احتمال يكون جنيني فيه داون... حدي خايفه

[* بنت المطر *]

توكلي على الله حبيبتي اقري وانفثي وامسحي بطنج واشربي ماي زمزم استمري بالشرب لين يثبت ان شالله ويطمنونج

عليه وترا خرابيط الدكاتره واجد انا مرت اخوي كانوا يقولولها جنينج ماله راس والحمدلله جابت ولد كامل اسم الله عليه

مافيه شي الله يكتب اللي فيه الخير ان شالله

 

[!witcha!]

لا حول ولا قوة الا بالله
خلي ايمانج بالله كبير انشاءالله مافيه الا كل عافيه لا توسوسين ياما دكاتره قالوا و تحجوا بس بعد الولاده يكون البيبي سليم
صلي و ذكري ربج

 

[هيبة ملك]

الحمدلله من قبل ومن بعد

 

[نـوف]

اذهب الباس رب الناس واشفي انت الشافي لاشافي الا انت شفاء لا يغادر سقماً

اذهب الباس رب الناس واشفي انت الشافي لاشافي الا انت شفاء لا يغادر سقماً

اذهب الباس رب الناس واشفي انت الشافي لاشافي الا انت شفاء لا يغادر سقماً

اسم الله علا قلبج حبيبتي ياااارب يطلع سليم ومتعافي انتي خلي ايمانج بالله قوي
اول شي وحده من البنات قالت لج مايصير تدعين اللهم لا اسالك رد القضاء ولكن اسألك اللطف فيه
لان القضاء الله سبحانه وتعالى يغيره بالدعاء
ادعوني استجب لكم
اول خطوه تدعين ربج بالشهر الفضيل وعليج بقيام الليل يارب الله يرزقج بالطفل السليم المتعافي الكانل بلا زياده او نقصان
ثاني شي حاولي تتصدقين كثر ماتقدرين بنيت رفع البلاء
ولااازم لااازم يكون عندج ايمان باللي رب العالمين كاتبه لج لو شنو كان ادري صعب تتخيلين يكون عندج طفل فيه داون او اي اعاقه ثانيه بس الحمدالله علا كل حال وهذي قسمت رب العالمين

بعدين عندج الدكتور ماجد الشمري بالجهراء وهم عندج الدكتوره خالده المجيبيل برويال حياة هذول الوحيدين بالكويت تخصص أجنه
حتا عمليات للبيبي يسوون واهو بالرحم تو ماطلع
وانا نفسي اراجع عند ماجد الشمري لما كنت بنهاية الثاني سالته عن تحليل الداون وقال ان كل السونارات والتحاليل حق الداون واهو جنين نسبة تاكيدها ضعيف وان في تحليل دم يسويه والنتيجه تطلع ياسالب او موجب
اذا اطلعت موجب فهي مو اكيد يكون داون نسبة نجاح التحليل ضعيف
بعدها للتاكيد يسوي عمليه سحب السائل اللي بالحبل الشوكي مال الجنين ويفحصون السائل اهني النتيجه تكون اكثر دقه بس هم مو دقيقه ١٠٠٪
لان مستحييييل يعرفون طبيعت الجنين اذا فيه داون واهو بالرحم
وبعدين لا سمح الله اذا طلع فيه شي وطفل غير سليم عليج انج تاخذين فتوى خاصه من شيخ ثقه بحالتج لاجهاض الجنين
بعد الفتوى عليج بالاستخااااره قبل اي قرار
صدقيني حبيبتي اذا رب العالمين كاتب انه بيعيش سليم متعافي راح يعيش مهما سويتي
وانا اعرف وحده عندها اربع عيال وبنتين بعدها الله رزقها ببنت فيها داون الحين البنت تقريبا عمرها عشر سنوات
ماتتخيلين امها واهلها اشلون متعلقين فيها يقولون انها اهي اللي منوره البيت ومنوره حياتهم كلها حيل بشوشه ولا تحاتين من ناحية ان الدنيا صعبه ومالها امااان اذا النمله بالارض رب العالمين كاتب لها رزقها وموناسيها اشلون بني ادام كل واحد بيجي علا هالدنيا وزرقه معاه لا تخافين الحافظ رب العالمين
وارجع واقولج كلام الدكاتره مووو ثقه ابدا
عسا الله يمسح علا قلبج ويطمنج وبكتب لج الخير يارب*

