- إنضم
- 6 يوليو 2007
- المشاركات
- 13,898
- مستوى التفاعل
- 2
- النقاط
- 0
قوه حبايب قلبي اليوم حبيت نغير الجو شوي و نستانس شوي و نفرفش ونسولف بكل الي مو عاجبنه و نقول راينه و بطريقه كوميديه فرفوشيه و على قولت عبد الناصر درويش
احنه ليش يايون
اي و الله احنه ليش يايون كل يوم نروح المدرسه عشان ندرس و نخرج اجيال على درجه من العلم و الثقافه و الكفائه و نتعب و نسوي شغلنه و مو شغلنه وما نقول لا اصلن نقدر نقول لا ؟؟
لو نقدر جان قلنه بس كرمال التقرير
خخخخخخخخخخخخخخخخخخخخخخخخخخخخخخخخخخخخخخخخخخخخ
ونشتغل من ذمه و ضمير وفوق هذا التقرير يطلع مش و لا بد
و من تيي حزت المدارس الوحده مايمديها تقعد مع بيتها و اهلها و عيالها من الشغل و المصيبه ان المدرس اكثر ادمي يشتغل مو بس بالمدرسه حتى بالبيت
لانه بالمدرسه مايمديه يخلص شغله يالله يمسك حصصه و لمن يخلص حصصه يمسكون احتياط مايهون عليهم يقعد فاضي لو ربع ساعه
و الله حتى الوحده فينه مايمديها تحك شعر راسها
و ايام المدرسه الله بالخير حتى الوحده بتحف شنبها ماتقدر تروح الصالوان
وتسنع عمرها
انا عن نفسي من لويه احس اني اصير مثل الاخ
بس ناقصني جريمبه
عييل احنه شحقه يايييون ؟؟؟؟
ياييون يتبهذلون
عمومن بنهايه هذا واجبنه و احنه ملزومين في لاكن الاعمال الاداريه هقوتي احنه مو ملزومين لاكن يالله شيل و مشي
و من الشغلات الي غاثتني ان المعلمه الي تعيين يديد ماتاخذ امتياز
ليش حق شحقا ؟؟؟
ابي افهم شنو القرار و لا القانون الي يقول ان المعلمه تعيين يديد ماتاخذ امتياز ؟؟
عييل احنه ليش ياييون و ليش نتعب ونعطي من نفسنه عشان تقريرنه يكون اقل من امتياز
يعني هشي بحد ذاته محبط ويخلي الواحد مايتعب نفسه في السنه الاولى لانه عارف تعب و لا ما تعب ماراح ياخذ حقه
شرايك ظلم و لا مو ظلم ؟؟؟
تهقون بنصير جذي ندش باحلامنه الورديه و نطلع بامراضنه المؤذيه
ههههههههههههههههههههههههههههههههههههههه
عاد انا من غير تدريس و فيني غولون عصبي بعد وي التدريس شكلي كل يوم وارم علي الغولون
هلحاله يتني بالميداني كل يوم غولوني منتفخ علي بس هانت
شرايكم ابلات فيدونه و من تجاربكم هلرسمه واقعيه ولا مبالغ فيها
ولو اني اشوف انها واقعيه
تهقون كلنه مصيرنه واحد
؟؟؟؟؟؟؟؟؟
نشيب ونصير جذي و احنه بعز شبابنه
ههههههههههههههه
عييل ليش ياييون ؟؟؟؟؟؟؟؟؟؟؟؟؟
ياييون يمرضووووووون
خخخخخخخخخخخخخخخخخخخخخخخخخ
^^^^^^^^^^^^^^^^^^^^^^^^^^^^^^^^^^
هذي الصوره يابتلي الاعصاب يحسسونج ان المدرس 24 ساعه حاط ريل على ريل احس ان الي رسمها مايعرف بتدريس و لا داري شطبخه
مايدري ان المدرس من يدش لين يطلع واقف
اضاهر الي راسمها يشتغل بوزاره وقاعد علمكتب جاي و حليب بو قوس عباله الكل مثله
ليش ياييووووووووووووون ؟؟
ياييون ينامون
طبعن هرسمه تتكلم عن المدارس الخاصه لكن ليش البعض يعتقد ان المدرسين نايمين علفلوس نوم ؟؟
يمكن مايدرون لن المدرس كل يوم طردي من مكتبه لي مكتبه ومن سوق لي سوق
وبعدين كل الموظفين ياخذون معاشات ماشوف احد تحجى
يعني ليش المدرس اكثر ادمي يكرف و الكل معترض عليه و على شغله و يشكك بتعبه و مجهوده
وفوق هذا
الكل
مبقق عينه على هلمعاش الي ماعاش
و الكل يقول ان معاش المدرسه مافيه خير من كثر الحنه عليه و هقوتي انكم شفتوا حنت الكادر مابقى احد ماتحجى فيها احس الكل يستقصد المعلمين و يستفزهم حتى وزارتنه علينه بدال ماتصير ويانا
