عادي ولاعيب اسوي هالشي؟؟؟؟

[ToOoT"Q8]

حرآم الله ماراح يوفقكم جذي
ومايبيلها تفكير
حتى لو يكون مر بتجربه وخايف
حتى أنتي مريتي بتجربه
بس شرع الله له حدود

 

[f@rsaq8]

اذا سالج عن طليقج لا تقولين لاولي وتالي هذا الي اقدر انصحج فية اما تكلمينه على بونه لكم تجارب قبل لا الا اذا ملج عليج

 

[ام سلوم 123]

احنا عندنا الشوفه الشرعيه عند الخطبه ويقدر يقعد معك في بيتكم ومعاك اهلك ويقدر يعرف اللي يبيه واللي انتي تبينه والله يوفقك

 

[om MaRyooM]

مافهمت عليج عدل

يعني اهله يو رسمي تقدمو ؟؟؟
ولا بينج وبينه بس؟


اذا بينج وبينه ماانصحج .. قوليله اييون اهله وتصير خطبة وتعارف وتكلمينه بالتلفون


واهو ماقال شي غلط ترا


لأن اغلب نسب الطلاق من الزواج التقليدي

 

[sona87]

يزاكم الله خير جميعاا

ماقصرتواا


ام مريوم لا بيونا يخطبوني رسمي

لكن اسالوني عادي بعد الخطبه الرسميه وصار ارتياح وقعدتوا تسالون
يكلمج بعض الامور انا للحين ماعرفة شكثر بيكلمني ولا ليش لما ايون بشوف
واقولكم اللي صار معاي ان شالله

ادعولي حبايبي

 

[el7ob Klah]

شرعاً مايجوز

بس من رايي يقعد معاج بوجود احد من اهلج

بس واضح انه صادق لان قال بعلم امج مو من وراهم

كلميه بشكل رسمي لا تطيحين الميانه والضحك ياخذ فكره انج سهله

وبنفس الوقت لا تكونين نفسيه عليه جاده وايد بعدين يقول ممله !

اذا هذا طلبه استخيري وبعدين وافقي

 

[LoLaTi]

بالعكس جدا عادي لاعيب ولا شي عشان تعرفينه ويعرفج اكثر ودام خطبج خلاص مافي مانع

 

[el7ob Klah]

يزاكم الله خير جميعاا

ماقصرتواا


ام مريوم لا بيونا يخطبوني رسمي

لكن اسالوني عادي بعد الخطبه الرسميه وصار ارتياح وقعدتوا تسالون
يكلمج بعض الامور انا للحين ماعرفة شكثر بيكلمني ولا ليش لما ايون بشوف
واقولكم اللي صار معاي ان شالله

ادعولي حبايبي

اهااااااااااااااااا

اذا جذي عااااادي نص البنات يسوونها اصلاً

معاه حق يطلب عشان تعرفون اذا في توافق بينكم ولالا

رووحي توكلي على الله عادي

 

[يارب احفظ عيالي]

امممممممممممممممممممممم مادري بس الله يوفقج

 

[ღاصول الجمالღ]

اختي اذا عقد بينكم فاهذا الشي حرام شرعيآ وتقاليدنا ماتسمح لنا بهذا الشي
وقولي له إسمحلي انا بنت امصليه وخايفه ربي وماعندي هالسوالف ،، انت الحين املج ونتعرف على بعض ،، اذا ماصار بينه تفاهم كل واحد يروح بحال سبيله ،، بس ام مجرد تعارف قبل كل شي لا مستحيل ، لا تقاليدنا تسمح بهذا الشي ولا الدين بعد ،،
وموفقه انشالله ،،*

 

[Perfect J]

مثل ما قالوا البنات ما قصروا

اذا بس خطبة ما يجوز وحرام
اذا ملجة حلاااااااال حلاااااااااال حلااااااااال :d :d

 

[رفاعيه]

لا انا ولا اي وحده بالمنتدى تقدر تنصحج بهالشي ياليت تشوفين هالحلقه من اليوتيوب حق البروفيسور طارق الحبيب استشاري اسري + يحط ادله من القرآن والسنه

