طاف موعدي وماولدت!!

[>الحنان كله<]

شلووونكم بنات
انا قبل امس كان اخر موعد لي وماولدت وانا بجريه بس استغربت اني للحين صامده عادي في حريم جذي والا بس انا قالي الدكتور بنعطيج فرصه اسبوع واذا ماجاج طلق تجين المستشفى نسويلج طلق صناعي مع اني مسويه طلق صناعي قبل جم يوووم بس هم مانفع عوار عالفاضي ومابي اعيد التجربه الفاشله وقال اذا ماولدتي خلال اسبوع للاسف راح تصيرين قيصريه
بنات انا مابي قيصري وعملية وعوار ومااقدر امارس حياتي الطبيعيه الا بعد 6 شهور ابي اشياء تجيب الطلق ومجربه تكفووووووووووون والله اني لادعي للي ردوا علي وانا اطلق واقووول الله يوفق من رد علي بموضوعي لووول ولكم مني كل الشكر والتقدير ..

 

[ودآعتك قلبي]

أمشي على الشاااطئ وأنتي حاافية , وجربي تشربيـــــن خرووع​

وراآجعي الدكتووور ..​

الله يسههل عليج​

 

[@ام يوسف@]

الله يهون عليج وتولدين بالسلامه

 

[>الحنان كله<]

مشكووووووره يااقلبي قالوا لي عن الخروع بس خفت يقولون ممكن يسبب مقص بدون لايفتح شي من الرحم يعني هم عوار عالفاضي

أمشي على الشاااطئ وأنتي حاافية , وجربي تشربيـــــن خرووع​

وراآجعي الدكتووور ..​

الله يسههل عليج​

 

[مس لوتس]

اشربي كف مريم

 

[>الحنان كله<]

اشربي كف مريم

مشكورة ياقلبي بس شلون طريقتها

 

[شفايف كرزيه]

حبيبتي
لا تستعجلين ع نفسج البجر تطول شوي
انا بجريه اكلت شهري واستعجلت وولدوتي وتعسرت ولدتي خليها تجي من ربج لا تستعجلين
والله تحسفت اني مانطرت تصبري انا والله تعذب بالولاده
الله يهون عليج

 

[موج-البحر]

مادري شقولج الله يعينج ان شاءالله

ويقومج بالسلامة وباذن الله البنات يفيدونج​

 

[بولندية]

البنات كفو وفو

الله يسهل عليج

 

[American.Life]

اختي كانت بجرية وطاف موعدها سوولها مستشفى العدان طلق صناعي والبنت مو راضية تنزل ماشاءالله حجمها كبير فولدوها قيصري والحمدلله سهالات

 

[زينانه]

عاااااااادي
انا عقب ما طفت موعدي باسبوع
جاني طلق طبيعي
عليج بالمشي
وشرربي حلبه
وكثري جماع

 

[fofowa_q8]

عادي حبيبتي أنا يوم كنت حامل طفت موعدي وولدت عقب الموعد ب٨ ايام تقريبا

امشي حافيه عالرمل وشربي أناناس ودارسين وكف مريم حطي معاه زعفران واكلي رطب

و الله يسهل عليج

 

[مألوفة]

اختي اشربي جف مريم حطيه بطاسة واقري عليه سورة مريم واشربيه والله يقومج بالسلامه وهم الخروع بس للامانه ما جربته بس اسمع عنه

 

[(الحب)]

امشي على تراب البحر
الجماع
ترى عادي لاتخافين وايد يطوفون شهرهم بالبجر كل شي له حكمه

 

[الحرير]

البجر تاكل شهرها كله وزيادة اسبوع الى اسبوعين
دونت وووووري

 

[April 29]

الله يسهل عليج
بس من قالج اذا قيصري ما تقدرين تمارسين حياتج الطبيعيه الا بعد 6 شهوووور ؟؟
من تطلعين من الاربعين وينشال الخياط بس غداااا شرج حبيبتي ..
مالج شغل باللي يقول 6 شهور او سنه او طول العمر .. خرابيط

 

[>الحنان كله<]

مشكورين طمنتوني لله يطمنكم
يس كف مريم شلون طريقته وين ينباع؟

 

[زينانه]

اتوقع بالعطار... لاني بشتريه قريب
وطريقته تحطينه بكوب وتصبين عليه ماي مغلي وتنقعينه ربع ساعه
عقب تصفينه وتشربينه

 

[مألوفة]

ان كف مريم ا يابو لي اياه ناس من السعودية

بس انا من يانى الطلق نقعته بالماي وماي بارد بعد وقريت عليه سورة مريم وشربته سيدا رحت المستشفى ولدا الحمد لله بس التساهيل من الله سبحانه

 

[om MaRyooM]

الله يقومج بالسلامة

نصيحة امشي على تراب البحر .. والله حيييل تنفع هالطريقة
وكثري من الجماع

وانشالله الطلق بييج بروحه ورح تتيسر ولادتج