والله حتى الواحد وده يشق ملابسه من القهر
عييل ليش ياييييييييون ؟؟؟
ياييون ينقهروووون
خخخخخخخخخخخخخخخخخخ
ولي يينه وقلنه نبي كادر الكل يستغرب و بالزوارات مافي سالفه غير المدرس و لي كنتي مدرسه ورحتي زوارات وسولفوا بهسالفه وقالوا الي بخاطرهم و طبوا في المعلمين اخر شي يطالعونج بهنظره
ويقولونلج ها انتي هني ؟؟؟؟؟
عييل انا وين ؟؟
عييل ليش ياييووووووووووون ؟؟؟
ياييون يحشوووووووون
هههههههههههههههههههههه
و بنهايه اكثر الرسوم المعبره والواقعيه
بس بنهايه زياده عطالب الي بصوره الي عليسار الناظر و الوزاره و اولياء الامور
ابي افهم ليش المدرسين مو مثل قبل
وين هيبت المعلم وشخصيته
قبل المدرسه من تطالعنه نخاف و نتسنع و لها هيبه
ليش الحين المدرسين مالهم هيبه و الطالبات صايرين مايحترمونهم
لا و بعض الطالبات هابين بهبه غريبه لي مريتي يم وحده فيهم تقولم تضحك هضحكه و من قلب
اي شصاير ؟؟؟؟
ماتدرين بس جذي تبي تستفزج
اي احنه ليش ياييييووووووووووون ؟؟
ياييووووون يطمشون
ليش المدرس صاير مايقدر يشك خيط بإبره
ولمن يتخذ اي قرار في شأن الطالب تقوم الاداره تدقره و تزفه و تكسر كلمته
خاصه في خصوص بعض الطلبه الي شياطين و مايحترمون المدرس ويقلون ادبهم عليه و يستفزونه و البعض يتفنن بهشي
خاصه البويات يتفنون بتعذيب الابله
يعني الي اهمه مسوينه بعمرهم يرضي اهلهم
واذا اهلهم راضين ربكم مايرضى
وبخصوص المشاغبين
يعني مو معقوله اقوله عفيه عليك شاطر لازم ياخذ عقابه و لا هشي بيأثر في الطلبه الشطار
الحين الشاطر نيازيه و الكسلان و المشاغب شنسوي فيه همن نيازيه
عييل جذي الشاطر ليش يصير شاطر دام ان بنهايه الكل سواسيه
عييل احنه لييييييييش ياييون ؟؟
يايووووووون يتحبطووووووووون
و لا ننسى ان
من أمن العقوبة أساء الأدب
بما ان مافي قرارات تردع الطالب و تحد من مشاغبتهم و اخطائهم بتأكيد بيتجاوزن حدودهم و هذا مو لصالحهم لانه بيأثر في العمليه التربويه كلها
ليش مانشوف احد يطالب في هذي القرارات الي هي في الاصل لمصلحت الطاب و المعلم
وما اعتقد ان في ولي امر مايبي عياله يتسنعون ويبيضون الوي خاصه الي عيالهم مشاغبين
ليش الناظرات مايتكلمون بهلخصوص
ليش بس حاطين علابلات و لبسهم و البنطرون و مخلين هلمهازل الي تصير في بعض المدارس
انا اشوف ان هلقرارات اولى من لبس المعلمه الي هو بنهايه راجع لها مو لهم
و في بعض الادارات تناشب المدرسات علبس اي خلونه نلبس الي نبيه واقفه علينه احنه بيتأثرون فينه
بس ناقص يلبسون يني فورم
واذا كشخت الوحده فينه طلوا عليها جذي
خبري قبل الشد على الطالبات
اليوم الشد صاير علمعلمات
بنهايه ليش المعلم محارب من كل مكان و من كل الناس
هل المعلم ماكل حلالهم و لا شنو ؟؟؟؟؟؟؟؟؟
عيييل احنه حق شنوووو يايييييون ؟؟؟؟؟؟؟
ياييون ناخذ معاش
وكل ما تحجينه وقلنه لا غلط قالو لا مافي شي كل شي زين ليش على كل شي معترضين
اي لمن يصير كلشي مو بمحله و غلط لازم نعترض ونقول راينه
وكل ماقلنه هذا غلط قالو ؟؟!!!
عبد الناصر شرايك بالموضوع
وبنهايه اقولكم هلموضوع للفرفشه و بنفس الوقت لانتقاد بعض الشغلات الي مو عاجبتنه باسلوب كوميدي بدال ضيقت الخلق و المغثه و نقول ارائنه الي محد سامعها و نبرد جبدنه و اقول للكل
التعديل الأخير:
