عروس ضايق خلقها

[اشكي]

تصدقين نفس احساسج واقول جني تسرعت وانا عمري 29

<== اي تسرع اقول استريحي

عبالي بستانس بس العكس مضايقه واللي يباركلي احس ودي اطقه ودي اكفخه

ما انام وذبحني التفكير اقول شكلي ورطت نفسي بحياة جديدة ماادري شلون تكون وانسان ماادري شنو اطباعه

ومالي خلق اجهز وكل ماابي اروح اقول تو الناس

بس الكل قالي هالشعور عادي بالبدايه لانج مو مستوعبه انج بتبدين حياة جديدة

اتمنى الله يمسح على قلوبنا ويهنينا ويسعدنا ويسخر لنا ازواجنا ونطلع احلى عرايس

ههههههههههههه انا حدي تسرعت بالزواج ياحلو العزوبية حلواه

والله يمكن هالاحساس طبيعي بالاول بعدين يتغير اللهم آمين ويرزقنا على حسن نوايانا ..

 

[freakiya]

انتي قاعده تخربين على نفسج انا عمري 17 و بامتحانات الفاينل اتزوجت
و زوجي اكبر مني بــ10 سنين
بس الحمدالله مرتاحه
كل السالفه اتفاق اطلع و استانس بس كل شي بحدود الصح صح و الغلط غلط
اللي قاعده تسوينه اكبر غلط و انتي قاعده تخربين حياتج بنفسج و حطي فبالج اذا تطلقتي ماكو طلعات نفس قبل لان اسمج مطلقه و العين عليج
دام الريال زين لا تخربين حياتج مو كل يوم اييج ريال زين و انتي ترا كبيره مو صغيره
فكري بعقلج و حكمي
را اذا تزوجتي تقدرين تطلعين بس مو نفس فراره ايام عزوبيتج كل شي له حدود طلعي بثقه ريلج مو فراره

 

[الغنج والدلع]

شعور طبيعي الكل يمر الله يسهل لنا يارب

 

[اشكي]

انتي قاعده تخربين على نفسج انا عمري 17 و بامتحانات الفاينل اتزوجت
و زوجي اكبر مني بــ10 سنين
بس الحمدالله مرتاحه
كل السالفه اتفاق اطلع و استانس بس كل شي بحدود الصح صح و الغلط غلط
اللي قاعده تسوينه اكبر غلط و انتي قاعده تخربين حياتج بنفسج و حطي فبالج اذا تطلقتي ماكو طلعات نفس قبل لان اسمج مطلقه و العين عليج
دام الريال زين لا تخربين حياتج مو كل يوم اييج ريال زين و انتي ترا كبيره مو صغيره
فكري بعقلج و حكمي
را اذا تزوجتي تقدرين تطلعين بس مو نفس فراره ايام عزوبيتج كل شي له حدود طلعي بثقه ريلج مو فراره

الحمدلله قبل لايثق هو فيني أنا واثقه من نفسي وأهلي ربوني أحسن تربية وطلعاتي حالي حال الناس دوام مسؤليات ومجمعات وتسوق يعني مافي شي غلط والحمدلله الي باخذه فري ومقدر حياتي بس هو مجرد خوف عروس والله يوفقج ويوفق الجميع

 

[أميـِـِره]

كل مرحله بالعمر ولها جماله وطقوسها

والزواج له رونق حلو ما له شبيه

زوج ودلع وعيال تربينهم على كيفج وبطريقتج الخاصة

وتهتمين فيهم وتشوفينهم يكبرون جدامج

وتحسين صرتي مسئوله عن بيت وزوج

لج كلمه وراي .....

اقول كافي دلع البنات

وجربي دلع المتزوجاااات

فوفو

ههههههههههههه عجبني كلآمج

 

[مرامكوو]

بنااااااات حبايبي بليز تكفوووون ابي دخلاااات عرايس
تكفون ابي شي غريب ابي دخله حق عرسي غرييييبه عرسي هالشهر 9
بليز الله يوفقكم ادعيلها وربي اللي تنقذني من هالورطه ... ماحجزت دخله وماني عارفه شسوي 

 

[گـحِـلْ |~]

بنآآآت وآآآجد يتمنون آلزواج بمشآكله

آلزوآج ستر

لي متى طلعآت ! فراره!

