تجمع امهات مواليد شهر 7 و 8 لسنة 2010

[عاشقة لندن]

برميت

ماشاءالله خوش دراريع عليكم بالعافيه

وحتى القرقيعان ماشاءالله حيل حلووو


ايمانووو حلوه

ياحلووو دراعت رهوووفه اتهبل

الله يعودكم كل سنه بالصحه والعافيه

 

[برميت]

مريم
الله يعينج ويعينا عالدلع ...
انا تو بدا بطني يبرز ودلعها وزعلها وحبها مايطلع الا على
بطني حتى لعبها ونومها هههههههه ...

متعلمه مسكي ايدي وافتري فيني بالغرف بالصاله لاا وهي اللي
اتوديني المكان اللي تبيه ،، زين امشي بروحج ماكو يا انتي يا ابجي

وبس تشوف الايفون تبجي حطي العاب ،، او احط اوبريت او مسرحيه
واذا شافت ايبود اخوي ناشبته واذا عطاها وياب البلاي ستيشن قطت اللي
بيدها وراحت ناشبته ..

الله يعيني انا لي اسبوع في بيت اهلي وبرجع شقتي الله يعين ...

فلافل
جنج تتكلمين عن كوكتي
نفس الشي بالضبط ..بس تبيني افتر فيها من دار لي دار زنقه زنقه:d
بس الكلبه الحين صايره اتينن بس تقلد ..اقولها كيفي و احط صبعي على راسي ..تقلدني و تسويها
و اقول امبيه و احط ايدي على خدي ..قامت تقلدني
و لما اعطيها حمرا ..تحطها على حلجها و تطبق براطمها
و لما اعطيها فرشه البودر تحطها على خدودها
وااي الحين احسن عمر حدها تونس و تشوق اسم الله عليها
و لما اصلي تقعد يمي و تسجد
واايد بنتي كلبه مو اشويه لوول
سوت اكتساح بقلبي مافي مكان حق احد غيرها ..الله يحفظها من كل شر

 

[برميت]

براون الله يعينج والله
وانا بعد ماقدر اييب خدامه واخلي بنتي عندها وانا مادري
شتسوي ماتسوي فيها ):
كلامج عدل والله ..
وبيت اهلي يبيلي نص ساعه طريج ،، هذي قسايم الحكومه
يقطون الناس اخر الدنيا ...

برميت اييييييه من زمان ودي اسمع هالراي ،، ابي احد يقولي
عدل اللي سويته ،، انشاالله اربي خوخه واللي ياي بالطريج ويدشون
الروضه ولاحقه عالدوام ... نفس ماسوت امي توظفت على كبر وابوي متقاعد
وعيالها كبار ماعندها الا اخر العنقود بالابتدائي تجابله لما اترد وينام على نومتها
بالليل ويقوم معاها الصبح....

فلافل قبل كل شي استخيري احسن
و الخيره فيما اختاره الله

 

[برميت]

برميت

ماشاءالله خوش دراريع عليكم بالعافيه

وحتى القرقيعان ماشاءالله حيل حلووو


ايمانووو حلوه

ياحلووو دراعت رهوووفه اتهبل

الله يعودكم كل سنه بالصحه والعافيه

وااي عشووقه شخبارج والله اشتقنالج :eh_s(7):
بعد قلبي عيونج الحلوه :eh_s(17):

 

[•Brown•Sugar•]

تعرفوووون طلع صج سالفه ان حليمه مسقطه
شفت مكالمتها للراي تقول ماتت البيبي ببطنها
الله يكون بعونها عاد اهي بالثامن

اهي تستهبل
عيل حامل وبطنج مترين جدامج وتطلعين تقدمين برنامج
ولااااااابسه كعب 30 سانتي ليش؟؟؟؟
وماتبي الناس تصكها عين بعد
الله يعوض عليها وان شاءالله تاخذ هذا درس
ان ماتهتم بالمظهر وتحط بالها ع صحتها

 

[عاشقة لندن]

وااي عشووقه شخبارج والله اشتقنالج :eh_s(7):
بعد قلبي عيونج الحلوه :eh_s(17):

تشتاقلج العافيه ياقلبي

الحمدلله بخير انتي شخبارج؟

وشخبار شيوخه الحلوه ؟

 

[فلافل وبطاط]

غنوه مو خوش بشاره ... انا حزتها كافي مجابل البيبي
وين لي خلق دلعها هههههههههه الله يعينا
ويحفظهم لنا ...

وحليمه الله يعوضها خير ورايي من راي براون بعد كل هالسنين
وبصير عندي ظنا والله ماتسوا اكسر ظهري بكعب ووقفه بالبرنامج
وجدام عيون الناس ...

حتى ماحطت كرسي وتمت قاعده مع الضيوف ،، هي اللي متسببه
على روحها ...

برميت الله يخلي كوكتج ويخلي خوختي ... انا بعد صايره تموت عالحمره
خواتي علموها ...
بس مابلشت تقليد امبلشه عياره ههههههههههههه

 

[ملوكـه]

مرحباااااااا

سؤال على السريع

يصير البس ولدي دشدااشه بالعيد .. > طبعا عمره سنه

ناويه اشتري له بدله .. بس اختي اتقول احلى للولد دشداشه ..
مع انه مايمشي ويمكن اتضايقه ......


شراااااااااااااااايكم ؟؟؟؟؟؟؟

 

[AVE.NJ]

مرحباااااااا

سؤال على السريع

يصير البس ولدي دشدااشه بالعيد .. > طبعا عمره سنه

ناويه اشتري له بدله .. بس اختي اتقول احلى للولد دشداشه ..
مع انه مايمشي ويمكن اتضايقه ......