1-
http://www.youtube.com/watch?v=hHg_EmnhRzc

2-http://www.youtube.com/watch?v=D7K0Ku2mKiU&feature=related

3-
http://www.youtube.com/watch?v=J-64dpJNq54&feature=related

4-
http://www.youtube.com/watch?v=rVJNnDJDQlE&feature=related

5-
http://www.youtube.com/watch?v=z9EkHGUrkho&feature=related

6-
http://www.youtube.com/watch?v=JTih48V-Egw&feature=related

 

[وردة^الكويت]

دام خطبة بدون عقد مايجوز
يجي عندكم بالبيت و يكون معاج محرم او قريب منج محرمج و تكلموا جدام عينه

اما بالخلوة مايجوز

 

[اميرة زوجي]

ممكن يزوركم وتحكو في البيت مرة ومرتين وتلاتة واعتقد هيك كفاية وممكن من خلال 3 زيارات يعرف عنك كل شي وما في داعي للتلفونات لانو مشاكلها اكتر من فوائدها خصوصا للبنت

 

[honey lust]

رايي لا لا توافقين

و اذا يبي يعرفج ايي بيتكم و تسولفون و اهلج موجودين و انتوا بصاله صاده شوي

اما سوالف التلفونات ما منها فايده بالعكس ضررها اكبر

 

[Tom ♥ Jerry]

عااادي هذا تعارف

موجود عند الحضر

وممنوع عند البدو

ولكن شخصيا ضد التعارف بالتلفون قبل الزواج

ممكن يتعرفون على الخطوط الرئيسية بيوم الشوفه

لانه الووووو .........تسحب امووور ثانية

وجهه نظري

فوفو

,


مو عند كل الحضر :eh_s(7):

 

[سمبتيكة]

البنات كفو ووفو حبيبتي
الله يوفقج حبيبتي
بس حبيت اعلق على اللي قالت الحضر يصير عندهم تكلم الريال قبل الملجه
لاحبوبه مو الكل اسمحيلي لاتعممين
الدين يحرم هالشي

 

[قلبي محمد]

حبيبتي عادي دام ان اهلج واهله يدرون بهالشي
وبالعكس احسن لكم عشان تعرفون اطباع بعض شوي وتتعودون على بعض
واذا شفتوا انكم مو مناسبين لبعض يكون الانفصال من البداية أحسن قبل الملجة
والله يوفقج حبيبتي *

 

[franshiska]

عااادي هذا تعارف

موجود عند الحضر

وممنوع عند البدو

ولكن شخصيا ضد التعارف بالتلفون قبل الزواج

ممكن يتعرفون على الخطوط الرئيسية بيوم الشوفه

لانه الووووو .........تسحب امووور ثانية

وجهه نظري

فوفو

مثل شنو فوفو ممكن توضحين اكثر

لان صج مرتين تزوجت وبالمرتين تكلمنا بفتره الخطبه للتعارف وبالمرتين الشخصية تفرق عقب الزواج

 

[أإلع ـشق دلع ـهـأإ]

فترة الخطبة تقصدين بدون ملجة ولا شي ؟!!

ماشوف لها داعي بصراحة

اللي يبي يخطب يخطب على سمعة البنت واخلاقها

ومهما كان اللي بيعرفه ماراح يبين من مكالمات التلفون بالخطبة

لانه شي طبيعي كل واحد بيظهر الزين فيه .. اما العشرة بعد الزواج هي اللي تبين معدن الشخص عدل

....

وبالعكس سالفة التلفون راح تخلي الموضوع يطول على غير معنى

....

وطول ما انتي مو على ذمته .. فما تحلين له ... حتى المكالمات بينكم ماراح تكون على اساس صحيح

....

وبصراحة الطلب هذا يوحي انه هو انسان متردد بسالفة الزواج

انا اقول خليج بالسليم .. سألوا عنه ويسأل هو عنج .. وشوفيه بالنظرة الشرعية .. ويسألج وتسألينه عن اللي تبين .. واللي عنده طلبات وشروط يقولها ..

واذا لكم نصيب ويا بعض .. الله يتمم لكم على خير
واذا ماصار عالاقل انتي حفظتي كرامتج ومعززة مكرمة عند اهلج .. مو يسولف معاج شهر والا شهرين وتالي يقول ماكو نصيب


والله يكتب لج كل خير

معآهآ :rerrerek:

والشي هذآ حرآآآآآآآآآآآآآم ..

يعني مآله دآعي نتنآقش فيه أبد !!

شكو بتعرف عليج !!

نملك وبعدهآ تتعرف :eh_s(4):