لآزم يكون عندج هدف وشي تسعين له

وهو انج تكونين زوجه صآلحه وأم مستقبل يآآرب لآ يحرمج

و تعوذي من ابليس وقولي الحمد لله على النعمه والصحه والعافيه


والبنت مو كل يوم لها رجل


وبث

 

[آلإيـطہآليـّهہ]

موفقه خيتوو وادعي ربج يسهل امورج يارب​

 

[المـــــها]

بالعكس حبيبتي المفروض تحمدين ربج على زوجج ما شاء الله عليه متفهم و ناضج
ولا كان ممكن يطلقج و خلاص ،، بس بحكمته عرف طبعج و عرف شلون يتصرف معاج
و بعدين دلعج لمتى ؟؟ بيصير عمرج 30 و تتدلعين دلع بنات ترى مايلووووووووق كلش

 

[يآلبهـ قلبي]

يوووووه يـآسالفة الددلع هذا اللي اححاتيه ههههههه !

اخاف من ردة فعله ! اخاف اللي ابيه مالقااه ولا مايقدر يجيبلي ايااه ؟

بس بالنهايه شنو ؟ مواقفت الدنيا على شي ,, عااااادي ياما مشينا اشياااء وياماا



بس عمررج موصغيره عالزواااااااج كلش ,


ههههههههه لاتاكليني مومكبرتج بس نعممه والله

وخلاص جربي تعيشين حححياة ثانيه شوفي يمكن تأقلمين وياها \ واحمدي رررربج على زوجج بما انه صابر عليييييييييييج ووالله ولا وين تلقين واحد ياخذ مدلعه ولا يصبر عليها مايبوون الحين ,,

خلاص اعتبريها فتره وعدت ودشي بالجججد = ) وعسى الله يوفقج ان شاءلله


للعلم عمري 18 وعرسي بعد جم شهر :$ شققووول انا اللي ماتمتعت بالحياه عدل


بس يلاا يمكن حياتي معاه احلااا ؟ ولو اني عند امي وابووووي حياتي شي ثاني ,, بس شنسووووووي

كل شي وله وووقته مومعقوله طول عمرريبتم على شي


وبالتوفيق ححياتي واقري سورة البقره ما اوصييج جود تروح الضيقه منج




وهونيهاااااااااااااا :**

 

[رحيل المرافيء]

احساسج طبيعي
وكل عروس مرت فيه لانج بتدخلين مرحلة يديدة
اول ماتوظفتي ماخفتي ؟؟؟ اول مارحتي المدرسة ماخفتي ؟؟ اول مارحتي الجامعة ماخفتي ؟؟؟
طبيعي الخوف
وانتي ترى مو صغيرة شوفي موضوع هني بنات يتمنون الزواج وانتي ماتبين
باجر تطقين 30 وتالي تقولين ليتني متزوجة بس ساعتها محد يبيج
اليوم اهلج موجودين وخوانج وخواتج موجودين باجر كلهم يتزوجون وتبقين بروحج
وامج وابوج الله ياخذ امانته بعد عمر طويل ومودايم لج الا بيتج وزوجج وعيالج
الدنيا فرص واذا ما استغليتي هالفرصة انتي الخسرانة محد بيخسر غيرج
وامج وابوج يطالعون لي جدام
وخلج انا دلوعة مادلوووعة وتسنعي ولا انتي الخسرانة

 

[مخمليـهَ]

*

انتي خآيفة من الزوآج والا من الحريهَ
اذا على الزوآج في شكثر دوررآت قبل الزوآج دشي بدوره وحرآم بسسج ذبحتني هالزوج بالحنه
وبعدين ترآ اخوانج وامج وابوج مو دآيميين لج اخوانج نهآيتهم يتزوجون وبسيحبون عليجج
وذيك السساعه بتتحسسفيين كثر شعر راسسج
الله يهدييج ويرزقج ويوفقج

 

[هـجـورة]

السلام عليكم

اولا بقول شي حبوبتي احنا نعيش حياتنا مرة وحدة واذا ما تزوجتي الحين لابد يوم ووتزوجين عدل هاذي سنة الحياة حبيبتي انتي استخيري ربج قومي تعوذي من الابليس وتوضي وصليلج ركعتين وادعي دعاء الاستخارة

وان شاء الله باجر لمن تتزوجين وتصيرين عروسة بيتغير كل شي انتي تقدرين تخلينه يحبج ويقدرج وصدقيني كل شي بيكون اوكي حبيبتي انتي


الله يوفقج امين يارب

 

[حلوه بس بلووه]

