ولدي عمره شهر واسبوع عفيه الي عندها خبر لاتقصر

[أبله كويتيه]

بناااااات ولدي عمره شهر و3 ايام بظبط

المشكلللله طوولل النهار ماشااءلله ناييم احلى نومه ولا يتحرك من مكانه اسم الله عليه

كل ساعتين اغيرله حفاظ ويرد يكمل نومته سيده بس ايتريع

بس بليل من 11 و12 مادري شفيه :eh_s(2): ويتم قاعد لي الصببح مستعسر حده عكس النهار نومته حلوه

اشربه حليبه ااغيرله هدومه اغيرله حفاظ امهده ادفيه كل شي اسويله بس ماينام يبقق عينه ويقعد

يقعد شوي ويبجي يبي يشرب بعد .. عطيته شربته مره ثانيه ماكو فايده همن يبجي

انا اعطيه لي 100 بالممه واتوقع يشبعه لان بالنهار نفس الكميه وينام عادي

.....


يتريع واريحه وانومه على بطنه واعطيه ماي غريب ويانسون وحبه حلوه وقطرة غاز

كل شي اقولكم كل شي

المصيبه بالنهاار نايم نومه شحلوها بس بليل

ابي اعدل نومته شلون :bbbiu:

لو اعكسها ... لاتقولون نامي معاه بالنهار وقعدي معاه بليل

وراي بيت وريل ودوام مابقى شي وادااوم وحياه ماقدر ...

مانااااااااام كلش والله طول الليل اغفي وابطل بسرعه ... والله اختي تقولي لقيتج نايمه ومبطله عينج :ch12:

اكلمج ماتردين عبالي زعلانه مني .. قتلها انا نايمه ماحسيت فيج :eh_s(2):

عفيه الي عندها خبره لا تبخل علينا تسااعدنا

ابي اعدل نومته ... بعكسها شلووون

بجر ومتوهقه :eh_s(2):

 

[برميت]

واي بعد قلبي

اشعبالج امومه ابلاش
قصوا عليج قالولج حملي لووول
كلنا كليناها
بس ماابي احبطج لوول

بروحه راح تتعدل نومته
انا بنتي اكملت سنه و للحين تقوم بليل تتنهوص
ميخالف تحملي
ووقفي مخدرات ..لانه باجر راح يتعود عليها ماراح ينام الا لما يشربها

و حاولي تسبحينه بليل و سويله مساج بزيت الزيتون الدافي و مهديه عدل
و حطي يمه قران ..خل يسمع القران و يتعود عليه ...علشان حتى لو قام ما يبجي يقوم بروحه و يرد ينام

علشان جذي الجنه تحت اقدام الامهات
والله ماحسيت بامي الا لما جربت سهر الليالي

 

[@ام يوسف@]

اكيد بيقعد بالليل لانه شبعان نوم النهار كله نايم

 

[*ماي الورد*]

كل اليهال جذيه
على ست شهور تتعدل نومته

 

[مس ميشو]

السلام
اول شي عشان اهون عليج انا عندي توم وتخيلي اللي انتي فيه انا فيه مرتين بس الحمدالله اللحين بكملون سنتين و الحمدالله تعدلت النومه و مثل حالتج كنت احاتي شلووووون بداوم و شلون بقوم ولا ازيدج منالشعر بيت لمه اقوم حق الدوام اقول بس ارد بنام و بخليهم عند الخدامه بس من ارد من الدوام احس ابيييييييييهم و ما اقدر و اخذهم عندي انامون و الحمدالله النومه تتعدل بروحها بس اللحين انامون على الساعه ١ او ٢ و ساعات توصل ٣ ههههه و الصبح اعطيهم الخدامه و عقب اخذهم الظهر و اردون انامون
بس السالفه وما فيها يبيلها صبر شوي و كل شي بتحسينه ارد مثل اول واكثر انشاالله

 

[طيبة83]

ويييييييييييييييييييييييييييييه
نفس بنتي بالضبط
الحين عمرها ٣ شهور ونص وماتعدلت نومتها
تلاحقي روحج وعدلي نومته من الحين ولا ترا بشري بالاكتئاب وضيقة الصدر

 

[shai6ona19]

ابله حبيبتي شلوونج

والله الحال من بعضووو )=

بس انا الحين مرتاحه لان اهلي يشيلونها عني شوي اذا بغيت انام

الله يعيني لا رديت شقتي بعدين بااااااكل هواا

بس ان شاء الله اذا استقريت بشقتي بعودها علئ النظاااام بحيث اخلي نومتها الطويله بالليل وبخليها تصحصح بالنهار ولو انها بتكون صعبه في عمرها لانها صغيره لكن شوي شوي الطفل بيتعود من تلقاء نفسه على نومة الليل

