اعلنت توبتي هل من ناصح؟

[حبي لله اشد]

السلام عليكم ورحمة الله وبركاته ..

هاذي اول مشاركه لي من بعد ماقريت موضوع بالمنتدى
و رد احد العضوات بصراحه خلاني احب اهتدي من بعد قراءتي
لهذا القسم والمشاكل ..
أنا وحده احب افضفض احب أشوف اللي جدامي ينصحني
واكره (اذا احد نصحني ورديت سويت الشي اللي نصحني ابتعد منه)
وصارتلي مشاكل من اللي سويته وقعد يقول أنا قلت وانا قلت !!!
هالشي وايد يحبطني ..
طبعا ماعرف من وين ابدي أنا تقريبا مصدومه من شي صارلي
وتقدرون تقولون بنفس الوقت (( يمكن اهتديت ))
ظليت 9 اشهر مجروحه وأدعي ربي يبلغني شهر رمضان
الشهر مابقى غير يومين ويروح وانا خايفه ارد مثل قبل..
لحد يفهمني غلط بكلمة ارد مثل قبل


قعدت 9 اشهر بحالة الموتى ماكو إحساس اقدر أوصفه عن حالتي
بال9 اشهر بكااااااء كل ليله كان اكبر خوفي اشرك بالله
اي نعم وصلت لهالمرحله او بقول إبليس وصلني لكني استغفر.

وأتعوذ منه وارد على بكائي تألمت كثيرررر !!
السالفه ماتسوا ولو بتقولون 9 شهور تبجي على هالشي
هالشي اصلا لما اذكره وتوني بهالشهر الفضيل اقتنعت
انه الحمدلله ابعدني عنه من بعد ماكنت ادعي ربي لاتحرمني منه
والله من اللي صار حسيت نفسي مو كفو احترام مع أني محترمه!!
كنت أطالع أبوي يسويلي كل شي ابيه وبداخلي أنا شسويت؟؟؟
كنت على ثقه تامه بان اللي قاعده اسويه صح!!
استمريت في طريج لحد ما شفت ليالي سود ليالي عشتها بروحي
كأني بقبر من الخنقه اللي 9 اشهر مافارقت قلبي
نصكم بيقول السالفة جايده نصكم بيقول شي عادي
بس وربي لو اقولكم ان لو اهتديت محد بيصدق هاذي انا ..
طبعا عندي حلم والكل عنده أحلام تحقق جدام عيني
هذا وانا بال9 اشهر منها استحيت من ربي والله وقلت لازم أتوب
من دخل الشهر الفضيل حسيت نفسي بإحلا ايام عمري كلها
طلعت من القبر اللي كنت فيه قمت احاتي لو ماتبت وكنت صج بقبري
شراح يصير بدون رجعه للكون وبدون رمضان الله يعيده علينا
طبعا خل أعطيكم نبذه عني اقدر اقول بالسابق لأني ماودي ارد لهالشي
مرااهقه والى الان مراهقه عمري ماتجاوز 20 في هالعمر شنو اكثر شي
يطري ببالكم يصير! حب ؟؟ اي نعم حب .. معقوله هالحب خلاني اهتدي
ولو أني ماغلطت بشي؟؟ اي والله هذا اللي صارلي
تعرفت وااايد وعرفت لكن اكثر شي كان من الانترنت والمسن والبيبي ام
بعدها قمت افكر انا بدش جامعه شلي من هالسوالف ودي امسح الكل
ويظل عندي واحد ويكون هالواحد زوجي وبس ليش اكلم واتعرف
ليش اخلي اللي يسوى واللي مايسوا يعرفني؟؟
صارت شهور .. طلعت مع وحده قريبه حيل مني من الاهل
وعلاقتي حيل معاها ومن ابتعدت عنها ارتحت !
طلعنا وانا ولا عمري واعدت غير واحد ومره وحده وهديته
لأني حسيت ماله داعي ف كان كلشي بيبي ام
واحنا طالعين قالتلي مواعده واحد حدي احبه بس تونا للحين
ومعااه صديقه وانا كنت وياها ومعاي رفيجتي
وصلنا للشباب وقفت تسولف وانا ورفيجتي نتحلطم انشالله ماتطول جذي
ولا نشوف صديق الصبي راح وخلاهم بروحهم يعني بيعيشهم قصة حب
وانا ورفيجتي نبي الزله عشان نروح رحنا بعيد عنها
خلص اليوم ردينا البيت قالتلي رفيجه حاط عينه عليج يبيج
قلتلها اسفه انا مابي اكلم قالتلي انزين ضيفيه بالبيبي
قلت أوكي انا ضايفه غيره ماراح يضر لو ضفته وياهم
صارت ايااااام وصارلي موقف اختي وبنت خالتي زفوني. عليه
خلوني امسح كل الشباب اللي عندي واخليه
أقنعوني بجملة (( بالله هذا نصيبج)) ؟؟ وليش اقتنعت لانه وايد
من أهلنا زواجهم بهالطريقه ....
وللحيني اسمع بنت خالتي واهيا تقول ماراح تخسرين شي
لو كلمتيه وربي الكلمه تررررن باذوني!!
هالكلام السنه اللي طافت
صارت سنه وحبيت الصبي وكان اخلاق لدرجه اللي خلاني احبه اكثر
يوميا يقعد الساعه 4 كنت افكر ليش سألت قال فزيت
ويوميا الساعه 4 اشوفه يكتبلي كلام
فيني فضول قعدت الساعه 4 كلمني على طول رديت
قالي يلا دام قاعده انا اروح اصلي وارد
نطرت طول دقيت ولا طلع يروح المسيد يصلي ومشي
وبروحه يقوم والله حبيت هالشي فيه!
صارت سنه نشوف بعض وكلشي
على يوم ولا اهله يدرون بينا علاقه قالهم راح تكون زوجتي
انشالله طبعا استأنست قلت ابوه ملتزم مستحيل بيظلمني
ولو انا غلطانه وحبيت ولده بتفكير الأبو ملتزم أكيد راح يستر علي
عرفت العايله عدل لدرجه بنات الخال والخال والخاله والعم والعمه
حفظتهم وكان يعطيني اكلم بنت خالته والكل درا
لكن عقب مادروا الأهل وقالهم بيتزوجها مو لعب نحب بعض
الابو قاله تخليها واحنا مانزوجك على حب ومالك شغل فيها ولا لها شغل فيك
وانا شذنبي ولدك علقني فيه ؟؟ ماقص علي كان صادق
واستأنست لما عرفت حتى الابو ملتزم لكن تصرفه خلاني اقول وين الالتزام
انك تخاف على نفسك وعيالك؟ وبنات الناس ؟ اللي تعلقت من غير قصد
وربي أني من عرفته فضيت نفسي وفيت لما دريت انه طلع خوش صبي
تأزمت تأزم ويااي 9 اشهر خاطري مكسور
واهوا 9 اشهر الله اعلم بحاله سمعت كلااااام من ناس واثقه فيهم
انه الصبي تغير من خوش صبي الى واحد ثاني يركض للحرام
اشياء تشيب للراس منها هذا اللي سمعته لكن الله اعلم
والصبي حاط بباله أماني انه يوصل لكليه يبيها ترك كلشي
ودش مجال مايبيه وانا الحمدلله تحقق مرادي..
حمدت ربي مو اهلي اللي دروا بدال اهله !
والله انصدمت من ردة فعل الابو

