اختي المريضه وبيتنا الكئيب واخواني البطالية والنفسيه تعبانه ؟؟

[متى اشوف الفرح؟]

:eh_s(16): والله عيني دمعت على حالة اختج و حالتج والله مسكييينة لا تلومينها حطي نفسج مكانها
ما تقدر نشيل نفسها حتى وانتي الله يهداج لا تحسيسينها بشي يعني لا تقوليلها بنييب خدامة حقج
قولي للبيت اكيد المريض بسرعة يتحسس وانتي اكيد ربج كبير وما راح ينسى برج فيها وفي امج
وبالنسبة للزواج ترى النصيب وين مارحتي بيلحقج وانتي حاولي عالاقل مرة بالشهر تروحين اي مناسبة اجتماعية مايصير كلش كلها بس مرة بالشهر اكييد تقدرين وترى انتي مو كبيرة بس شغلة ان محد ليلحين اخطبج اكيد لانج ماتبينين :eh_s(8): صدقيني الله راح يعوضج بالاحسن و الاحسن وسالفة شوي وانتحر :eh_s(14): عيل اختج شتقول

والله يالغاليه قاعده احاول ما احسسها بهالشي
بس هذا واقع ما ابيها تتهرب منها ابيها تتفاءل وتنظر نظره واقعيه علشان تعالج نفسها بجديه مو بخيال وما تدري عن نفسها .. اهيا تبي تتشافى صح بس لازم تفكر بالعلاج بطريقة صحيحه وتسعى ..
لانها تسعى ولما تصير شوي زينه قطعت قراءة القران واحنا نبيها تستمر علشان يروح المرض كله وتستمر على هالشب حتى بعد العلاج شكر لرب العالمين وربي يفرح اذا احد شكره وحمده ..


البيت كله جوه تعبان صاير حيل وعارفه ان النصيب لو جى جى
لكن انا بنيه وودي باللي تتمناه كل بنت يتحقق لها وتشوف فرحه من كل جهة
ما ابي اشوف اختي تعبانه
وما ابي اشوف امي تشكي وتتعب
وما ابي اشوف اخواني بطاليه وباجر الناس تذلهم عالبيزا ويطرون من غيرهم
وما ابي اشوف ابوي تحجى في البيت ويصارخ
واما ابي الناس تلومنا واقرب الناس ما يعذرونا باللي يصير

ادري اطلب وايد بس الراحه حلوه في الحياة والعافية عليهم كلهم
يا رب يحقق كل امنياتي ويكتب الخير لكل مسلم يا رب ويشافي كل مريض

شاكره لج حبيبتي وعسى ربي يفرحج يالغاليه :eh_s(17):

 

[عزتي تنهاني]

استعيني بالله هو الشافي المعافي واسال الله العظيم رب العرش العظيم ان يبدل هذا المرض بشفاء لا يغادر سقما ويعطيها الصحة والعافية يارب ولا تياسين انتي قويه وهذا اختبار من الله لكم وعسى الله يفرح قلبج وقلب ميمتج ويتحول التعب الى راحة وسعادة يااارب

 

[ρeαrℓ]

الله يشفيها ان شاء الله

 

[متى اشوف الفرح؟]

الله يفرج همج يارب ​

امين يا رب
ويفرج هم كل مسلم يا رب

شاكره لج الدعاء الطيب الغاليه :eh_s(17):

 

[جــــود]

عسى الله يريح بالج ويفرج عليكم ياقادر ياكريم
اللهم اميين

 

[متى اشوف الفرح؟]

الله يشفيها ولاتضايقين عمرج ياعمري والله هموو ووووم ماراح تخلص ونسي نفسج ونسي امج وهذا ان شاء الله بينعكس على نفسية اختج ..
ليش ماتسافروووون دولة مناظر طبيعيه تستانسون وتجددون نشاطكم ؟ ولا روحووووو حق العمره ؟
اما أخوانج كبار يعني شنو يدرسون ومايبون يتوظفون شدعوا عليهم مايفكروون بكرا بيتزوجووون ويعيلون منين بيعيشون ؟ وكل واحد عقله براسه ويعرف خلاصه

امين يا رب يشافيها ويشافي كل مسلم ..

