تجمع امهات مواليد شهر 7 و 8 لسنة 2010

[برميت]

و هذي دراعتها و دراعتي مطقمين

 

[برميت]

و هالدراعه خذيتها من المعرض المصري انا و ياها ب 7
قصرتها و حطيت لها كلفه تحت و ترتر على الصدر و سويت لها باند و بنطلون

الصوره صورتها من كاميره اختي لووول ان شاءالله تبين

 

[برميت]

و خلصت و ملصت و يت برميت و ارقصت لوووووول

بعد خلاص ماكو قرقيعان السنه اليايه
بليت اذاني
الا اذا خلصته قبل رمضان و اذا ماخلص ماراح اسوي لو شنووو

 

[برميت]

هذا القرقيعان قبل لا احطه
كل ما اتذكر ظهري يعورني

 

[برميت]

براون هذا من جمبوري
الباندا معاه تاج و ليقن فوشي لانه مافي بنطلون و لا تنوره مقاسها كلهم مخلصين

 

[برميت]

وهذا النحله

 

[فلافل وبطاط]

برميت

سلم كوكا ياالله خلها لامها يالله
سلم برميت يالله خلنا لنا ياالله

عساج عالقوه ،، والله تعبتي
وعلى فكره الكيكه العلب طبقات
موجوده عند حلويات ليالي الشرق كان مسويها
حق التخرج اذا ما خاب ظني ليالي الشرق او نور
الاقصى ...
لو طالبه منه احسن ومااتكلف...

بس الحمدلله ضبط الشغل وريي يخليها ويبلغج فيها

 

[احلى ـآ وحده]

سااره الف الف مبرووك والله يهونهاا علي اناا بعد صج تعب اثنين ورى بعض الله يعين ..

 

[برميت]

فلافل ايي موجوده بس العلب صغار و فيهم كاكاوه وحده
حتى العلب موجوده عند بياع الورد مثلثات صغار

ترى ماكلفني وايد
١٠٠ علبه ب ٣٤
و القرقيعان ٥٠

و القواعد الي تحت العلب ب ٢
و القواعد الي شايله الكيكه الواحد ب ٧ و نص
و بياع الورد ١٠ تقريبا


وااي صج افتكيت
باجر ان شاء الله قرقيعان بيت اهل ريلي و عقبها
افتك
استغفر الله دين مو قرقيعان

 

[ام زاكي]

برميت يسلم كوكا ويخليها مشالله تبارك الرحمان ماشالله عيالكم يهبلون

انشالله بحط صورة حمودي قريبا مع ملابس العيد لووول

بعد ماكو صور قرقيعان

احلى وحده مبروك الحمل الله يتمم عليج يارب بهون وسلامه

 

[•Brown•Sugar•]

سلم بناتنا يالله خلهم لناا يالله

الله يخليهم لنا ان شاءالله ويعطيكم عافيه امهات تعبتوا
بس اهم شي شفنا ضحكه عيالنا تسوى الدنيا ومافيها

 

[•Brown•Sugar•]

برميت احلى شي بجيمبوري انه كل اللي عنده اطقم
يصير شكل الياهل زوغه

 

[احلى ـآ وحده]

ام زاكي اللهم امين ..

فديتج تسلمين ..

 

[ايمانو حلوة]

برميتووو

ياحلااتكم والله ماشالله يشووق شغلج الله يعطيج الف عافية وبلغج فيها عروس

ثانكس بنوتات ماقصرتوا فديت عمركم الله يخليلكم عيالكم يارب

 

[•Brown•Sugar•]

فلافل وبطاط
شصار عليج مع الوظيفه اليديده؟
بديتي تفرفرين حق الاوراق ولا بعدج؟

 

[كـ غلا ــلي]

برميت فكرتج عجيبه حدها وفعلا لو كانت العلب مثلثات بتطلع احلى واحلى بس هم شغلج حلو مو هين

والدراعه الاولى عجيبه الوانها عليج بالعافيه انتي والصغيره انا بعد مثلج عيد ميلاد ولدي وقرقيعانه

صار بوقت واحد فكان حده تعب ولويه مع اني طالبته له اغراض عيد الميلاد بالكامل من الاكواب لين الهدوم

من سايت امريكي فالمفروض مفتكه بس هم ماكو فايده فريت بو 100 كله عشان اشري هدايا اليهال على نفس الثيم

وحدي توهقت لانه ثيم ولدي ويني بو والسوق كله بوضرسين لووول قصدي سبونج بوب فما خليت بو 100 ما دشيته

طبعا غير القرقيعان ولويته تعالي دوري علب واشتغلي فيهم انا لين اخر لحظه اشتغل فيهم ولا المصيبه لين طلعتي