كل اللي ابي اوصله أني اهتديت وتبت لرب العالمين
تعلمت درس ماكو بعده دروس
لكن بموضوعي ياريت مع تعليقكم تقولولي شي ببالي ابيكم
تجاوبونه (( هل انا مظلومه ؟)) ولا على قولتهم استاهل؟؟
بس اذا استاهل !!! انا بالأساس ماكنت على نيه وضخه
وحتى أهوا وانا لي حوبه لكن تتوقعون انا كنت غلطانه؟
بتقولون لإنج كلمتيه بقولكم الشي انتها كلمته وخلاص
كل اللي بقوله أني تعذبت ولي حوبه عليهم على اللي سووه فيني
هل هذا من العدل ؟


وبس اتمنى محد يرد برد يحسسني غلطانه لانه الموضوع
من عنوانه انا اهتديت هل من ناصح ؟؟!

وشكراااا .....
​

 

[ضمة شوووق]

بصرآآحه انتي غلطانه بالاول وبنفس الوقت مضلومه

ومشاءالله عليه قال لااهله انه يبيك لان جد حبيبتي مستحيل هالايام تلقين واحد جاد..

بس جد ابوه غريب ليش مو راضي ..؟

حبيبتي اهم شيء لاترجعين للخرابيط الحمدالله ربي بعدك عنها

وماتعرفين ممكن هذا الي يصير تكفير لذنوبك
وممكن يكون بعده خيره لك ماتعرفين

حبيبتي عليك بالدعاء ..
اجلسي بروحك بغرفه وافرشي سجادتك وصلي وادعي ادعي من قلب قولي كل الي بقلبك خليك خاشعه
ابكي لربك ادعيه يحقق الي بالك

وربي انشاءالله مايخلي عبيده

التزمي حبيبتي بتوبتك
ربي وفقك ويسعدك ياارب

 

[M!Ss Un!VerSe]

حبيبتي كل اللي اقدر اقوله كلام ربج

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.