والله ودنا نروح ليش ما ودنا .. كل انسان وده يطلع ويروح ويفرح ويغير جو
لكن شوي مادينا ضعيفه يعني اذا نقدر بنروح عمره بس ما نقدر نروح مكان ويا رب تتيسر لنا جريب وربي يكرمنا ونعتمر وتتشافى اختي ويفرجها على كل مهموم ومتضايق ..

اخواني ابوي وامي تعبوا منهم حتى انا تعبت منهم صرت اكلمهم بالهدوء .. ماكو فايده
ليما صاروا يعصبون ويتهاوشون معاي .. علشان جذي صرت اسكت عنهم
باجر تمر الايام واذا استمروا على طبايعهم هذي بيندمون ويعرفون شنو كلامي وكلام امي
لان الزمن هذا اللي ما عنده بيزا ما يسوى بين الناس عيل بعد 10 سنوات شلون ؟

ومثل ما قلتي كلن عقله براسه ويعرف خلاصه انا اهم شي امي وابوي وخواتي واهم بكيفهم
احس تعبت من تصرفاتهم ..

اذا اخوي احاجيه يقول خل ابوي ياخذ من الشؤون .. ابوي عصب هني يقول انا بعافيتي
واهو بعافيته وكلهم بعافيتهم ويبون ياخذون من الشؤون .؟؟
هذيلا شلون ربي بيوفقهم ويرضى عليهم
وربي اخواني كل شي فيهم زين الحمدلله بس المصيبه ماكو ما يبون يسعون ويتسنعون ويتوظفون معتمدين كله على ابوي

الله المستعان عسى ربي يهديهم ويهدينا اجمعين يا كريم

شاكره لج حبيبتي وعارفه تعبتكم معاي بس والله مرات نبي نفضفض لاحد مو عارفه شسوي
ما لي غير الله ثم انتم اتكلم فيه عن همي ويا رب يفرج هم كل مهموم يا كريم :eh_s(17):

 

[متى اشوف الفرح؟]

عساج تشوفين كل الفرح
حبيبتي عليج بالاستغفار وخلي اختج بعد تلزم الاستغفار لانة مع الله يغير من حال الي حال
وعسى ربي حبيبي بهاليوم الفضيل يشافي ويعافي اختج وولدي امين يارب العالمين
حياتي لا تياسين من رحمة ربج
والدنيا امتحان واذا الله سبحانة وتعالى احب مؤمن ابتلاه

والله يالغاليه انكم تحفزووني وتشجعوني اكثر اني استغفر اكثر واحمد ربي
وتزيد ثقتي بالله .. :eh_s(17):

ويا رب يقدرني واستمر بالاستغفار انا واختي وامي ليما ربي يفرجها ونحمده ونشكره
على كل شي والحمدلله على كل شي يا رب ..

شاكره لج حبيبتي وعسى ربي يسعدج :eh_s(17):

 

[متى اشوف الفرح؟]

يااااااااااااااااااااااااااااااااااااااارب الله يشااااااااااااافيهااا وكلكم ترتااااااااااحون ياااااااااااااااااارب وتنحل كل مشاااكلكم اللهم امييين

امين يا رب
وتنحل مشاكل كل هالبشر ويشوفون هالفرح يا رب

شاكره لج حبيبتي دعاءج :eh_s(17)::eh_s(17):

 

[متى اشوف الفرح؟]

الله يشافيها يارب وتفرحون عن قريب

امين يا رب
ويشافي كل مريض ويفرحنا قريب يا رب يا رب

شاكره ام بشاء على دعاءج الطيب :eh_s(17):

 

[متى اشوف الفرح؟]

الله يكوون في عوونكم انشالله [ الله يااجركم انشالله ويخليلكم امكم :rerrerek:

اسأل الله العظيم رب العرش العظييم ان يشفي اختج [ ويوفقج بحياتج اهتمي بدراسج واشتغلي استغفري ربج :rerrerek:

انا اعرف وحده تصيرلي كبيره عيالها كباار متزوجين وعندهم عيال مثل حالت اختج يجيها صرع وعالجت مافاد فيها العلاج يقولون مافيها شي .. :rerrerek:

بس الحمدالله متوكلاا علي الله سبحانه وتعالي مع ان الحالتها صعبه تجيها فجأه باي لحظه ,, بس حمدالله وشاكرته مشالله الحين اعيالها كبار الله يعطيها الصحه والعافيه ترا المرض مو هم ولا عيب كئاابه المرض اجر من الله انشالله :rerrerek:


تقبلي مرووري [ ..:rerrerek:

ونعم بالله بستمر على الاستغفار ويا رب يفرجها يا كريم ...
انتي تقولين المرض مو هم ادري مو هم بس وضع البيت صار متعب جدا

وتقولين المرض مو عيب وربي عارفه بس الناس حجيهم ما يخلص وربي ما هموني
ولا حركوا فيني شعره بس اهم شي نسعى علشان اختي تتشافى رغم انه مرات
اختي تتحسس من حجي اقرب الناس
يعني اخذوا مثلا يدتي مرات نحاول ناخذ اختي ونطلعها
مره رحنا ليدتي وتعبت اختي عندها وامي تمت طول اليوم يم اختي
قعدت يدتي بالغرفه الثانيه تقول اختج هذي مدري من وين طلعت لنا بعد بس تتعب تعبت امج ما صار تعب هذا !!
يعني بدال لا تعذر امي وتوقف معاها تقط حجي مثل السم
واذا اتصلت علينا تقول وين امج اروح اعطي التلفون لامي .. تقعد عاد يدتي من الفراغه تقط حجي ليش ما تجينا ؟
امي ترد عليها تقول بنتي تعبانه شوي
ترد يدتي عرفنا بنتج تعبانه ما صار تعب هذا وبعدين شحقى عيالج ما يتوظفون روحي سوي لهم خبز وجبن واترسي بطنهم عيش ولا تجينا خلاص !

يعني زعلت على امي تبي تضايق امي علشان امي تترك البيت وتروح لها
انزين امي عندها عايله ليش ما تفهم يدتي هالوضع .. عندها ريل عندها بنت تعبانه وفوق هذا امي عندها سكر وربي ذاك اليوم امي تمت ساكته وما ردت عليها ولما قفلت التلفون قعدت تبجي كسرت خاطري ما تقدر تصارخ على امها وبنفس الوقت ما تبي احد يحاجي يدتي
ومتحمله الحجي اللي كانه سجاجين فوق الهم اللي عندها

الله المستعان

ما نقول غير الحمدلله على كل حال وما همني شي غير ان ربي يحقق امنياتي ويشافي اختي
ويعافيها ويرتاحون امي وابوي يا رب ..
شاكره لج حبيبتي وعسى ربي يفرحج يالغاليه :eh_s(17):

 

[متى اشوف الفرح؟]

.





















يً حبيبتي لآتيئسون ..

ربج موجوود ..

ربج يقول في كتآبه " اذا مرضت فهو يشفين "

ربج أن كتب لآختج الشفآء بتشفى بدون لآ علآج ولآشي ..

أدعولهآ بليل ونهآر ..

وتصدقوا لآنه الرسول قآل " داووا مرضآكم بالصدقه "

وجيبوآ زيت مقري وأدهنوووه على جسمهى كله ..

وخليهآ تآكل عسل مقري ....

وبآذن الله الله بيشفيهآ ..

ومآرآح ننسآكم من الدعاااء ..

اللهم يً سميع يُ مجيب أسألك ان تشفيهآ شفآء لآيغادر شقمآ
















.

والله ما يأست من رحمة ربي لكن الوضع اللي اشوفه متعب ويا رب باقرب وقت تروح
كل الهموم ..
اختي مستمره بالعسل بعد ويا رب تتشافى الله كريم

شاكره لج يالغلا من كل قلبي وعسى ربي يحقق امنياتج يا رب :eh_s(17):

 

[متى اشوف الفرح؟]

في عمليات للصرع يسوونها ويطيبون

ايه يقولون فيه عمليات
بس انا عني خفت منها لانها خطره جدا يفتحون الراس ومدري شنو يسوون بالمخ
واللي اعرفه ان المخ ما فيه قطرة دم واذا صار فيه قطرة دم وزاد الدم اذا يوصل للجنون بعيد الشر او الوفاة ..