 

[موله الكويت]

حبيبتي خلي ايمانج بالله قوي والله مادري وشقولج ادري وضعج صعب وحاسه فيج بس هذا امر الله يمكن هذا اختبار من رب العالمين بيشوف صبرج وايمانج فيه
صلي وتصدقي واستغفررررررررررري والله والله انا قعدت سنتين ماحملت كانو بالنسبه لي 20 سنه وماكان فيه سبب يمنع الحمل وقعدت استغفر بنيه الحمل والله طول شهر رمضان 2009 وانا جذي والحمدلله ماخلص رمضان الا واحلل وربي لك الحمد حملت ورزقني بنور عيني
حبيبتي كلام جمال خيالي الله يطمن قلبها مثل ماطمنتج وطمنتنا يريح وان شاء الله مافيه الا العافيه
تكفيييييييييين طمنينا قاعد نحاتيج​

 

[ساشا]

التحليل اللي سوالي اياه تحليل دم
واصلا قالي مايبين من عضمة الخشم ولا الرقبة الحين لان كنت بالاسبوع 18 او اكثر
عشان جذي قالولي اذا ببتاكدين سوي تحليل الماي (يسحبونه من حوالين الجنين)
وانا ماسويته الصراحة مارتحت

 

[جوري الكويت]

وحده اعرفها كانت تراجع عند معصومه مخصيد

و قالت لها البيبي مو طبيعي و لازم عمليه سحب ماي من الياهل علشان نتاكد

سوت لها العمليه ب 600 دينار و سحبت العينه و بعدها قالت لها الياهل طبيعي

و الحمدالله يايبته طبيعي ما فيه الا العافيه

تاكدي عند اكثر من دكتور و ادعي ربج

 

[auoma]

يارب يفرج همج
يارب يطلع التشخيص غلط ماتدرين
الله يطمن قلبج على ضناج وتولدينه بالسلامه
خالي من اي عيب وتشوه يارب

 

[pinkigigi]

حبوبه راجعي الدكتور ماجد الشمري او خالده المجيبل

متخصصين بهالشي

بس لاتولدين عند خالده

انا مستعده اولد بالبيت وبدون كمام ولا بنج بس يطلع طبيعي الجنين

بعد 8 ايام تطلع نتيجة التحليل
و بروح لخالده لأن ماجد الشمري ما ادري وين ؟

 

[pinkigigi]

اذهب الباس رب الناس واشفي انت الشافي لاشافي الا انت شفاء لا يغادر سقماً

اذهب الباس رب الناس واشفي انت الشافي لاشافي الا انت شفاء لا يغادر سقماً

اذهب الباس رب الناس واشفي انت الشافي لاشافي الا انت شفاء لا يغادر سقماً

اسم الله علا قلبج حبيبتي ياااارب يطلع سليم ومتعافي انتي خلي ايمانج بالله قوي
اول شي وحده من البنات قالت لج مايصير تدعين اللهم لا اسالك رد القضاء ولكن اسألك اللطف فيه
لان القضاء الله سبحانه وتعالى يغيره بالدعاء
ادعوني استجب لكم
اول خطوه تدعين ربج بالشهر الفضيل وعليج بقيام الليل يارب الله يرزقج بالطفل السليم المتعافي الكانل بلا زياده او نقصان
ثاني شي حاولي تتصدقين كثر ماتقدرين بنيت رفع البلاء
ولااازم لااازم يكون عندج ايمان باللي رب العالمين كاتبه لج لو شنو كان ادري صعب تتخيلين يكون عندج طفل فيه داون او اي اعاقه ثانيه بس الحمدالله علا كل حال وهذي قسمت رب العالمين

بعدين عندج الدكتور ماجد الشمري بالجهراء وهم عندج الدكتوره خالده المجيبيل برويال حياة هذول الوحيدين بالكويت تخصص أجنه
حتا عمليات للبيبي يسوون واهو بالرحم تو ماطلع
وانا نفسي اراجع عند ماجد الشمري لما كنت بنهاية الثاني سالته عن تحليل الداون وقال ان كل السونارات والتحاليل حق الداون واهو جنين نسبة تاكيدها ضعيف وان في تحليل دم يسويه والنتيجه تطلع ياسالب او موجب
اذا اطلعت موجب فهي مو اكيد يكون داون نسبة نجاح التحليل ضعيف
بعدها للتاكيد يسوي عمليه سحب السائل اللي بالحبل الشوكي مال الجنين ويفحصون السائل اهني النتيجه تكون اكثر دقه بس هم مو دقيقه ١٠٠٪
لان مستحييييل يعرفون طبيعت الجنين اذا فيه داون واهو بالرحم
وبعدين لا سمح الله اذا طلع فيه شي وطفل غير سليم عليج انج تاخذين فتوى خاصه من شيخ ثقه بحالتج لاجهاض الجنين
بعد الفتوى عليج بالاستخااااره قبل اي قرار
صدقيني حبيبتي اذا رب العالمين كاتب انه بيعيش سليم متعافي راح يعيش مهما سويتي
وانا اعرف وحده عندها اربع عيال وبنتين بعدها الله رزقها ببنت فيها داون الحين البنت تقريبا عمرها عشر سنوات
ماتتخيلين امها واهلها اشلون متعلقين فيها يقولون انها اهي اللي منوره البيت ومنوره حياتهم كلها حيل بشوشه ولا تحاتين من ناحية ان الدنيا صعبه ومالها امااان اذا النمله بالارض رب العالمين كاتب لها رزقها وموناسيها اشلون بني ادام كل واحد بيجي علا هالدنيا وزرقه معاه لا تخافين الحافظ رب العالمين
وارجع واقولج كلام الدكاتره مووو ثقه ابدا
عسا الله يمسح علا قلبج ويطمنج وبكتب لج الخير يارب*

مشكوره ياقلبي
عسى الله لا يحطكم بنفس هالموقف اللي انا فيه

وعسى ان تكرهوا شيئا و هو خير لكم

 

[pinkigigi]

توني اشوف اخر صفحه
بجيت
عورني قلبي لما قلتي اشيله 9 اشهر وبعدين ينولد ميت
ياربي لايجيب هاللحظه قولي يارب

يارب :eh_s(11):

 

[pinkigigi]

حبوبه توني راده من دكتور اشرف والله مارحتي عن بالي من قريت سالفتج

سمعي السالفه الغريبه اللي صارت عند الدكتور وهالسالفه راح تونسج واااااااايد

كان قاعد يسويلي سونار فجأه قام يسولف عنج ويقولي امس يتن وحده كانت رقبه البيبي عريضه ٢،٧ سم والحمدلله حالتها تطمن

تذكرتج وقلت يمكن يقصدج قلت له دكتور انت قلت لها البيبي فيه داون او اعاقه والبنت متأزمه قال لااا من قال البيبي معاق ؟ انا قلت لها احتمال بسيييييط يكون معاق ومانقدر نجزم الا بتحليل الدم ونفس حالتها وايد يمرون علي رقبه البيبي عريضه وينولدون سليمين ١٠٠٪

وبين ١٠ حالات نشوف بالسونار رقبت الجنين عريضه واحد فقط اللي ينولد معاق وال ٩ سليمين ١٠٠٪ والحاله اللي يتني امس اقدر اجزم لها ٩٨٪ ان البيبي سليم ومافيه الا العافيه و٢٪ فقط احتمال الاعاقه