ياقلبي يمكن الله اختارلج الافضل

يمكن اهو مو من نصيبج والله فكج منه..

ولو كان ايمانه قوي وصحيح جان ما اتجه لهالدرب..

ممكن تتزوجون ويأذيج والله اعلم..

الله يوفقج حبيبتي ونصيحه بكل شي استخيري ربج..

 

[M!Ss Un!VerSe]

ورد على سؤالج:

قال الله تعالي "وَمَا ظَلَمْنَاهُـــــمْ وَلَكِنْ كَانُــــوا أَنْفُسَهُـــــمْ يَــظْلِمُــــونَ "

حبيبتي الله مايظلم عبيده كل اللي صار بيدج انتي

وانتي توجهتي لهالطريج بنفسج وانتي كنتي مخيرة.. فليش تتساءلين الحين؟

قولي الحمدلله على كل حال وابدي صفحه يديده بدون ذكريات الماضي..

الشيطان يمكن يشغلج بهالتساؤلات اللي مراح تسفيدين منها شي لو حصلتي جواب؟!

فقط اشتغلي بطاعة ربج واتركي هالأسئلة .. وقولي قدر الله وماشاء فعل،،

 

[حبي لله اشد]

حبيبتي كل اللي اقدر اقوله كلام ربج

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.

ياقلبي يمكن الله اختارلج الافضل​

يمكن اهو مو من نصيبج والله فكج منه..​

ولو كان ايمانه قوي وصحيح جان ما اتجه لهالدرب..​

ممكن تتزوجون ويأذيج والله اعلم..​

الله يوفقج حبيبتي ونصيحه بكل شي استخيري ربج..​

حبيبتي مشكوره وماقصرتي

وعدل كلامج انا قلت خيره والحمدلله افتكيت !​

بصرآآحه انتي غلطانه بالاول وبنفس الوقت مضلومه

​

ومشاءالله عليه قال لااهله انه يبيك لان جد حبيبتي مستحيل هالايام تلقين واحد جاد..

بس جد ابوه غريب ليش مو راضي ..؟​

حبيبتي اهم شيء لاترجعين للخرابيط الحمدالله ربي بعدك عنها​

وماتعرفين ممكن هذا الي يصير تكفير لذنوبك
وممكن يكون بعده خيره لك ماتعرفين ​

حبيبتي عليك بالدعاء ..
اجلسي بروحك بغرفه وافرشي سجادتك وصلي وادعي ادعي من قلب قولي كل الي بقلبك خليك خاشعه
ابكي لربك ادعيه يحقق الي بالك​

وربي انشاءالله مايخلي عبيده​

التزمي حبيبتي بتوبتك
ربي وفقك ويسعدك ياارب​

مشكوره حبيبتي اي والله هذا اللي قاعد يصير هالاايام ادعي ربي

...........................................
بس اللي خايفه منه بس يخلص رمضان يوسوس لي الشيطان لاني قبل
رمضان كنت بحاله الله لا يوريكم !
وانا خايفه ارد للحاله اللي كنت فيها
هبوط ورجفه وبس ابجي​

 

[حبي لله اشد]

ورد على سؤالج:

قال الله تعالي "وَمَا ظَلَمْنَاهُـــــمْ وَلَكِنْ كَانُــــوا أَنْفُسَهُـــــمْ يَــظْلِمُــــونَ "

حبيبتي الله مايظلم عبيده كل اللي صار بيدج انتي

وانتي توجهتي لهالطريج بنفسج وانتي كنتي مخيرة.. فليش تتساءلين الحين؟

قولي الحمدلله على كل حال وابدي صفحه يديده بدون ذكريات الماضي..

الشيطان يمكن يشغلج بهالتساؤلات اللي مراح تسفيدين منها شي لو حصلتي جواب؟!

فقط اشتغلي بطاعة ربج واتركي هالأسئلة .. وقولي قدر الله وماشاء فعل،،

اي اقول قدر الله وماشاء فعل ومو قصدي الله ظلمني بالعكس
لكن قصدي الاهل ..
وانا بس عندي الموضوع نسيته
كل موضوعي انه من هالشي قمت اتقرب اكثر من ربي
ولله الحمد​

 

[M!Ss Un!VerSe]

وبغيت اقول بالنسبه لإحساسج بالذنب

في حديث قدسي يقول فيه الله جل شأنه:
((يا ابن آدم، لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة .))