شراااااااااااااااايكم ؟؟؟؟؟؟؟

حياج الله ملوكه
عادي لبسي ولدج دشداشه وبعدين غيري له البدله اللي تبين
انه ولدي بلبسه دشداشه ودقله
وبعدين بلبسه بدلته واذا مامداه بلبسه بعيد ميلاده
وعساج من عواده

 

[مشاعر فياضة]

مشالله بنتي تمت السنه من مواليد 31-7-2010

 

[ايمانو حلوة]

ثانكيوو عشوووقة

 

[مريم ص]

قوه ملوكه
حبيبتي لبسي ولدج دشداشه و سلم قلبه
راح يطلع ازقرت و اشتريله غترة و اعقال تلقينهم بسوق الديرة لليهال حجمهم صغير و امخيطين مع بعض
و لا تنسين البوك حق الفلوس



عاد انا بنتي دانه شريت لها بدله معاها جنطه كشخه
بنتي بتصير ماك شكن
هههههههههههه

 

[غنوة ستايل]

مرحباااااااا

سؤال على السريع

يصير البس ولدي دشدااشه بالعيد .. > طبعا عمره سنه

ناويه اشتري له بدله .. بس اختي اتقول احلى للولد دشداشه ..
مع انه مايمشي ويمكن اتضايقه ......


شراااااااااااااااايكم ؟؟؟؟؟؟؟

دشداشه احسن
وحطي تحتها السروال الطويل واذا تضايق رفعي الدشداشه وربطيها له مثل الصبيان الكبار ههههه
وخليه يزحف نفس ولدي

 

[برميت]

تشتاقلج العافيه ياقلبي

الحمدلله بخير انتي شخبارج؟

وشخبار شيوخه الحلوه ؟

بخير يا قلبي
و شيوخه تهبل تينن بعد قلبي حشاشه يوفي :eh_s(22):

 

[فلافل وبطاط]

فديت الشيوخات والله ...

وياحلو الصبيان بالدشداشه ،،
غنوه ومنج نستفيد ،، خوختي ماتمشي بس بلبسها
نفنوف وحزة الغدا بدله ... شلون اربط النفنوف ههههه

عساكم من العايدين والفايزين كل سنه يارب ..

 

[برميت]

امس وديت كوكاتي الطبيب ..مافيها شي بس بجيك عليها قبل لا اطعمها
وااي انزرعت و انا انطر لاعت جبدي ..رحت عند خالد السعيد
شاف وزنها زايده بس كيلو بشهرين وزنها 8
بس طولها وايد زين
و شاف ريولها و قالي تمشي قلت له بس على الفراش و على القنفات تخاف تمشي على الارض
و رد قالي بنتج حييل ضعيفه ..ما تاكل ؟؟
قلت له تاكل و تخربط و اللقمه الي بيدي تسحبها ...
و كانت متعسره لما كنت عنده ..كانت تبي تلعب بجنطتي ..و خليتها علشان تسكت ..فشلتني
جان يقولي غلط جذي قاعده تتحكم فيكم ..قلت له علشان تسك اعطيها الي تبي ..قالي خليها تبجي شنو بيصير ؟؟
قلت له راح تسكر من البجي .. قال خل تسكر عادي ..علشان تتعلم ..لانه كل شي تبيه تاخذه بالصراخ

و قالي قوي قلبج علشان تربينها عدل ..و اخذي اجازه اسبوع و خليها تنام بدارها ليش تنام بدارج !!!؟؟؟؟
مادرى انها هاليومين تنام بفراشي


عاد امس كوكا الكلبه تغافلتني و مشت انا من الفرحه صرخت بنادي ريلي جان تقعد

 

[•Brown•Sugar•]

ساعدوا عيالكم ع المشي انا كنت 24 ساعه ماسكتها من ايدها وامشي معاها
واتغافلها واهد ايدها وترد بسرعه تدور ايدي لوول وتعلمت ع المشي بسرعه ماشاءالله
ماكنت البسها جوتي ماتعرف تمشي فيه بس دلاق واخليها تمشي ع الزوليه
اسم الله عليها صارلها شهر الحين تمشي بروحها وتصعد الدري
فديت قلبها بعد اهي مافيها عافيه وايد يعني الوزن ساعدها تطير بدال المشي لوول

 

[ام زاكي]

ازمه المشي حق الجاهل يتعب نفسية اهله خاصه ايام الي يحبي ويوقف بس ناقصه المشي

وحلات الجهال بثياب العيد يمشون تضيع الكشخه بالحبي

الله يعيده علينا وعليكم بصحه وعافيه

 

[AVE.NJ]

برميت انه دكتورتي من زمان قايله لي خليه يبجي بليل ولا تعطينا حليب بليل واذا بجى خليه يبجي والله تعلم ولدي بس برمضان اخترب قام يسهر واذا نام وقعد علشان انومه اعطيه حليب فتعلم كل مابجى عطيته حليب وادري غلط لانه ولدي اسم الله عليه متين وعرضه للسكر لانه ابوه فيه بس شسوي مااقدر اسويله شي

 

[AVE.NJ]

بنات شنو تريقون عيالكم ؟
انه ولدي اعطيه صمون مع جبن كرافت ومربى وايد يحبه ويبجي واخاف يصير فيه سكر والدكتور منبهني سمنه ويحب السكريات بطريقه رهيبه
اتصدقون اذا شاف القطايف واللقيمات يبجي الا يبيه ومايسكت الا تعطوني يحب الشيره
انه اليوم حاولت معاه بيض مايبيه وجان اعطيه كورن فليكس قطه الا يبي جبن ومربى
ابي اريقه شي يستفيد منه ومافيه سكر