برايكم هالشي صح ...؟ ولا خلاص راح

[زوغه الحقوق]

بسم الله الرحمن الرحيم

وظيفة المرأة
بهالزمن صارت البنت تشتغل في كل مكان حتى السلك العسكري دشته
بس للحين في ناس ما ترضى انه بناتها مو تدش السلك العسكري
ما ترضى انها تشتغل بمكان مختلط وأحيانا يؤدي هالشي لتدمير حلم البنت

برايكم هالشي صح ولا غلط ...؟

أنا عن نفسي أشوف فيه نوع من الصح مو كله لانه منع للاختلاط
وكثير بنات اعرفهم وظائفهم مختلطه يقولون يقعدون للبنات
يا يجي يتميلح عندها ولا المدير اذا ما عطته وجه قعدها له قعده

فليش لوعه هالجبد اشتغلي بين حريم وخلاص


انتم شتقولون ...؟

المايك لكم ​

 

[تذكر خافقي رمحك]

مافيها شي انها تشتغل مع الرياييل دامها تحترم نفسها
وان اشوف ان المكان المختلط اشرف بألفين مرة من مكان كله حريم

 

[زوغه الحقوق]

مافيها شي انها تشتغل مع الرياييل دامها تحترم نفسها
وان اشوف ان المكان المختلط اشرف بألفين مرة من مكان كله حريم

وجهة نظرج وأحترمها

:krkrkr:
قتلني توقيعج
ههههههههههههههههههههههههههههههههههههه
​

 

[أم توتو]

المحترم محتر م بين الرييايل ولا بين الحريم

 

[أنثى اليمامة]

هو مو كل مكان تقدر الوحده تشتغل فيه ، ما يهم اذا فيه اختلاط والا لا ،،

عادي انا اشتغل ومكان مختلط واتعامل مع الجنسين من المراجعين ،، عادي .. !
​

 

[زوغه الحقوق]

المحترم محتر م بين الرييايل ولا بين الحريم

صح بس البعد عن الاختلاط افضل
شاكره مرورج

هو مو كل مكان تقدر الوحده تشتغل فيه ، ما يهم اذا فيه اختلاط والا لا ،،

عادي انا اشتغل ومكان مختلط واتعامل مع الجنسين من المراجعين ،، عادي .. !

مكان عن مكان يفرق
شاكره مرورج ​

 

[PuPa^^SWeeT]

صاجة فيه مشاكل وايد بالشغل المختلط


بس بقى انه البنية تفرض احترامها

واذا المكان شافت فيه تجاوزات الاسلم تتركه ولا تقعد فيه و تاكلها بعدين

 

[زوغه الحقوق]

صاجة فيه مشاكل وايد بالشغل المختلط


بس بقى انه البنية تفرض احترامها

واذا المكان شافت فيه تجاوزات الاسلم تتركه ولا تقعد فيه و تاكلها بعدين

:rerrerek:​

:rerrerek:
​

:rerrerek:​

​

​

 

[آدمنت قربككِ]

لازم الاهل يحددون شروطهم قبل لا تدرس البنت التخصص الي تبيه عشان ماتتحطم بعدين
يعني في ناس تدرس وتيب نسبه عاليه ويمكن تيب امتيااز ولمن تتخرج من الثنوي تكون بانيه احلام انها تدش تخصص مختلط معين اهلها حرمونها منه ؟!
عن نفسي ماافصل الاختلاط بس ويين نشتغل ماكو غير التربيه واذا ماابي تربيه شلون :/ ؟!

 

[زوغه الحقوق]

لازم الاهل يحددون شروطهم قبل لا تدرس البنت التخصص الي تبيه عشان ماتتحطم بعدين
يعني في ناس تدرس وتيب نسبه عاليه ويمكن تيب امتيااز ولمن تتخرج من الثنوي تكون بانيه احلام انها تدش تخصص مختلط معين اهلها حرمونها منه ؟!
عن نفسي ماافصل الاختلاط بس ويين نشتغل ماكو غير التربيه واذا ماابي تربيه شلون :/ ؟!

امممممممممممممممم
دشي تعليم

ههههههههههههههه
حبيبتي انتي محد ياخذ الا نصيبه والخيره في ما اختاره الله

شرفني مرورج
​

 

[مسك حياتي]

البنات عندهم طموح للي ودها تصير دكتوره مهندسه الخ ...

فهالوظائف اغلبها فيها اختلاط ...

فاقترح من الوزارات يفصلون الببنات عن الرياجيل ...

يعني يكون قسم حق بنات بروح و حق الرياجيل بروح ...

بجذي ما نهدم طموح البنات و نرضي الله و منها البنت ترتاح و تقدر تبدع بشغلها على راحتها ...