يعني لو ذنوبج كثر الارض الله بيغفرلج الا الشرك سبحانه..

وكلام دلع العتبان بالموضوع الثاني واايد مفيد جزاها ربي خير ويشرح الصدر ركزي بكلامها

ولاتنسين هالحديث:

{ كل ابن آدم خطاء وخير الخطائين التوابون }


الله يغفرلنا ويغفرلج وويوفقج حبيبتي

 

[حبي لله اشد]

وبغيت اقول بالنسبه لإحساسج بالذنب

في حديث قدسي يقول فيه الله جل شأنه:

((يا ابن آدم، لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة .))​

يعني لو ذنوبج كثر الارض الله بيغفرلج الا الشرك سبحانه..​

وكلام دلع العتبان بالموضوع الثاني واايد مفيد جزاها ربي خير ويشرح الصدر ركزي بكلامها​

ولاتنسين هالحديث:​

{ كل ابن آدم خطاء وخير الخطائين التوابون }​

الله يغفرلنا ويغفرلج وويوفقج حبيبتي​

مشكوووره حبيبتي بردتي قلبي والله انا ماحطيت هالموضوع الا لاني خايفه

و9 اشهر اللي قعدت فيهم وانا تعبانه وحزينه لانه حطيت ببالي الشي بينتهي بالحلال
لما انتهى كلشي حسيت بالغلط وقلت ياريت اقدر احلل غلطتي !
لكن الله غفور رحيم ..
وقريت كلام دلع العتبان حبيبتي ماقصرت والله صج بردتوا قلبي عسى ربي
يبرد قلبكم دنيا واخره :eh_s(7):​

​

 

[Beauty is Me]

حبوبة الملتزم

ما يماشي واحد يكلم

الملتزم ما يحط عينه بعينج

الملتزم لي شاف رفيجه يكلم يقوله انت واحد ما عندك غاريه وما تشرفني معرفتك

الملتزم ما يضيف بنت بتلفونه

الملتزم ما يخلي بنت خالته تكلم رفيجته

الملتزم مو عشان قصه حب معنها لا قصه حب ولا شي مجرد تسليه يروح للحرام

الملتزم ما يهزة شي

حبيبتي خلي عنج اوهام المراهقه ولا تتحسفين عليع

واللي يييبلج اخباره جعميه


انتي اهتديتي
والله غفور رحيم


وماكو احلا من التقليدي
بلا حب بلا خرابيط

كلامي قاسي
واعتذر

بس اناي لمن بتقعدين واحد من النوم لازن تهزينه

عدل؟؟

الله يوفقج حبيبتي

غيري خطج ولا تضيفين احد
وتأكدي الله بيعوضج بالملتزم صج

واي شي تبين دزيلي خاص حبوبه

انتي صغيره عيشي الحاضر وانسي الماضي
وانا واثقا انج مراح تردين لهالطريج

 

[محل ثقتكم]

لاقلبوو الله يثبتك لايقصصص عليكي الشيطاان انك بترجعين
تدرين ان الله فرحاان بتووبتك والله يحبب العبد التائب الله يسعدددك يااارب

 

[عاشقة هواك]

الله يثبتج خلاص انسي اللي فات

والي صارلج خيره

وقولي الحمد الله

والله يحبني

والله يوفقج وين ما تروحين واذا تبين اي شي

انا موجوده لا تستحين اعتبريني مثل اختج واكثر

 

[اميره1980]