خلينا يا بنت باللي عندنا نعالج وربي ما خلينا مكان بالديرة يعالجون الصرع ما راحوا له اهلي مستشفى العرف - ابن سينا - عيادة سهيل الشمري الخ
حتى في السعوديه راحوا اهلي ودوا اختي للمشايخ في القصيم والمدينه ومكه وحفر الباطن والخفجي ما خلينا مكان

والحين مستمرين باللي عندنا وعلى الله الشفاء يا رب :eh_s(17):

 

[متى اشوف الفرح؟]

عسى الله يشفيها يارب ويبعد عنكم المشاكل والله صدقيني كل اللي اتشوفينه راح يتغير الى الاحسن عسى الله الله يفرجها عليج وعلى اختج واخوانج ويسر امركم ويسخر لكم من يساعدكم ويطلعكم من الهم

امين امين امين يا رب ..

ويفرجها يا رب علينا وعلى كل مسلم وتتيسر كل امورنا يا كريم بوقت واحد

سبحانه اذا جاب الفرج والله فرحة كبيره :eh_s(17):

شاكره لج يالغاليه على دعاءج الطيب :eh_s(17):

 

[متى اشوف الفرح؟]

الله يعينك ويفرجهاا علينا وعليكي وعلى كلل مهمووم لاتشكين للناس اشكي لرب النااس لانوو موعارف وين الخيره الاالله الله يععيين ويفرجها ولاتقولين ياائسه والله مايجووز حبي تقولينها مافيه ياس دام رحمه الله موجووده موفقه وفكري بكلامي عددل

ويعين كل مسلم يا رب ويفرجها ..

الله كريم ويا رب اني متفائله والثقه فيه كبيره

عسى ربي يسعدج حبيبتي ويوفقج وشاكره لج دعاءج الطيب :eh_s(17):

 

[متى اشوف الفرح؟]

وبالنسبه للصرع اللي يقلله خلوها تسجد على رمل يخفف الشحنات الكهربائيه والصرع بسيط عند السرطانات الله يكفينا شررها

صاجه .. لما سالنا عن هالشي قالوا لازم يكون التراب ناعم وتكون الشمس شوي عليه
يكون دافي ..

بس المشكله بيتنا ما فيه غير الحوش صغير وما فيه غير مزرعه صغيره حيل يعني ما يمدي تخطين ثلاث خطوات وتوقفين

وما اتوقع بترضى تروح كل يوم الممشى .. حتى اخواني ما يودون ولا يجيبون الله يهديهم كلش ..

الله كريم واهو اللي يفرجها ويعلم بحالنا يا رب افرجها علينا باقرب وقت يا رب

شاكره لج مره ثانيه يالغاليه وشاكره للكل اهتمامه ودعاءه الطيب :eh_s(17):

 

[متى اشوف الفرح؟]

الله يفرج همي وهمك وهم كل مهمووم ماضاقت الالفررج باذن الله

امين يا رب :eh_s(7):

 

[متى اشوف الفرح؟]

حالكم صعب نعم .. و لكن تأكدي ان لج أجر عظيييييييييييييم عند الله ..

ان شاء الله

شاكره لج يالغاليه :eh_s(17):

 

[متى اشوف الفرح؟]

استعيني بالله هو الشافي المعافي واسال الله العظيم رب العرش العظيم ان يبدل هذا المرض بشفاء لا يغادر سقما ويعطيها الصحة والعافية يارب ولا تياسين انتي قويه وهذا اختبار من الله لكم وعسى الله يفرح قلبج وقلب ميمتج ويتحول التعب الى راحة وسعادة يااارب

امين يالغاليه

عسى ربي يفرح قلبج يا رب ويسعدج ويفرجها على كل مسلم :eh_s(17):

 

[متى اشوف الفرح؟]

الله يشفيها ان شاء الله

امين يا رب ..

شاكره لج حبيبتي الدعاء :eh_s(17):

 

[متى اشوف الفرح؟]

عسى الله يريح بالج ويفرج عليكم ياقادر ياكريم
اللهم اميين

امين يالغاليه

شاكره لج دعاءج حبيبتي :eh_s(17):