واايد من تصرف محمد و عجبته شخصيته و كرمه حتى اخلااقه تخلي الواحد غصب عنه يحبه .. حرك السياره و توجه لبيتهم بما انه ما عنده شغل
..........
دورتها بكل مكان بالمستشفى ما لقتها بس تذكرت انها ما دورت في دورة الميااه .. دخلت و شفات آلاء بحظن فرح منهاره راحت لهم و قالت حق فرح تروح حق اريج لانها قاعده بروحها
حوور بصدمه : الووووء حبيبتي شفييج ؟؟
آلاء ساكته و بس تبجي
حور ما حبت تزيد على الاء فـ فضلت انها تسألها بعدين و تخليها تبجي على راحتها لانها محتاجه ترتااح من الهم لاي كابتته داخل قلبها .. حور كانت تشوف بنظرات آلاء الالم رغم انها تضحك بس الحزن وااضح بعيونها
آلاء ببجي : ليييش حووور ؟؟ ليش تسوي فيني جذي مو حراام عليها ؟؟ .. حور انا ابي امي يبيها لي .. ابيها يمي تحظني تخفف حزني اشكيلها همي .. ابي حناانها الي فقدته .. حووور ليش رااحت عني ؟؟ ليش راحت و انا احتااجها و كملت بجي
شكلها و كلامها كان يطقع القلب .. نزلت دمعه من عيون حور على حال رفيجتها و كلامها .. و قالت بقلبها "انا الي سمعت هالحجي دمعة عينها عيل شلون حالج يا آلاء"
حور: آلاء خلااص حبيبتي .. تعووذي من ابلييس و ما عليج من احد .. حبيبتي لووئه هذا قضاء الله و قدره ما تقدرين تغيرينه و انتي لازم تكونين اقوى من جذي ما تستسلميين بسرعه .. هذا اختبار لج من رب العالميين .. اما على عمتج خليها علي و انا اورييج فيها افا عليج بس ما عاش من ينزل دمووعج .. شنو السالفه ببلاش عبالها
آلاء بدت تهدي شوي شوي و مسحت دموعها .. اشكرت ربها و حمدته مليون مره انه عطاها رفيجه مثل حور تخفف عنها و تواسيها .. توقف يمها و تمسك ايدها لمن اطييح
.......
شافتهم طولوا و ما قدرت تقعد اكثر جذي راحت بسرعه خذت عبايتها و حطت شيلتها على راسها و طلعت ادورهم و كانت فرح بطريجها حق اريج فـ صارت قبالها
و كان في شخص مألوف على اريج قاعد يمشي مع وحده ماسكه بيدها بنت بعمرها و كانت حالتها كلش
فرح : ارووج انتي شمطلعج لازم ترتاحين و ما اتعبين روحج
اريج ما همها كلام اختها بس مانت تبي تعرف منوه الشخص .. مروا من صوبهم و اتضح انه الي كانت تشوفه اهوه سامي اول شي عبالها انها تحلم بس بعدين تأكدت انه اهوه و بالصدفه تلاقت عيونهم ببعض بس اريج ما عطت مجال ابدا مسكت ايد اختها و راحت لغرفتها على طول ما تبي شي يذكرها فيه و في ماضيها الي كرهته و حبها الي كان كله وهم بوهم
دخلت غرفتها و تنهدة تنهيدت تعب و ضيق بس ما حبت انها تفكر في الموضوع اكثر
فرح مستغربه : ارووج شفيج ؟؟ خرفتي ؟
اريج سرحت شوويه و بعد هزة من فرح فاقت : هاااه شنووو ؟
فرح : وين رحتي ؟؟ وين وصلتي ؟
اريج : و لا مكان بنام شوي اوكي
فرح : اوكي على راحتج
شووي و لا آلاء و حور داخلين الغرفة و كانوا يضحكون بس ويه آلاء كان يبين عليه انها باجيه خشمها الي صاروا لونهم احمر من البجي عيونها شويه كانت منتفخه .. بس محد حب انه يفتح الموضوع صكروه و قعدوا يسولفون و اريج بس شافت آلاء دخلت الغرفه قعدت وياهم تسوولف و بعديها دخل عليها الدكتور و قالها انها تقدر تطلع بس لازم تهتم بروحها و تاكل عدل
.......
شاف بعيونها الالم و الحزن .. كأنه يحس بالجرح الي بقلبها رغم انه الجرح منه اهوه .. قبل كان يشوف بعيونها الحب يحس اريج مو نفس باجي البنات الي عرفهم .. نصهم جذابين و نصهم يلعبون اما اريج كان حبها صافي و كان يشوف عليها الخجل الطبيعي مو المتصنع حركاتها العفويه تعجبه .. كأنه توه يحس انه فقد شي غالي و يحس انه ضايع من دونها
ابعد كل الافكار من راسه و كل همه كانت اخته الي شكلها ما يوحي انها بخير ابدا بسرعه يوا الممرضات يسعفونها و راحوا ينادون الدكتور يشوف شنو صار لها
هيفاء كانت قاعده على اعصابها و خايفه على بنتها الي طوول عمرها فقدتها و كانت خايفه انها تفقدها مره ثانيه
........
يتبع ..
يمكن يكون الباارت باارد شوي بس لاني كتبته بسرعه بسرعه
اتمنى انه يعجبكم الباااارت
و انتظر آرااائكم و تووقعاااااكم
بليييييييييز ابي آرااائكم
و سووري للمره المليوون على التأخير ما كان ودي اتأخر بس شسووي انشغلت و ما قدرت اكتب
يلا سي يوو حباايبي
و ثاااااااااااااانكس كلكم على المتااابعه و ابي الردوود الي تفرررحني d: ما بخلت عليكم بالبااارت لا تبخلون علي بآراائكم فيه 
تحياتي للجميع :eh_s(17):
~دموع الشوق~