وطلب مني اطمنج واوصل لج كلامه ويقول لج تطمني البيبي سلييييييم وقياس الرقبه مايخرع ابدا بالعكس في ناس رقبه البيبي اعرض من ولدج ونولدو سليمين

حبيبتي والله قلبي عندج وربي يشهد علي قعدت ادعيلج قبل الفطور من كل قلبي ان الله يطمن قلبج على ضناج والحمدلله كلام الدكتور يطمن والله لوانتي سامعته واهوا يقولي طمنيها قوليلها لاتحاتي البيبي سلييييييم وماكو شي يخوف چان سجدتي شكر لله لان البيبي زين وبصحه وعافيه الحمدلله

تصدقين لما بدا يسولف عنج نسيت عمري وكان كل همي اتطمن عليج والحمدلله ارتحت من كلامه عنج

وكنت منصدمه اشمعنا انتي اللي سولف عنج كأنه حاس اني قاعده احاتيج حتى والله ماسألته بروحه قعد يسولف

الله يفرح نظرتج بشوفه ضناج بصحه وعافيه ويله عاد نبي نشوف ضحكتج *

اي هاذي انا
هاذي انا

انا اللي الجنين رقبته 2و7 من عشره

بس انا لمن رحت كان حيل مبين ان في شي
و الدليل انه راح و نادى دكتور حسين و قاله شوف و أكد هالشي


و لمن رحت للحيان قال ان عرض الرقبه ممكن يكون دليل امراض ثانيه غير الداون
بس مستحيل يكون الطفل سليم 100%

يعني فيه تشوه كروموسومي

:eh_s(11):

جمالي

انا خايفه
وادعي و اصلي و ابي الكل يدعي لي

اصلا صرت مينونه امشي و اقول لأي احد ادعووو لجنيني

انتي لاتحاتين ترا مو زين تحاتين وايد ديري بالج على نفسج
و الدكتور متاكد ان في شي
وخلى دكتور حسين يتأكد
و حولني لدكتور حيان
و كلهم قالوا

ان الوضع مو مطمئن

اهو يبي يهون علي
و انا كنت ماسكه اعصابي
بس رحت للحيان اكتشفت الموضوع عدل و بنظرة انسان متخصص و فاهم بالاجنه و امراضهم
والله والله والله ما ابي شي
مستعده اتحمل الحمل سنتين مو 9 شهور بس يطلع سليم و ما فيه شي
و ما ابي يقولولي الاجهاض :eh_s(2):

 

[جمالي خيالي]

ياحبيبتي ذكري الله وتأكدي ان ربج يختارلج الشي الزين لج

ومن كلامه امس فهمني ان لايمكن يعرفون اذا البيبي فيه اعاقه من عرض الرقبه وبس

لازم يعتمدون على ٣ شغلات عشان يتأكدون

١- عرض الرقبه
٢- تحليل الدم
٣- تحليل ماي البيبي او السائل الامنيوسي

وحتى اذا سويتي هالتحاليل وطلع في شي موزين بالنتايج لاسمح الله يبقى احتمال الاعاقه ضئيل

وكلي امرج لربنا اللي خلقنا ومختار لنا الخير .. عسى ان تكرهو شيء وهوا خيراً لكم ..

وتأكدي بالدعاء تصنع المعجزات واحنا الحين بأفضل ايام بالسنه والدعاء للصايم مستجاب

قطي همج على رب العالمين اللي خلقنا ماراح ينسانا

وان شاء الله تطلع نتيجه التحاليل سليمه والله يطمن قلبج ويطمن قلوبنا عليج *

 

[pinkigigi]

السلام عليكم
اختي الغاليه اسال الله العظيم ان يكون هذا الكلام مجرد شك ولا اكثر وتولدين بالسلامه وتفرحين فيه يارب وحبيت انوه على الدعاء الي بتوقيعج مايجوز جزاج الله خير الي اهو اللهم اني لا اسالك رد القضااء بل اسالك اللطف فيه وهذا الدليل

الكتاب : فتاوى نور على الدرب.
المؤلف : فضيلة الشيخ محمد بن صالح العثيمين رحمه الله.
الباب: ألفاظ و عبارات.


بارك الله فيكم من المنطقة الشرقية السائل عبد الرحمن الرويلي يقول كثير من الناس يقولون اللهم إننا لا نسألك رد القضاء ولكن نسألك اللطف فيه فما الحكم في ذلك جزاكم الله خيرا؟
فأجاب رحمه الله تعالى: لا نرى الدعاء هذا بل نرى أنه محرم وأنه أعظم من قول الرسول عليه الصلاة والسلام (لا يقل أحدكم اللهم اغفر لي إن شيءت اللهم ارحمني إن شئت) وذلك لأن الدعاء مما يرد الله به القضاء كما جاء في الحديث (لا يرد القضاء إلا الدعاء) والله عز وجل يقضي الشيء ثم يجعل له موانع فيكون قاضيا بالشيء وقاضيا بأن هذا الرجل يدعو فيرد القضاء والذي يرد القضاء هو الله عز وجل فمثلا الإنسان المريض هل يقول اللهم إني لا أسألك الشفاء ولكني أسألك أن تهون المرض لا بل يقول اللهم إنا نسألك الشفاء فيجزم بطلب المحبوب إليه دون أن يقول يا رب أبق ما أكره لكن الطف بي فيه خطأ هل الله عز وجل إلا أكرم الأكرمين وأجود الأجودين وهو القادر على أن يرد عنك ما كان أراده أولا بسبب دعائك فلهذا نحن نرى أن هذه العبارة محرمة وأن الواجب أن نقول اللهم إني أسألك أن تعافيني أن تشفيني أن ترد علي غائبي وما أشبه ذلك.

*******************************************

الكتاب : فتاوى الشبكة الإسلامية معدلة
المفتي: مركز الفتوى بإشراف د.عبدالله الفقيه

الحديث الثاني: "لا يرد القضاء إلا الدعاء ولا يزيد في العمر إلا البر" رواه الترمذي، وروى أحمد وابن حبان والحاكم عن ثوبان مثله، وزاد "إن الرجل ليحرم الرزق بالذنب يصيبه" ذكر ذلك الحافظ في التلخيص وسكت عنه، وهذا يعني أنه حسن، والله أعلم.
ومعنى الحديث -والعلم عند الله- أن الدعاء من جملة الأسباب التي رتب الله على فعلها مسببات، فهو سبب لجلب النفع ودفع الضر، فالدعاء بحصول الولد مثلاً هو: من جملة الأسباب الأخرى لحصوله، وكذلك بالشفاء والنجاة وغير ذلك. ومعنى قوله صلى الله عليه وسلم "لا يرد القضاء إلا الدعاء" هو المبالغة، لبيان عظمة نفعه بين جملة الأسباب المادية الأخرى، حتى كأنه يدفع القضاء المبرم، أو يقال إن المرء ربما يفعل أفعالاً توجب العقوبة فيوشك أن تقع به فيدعو الله فيرفعها، فالعقوبة مقدر وقوعها بعدم الدعاء، فلما دعا رفعت فكأن ذلك بمثابة رد القضاء.
والله اعلم
============>وهذا االدعاء افضلج لانه وارد في السنه عن الرسول صلى الله عليه وسلم
اللـهم اهـدِنا فيمَن هـديت .. وعافـِنا فيمـَن عافـيت .. وتولنا فيمن توليت .. وبارك لنا فيما أعطيت .. وقِـنا شـر ما قضيت .. انك تقضي ولا يـُقضى عليك.. اٍنه لا يذل مَن واليت .. ولا يعـِـزُ من عاديت .. تباركت ربنا وتعـاليت .. لك الحمد على ما قـضيت .. ولك الشكر على ما أعـطيت .. نستغـفـُرك اللـهم من جميع الذنوب والخطـايا ونتوب اٍليك.

