تعالي قوليلنا تجربتج مع كامرتج :: دليل الكاميرات ::

[د.شريفة]

كامرتي حبيبتي كانون

مواصفات الكاميرا
14 ميجا بكسل
14x زووم
الشاشة 3 انش
تصوير فيديو HD
نوع الذاكرة SD , MMC

المخارج
HDMI
USB

خذيتها من سنة تقريبا ب110 دينار

هذه الكاميرا


وهذه بعض اللقطات منها
تصويرها روعه بنظري




اهم شي انها صغيره وخفيفه وين ما اروح اخذها معاي

 

[د.شريفة]

 

[JBRNI AL-W8T]

خووش موضوع


هذي كانت عندي قبل الصراحة ماعجبني ولا شي فيها غير لونها
فلاشها حيل قوي وتصويرها يجكر ويغير الشكل لوول
وان صكرت الفلاش تطلع الصورة مهزوزة واستعمالها معقد :/

وهذي كامرتي الحالية

فرررق بينها وبين اللي قبلها
تصوريها عجيب اينن ومجكنمه واستخدامها سهل مو معقد :/

وهذي مميزاتها :-
تعتبر IXUS 130 النحيلة هي أصغر IXUS حتّى اليوم، فيبلغ حجمها رقماً قياسيّاً وهو 17.8 ملم. ويتوافر هذان الطرازان بأربعة ألوان .

مزايا مسلية وسهلة الاستخدام:
تميّز كل من IXUS 130 و IXUS 105 بمجموعة مميّزة من المزايا السهلة الاستخدام التي تبسّط عمليّة التقاط الصورة. ويتميّز الطرازان بعدسة تقريب4x بزاوية واسعة 28 ملم، ما يتيح وضع الجميع ضمن الإطار أو الزوم للتقريب.

تقدّم IXUS 130 أيضاً طرقاً مسليّة وإبداعيّة لالتقاط الصورة المثاليّة، فتكفي ابتسامة أو غمزة بسيطة من العين لإطلاق المغلاق عندما تكونون في الوضعيّة المثاليّة.

يتميز الطرازان بمجموعة من المزايا الذكيّة والبسيطة التي تتيح التقاط صور بدون مشاكل. ويتولّى Smart Auto بالتعاون مع تقنيّة رصد المناظر الانتقاء التلقائي للترتيبات المناسبة لالتقاط 18 لقطة مختلفة في طراز IXUS 105 و22 لقطة في طراز IXUS 130 .

بالإضافة إلى ذلك، فإنّها تتضمّن مثبّتاً بصريّاً للصورة وتقنيّة رصد الحركة التي تعاكس تأثير ارتجاج الكاميرا وحركة موضوع التصوير.

حركة وأضواء:

يقدّم الطرازان نمط تصوير الأفلام، ما يتيح التقاط مشاهد متحرّكة بالإضافة إلى الصور الفوتوغرافيّة. ويسهل مشاركة لقطات الفيديو عبر الإنترنت وذلك بفضل وظيفة التحميل على موقع يوتوب في البرمجيّات المضمّنة، فيما أنّ IXUS 130 تقدّم أيضاً لقطات عالية التعريف يمكن مشاهدتها برفقة الأصدقاء على تلفزيون عالي التعريف.

IXUS 130 - المزايا الأساسيّة:

• IXUS بشكل معدني نحيل جدّاً

• 14.1 ميغابكسل

• زاوية واسعة 28 ملم، زوم 4× مع تثبيت صورة بصري

• شاشة PureColor LCD II قياس 2.7 بوصة (6.9 سم)

• نمط تصوير Smart Auto مع تكنولوجيا رصد الوجه. تعليمات وإرشادات.

• أفلام عالية التعريف، وصلة HDMI

IXUS 105 - المزايا الأساسيّة

• IXUS نحيلة و12.1 ميغابكسل

• زاوية 28 ملمتراً، زوم 4x مع تثبيت صورة بصري

• شاشة PureColor LCD II قياس 2.7 بوصة (6.8 سم)

• نمط Smart Auto و Smart Flash Exposure

• تكنولوجيا رصد الوجه، التوقيت التلقائي للوجه وتصحيح الإحمرار في العين





وهذي من تصويري

 

[هدوء العالم]

موضووووج حلو مثلج سارونة

ومفيد حق البنات إلي بيشتغلون معانا بالمهنة أو الهوااااية ههههههههه

وهذي كاميرتي Canon D550

مواصفاتها :
السعر 288 دينار مع العدسه 18-55 بمانع إهتزاز في اليوريكا
الوضوح 18 ميغا بكسل
حجم مستشعر الصور (السنسور)K 22.3x14.9mm
نوع مستشعر الصور هو CMOS
أقصى مساحه للصوره هي K5184x3456
نسبة الفرق بين طول وعرض الصوره 3:2
عدد نقاط الفوكس 9
معامل الإقتصاص 1.6
تقبل العدسات من نوع EF و EF-S
تصور بنوع JPEG, Raw+ فيديو
مدى الأيزو من 100 إلى 6400 (و يصل لـ 12800)
سرعة الغالق من 30 ثانيه ل4000 جزء من الثانيه
عدد الصور التي يمكن إلتقاطها في الثانيه الواحده هي 3.7 صوره
أقصى سرعه للفلاش المدمج هي 200 جزء من الثانيه
مانع للإهتزاز غير موجود بالكام و تدعمه العدسات
توجد خاصية العرض الحي
الشاشه مكونه من 1040000 نقطه << وااااضحه
تقبل هذي الأنواع من الذواكر SD, SDHC & SDXC
أبعاد الكام K128.8x97.3x62mm
وزن الكام 530 جرام


فيديوهات :

( http://www.youtube.com/watch?v=C2VbOtr8-58 )


( http://www.youtube.com/watch?v=l1nTppzK_rw )

بصراحة أسهل وأكثر مماتتوقعون الكاميرا مافيها تعقيدات

 

[بارونة الطفوله]

آآمبـــــــــــــيه بنـــــــــــــآآتـ موضوووعكم جا بوقته

آآنـــــــــآ احب التصويير وجذي بس كله من الفوون تصويري

ولا مره صورت من كاميرا ..

وبعد فتره باشتري كاميرا انشالله .. فشنوو تنصحووني فييه .. ؟؟؟

وجم السعر لا هنتوا بنــــــــــــآآــت

 

[نتوفه]

موضوع جمييييل
ناطره اشتغل عشان اشتري
Canon 550D

 

[q.u.e.e.n]

اب اب اب

فديتكم على الموضوع انا بشتري كاميرا احترافيه مادري شنو اخذ وتوني مبتدئه ابي شي سهل وتصوير والوان حلوووه

 

[s1990]

بواسم

اذا تبين كام حجمها خفيف عندج مثل كام د. شريفه
انا شايفه تصويرها ماشاءالله حلو
وفي وايد مثل هالحجم استخدمت قبل من سامسونج ومن كانون
ان شاءالله البنات يتكلمون عنهم أكثر
وفي الكاميرات اللي اكبر شوي مثل كامي وكام هدوء العالم
هذي كامرات بداية الاحتراف سعرها بين الـ200 والـ300


Nanoosa

تسلم ايدج يا نانوسه على التقرير الحلو
اللي اعرفه عن هالكام انها جديده مو من زمان نازله
وانها تحديث حق الكام canon 1000D
والقديمة 1000D ماكانت تصور فيديو :eh_s(10):
ان شاءالله بدورلج بالنت شنو سبب هالمشكلة

بس ماشاءالله وايد عجبتني صورة الثعبان :eh_s(15):

 

[s1990]

د. شريفه

تسلم ايدج عالتقرير :eh_s(7):
الصور ماشاءالله حلوين
والكام زومها قوي ماشاءالله :eh_s(15):
هالكام تفيد الناس اللي مايبون شي ثقيل


JBRNI AL-W8T

اكيد بيكون في فرق بين الـcanon والـ OLYMPUS
OLYMPUS مو قوية وايد وهالكام 7 ميغابكسل
زين انج غيريتها والحمدلله عجبتج النتيجه :eh_s(15):

الصورة حلوة .. عجيب الغروب
بس احسها شوي مو واضحه من جامة السيارة يمكن

ثانكيو اقييين :eh_s(7):

 

[s1990]

هدوء العالم
نوووورتي :eh_s(9):
عيونج الحلوه :eh_s(7):

كامج ماشاءالله خطيييره الله يهنيج فيها يارب
تسلم ايدج عالتقرير
الكام اليوم شفتها بالجريدة 21-8-2011
بـ268 مع عدسة 18-55
بعد شوي بنزل لكم صور العروض


بارونة الطفولة
انتي مثلي قبل كله اصور بالفون
تابعينا وان شاءالله تلقين الكام اللي تناسبج
عموما الكل ينصح بكامرات معينه للمبتدئين بالكامرات الاحترافية مثل
Nikon D3100
Nikon D90
Canon 500
Canon 550


نتوفه
ان شااااااءالله تشتغلين ياااارب :yaaaaaarb: وتشترين الكانون بأول معاش :yaaaaaarb:


q.u.e.e.n
حياج الله قلبون نورتي الموضوع
ومثل الكلام اللي قلته حق بارونة :eh_s(15):

 

[s1990]