ولا تنسين ان الجنه تحت اقدام الامهات وكل شي بأجره

وصج الامومه متعبه بس حيل حلوه

الله يخليلنا عيالنا ^_^

 

[أميرة طفولتي]

عادي حبيبتي شي طبيعي

الياهل يبيله فتره طويله على ماتتعدل نومته
السالفه يبيلها صبر وطووووووووووووولت بااااااااال
انا بعد بجر نفسج ومت من التعب والسهر والصدااااع
وكنت ابجي لان شي يديد علي ومو متعوده على جذي
وتخيلي بدال الاربعين يوم عند امي ظليت فوقهم شهر ونص هههههههه
لمن تاقلمت على الوضع والحمدلله عدت الفتره
الحين ولدي 10 شهور تقريبا تعدلت نومته الحمدلله بس لابد من التنهوص
تالي الليل شوي ويرجع ينام


وفي يهال ماشاءالله عليهم من 3 شهر ينامون من الليل ليييي الضحى سمته وحده
بنت خالتي اسم الله عليها جذي من كان عمرها شهرين ونص تعدلت نومتها
وقامت تنام 10 وتقوم 10 الصبح ومرات 12 الظهر
وخالتي كانت تبدلها وتشربها الحليب واهيا نايمه

الشاهد : ان كل ياهل غير عن الثاني ومانقدر نعطي عمر معين
نقولج بهالعمر بالضبط راح تتعدل نومته
بس عموما غالبية الاطفال من 3 شهور تتعدل النومه

 

[Fashion Falls]

في يهال اهم طبيعنهم جذي نهارهم ليل وليلهم نهار مو منج انتي
الله يشفع لح حبيبتي

 

[hooryah q8]

كل اليهال جذي حبيبتي شي عادي نومته تتعدل ابروحها
بس انتي اذا قعد بليل دهني بطنه زيت زيتون دافي و ان شاءالله ما يأذيج

 

[يارب احفظ عيالي]

شي طبيعي تقريبا كل اليهال جذي ماتقدرين تعدلين نومته الحين توه صغير الله يخليه ويبلغج فيه يارب

 

[أبله كويتيه]

الله يسلمكم بناات ماقصرتواا بعد عمرري

 

[أبله كويتيه]

كل اليهال جذي حبيبتي شي عادي نومته تتعدل ابروحها
بس انتي اذا قعد بليل دهني بطنه زيت زيتون دافي و ان شاءالله ما يأذيج

بجرب زيت الزيتوون تسلمين حيااااتي

 

[أبله كويتيه]

عادي حبيبتي شي طبيعي

الياهل يبيله فتره طويله على ماتتعدل نومته
السالفه يبيلها صبر وطووووووووووووولت بااااااااال
انا بعد بجر نفسج ومت من التعب والسهر والصدااااع
وكنت ابجي لان شي يديد علي ومو متعوده على جذي
وتخيلي بدال الاربعين يوم عند امي ظليت فوقهم شهر ونص هههههههه
لمن تاقلمت على الوضع والحمدلله عدت الفتره
الحين ولدي 10 شهور تقريبا تعدلت نومته الحمدلله بس لابد من التنهوص
تالي الليل شوي ويرجع ينام


وفي يهال ماشاءالله عليهم من 3 شهر ينامون من الليل ليييي الضحى سمته وحده
بنت خالتي اسم الله عليها جذي من كان عمرها شهرين ونص تعدلت نومتها
وقامت تنام 10 وتقوم 10 الصبح ومرات 12 الظهر
وخالتي كانت تبدلها وتشربها الحليب واهيا نايمه

الشاهد : ان كل ياهل غير عن الثاني ومانقدر نعطي عمر معين
نقولج بهالعمر بالضبط راح تتعدل نومته
بس عموما غالبية الاطفال من 3 شهور تتعدل النومه

عاااد اناا كلش ماعندي طوولت بااال

مااشاالله خالتج ماتبدل ماتعطينا بنتها لوول

الله يخليها لها انشاالله ويخلي لج وليييدج ويبلغج فيه ياررب مااقصرتي

 

[أبله كويتيه]