جزاج الله خير عالتذكير

والله ما ادري شنو كتبت حزتها
ودي ابجي و بس

والدعاء الله العالم اني ادعي كل لحظه

و بكل تحليل و قزة ابره ادعي

والله يابنات انا و لله الحمد مؤمنه بقضاء الله قدره

و الله رزقني ببناتي و ولدي سليمين معافين و لله الحمد

لكن انا احاتي هالطفل

شنو راح يصيرله من بعدي
انا مريضة سكر
من غير شي احاتي بناتي بالمستقبل
اشلون طفل ممكن يكون داون
او فيه اعاقه او تشوه لاسمح الله

:eh_s(2):

خلوني ساكته
لا أتكلم والله ما اخلص من النوح و البجي

 

[pinkigigi]

ياحبيبتي ذكري الله وتأكدي ان ربج يختارلج الشي الزين لج

ومن كلامه امس فهمني ان لايمكن يعرفون اذا البيبي فيه اعاقه من عرض الرقبه وبس

لازم يعتمدون على ٣ شغلات عشان يتأكدون

١- عرض الرقبه
٢- تحليل الدم
٣- تحليل ماي البيبي او السائل الامنيوسي

وحتى اذا سويتي هالتحاليل وطلع في شي موزين بالنتايج لاسمح الله يبقى احتمال الاعاقه ضئيل

وكلي امرج لربنا اللي خلقنا ومختار لنا الخير .. عسى ان تكرهو شيء وهوا خيراً لكم ..

وتأكدي بالدعاء تصنع المعجزات واحنا الحين بأفضل ايام بالسنه والدعاء للصايم مستجاب

قطي همج على رب العالمين اللي خلقنا ماراح ينسانا

وان شاء الله تطلع نتيجه التحاليل سليمه والله يطمن قلبج ويطمن قلوبنا عليج *

الدكتور مانعني من الصيام
و هالشي مكدرني اكثر

و الله يا جمالي ان قلبي على نار انطر نتيجة التحليل

و انا مو قادره و مو عارفه شنو اسوي
غير الانتظار
والله يكون بالعون

بنات ادعو للجنين يكون سليم معافى

 

[! Miss.Q8 !]

يارب يكون سليم ومتعافى ويقر عينج فيه

ان شاء الله هذي بس شكوووك حبيبتي

وطمنينا اذا طلعت نتايج التحاليل

انا بدعي لج بكل صلاة وبقول حق امي تدعي لج

 

[hneen2]

يارب تتطمنين علي البيبي ويطلع كلامهم غلط وربي يبرد قلبج حبيبتي

 

[pinkigigi]

يارب يكون سليم ومتعافى ويقر عينج فيه

ان شاء الله هذي بس شكوووك حبيبتي

وطمنينا اذا طلعت نتايج التحاليل

انا بدعي لج بكل صلاة وبقول حق امي تدعي لج

جزاج الله خير ياقلبي
ويطول بعمر الوالده يارب ما قصرتي :eh_s(2):

 

[pinkigigi]

يارب تتطمنين علي البيبي ويطلع كلامهم غلط وربي يبرد قلبج حبيبتي

يارب
يارب

 

[pinkigigi]

انا راضيه بقضاء الله وقدره و عندي قناعه ان الخيره فيما اختاره الله سبحانه
واليوم سويت سيرج عن هالموضوع

واكتشفت ان كلام الدكتور الحيان صحيح 100%

واهو ان اذا الطفل سليم من الداون
ماراح يكون سليم من التشوهات و العيوب الخلقيه
وان سماكة جلد الرقبه دليل واضح على اصابة الجنين

و ان هالشي راح يعرض الجنين للخطر

ااااه و الله ما ادري وين اروح

اروح للحكومه للولاده
ولا اروح لخالده المجيبل
ولا اروح وين وين

شنو اسوي ؟