عروض وكيل كانون اليوم بالجريدة 21-8-2011

 

[بواسم]

شكرا حبوبه ماقصرتي انا اليوم رحت كذا مكان كنت باخذ فكره

كام 550 كانت عند ذبست وعند الغانم 268 دك وعليها فاوتشر 20 دك

يعني تشترين معاها بنفس السعر شغلات ب 20 دك

وعند الساير نفس السعر بس بدون فاوتشر

بس البياع عند الساير نصحني بكام ثانيه وقالي وايد زينه وهي sx30is

وفعلا شفت تصويرها وايد حلو واضح وسعرها عندهم وعند ذبست 171 دك

صراحه احترت وقلت اول استشيركم شنو الافضل لان انا ابي استخدمها لتصوير بضاعتي

يعني اصور الملابس واحطهم بموقعي . ابي رايكم فيها وشنو تنصحوني اخذها ولا ما اخذها ؟

 

[emynice]

بنات انا رحت اليوم يوريكا بشتري كانون 600d .. لقيتها 446 دينار ..
بنات وين القى ارخص من يوريكا

 

[Rawonah]

ونااسه انا كنت محتاره اشتري كانون ولا نيكون
وانتو فدتوني مشكورين
ويعطيكم العافيه

 

[Lédy LoOlà]

الموووضوع يهبل وفي وقته .. الله يعطيج الف عافيه
=)
لي باك إن شاء الله ..~

 

[s1990]

شكرا حبوبه ماقصرتي انا اليوم رحت كذا مكان كنت باخذ فكره

كام 550 كانت عند ذبست وعند الغانم 268 دك وعليها فاوتشر 20 دك

يعني تشترين معاها بنفس السعر شغلات ب 20 دك

وعند الساير نفس السعر بس بدون فاوتشر

بس البياع عند الساير نصحني بكام ثانيه وقالي وايد زينه وهي sx30is

وفعلا شفت تصويرها وايد حلو واضح وسعرها عندهم وعند ذبست 171 دك

صراحه احترت وقلت اول استشيركم شنو الافضل لان انا ابي استخدمها لتصوير بضاعتي

يعني اصور الملابس واحطهم بموقعي . ابي رايكم فيها وشنو تنصحوني اخذها ولا ما اخذها ؟

سوري ع التأخير بالرد

رديتلكم بعد زحمة رمضان والعيد :eh_s(7):

مادري اشتريتي الكام ولا للحين

الـ550 زينه وقويه
بس يمكن انتي تناسبج الـsx30
للامانه انا مااستعملتهم بس شفت عنهم بالنت

هذي صفحة كام الكانون SX30 is
http://www.dpreview.com/products/canon/compacts/canon_sx30is

وهذي صور من تصوير الكام اذا تحبين تعرفين اكثر عن الكام :eh_s(7):
http://www.dpreview.com/galleries/4397835250/photos/1358633/moon1


على فكرة الكام عدستها ماتتغير بس شاشتها عجيبه

 

[s1990]

بنات انا رحت اليوم يوريكا بشتري كانون 600d .. لقيتها 446 دينار ..
بنات وين القى ارخص من يوريكا

شنو العدسة اللي معاها ؟
جيكي هالصورة حطيتها فوق

عند وكيل كانون مع العدسة الاصلية بـ 336 دينار
ومع عدسة 18-135 بـ 418 دينار :eh_s(10):

 

[s1990]

جبتلكم اسعار الكاميرات بالعيد :eh_s(9):

عند اكس سايت

الكانون 1100دي مع عدسة 70-200 او 70-300 مو مبين عدل
بـ 238 دينار

نيكون دي90 بـ 290 دينار
مادري جنه من غير عدسة لانه حاطين الصورة بس البودي :eh_s(10):

نيكون دي7000 بـ510 دينار
نيكون دي3100 بـ200دينار << شريتها 3 شهور تقريبا بـ230 :eh_s(10):
نيكون دي5100 بـ269 دينار

***


عند A.A.B

كانون 550دي مع العدسة الاصلية + ميموري 4 جيجا + ترايبود بـ 259.950
يعني 260

نيكون دي5100 مع العدسة الاصلية وميموري 4 جيجا وترايبود نفس السعر بـ 260


***


عند جيان

كانون 1100 دي مع ميموري 4 جيجا وكوبون مشتريات 20 دينار بـ 203 دينار

حق محبين الكاميرات الخفيفة :rerrerek:
canon IXUS 300 HS
بـ80 دينار

 

[Şhώasha . . ~]