 

[زوغه الحقوق]

البنات عندهم طموح للي ودها تصير دكتوره مهندسه الخ ...

فهالوظائف اغلبها فيها اختلاط ...

فاقترح من الوزارات يفصلون الببنات عن الرياجيل ...

يعني يكون قسم حق بنات بروح و حق الرياجيل بروح ...

بجذي ما نهدم طموح البنات و نرضي الله و منها البنت ترتاح و تقدر تبدع بشغلها على راحتها ...

للاسف هالشي بيد مجلس الامة
وطول ما موجود فيه الناس اللي تبي القانون الوضعي وترك الشرع الاسلامي والداعين للحرية ع قولتهم هالعلمانيين الله يهديهم
مستحييييل
​

 

[((ام فروسي))]

انا اقول بنت الرجال والمحترمه لو هي بين سبعين رجال ماحد ياطى علي طرفها
والي تبي الرجال بكل مكان بالاسواق والشارع كله رجاجيل واللحين يمكن وحده مسكرين عليها اهلها وملبسينها حشمه وهي بداخلها مو راضيه والله لدور الرجال وين ماكانو

 

[*toot]

الصراحه اشوف هالشغله سوري على هالكلمه بس ( تخلف )

وايد بنات مساكين يدرسون ويتعبون واخر شي ابوها يمنعها من الوظيفه بحجه انه اختلاط

زين ليش خليتها تدرس طول هالسنين بالاساس !

اذا واثق من تربيتك خلاص لو مليون واحد بيلها اكيد بتعرف تتصرف وماراح ترد عليه

والاختلاط بكل مكان موجود موبس بالدوام !!!

 

[bobo lover]

صراحة قمة بالتخلف هالأهل!!!
البنت عندها طموح وبتدرس، شكو يهدمون أحلامها؟ والله حرام عليهم؟
رفيجة أختي نسبتها 94 علمي وتبي هندسة بس إخوانها مو راضين ومحرمين عليها وقالوا حدج كلية البنات الجامعية وسجلت والحين شسوت؟ خذت مواد هندسة وحولت بس ما علمت! والله زين تسوي فيهم... الأهل المفروض ما يتدخلون نهائيا بميول وتخصصات عيالهم. هذا ظلم لهم. واللي يقولون البنت حدها تربية، ليش بالله؟ غيرة ولا شنو؟ ترا الرياييل بكل مكان وبالمدرسة نفسها فيها أولياء أمور وموجهين والدروس الريادية لازم يكون فيها موجهين يعني بكل مكان.

مع إني ضد إن المره تقعد بمكتب وغرفة معاها ريال ( الخلوة محرمة) بس عادي إذا كانت تشتغل بمكان فيه حريم ورياييل.
يعني أنا مع الاختلاط بس بحدود... ​

 

[sweet.sanfoora]

اي شي

هذوول متحجرين وين قاعدين !

البنية لها الحق تحقق طموحاتها وهي عنصر فعال في المجتمع حالها حال الريال ويمكن احسن منه
احنا بدولة مدنية تحكمها المؤسسات عشان جذي الاحسن يفرض نفسه في مجال شغله بنات او رياييل
اما بخصوص الاختلاط يضحكوني الاهل اللي يخربوون طمووح بنتهم عشان هالموضوع التافه شنوو بتشتغل ببار ولا بمؤسسة حكومية او خاصة راقية
والحمدلله اهلي كلش مو جذي بالعكس يساندوني بكل قراراتي وطموحاتي

ووووبث

ثانكيوو

 

[منو انت]

شوفي حبوبه ترجع السالفه لراحه البنت نفسها يعني اذا مرتاحه بشغل مختلط تكمل واذا مو مرتاحه تروح مكان حريم بس مع اني اشوف المكان المختلط ارحم مليووووون مره من الحريم اللي بينهم غيره وحش (( طبعا مو الكل البعض ))

لكن ان الاهل يجبرون البنت تترك مكان مختلط هذا غلط بعد في بنات تكون شهادتها تحكم انها تشتغل بمكان معين وصعب تغير وبالاخير صج المحترمه محترمه باي مكان يعني الحين السوق مو مختلط الطبيب والجمعيه وووو مليون مكان مختلط

 

[مسك حياتي]

للاسف هالشي بيد مجلس الامة
وطول ما موجود فيه الناس اللي تبي القانون الوضعي وترك الشرع الاسلامي والداعين للحرية ع قولتهم هالعلمانيين الله يهديهم
مستحييييل ​

الله يهديهم ان شاء الله و ينور بصيرتهم و يحكمون باللي يرضاه العقل و الدين ...