بالعكس ما اشوف فيها اي شي شنو صغيره الي بعمرج عندهم 3 او 4 تزوجي واستانسي انتي عروس

 

[ام عزيزان]

وليش كل هالوسواس والخووووووف

بالعكس فترة الخطوبه وايد حلوه

وفكري انج راح تدخلين حياة يديده وانتي ملكتها

راح يكون لج زوج مسؤول عنج

وراح يكون لج بيت وانتي راعيته

وراح يكون لج عيال انشالله وانتي امهم وكل مرحله بالزواج تختلف عن الثانيه

وجنها مغامره وكل شي فيها يديد

وتفاؤلوووووو بالخير تجدوووووووه

ولا تتشكين وايد عند خطيبج ولا اطلعين كل اطباعج عنده مره وحده لاياخذ عنج فكره ثانيه وانتي في حاله ونفسيه مو مستقره

لان كل هالاطباع وكل هالنفسيه راح تتغير مع الوقت وراح تتعودين علي حياة يديده

والله يخلي امج وابوج صحيح هم الاساس بس الزوج ايضا حياتج الخاصه وملكج وحلالج

عيييييييييييشي ايامج هذى لانها احلي ايام

وكل ما عصبتي او ضاق خلقج تعوذي من ابلييييييس وقولي وكرري سبحان الله وبحمده سبحان الله العظيييييييم

 

[Fstani]

حبيبتي هذي سنة الحياة ، وان شاءالله إلي بتتزوجينه بعيشج اب عز ودلال نفس عيشتج عند أهلج ،





والله يوفقج يارب ..

 

[وحده محد يعرفها]

ماما ... انتى مو محتااجه نصيحه انتى محتااجه لنفسج يعنى احناا لو نقعد نقوول و نسووي و نفعل و انتى الكلام مو داش راسج صدقيني ما راح تقتنعين انا وحده احس مو قد المسؤؤليه و لا العرس و لا اليهال ...

بس كل شي بعرفه بعد الزوواج و مو شرط تحبينه اللحين مع العششره صدقيني بتحبينه بشينه بزينه بكل شي و لا تقعدين تقوولين ما احبك و انا مغصووبه بهالكلالام بتعيشين نفسج بجحيم ...

و اليوم يعدي بااجر مع الاياام بيقوول تذكرين لما قلتى و لما فعلتى و راح تندمين ع كل كلمه قطيتيهاا حتى لو كانت ددلع و لا قطيتيهاا بعصبيه ...


و بعدين منوو قالج ان الزواج قفص و سجن ما تدرين يمكن يكوون احسن ممن حريتج الللحين ...
و بالعكس حلوو تعيشين حريتج مع شخص يشااركج مو انتى برااسج باجر كل البناات بيتزووجوون معاليج منهم مابي و مابي بااجر تلقينهاا ام عيال و تلهى عنج و بعدين لا تخربين حيااتج ع سخاافه و دلع بناات


ما انخلقناا نعرف كل ششي و عموووماا حبيت اقوولج عمري 19 و للحين اشووف نفسي صغيره ... و لو اصير 99 هم اشووف نفشي صغيره سأألى امج قوولى لها تحسين نفسج كبيره !!! شوفى شترد عليج


محد يكبر بنظر نفسه ... و قمت اقط بدلييات من كثره النصاايح جربي حظج و ونسي اهلج ترا اهما خاااايفين علييج و محد بيدووم لج ...

اخووانج بااجر بيتزووجون و ما راح يهدوونج فبيت برووحج بتعيشين عند واحد منهم و ما تدرين يمكن يمنوون عليج بقعدتج عندهم ...

و لا تقعدين تقوولين ان اهلى و اهلى عند ريلج و سالفه انى لو اغلط يشووفونه صح بيقوول هذوول ما ربووج و بيطيحوون من عينه و بتصير عيااره احنا نشووفهااا ان من كثر ما دلعوونا بس الريايل يشووفونهاا اهااانه و بالنهاايه ...


انتى ماخذته ماخذذته ... عيشي حياتج بسعااده لا تقعدين ادورين المششاكل و تزعليين و اذا انتى مفكره ان بالحركاات بيطلقج لا حبيبتى يمكن يخليج ع ذمته و وريج الووويل ....


الله يوفقج ادري كثرت حجى بس ان شالله يدخل منه شووي فكري عدل و استخييري

 

[دنيا الهم]

نفس شعورج بالضبط
ماني قادرة اتخلص منه
احس اني راح اتقيد بشروط وقوانين الزواج