صبآحكم\مسآئكم .,,’{سعآآآده
..|| العـــــــــــذر ||..
الشاعر : خليفه مصبح الكعبي
العذر وإن جر بعتابي على حدب الضلوع
ما يسوق إلا الجروح اللي عسايفها شمال
..|| العـــــــــــذر ||..
الشاعر : خليفه مصبح الكعبي
العذر وإن جر بعتابي على حدب الضلوع
ما يسوق إلا الجروح اللي عسايفها شمال
لعنبو هم تباطى في خفوقي من إسبوع
ما سرى لين إنتحر حلمي على كف الخيال
لا اتعذر دامك مقفي ترى ماني سموع
كل عذر ما شفع عندي مشاريه الوصال
قل وداع الله ولا تسرف مناديل الدموع
لو بكا الخنسا أنا في خاطري ضاق المجال
من متى تخنقني العبره وخفاقي فجوع
عيب و سلومي تخاويني على درب الرجال
والله إني بين طلقين اللحا طبعي جزوع
تقلط الرفقه على خشمي وأنا ند الثقال
من خلقني الله وأنا بين الظما ومابين جوع
الظما جوعي وجوعي للظما عده زلال
شف أنا من سلم قومي لي ملازيم وطبوع
لين صرت لكل واحد من بني عمي مثال
كنت مبطي كل ما سجيت بك بين الربوع
أندفع لك بألف هاجس وألف طاري وألف بال
لا حشى ماجيت دربك غصب إلا جيت طوع
يوم شفتك قلت ما عقب الهزال إلا الجزال
العرب من كل دار وكل عرق وكل نوع
بس ذوقي مايروق إلا على أشباه المحال
القناعه كنز لا يفنى وأنا منك قنوع
رح عسى ربي يسخر لك من عيال الحلال
رح خفوقي صد وإن صديت هيهات الرجوع
ولا تعود لو قفيت وقلتلك تعال
مما رآق لي ..,
...,’في آمآن الله