ناسيه احد ونقصج علب تعالي دشي بزحمه حولي واااي كلما اتذكر السهر والتعب تيني البجيه بس ولدي يستاهل

وقلت السنه اليايه يا ماكو يا زبيل ابي الزبيل اشيشتكي منه بس احنا ركضه ورا الفناتق والخساير والحمدالله على كل حال

خلصلت من الاثنين وكانوا برفيكت بالنسبه لي

 

[برميت]

برميت يسلم كوكا ويخليها مشالله تبارك الرحمان ماشالله عيالكم يهبلون

انشالله بحط صورة حمودي قريبا مع ملابس العيد لووول

بعد ماكو صور قرقيعان

احلى وحده مبروك الحمل الله يتمم عليج يارب بهون وسلامه

الله يسلمج و يخليج و عقبال مانفرح فيهم متخرجين و متزوجين و معيلين

سلم بناتنا يالله خلهم لناا يالله

الله يخليهم لنا ان شاءالله ويعطيكم عافيه امهات تعبتوا
بس اهم شي شفنا ضحكه عيالنا تسوى الدنيا ومافيها

اي والله ..صج تعبت بس واايد فرحت و لما حطيت اغنيه ربي عطاني فرحتي ..عيوني غورقت و احس و داير مداري قلوب حب :eh_s(22):

برميت احلى شي بجيمبوري انه كل اللي عنده اطقم
يصير شكل الياهل زوغه

ايي يونس حده بس عيبه بسرعه تخلص البضاعه ..تقول الي تبيع هناك بس ندق على الناس نقول نيو كلوكشن ايوون على طول ..عطيتها رقمي و قلت لها دقي علي :eh_s(15):

برميتووو

ياحلااتكم والله ماشالله يشووق شغلج الله يعطيج الف عافية وبلغج فيها عروس

ثانكس بنوتات ماقصرتوا فديت عمركم الله يخليلكم عيالكم يارب

امين ايمانو و عقبال نفرح رهوفه احلى عروسه :yaaaaaarb:

برميت فكرتج عجيبه حدها وفعلا لو كانت العلب مثلثات بتطلع احلى واحلى بس هم شغلج حلو مو هين

والدراعه الاولى عجيبه الوانها عليج بالعافيه انتي والصغيره انا بعد مثلج عيد ميلاد ولدي وقرقيعانه

صار بوقت واحد فكان حده تعب ولويه مع اني طالبته له اغراض عيد الميلاد بالكامل من الاكواب لين الهدوم

من سايت امريكي فالمفروض مفتكه بس هم ماكو فايده فريت بو 100 كله عشان اشري هدايا اليهال على نفس الثيم

وحدي توهقت لانه ثيم ولدي ويني بو والسوق كله بوضرسين لووول قصدي سبونج بوب فما خليت بو 100 ما دشيته

طبعا غير القرقيعان ولويته تعالي دوري علب واشتغلي فيهم انا لين اخر لحظه اشتغل فيهم ولا المصيبه لين طلعتي

ناسيه احد ونقصج علب تعالي دشي بزحمه حولي واااي كلما اتذكر السهر والتعب تيني البجيه بس ولدي يستاهل

وقلت السنه اليايه يا ماكو يا زبيل ابي الزبيل اشيشتكي منه بس احنا ركضه ورا الفناتق والخساير والحمدالله على كل حال

خلصلت من الاثنين وكانوا برفيكت بالنسبه لي

اهو القرقيعان واايد حلو بس وقته مو حلووو لوووول
برمضان حلاته الواحد يعتكف يتعبد مو يفتر على قوطي و لا شريطه
بس يالله ان شاءالله السنه اليايه اسويه امبجر ولا اسويه احطه بزبيل مثل قبل احسن

 

[فلافل وبطاط]

برميت اهااا عدل ... وعساج عالقوه والله

براون برفض الوظيفه اتصدقين للحين ما راجعت
انا بحوسه بنتي وبدون خدامه وحامل وتعبانه
زوجي قال رفضيها ويصير خير بعدين ،، والله كريم

 

[AVE.NJ]

اشلونكم بنات
ادري خلصتو القرقيعان افتكيتو
انه غطيت بعد على ماخلصت قرقيعان فهود
برميت وبراون شوجار علموني اشلون انزل صور ابي اوريكم قرقيعان فهودي
شسوي ريلي ماعنده وقت يقعد معاي يعلمني
بليز بليز اي احد يعلمني ابي اوريكم قرقيعان فهودي

 

[AVE.NJ]

برميت قرقيعانج وايد حلو وفكرته وايد حلوه
بصراحه عجبتني فكرتج
الله يخليلج شيوخ وتكون شيخة البنات كلهم مو كل واحد من اسمه نصيب انشالله يكون لها نصيب من اسمها