تجمع الأيفونيات ..مشااكل وومناقشات ..هلمووو بنات

[softlady]

السلام بنات كل عام وانتوا بخير

انا ايفونيه يديده واكيد عندي وعندكم اساله وايد وبدال ما يكون اكثر من موضوع عن الجهاز واستفسارات وايد بنتجمع اهني

حياكم خلونا نتساعد :eh_s(17)::eh_s(22):




اختكم


softlady:eh_s(7):​

 

[عبرة أمل]

و انا ايفونيه قديمه يعني صارلي سنتين شاريته خخخخخخ

و يالله بساعدكم


و ان شاء الله بتساعدوني

 

[softlady]

حياااج الله قلبي واكيد بنستفيد منج ونساعدج

 

[softlady]

بنات شوفوا هالروابط


http://www.youtube.com/watch?v=j6Hb0GMirKU

 

[اللولي]

ايفونه يديده ماعرف شي غير الاتصال ومسجات الواتس اب

 

[softlady]

حياج الله



اذا عندج سؤال تفضلي قلبي

 

[كوكتيل عسل]

انا عندي مشكله
امس ولدي لعب باي فوني والشاشة انقفلت صارت ما تتغير لما احرك الجهاز يعني ما تنقلب للعرض ( مادري اذا فهمتو قصدي)
دورت بالستنغ عشان اغير بس مالقيت
علموني الله يخليكم
لاني احب الشاشة تكون بالعرض لما اتصفح النت

 

[softlady]

انا عندي مشكله
امس ولدي لعب باي فوني والشاشة انقفلت صارت ما تتغير لما احرك الجهاز يعني ما تنقلب للعرض ( مادري اذا فهمتو قصدي)
دورت بالستنغ عشان اغير بس مالقيت
علموني الله يخليكم
لاني احب الشاشة تكون بالعرض لما اتصفح النت

كيفية تثبيت الشاشة في الوضع الرأسي

أشتكى البعض من وجود علامة قفل بجانب الساعة على شاشة اجهزتهم وفي نفس الوقت ترددت شكاوي من عدم عمل الوضع الأفقي في الجهاز أو مايسمى Landscape Orientation. لكن الحل بسيط فيمكنك ببساطة تشغيل أو إيقاف دوران الشاشة وهي خاصية متاحة فقط في أجهزة الآي فون 3GS والجيل الثالث من الآي بود تاتش أو مايليهما أو في الآي باد، وابتداءاً من نسخة iOS 4.0 وما بعدها.
وتفيد هذه الخاصية إذا كنت لا ترغب في تغيير وضعية الشاشة أثناء تصفح الانترنت او القراءة وانت مستلقي حيث يكون تغير الشاشة من الوضع الرأسي الى الافقي مزعج وقتها. فقط قم بالضغط على زرار الهوم Home Button مرتين متلاحقتين بسرعة. وذلك لتقوم باستدعاء شريط المهام Multi‪-‬Tasking Bar والذي يريك البرامج المفتوحة في الخلفية، والذي يمكنك أيضاً من الولوج الى مايسمى بزر قفل الوضع الرأسي Portrait Lock.

قم بتحريك النوافذ الموجودة بالشريط عن طريق الضغط عليها بإصبعك مع التحريك لليمين وهنا ستشاهد أزرار الإختصارات المختصة بالآي بود وعلى اليسار ستجد رمز الدوران وهو الذي يغلق وضعية العرض أفقياً عند إمالة الجهاز أو يشغله

وعند إغلاقه يظهر شكل القفل في أعلى الشاشة بجانب البطارية ومعنى ذلك أنك قمت بمنع تشغيل دوران الشاشة الى الوضع الأفقي عند إمالة الجهاز، وإذا فعلت نفس الخطوات مرة أخرى فإنك باستطاعتك إزالة رمز القفل وتمكين الوضع الأفقي.



و بحمد الله أنتهاء الشرح..

 

[softlady]

باختصار

ضغطي مرتين على زر الهوم ودوري علامه التدوير

عرفتها من قوقل ههههههههه

 

[كوكتيل عسل]

مشكووورة حبيبتي
انقذتيني

 

[@توتا@]

بنات من تعرف اشلون اضلل الكلام كله وانسخه

 

[@توتا@]

واذا ابي ارجع اعدل كلمه في جمله بدون ما امسح بس رجوع شنو اطق

 

[@توتا@]

???

 

[dandooosh]

وانا معاكم بعد
توني جديدة ،،، لسة ما اشتركت بخدمة النت
نزلت الواتس اب وكم لعبة

 

[softlady]

بنات من تعرف اشلون اضلل الكلام كله وانسخه

ضغطي على الكلام لما تطلع كلمه كوبي فوق الكلام

 

[softlady]

واذا ابي ارجع اعدل كلمه في جمله بدون ما امسح بس رجوع شنو اطق

نفس السؤال ياريت البنات يفيدوني :eh_s(2):

 

[softlady]

وانا معاكم بعد
توني جديدة ،،، لسة ما اشتركت بخدمة النت
نزلت الواتس اب وكم لعبة

تمام:eh_s(15):

سوي اكاونت يديد بالاب ستور علشان تنزلين الي تبينه حبيبتي

 

[هيبة الطاووس]

لتصحيح الكلام بنات اشري بصبعج على الكلمه راح يطلع السهم اما عليها أو

على السطر كله ومسحي وعدلي الكلام

 

[عانيت القهر]

أب أب .. أي سؤال انا حاضرهـ انا ايفونيه وبلاك بيريه ;pP لوووووووول

 

[happy january]

انا بعد ايفونيه اي استفسار انا معاكم