ابله حبيبتي شلوونج

والله الحال من بعضووو )=

بس انا الحين مرتاحه لان اهلي يشيلونها عني شوي اذا بغيت انام

الله يعيني لا رديت شقتي بعدين بااااااكل هواا

بس ان شاء الله اذا استقريت بشقتي بعودها علئ النظاااام بحيث اخلي نومتها الطويله بالليل وبخليها تصحصح بالنهار ولو انها بتكون صعبه في عمرها لانها صغيره لكن شوي شوي الطفل بيتعود من تلقاء نفسه على نومة الليل

ولا تنسين ان الجنه تحت اقدام الامهات وكل شي بأجره

وصج الامومه متعبه بس حيل حلوه

الله يخليلنا عيالنا ^_^

هلاا

هلا وغلاااااااا بالطش والرش وماي الورد بالاقرش

شلووونج

اي والله الاامومه متعبه

انتي ماشاالله اهلج موجودين

انا تدرين الوالده الله يرحمها وكله شباب بالبيت


انا باجر برد بيتي وادري بطق صبع

 

[أبله كويتيه]

السلام
اول شي عشان اهون عليج انا عندي توم وتخيلي اللي انتي فيه انا فيه مرتين بس الحمدالله اللحين بكملون سنتين و الحمدالله تعدلت النومه و مثل حالتج كنت احاتي شلووووون بداوم و شلون بقوم ولا ازيدج منالشعر بيت لمه اقوم حق الدوام اقول بس ارد بنام و بخليهم عند الخدامه بس من ارد من الدوام احس ابيييييييييهم و ما اقدر و اخذهم عندي انامون و الحمدالله النومه تتعدل بروحها بس اللحين انامون على الساعه ١ او ٢ و ساعات توصل ٣ ههههه و الصبح اعطيهم الخدامه و عقب اخذهم الظهر و اردون انامون
بس السالفه وما فيها يبيلها صبر شوي و كل شي بتحسينه ارد مثل اول واكثر انشاالله

واااي الله يعينج ويخليهم لج ياارب

انشاالله تتعدل الله يسمع منج

 

[أبله كويتيه]

واي بعد قلبي

اشعبالج امومه ابلاش
قصوا عليج قالولج حملي لووول
كلنا كليناها
بس ماابي احبطج لوول

بروحه راح تتعدل نومته
انا بنتي اكملت سنه و للحين تقوم بليل تتنهوص
ميخالف تحملي
ووقفي مخدرات ..لانه باجر راح يتعود عليها ماراح ينام الا لما يشربها

و حاولي تسبحينه بليل و سويله مساج بزيت الزيتون الدافي و مهديه عدل
و حطي يمه قران ..خل يسمع القران و يتعود عليه ...علشان حتى لو قام ما يبجي يقوم بروحه و يرد ينام

علشان جذي الجنه تحت اقدام الامهات
والله ماحسيت بامي الا لما جربت سهر الليالي

ههههههههههه شفتي شلوون

حلووه مخدرات

انشاالله بوقفها ومشكوووره بعد قلبي

 

[shai6ona19]

هلاا

هلا وغلاااااااا بالطش والرش وماي الورد بالاقرش

شلووونج

اي والله الاامومه متعبه

انتي ماشاالله اهلج موجودين

انا تدرين الوالده الله يرحمها وكله شباب بالبيت


انا باجر برد بيتي وادري بطق صبع

هلاا فيج ياقلبي انا بخير دامج بخير
شكلها بدت سهرتج قاعده الحين خخخخخخخخخ

ع البركه بكره بتقر عينج بشوفة الغالي

انا باقيلي 13 يوووم
مادري ودي ارد وماودي
ودي ارد لان مشتاقه لزوجي

وماودي ارد لان عارفه بنتي بتعبني هناك اكثر

يالله عقباااال مايصير عمر عيالنا سنه ويريحونا ^_^

 

[@همس المطر@]

حبيبتي كلنا مرينا بنفس المشكلة بس الحمد لله باجر يكبر بسم الله علية ويتعدل بس حاولي تفكين مهادة وتخلينه ماينام كثير بالنهار وبالليل روشي قبل النومة ودهنيه بزيت زيتون
والله يسلمة لك

 

[والله مادري]

الله يعينج ويعنا انا بعد معاناه صراحه بليل والنهار ومادري متي تتعدل النومه المشكله انا يقعد يتعصر من الغازات تكرمين والله يتعصر لدرجه تكسر الخاطر بليل والنهار الدكتوره 3 شهور وتتعدل النومه والله كريم