حبوبة الملتزم

ما يماشي واحد يكلم

الملتزم ما يحط عينه بعينج

الملتزم لي شاف رفيجه يكلم يقوله انت واحد ما عندك غاريه وما تشرفني معرفتك

الملتزم ما يضيف بنت بتلفونه

الملتزم ما يخلي بنت خالته تكلم رفيجته

الملتزم مو عشان قصه حب معنها لا قصه حب ولا شي مجرد تسليه يروح للحرام

الملتزم ما يهزة شي

حبيبتي خلي عنج اوهام المراهقه ولا تتحسفين عليع

واللي يييبلج اخباره جعميه


انتي اهتديتي
والله غفور رحيم


وماكو احلا من التقليدي
بلا حب بلا خرابيط

كلامي قاسي
واعتذر

بس اناي لمن بتقعدين واحد من النوم لازن تهزينه

عدل؟؟

الله يوفقج حبيبتي

غيري خطج ولا تضيفين احد
وتأكدي الله بيعوضج بالملتزم صج

واي شي تبين دزيلي خاص حبوبه

انتي صغيره عيشي الحاضر وانسي الماضي
وانا واثقا انج مراح تردين لهالطريج

انا مع كلام الاخت 100%

و ازيد على كلامها انج مو مظلومة اسمحيلي
اكيد ابوه ما راح يرضا اتزوج وحدة متعرف عليها من الشارع
و على فكرة انتي قاعدة تقولين ان اللي كنتي تكلمينه تغير و انقلب من ملتزم الى واحد فاسد و انا اقولج العكس صحيح
هو كان فاسد من البداية بس كان يمثل عليج الشرف و الديانة علشان تطيحين في شباكه و رسمها عليج صح و الحين لمن مل منج طلع على حقيقته القذرة و هو من البداية جذي

 

[الزين 85]

الصلاة تريح القلب وتبعد الهموم وانتي يوم صليتي ارتحتي كثيييير

وصلاتج وراحتج فيها من صنع الله مو من صنع البشررر


ابتعدي عن هالطريج وربي بينور دربج وبينور قلبج وعقلج

وانسى ياقلبي ولوكان لج نصييييب فيه جان خذتيه

ابدي صفحه جديده بحياتج بطاعة الله ورسوله الكريم وابتعدي عن هالمعاااصي الي ماوراه الا وجع الرااااس

وتوج صغيره الحياة جدامج والجامعه بعد ودراستج وربي محد يسواا تضعين دراستج ومستقبلج عشانه

 

[سمراء اليل]

الحمدالله انج تبتي لربج الله ماينسا عبيده

 

[عالمي انا غير]

حبييبتي غلطانه ولا مو غلطانه هشئ انتهى وصفحة وانشقت اهم شئ انج انهديتي واسال رب العرش العظيم انه يثبتج ويوفقج بحياتج الجديدة والباقي خليه ع ربج

 

[بنت عطا]

ادعي ان الله يثبتج ولاتردين للطريق هذا*

 

[*الغاليه*]

اختي انتي موو مظلومه لانج انتي بأراتج مشيتي هالطريق اللي هذا نهايته

وابوه ماظلمج لان ماكو ابو يرضى ولده يتزوج بهالطريقه حتى لو كانت البنت شنو ماكانت
بس هذي عقلياتهم

وانتي جدامج الحياه وتوها بأولهاا واتقي الله ربج بتصرفاتج وتأكدي بيعوضج خير

وربي يووفقج ويكتبلج الخير ويثبتج على دينه


​

 

[ماريا ابنة الحي]

الله يعوضج بشخص يخليج تنسينه وتنسين طوايفه
ومايخلي عليج قاصر

انت تريد وانا اريد والله يفعل مايريد

الخيره عند رب العالمين
ماتدرين الايام الجايه شنو راح يصير

انتي بس تفائلي والله من صفاته الكرم
لاتقولين منو الغلطان ولاتشغلين نفسج بالتفكير

بس قولي كل الامر خيره والله راح يكتب لي الخير


((تفائلي )).

 

[ام الافيهات]

حبيبتي لاتتازمييين الموضووع كلة خيرا وووفييق من رب العالميين
وبعدين مدام ارح عندج مومن نصيبج وربي فكج منه ماتدرين لو كملتي معاه شبيصير
وانا مابي اتكلم ع هالمووضوع بس سالفة اني اكلم صبي كلها غلط بغلط طول عمر اهلنا يتزوجوون الزواج التقليدي وكا جوفي مستمر الزواج اما زواج حب وماحب كلششش مو نظااااااااااااامي

 

[حبي لله اشد]

حبايبي مشكورين ويعطيكم العافيه
والله كل وحده عدل كلامها الحمدلله يارب
ماقصرتوا :eh_s(17):
لكن للاسف الناس الحين تتفاخر
بشي اسمه حــب وانا ماشوف فيه لذه
سبــحان الله ان كانوا يشوفون اشياء غير عني
بس انا من صغري جذي ماحب هالشي
لكـن اسمع كلام البنات وعندهم اي شي وحده ماتكلم
ويقولولي (انتي شحلاتج مو قاصرج شي)
ليش ماتحبين ؟
يشوفون طريقتي وستايلي يظنون ظن السوء فيني على بالهم الناس كلها ماشيه بهالطريقه
وفي ناس توزني تقولي حبيبتي شلون تبين تتزوجين ؟
وانتي محد يدري فيج لازم تعرفين احد يعرفج احد !
بس انشالله ماكلم كل شباب الكويت اشوف منو نصيبي
تخــلف والله عندهم اللي قاعده اسويه غريب​