- اسم الكاميرا وصورتها
سوني 230a آو sony230a

- معلومات عن الكاميرا من مواقع مفيدة
سوني ألفا 230 ميزات

10.2 mp مع مستشعر aps - c
الحساسية : Iso 100-3200
40 نقطة التعرض المصفوفة
دينامية المدى الأمثل (dro) لضمان التعرض جيدة عالية التباين في المواقف
30s سرعة مصراع الكاميرا -- 1/4000s
bionz المعالج
تنظيف الغبار من أجهزة الاستشعار
في الجسم لتحقيق الاستقرار
9 نقطة (مع المركزية الصليب) نظام af
وضع liveview
اطلاق النار المستمر : 2.5 إطارا في الثانية
7 الأنماط الإبداعية ، مشاهد 6 و 3 طرق للبرمجة
مخرج hdmi
2.7 "شاشة lcd (690000 بكسل)
أجمل واجهة ملونة من الكريستال السائل (مع اختيار مواضيع الألوان 4)
على الشاشة دليل تعليمات
الوزن : 450g

بالانقليزي :
Sony alpha 230 features

10.2 mp with aps-c sensor
sensitivity: 100-3200 iso
40-point exposure matrix
dynamic range optimization (dro) to ensure good exposure in high-contrast situations
shutter speed 30s – 1/4000s
bionz processor
dust-cleaning of the sensor
in-body stabilization
9-point (with central cross) af system
liveview mode
continuous shooting: 2.5 fps
7 creative styles, 6 scenes and 3 programmable modes
hdmi output
2.7″ lcd screen (690,000 pixels)
nicer lcd color interface (with a choice of 4 colour themes)
on-screen help guide
weight: 450g

الموقع :
http://ylovephoto.com/en/slr/sony/sony-alpha-230/
- معلومات عن الكاميرا من استخدامج انتي .. شنو انطباعج عنها .. كتبييي
الكاميرا سهله وايد وايد وايد بدرجه محد يتصورها .. يعني اللي يمسكها مره مرتين خلاص يتعود عليها
احبها وايد مثل بنتي ..
مب عقده كلش .. وايد حسيتها مرتبه .. بس عقبها مالعنت خامسها مسكينه صارت امحق مرتبه .. مسكينه وايد طاحت بس ماتأثرت عكس الكانون تطيح مره مرتين بعدين تروح فيها .. لاحظت ان مو وايد ناس عندهم سوني كله ياكانون يانيكون .. لان اصحاب هالكام مميزين
لاني منهم ’آحم آحم ..
تقريبا هاي انطباعي عنها

- مميزات وعيوب الكاميرا من وجهة نظرج
عيوبها اغراضها اكثر شي تلقينهم بفيرجن و فيرجن مالت عليهم غاليين اسعارهم وايد عاليه .. هاي المشكله ومب كل شي متوفر بالدول الخليجيه لهالكام يعني لازم ياتطلبين من النت يا تحوسين حوسه او تسافرين برع
هالشي اللي مضايقني ..!!
والعدسات وااايد غاليه .. في عدسات تفي بالغرض واسعارها جداً حلوه بس المشكله ان يخلصون بسرعه وايد ياخذون منهم يعني لاييت عقب يومين على ماخذ المبلغ واقرر بيني وبين نفسي القاها مخلصه انا مادري عنكم بالكويت بس بالدوحه بسرعه تخلص عندنا !
تقريباً هاي العيوب مادري بالضبط
- صور من تصوير الكاميرا ( من تصويرج انتي)
على فكره هذي مب احلى ماعندي بس طخيت اي شي ع السريع لان فيني النوم









وبس

- من وين أخذتي الكاميرا \ التاريخ \ السعر << هالنقطة بتفيد واااايد ناس
فيرجن لاندمارك (قطر) .. 10\7\2010 صار لها سنه بعد عمري .. 2099 ريال قطري يعني 175 دينار كويتي بس نقصوآ ريال (مع العدسه الاصليه بس)
- وأي شي بعد تحبون تضيفونه عن الكاميرا
آنصحكم فيها بس مب نفس الاصدار ايدد . يعني فيه الاحرتافيه بمعنى الكلمه في ازار يديده جنها نيكون بس غاليه وايد يعني انصحكم اول شي . اللي نفس مالتي او 280 او 300 او 330 او 350 كلهم زينين و 900 بعد هذي خاطري فيها جربتها وكانت فالتوب

وسويت اقتباس عشان ماخرج عن اطار الموضوع وعجبتني فكره الموضوع خصوصا في وايد يسئلون عن الكاميرات .. وعلى فكره حبيت اوضح اي وحده تبي تستفيد مب بس تجوف الصور وتحكم ع الكام بالعكس تصويرج اهو اللي يحكم مب تصوير الشخص نفسه ع الكام

 

[شقاوتي غير]

موضوع مفييد

يسلمووووو